|
قصائد و اغانى عن 6 اكتوبر
على اسم مصر صلاح جاهين على اسم مصر التاريخ يقدر يقول ما شاء وأنا مصرعندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة ف حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة - أزورها - واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوقفي الفراندة واسمها جولييت ولما جيت بعد روميو بربع قرن بكيت ومسحت دمعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية على الشباك - مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر النخل في العالي والنيل ماشي طوالي معكوسة فيه الصـور - مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي - وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولد من جديد على اسم مصر |
المركبة عـــــــــــــدت المركبة عدت وهــى ماشيـــــــــــة والكل شايــــــــــــفها بتتعاجـــــب والضحكة آهي زادت وبـــتغنـــي كان الأمل مغلوب صـــــبح غالــب رجعنا اللي راح يــــــــــا بلدنـــا وفردنا الشـــــــــــــراع يا بلـدنـــا وبعزم الرجال يا بلــدنــــــــــــــا خطينا المحال يا بــــــــــــــــــــلدنا يا ريس المركب يــــــــا ريسنــــا خطوتنا بيك بتكمل يا ريســـــــــنا عدينــــــــا بـــيك البـــــــــــحر خطينا بيك الـــــــــــــــــــــصخر وبقينا بيـــــــــك قـــــــــــــــوة هزت كيان الــــــــــــــــــــــدهر وانت زعيم الشعــــــــــــــــــب حارســـــــــــــنا يا ريسـنــــــــــا قالها الزعيم من غير ما يخلــــــف عمر الزعيم ما يــــــقول ويخلــف لابد حتعود القنــــــــــــــــــــاة وتعود لها تاني الحيــــــــــــــــــاة وادي الأمل فوق الشـــــــــراع عالي جاب كل اللـــــي ضــــــاع جات له الشعوب من كل وادي جات بالهنا تشارك بـــــــــــلادي بعتـــــــوا التـــــــحية لجنـــــود على الجبهة على كـــــــل الحدود بــلادى بــلــــــادي بـــــــلادي المـــــــــــوج راح جنب السفينة يا ريس المركــــــب يا ريسنـــــا خطوتنا بيــــك بتـكمل يا ريسنا عدينا بيك الــــــــــــــــــــبحر خطينا بيك الــــــــــصـــــــخر وبقينا بيك قـــــــــــــــــــــــوة هزت كيان الدهـــــــــــــــــــر |
حلف بسماها وبترابها
أحلف بسمــاها وبترابها أحـلف بدروبها وأبوابها أحلف بالقمح وبالمصنع أحلف بالمدنة وبالمـــدفع باولادي بأيـــامي الجاية ما تغيب الشمس العربية طـــــــــــــــــول ما انــــــــــــــــــا عايــــــــــش فوق الدنيا |
الله يا بلادنا الله
الله يا بلادنــــــــــــــــــــا الله علـــــى جيــشك والشعب معاه ده جهادك غنـــــــــــــــــــوة يا بـــــــــلادنا يا حلوة يا حلوة بسلاحنا وعزيمتــــنا الحاميــــة مـــــاقدرش الغــــــاصب يغلبنا أساطيل وجيــــوش الأحـــرار حاربتـــــــنا بغدر ووحشــــــية هزمتها أيــــادي الأحـــــــرار بسلاح الثــــــورة الشعبيــــــة وعلمنا الغالــــــــــــــــــــــي لو قال يا بــــــــــــــــــــلادى راح يرفع فـــي المجد عــــلاه الله يا بـــــــــــــــــــــــــلادنا ح نعيش من أول وجديــــــد والنصر ينور أعيادنــــــــــــــا ونحيى روح كل شهيــــــــــد بترفرف على أرض بلادنـــــا دايماً حنبص لقدامنـــــــــــــا والماضي مش راح ننســـــــاه راح نبني بلادنا ونربي ولادنا على درس جهادنـــــــــــــــا ونــــعيش وياهم في حمـــــــاه الله يا بلادنـــــــــــــــــــــــا |
| جميع الأوقات بتوقيت GMT +2. الساعة الآن 06:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.