حاسبات و معلومات خاص ولا تجاره حكومه
 

دلوقتي انا جاتلي حاسبات و معلومات الشروق و البشمهندس مؤمن في قسم كليه حاسبات و معلومات قالي رأيه فيها انها كويسه وقالي كدا ف موضوع كنت منزله ..

دلوقتي مجموعي يجيب تجاره انتساب قاهره , عين شمس , حلوان ..

و اهلي بيحاول يقنعوني ان شهاده كليه تجاره حكومه احسن من شهاده المعهد العالي اللي هو الشروق اللي انا فيه دا ..

و انا شايف عكس كدا و مش عارف اعمل ايه و ف نفس الوقت انا كنت هموت و اخش حاسبات
و كنت داخل علمي رياضه مش حاطط قدامي هندسه كنت حاطط حاسبات
لاني كنت بحلم بيها من و انا ف 2 اعدادي ايام منهج فيجوال بيسك بتاعه الحاسب الألي
و انا اهتميت بالموضوع و عندي خلفيه مش بطاله عن كذا لغه برمجه
و منضم لفريق و كنت راسم طريقي كويس اوي بس محصلش نصيب فالحكومه
و جت فالخاص و احسن خاص كمان اللي هي الشروق ..

الخلاصه من كل الكلام دا ..
هل كلام اهلي صحيح ان شهاده تجاره حكومه افضل من شهاده حاسبات من معهد عالي ؟
هتخرج فعلا الاقي شغل .. هي ارزاق و كل حاجه و عارف برضو انها بتعتمد علي الامكانيات للي جي يقدم للشغل ..
بس شهاده المعاهد العليا معترف بيها ف سوق العمل ؟
و شكرا.

كلية تجارة احسن من المعهد دا ، لأنى شوفت معظم اللى طالعين من المعهد مستواهم سىء جدا ، الموضوع بالنسبة لهم موضوع شهادة بفلوس ليس اكتر