بوابة الثانوية العامة المصرية - 2_أول ســنــه صــيــدلــه(دليل الطالب)

بسم الله الرحمن الرحيم

السلام عليكم ورحمه الله وبركاته

اقتباس:

انا لاقيت سلسله مواضيع مهمه لينا كطلبه صيدله سواء اعدادى لو اللى اكبر مننا

اقتباس:

السلسه حلوة جدا هى حوالى9 مواضيع كده او 10

ان شاء الله هبقى انزل كل يوم او يويمن واحد

ويارب الفايده تبقى للجميع
المصدرر
شبكه الصيادله اليوم

الموضوع الاول

1_مدخل الى علم الصيدله

http://www.thanwya.com/vb/showthread.php?p=1580850&posted=1#post1580850

الموضوع التانى

2- سنة أولى جامعة - دليل الطالب

صاحبه الموضوع

د/هبه الله

ندخل بقى ف الموضوع

السلام عليكم ورحمة الله وبركاته

أهلاً وسهلاً بطلبة كليتنا الجميلة http://www.sayadla.com/vb/images/smilies/smile.gif

في موضوعنا النهارده عايزين نعرف أهم الفروق بين المدرسة والجامعة والنقلة الي هتتنقلها بين يوم وليلة من طالب مدرسة إلى طالب جامعي محترم لأ وبيتقال لك يا دكتور كمان، والفرق على مستوى علاقاتك ومحاضراتك وتعاملاتك، وكمان شعورك في أول يوم إلى كلنا حسيناه.

أول حاجه بقترح إنك تنزل خلال الفترة الجايه تحاول تزور كليتك عشان لما تروح إن شاء الله أول يوم يكون في ألفة بينك وبين المكان، لأن من الأخطاء الي عملتها إني ما شفتش كليتي غير اول يوم، ومش عايزة أقولكم إنه كان هاين عليا أعيط وأمشي بصراحة، اتصدمت صدمة كبيرة أوى، ليه؟

لأن تخيلي عن الجامعة مكنش كده خالص، فجعت لما دخلت مدرجة إعدادي، ده غير اني وصلت له بعد طول عناء وبهدلة وكنت سألت نص الجامعة تقريباً فين كلية صيدلة وفين مدرج إعدادي، ده غير الناس الي فكت لي طلاسم الجدول الي كنت مسكاه بالمقلوب تقريباً.

ايه بقى سبب المفاجعة السابقة دي؟
إني لقيت ما لا يقل عن 1000 بني آدم في مدرج لا يتسع إلا لـ 500 واحد كده، ده غير إن الدكترو الي بيشرح ملهوش أي دعوه بأي حاجه، بمعنى آخر انت ما بقتش في مدرسة، يعني هوا مش هيجي يفهمك ولا هيسألك انت فاهم ولا لأ، هو بيشرح حتى لو رؤوس مواضيع وإنت كطالب جامعي المطلوب منك تفهم وتدور وتبحث في المراجع http://sayadla.com/vb/images/smilies/biggrin.gif اه والله هما كانوا بيقولوا لنا كده.

بس ما تخفش اوي كده الدنيا مش سوده كده، بس بشرح لك انا حسيت بإيه أول يوم، اول محاضرة دخلتها كانت كيميا تحليلة وبنت عمها الكيمياء الفيزيائية وبعد منهم شرح عملي تحليلة، يعني من الآخر أصبحت مشبعة بالكيمياء في يوم واحد، الي بيتقال في دي بيتعاد في التانية بس المشكلة حاجه واحدة، ان محدش، رساني على الأساس، بمعنى آخر الكلام سهل جداً جداً وانت واخده في ثانوي وحافظه وفاهمه وعند استعداد تشرحه لزمايلك كلهم، بس المشكلة إن الأخوة الأعزاء الدكاترة بيدخله يخبطوك المحاضرة من غير أساسيات، يعني بقيت هتهبل في أول محاضرة وافهم يعني ايه ( كونك ودايل) الي بيقولها طول المحاضرة دي (Conc. , Dil.) وطلعوا في الآخر اختصار مخفف ومركز، دي المشكلة الوحيدة الي هتواجهك إنهم بيدوك الكلام على أساس انك تقريباً المفروض تكون عارف.

