سياحه و فنادق جامعة قناة السويس
 

لو سمحت ممكن اعرف ازاى اققدم فكليه سياحه و فنادق ؟! اكتبها فالتنسيق ولا فى طريقه تانى عشان اققدم ؟! و لو ممكن اعرف مصاريف قسم الدراسات السياحية ؟! و شكرا جزيلا و لو ممكن هى اخدت من كاام ؟! و الاتنرفيوا عامل ازاى يعنى الناس بتنجح فيه ولا بتقع ؟! وشكرا تانى :078111rg3:

بص ياعبد الله كليات سياحه وفنادق علي مستوي الجمهوريه
موضوع الانتر فيو حاجه شبه روتينيه وكله بينجح فيها حاول بس تخلي مظهرك كويس ومتترددش وانت بتتكلم
تنسيق سياحه وفنادق في السنين الي فاتت 60% ادبي و 75% علمي بسبب ظروف البلد وتدهور السياحه لكن قبل كدا كانت من 90% وبالنسبه للسنه الجديده بتاعتكوا دي انا مش عارف التنسيق فيها هيبقي عامل ازاي , ومصاريف الكليات الحكوميه مش كتير ومش هتتعدي الي 200 او 300 جنيه في اغلب الاحيان ,
اي استفسارات اخري هرد عليك فيها بأذن الله

شكرا على رد حضرتك يا استاذ Adel Selima كنت عايز اسأل حضرتك على نظلم الدراسه فالكليه الحضور و الغياب و السفريات و الرحلات و التدريب الصيفى و شكرا جزيلا :)

نظام الدراسة بيختلف من كلية سياحه لأخري
يعني نظام الدراسه في كلية سياحه وفنادق جامعه السادات بيبقي 4 سنين وبتتخصص من تاني سنه
اما في كلية سياحه وفنادق جامعه حلوان التخصص من اول سنه ومصاريف قسم ارشاد وسياحه بيبقوا غاليين شويه
نيجي بقي للحضور والغياب عندك في كليات السياحه 100 درجه علي كل مادة 40 منهم اعمال سنه الي هي حضور وميد تيرم و ابحاث وشيتات الخ .. يعني 40% من تقديرك في كل مادة متوقف علي حضورتك في الكلية , مش هقدر اقولك اكتر من ان كلية سياحه احسن فرضه تغتنمها علشان تقدر تبقي حاجه كويسة فيها
لانك بأقل مجهود تقدر تجيب تقدير عالي جدا وعن تجربه في كلية سياحه وفنادق السادات انا اول دفعتي , كان في طلبة من اول السنه بيستهتروا و مبيحضروش ويسبوا المحاضرات لكن في الاخر كلوا بيشيل او بيعيد السنه ,
بالنسبه للسفريات والرحلات بتبقي لقسم ارشاد سياحي وبتبدأ من فرقه تانيه الي هي التخصص لقسم الارشاد بيدربوا في المتاحف والخ .. كلية سياحه وفنادق السادات
التدريب الصيفي رسميا بيبدأ من فرقة تانيه في كلية سياحه وفنادق السادات
طلبة فنادق - في الفنادق المصرية
طلبة سياحه - يا اما في الكلية بتدرب مع الدكاتره يا اما مع طلبة الفنادق
طلبة ارشاد - بيطلعوا يتدربوا في المتاحف بردو وياخدوا شهادات
اهم حاجه في الكلية دي اي مكان تشتغتل فيه تاخد شهادة خبره وتقوي اللغه بتاعتك
شد حيلك وبأذن الله هتكون حاجه كويسة في الكلية دي :-)