|
<>(( دخلت هندسه حلوان ؟! ... .تعالا عرفنا بنفسك ()<>
بسم الله الرحمن الرحيم هندسة حلوان حلوان 0ر386 درجة هندسة المطرية حلوان 0ر384 درجة خلاص يا جماعه الحمدلله ظهرت نتيجه التنسيق اها مش حلوه اوى بس اللى حصل حصل عامه الف مبرووك لكل اللى دخل هندسه والفين مبروك للى دخل هندسه حلوان بالذات اكييد هتنوروا الكليه ياريت كله يخش يعرف نفسه واى حد عنده اى استفسار يقوله والموضوع هيبقى متجدد دايما ان شاء الله عن الكليه واقسامها والمواصلات للكليه كمان وطلبات التقديم وتعريف بمبانى الكليه متجدد دايما ان شاء الله بس ياريت كله يخش يعرفنا بنفسه ويقولنا هوا منين وانا هبتدى اول واحد نا شريف الحمدلله لسه مخلص اعدادى وطالع اولى وشكوا حلو علينا النتيجه لسه طالعه مع نتيجتكوا مستنى اسئلتكوا |
انا عبدالرحمن محمود سيد
وان شاء الله داخل هندسة حلوان نفسها وانا بالمناسبة من الوادي الجديد يعني حلوان بعيدة عني كتيييييير وارجوكم اتمني حد يساعدني اني اعرف المواصلات واية اخبار الكلية وهل هية صعبة ولا سهلة وكل حاجة عنها؟ وشكرا |
انا عمرو شوقى
من الهرم و عاوز اعرف الاقسام بتاعت الكليه |
اقتباس:
اهلا بيك ف الكليه .. انتا من الوادى الجديد ..فأكيد يأما تروح المدينه الجامعيه او لو تعرف ناس اصحابك معاك تاخد شقه ((بيت طلبه يعنى)) ف حلوان اما المواصلات المعروفه للكليه فهى المتـــــرو ..الوسيله الاساسيه والاكثر شهره ((بتبقى اخر محطه ف المترو --حلوان -- )) ميكروبااص ..غالبا بيتركب من العباسيه او ممكن تاخده من اى حته وهوا ماشى على الاوتوستراد اما عن الناس اللى معاه الهليكوبتر بتاعها ..فالكليه غير مجهزه لاستقبال النوع ده من المواصلات :d :d :d:d الكليه صعبه ولا سهله بقى فالكليه سهله واعدادى عامه سهله ف حلوان لانها تقريبا نفس منهج ثانويه عامه مع زيادات بسيطه اما المواد بقى فالترم الاول عندك 6 مواد ..بتمتحن ف الترم الاول ف 4 بس وال 2 الباقيين بتمتحنهم مره واحده ف الترم التانى وهوما فيزياء (!) .....بالانجليزى رياضه (2) .....بالعربى حاسبات .....انجليزى كيمياء ......انجليزى رسم .....((عربى على انجليزى)) والماده ممتدده للترم التانى ميكانيكا .... عربى والماده ممتده للترم التانى الترم التانى بقى عند 7 مواد ..2 من الترم الاول ميكانيكا رسم فيزيا (2) رياضه (2) مدخل هندسه وتكنولوجيا ....انجليزى لغه انجليزيه ....اكيييييد انجليزى حقوق انسان ....عربى |
بليز عايزاك تساعدنى انا دخلت هندسه القاهرة ومش عارفه انهى احسن هى ولا عين شمس ومتهيالى ينفع احول لان تنسيق هندسه القاهرة اعلى من عين شمس وكمان ضمن مربعى السكنى بس النهن عندى انهى احسن فيهم من ناحيه الشغل ومستوى الدراسه انا كتبت القاهرة لان كلوا قالى القاهرة اسهل من عين شمس وحاليا عرفت ان عين شمس مطلوبه اكتر فمش عارفه اعمل ايه بليز لو تقدر تساعدنى فى حاجه زى دى
|
السؤال الازلى قاهره ولا عين شمس ؟
سؤال صغير عن هندسه القاهره و عين شمس شوفى الموضوعين دول ...هيفيدوكى |
ميرسى جدا شريف والمواضيع فعلا فادتنى وشكلى كده والله اعلم هحول
ميييييييييييييييرسى |
اقتباس:
اقسام الكليه هندسه حلوان فيها 4 أقسام مرتبين من الاعلى للأقل طبيـــه اتصالات باور ميكانيكا -------------------------------- اتصالات بعد سنه تانيه بتنقسم ل --حاسبات وكومبيوتر --الكترونيات واتصالات ميكانيكا بعد سنه اولى بتنقسم ل --ميكاترونيكس --انتاج |
بجد ربنا يبارك فيك
|
إيه هي شروط إني ادخل اتصالات حاسبات ؟
|
مفيش شروط ...حسب رغبتك هات مجموع كويس ف اعدادى يدخلك قسم اتصالات وجوه قسم اتصالات وبعد سنه تانيه اختار حاسبات ...مس بتحتاج مجموع اساسا لانها مش عليها طلب |
اقتباس:
طاب ما انتا عندك اسيوط والمنيا اقربلك كتير من حلوان واسيوط والمنيا واخدين مجموع اقل من حوان هو انتا غاوي تعب ولا ايه؟؟؟:excl::excl: |
السلام عليكم انا محمد عمر من بنى سويف انا كنت مقدم هندسه المنيا ومحتار بينها وبين هندسه حلوان فانا مش عارف اختار ايه فيهم بس انا عايز اخش هندسه حلوان وبطاقه الترشيح جاتلى على هندسه المنيا بس ممكن اعرف ازاى احول لحلوان مع ان مجموعى 390.5 وهل هيكون لى مدينه جامعيه
|
ههههه
اقتباس:
لا ابدا بس بيني وبينك مع احترامي لكل اهالينا في الصعيد :078111rg3:انا بفضل اني اروح حلوان لانها جامعة جامدة جدا جدا وانا حبيب اكون فيها:romarioxp6: |
أنا جتلى فى بطاقة الترشيح هندسة منوف و أنا من المنوفية وجايب 386 و حظى حلو فى إن هندسة شبين لأول مرة خدت مجموع أكبر من هندسة حلوان . فيا ترى أقدر أحول لهندسة حلوان . و لو دخلت فيها مدينه ليا ولا إيه . أرجو الرد سريعا من فضلكوا
|
| جميع الأوقات بتوقيت GMT +2. الساعة الآن 12:57 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.