على فكرة اوعى تتردد تسأل حد أكبر منك، هتلاقيهم طول النهار كواليك في الكلية ومحدش فيهم هيتأخر عنك ، والله ناس ما اعرفهمش كده من السنين الي أكبر مننا كانوا بيشرحوا لنا، مرة واحدة كانت قاعدة جنبي على سلم الكلية سألتها سؤال قعدت تضحك ربع ساعة http://sayadla.com/vb/images/smilies/biggrin.gif يعني ايه الكلمة دي (vice versa) وانا بقى فكراها كلمة مهمة جداً ولو ما فهمتهاش يبقى المحاضرة راحت خلاص، طلع ان معناها والعكس بالعكس، يعني التيار يتناسب طردياً مع الجهد والعكس صحيح

بالمقابل كليتنا فيها نخبة دكاترة لا يمكن يتعوضوا وحاول تتعلم منهم أد ما تقدر، كان عندنا دكاترة تحس انك قاعد في الفصل مش في الجامعة بيشرح كويس اوي ومن قلبه اوي، وبمنتهى المنطق والعقل، وتخيل كنا بناخد واجب في آخر المحاضرة وبنحله وبيشوفوه كمان http://sayadla.com/vb/images/smilies/smile.gifوده بيسموه فى عالم الجامعات سيرش search وممكن يكون حاجة صغيرة كده او كبير شوية وفعلا بيكون مفيد جداااا فمتتضايقوش منه لانكم حتكتشفوا ان اللى دورتم عليه بنفسكم هو اللى ثبت فى عقولكم وحتلاقوا نفسكم فرحانين بيه جدااااااااااااا

تاني مشكلة هتقابلك في الكلية مصدر للمذاكرة، كتب او ورق طلبة او ورق دروس او كورسات ,, في ناس في كليتنا عمرها ما فتحت كتاب وفي ناس ما ذاكرتش غير من كتب، دي حاجه تعتمد عليك انت، بعد أسبوعين أو 3 من الدراسة هتلاقي ورق الدورس، في المكتبات المجاورة للجامعة أو الكلية، الكتب ممكن تتأخر عن الوقت ده، حاول توحد مصدر المزاكرة من أول مرة يعني مش هنزاكر شويه من هنا وشويه من هناك.

ونصيجة لوجه الله لو حتذاكر من ورق مش من كتب الدكارتة تراجع ورا الناس اللى بتكتب لاننا اتقرصنا كتييييييير من غلطاتهم وطبعا هى مش غلطاتهم هم لكنها غلطتنا احنا لان هم زملاء مشكورين على اجتهادهم فى كتابة المحاضرة لكن انا اللى تواكلت ومحبتش اتعب نفسى فحاااااااسبوا

أول فرق بين الجامعة والمدرسة، إن معتش عندنا فصول، الفصول تحولت لمدرجات، وانت هيكون ليك مدرج واحد بسبتاخد فيه كل محاضراتك، بينما هيكون ليك عدة معامل، كل معمل بتاخدف يه مادة

تاني فرق، انه معتش فيه استاذ وناظر والأبلة وكده، دلوقت بقى في عميد الكلية ووكيل الكلية لشؤون الطلاب ووكيل الكلية لشؤون كذا ووكيل الكلية لشؤون كذا وانت نازل بقى، وبقى في دكتور ودكتورة سواء الدكاترة الي بجد أو المعيدين كلهم هتقولهم يا دكتور، اوعوا تفضحونا وتروح تقول للدكتورة يا أبلة ركز معايا...

تالت فرق في الجامعة إن هيبقى اسمك دكتور (تخيل)، في أول معمل ليا لما لقيت العامل بيقولي يا دكتورة مكنتش مصدقة افتكرته بيكلم حد تاني، الواحد مكنش واخد على البرستيج الجامد ده http://sayadla.com/vb/images/smilies/biggrin.gif

رابع حاجه تقريباً مش هتلاقي أصحابك بتوع زمان معاك في الكلية، كانوا بيقولوا لي أصحاب ثانوي ما بيتعوضوش والعشرة وكده ومش هلاقي أحسن منهم، أعزّ اصحابي دلوقت عرفاهم من إعدادي صيدلة وعشنا أحلة 5 سنين مع بعض لولا الأصحاب كان زماني اتهبلت في الكلية دي من زمان، كنا بنصبر بعض كتير على الهموم الي بنشوفها وشدة الأعصاب بتاعة فترة الامتحانات وكده، الفترةالي الواحد بينسى فيها اسمه دي وأصحابه بيفكروه باسمه http://sayadla.com/vb/images/smilies/biggrin.gif

من الأختلافات الجوهرية البالطو الي هتعتبره الزي الرسمي بتاعك وتحبه اوى، هتهتم بيه اوى أول سنة أنا متأكدة من كده، بس بعد كده مش هتلاحق نظافة عليه، هتلاقيها من معامل التحليلة ولا العضوية والنبات ولا الصيدلانيات، هتبقى مش عارف تنظفه من ايه ولا ايه بالضبط، بي خلي بالك نظافة البلطو دي حاجه مهمة اوي خصوصاً في معامل الصيدلانيات عشان تعتبر انك واقف بتحضر دواء، فلازم تكون شيك ونضيف كده، وكمان نظافة البلطو مهمة عند الأخوه الأشقاء في كلية علوم في معامل االفيزيا والحيوان لأن عيب نروح لهم ببلطو مش باين له لون واحنا ناس غريبة عن الكلية بتاعتهم ونعتبر ضيوف

في فرق كمان مهم، إن محدش هيجبرك تحضر زي المدرسة، انت بتحضر العملي إجباري لكن محاضرات محدش هيخليك تحضر غصب عنك، يعني انت كبرت وبقيت أدرى بمصلحتك وده مستقبلك وانت حرّ فيه، ورجاء أخير يا ريت لو مكنتش ناوي تحضر المحاضرة ما تبقاش تدخلها عشان ما تزعجش زمايلك إلى ممكن تكون مستغرب هما بيفهموا ازاي، فبلاش تدخل تنؤ على الناس وتأر عليهم، على رأي دكتور عندنا الله يمسيه بالخير أقعد بره في الفسحاية تحت الشجرة...

يعنى ممكن نقول من الااااااااخر انت فى الكلية لو مخفتش على مصلحتك وحبيت تتعلم بجددد صدقنى محدش حيخاف عليك http://www.sayadla.com/vb/images/smi...iles/noiom.gif

وربنا يوفقكم يا شباب الجامعة http://www.sayadla.com/vb/images/smilies/smile.gif

.......................

بعض النبذات الاخرى السريعه

== حتلاقى عندك امتحانات كتيييييير جوة الكلية فيه غير امتحانين الترم امتحانات "الميدتيرم" او بيقولوا عليها نصف الترم وحقيقى لما تأقلم نفسك من البداية ان فيه امتحانات كتير مش حتتعب زى اللى اتصدموا ومحدش قالهم امثالنا http://www.sayadla.com/vb/images/smilies/smile.gif

== أؤكد على حتة مصدر المذاكرة انك تتحراه كويس جدا وممكن تستخدم نظام الترقيع http://www.sayadla.com/vb/images/smilies/smile.gif

ايه ده؟؟؟؟

يعنى مثلا تكمل من الكتب على ورق الكورسات الموثوق منها او العكس بس الافضل يكون فيه مصدر واحد فقط تذاكر منه عشان تبقى العملية ملمومة اخر السنة ان شاء الله

== نصيحة اخيييييرة فى حتة النط من المدرسة للكلية انك

make yourself resistant to any bad stimulant
اجعل نفسك حائط فولاذى لاى مؤثر يحاول احباطك واستفد من كل لحظة فى كليتك الراااااائعة وبكل امانة متتردش لحظة انك تسألنا او تسأل اى اخوة غيرنا اكبر منك عن اى حاجة تحتاجها وتخير من تسأل http://www.sayadla.com/vb/images/smilies/smile.gif فلا تتجه الى "المكبرين" "المحبَطين" "اليائسين" اطلااااقا

انتهى

:d