بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - ليه انا خايف؟ (https://www.thanwya.com/vb/showthread.php?t=595878)

ليه انا خايف؟

اهلا بيكم اخوتى الاعضاء

موضوعى انهاردة ان انا فى الفترة الاخيرة الخوف بدأ يتسلل لقلبى بطريقة فظيعة وده عرض لأجابة السؤال :ليه انا خايف؟

خايف لانى حاسس بضعف فى الثقة بالنفس وان الثانوية العامة مش للى زيى

خايف لأنى كان ليا حلم وحاسس دلوقتى انه تقريبا طار منى

خايف لان دفعتى بالذات وخاصة فى مدرستى فيها عدد كبير من العباقرة عددهم يزيد عن 60 طالب وكلهم عاوزين يدخلوا طب وكلهم مستواهم يدخلهم طب...فأنا اروح فين بين الناس دى؟

خايف كمان لأنى حاسس انى معملتش اللى عليا رغم انى كنت بذاكر ومقطع نفسى واحيانا مكنتش بنام بس القضية انى مش بعرف انظم وقتى لو كنت بحل تمارين ممكن اسئلة كتير تقف قدامى وعلشان افكر فيها ممكن تمر 3 ساعات فجأة من غير مااحس بيها فمش بلحق اوريها كلها للاستاذ بسبب وقت الحصة

خايف لأنى وعلى الرغم انى بحل مش محلتش زى ماحل الطلبة اللى ذكرتهم قبل كده ...

واهم نقطة فيهم كلهم:

خايف لأن انا مش ذكى زيهم ولو جاب فى الامتحان افكار ذكية ...غالبا مش حقدر اجيبها وعلشان احقق حلمى المفروض اكون عبقرى

بأختصار كان نفسى ادخل كلية طب ... بس حاسس ان التحصيل اللى انا عملته طول السنة مش حيخلينى احقق نص حلمى

:(:(:(:(:(:(:(:(:(:(

كل سنة وانتى طيب يا ابانوب الاول

انا في 3 ثانوى زيك ومش عملت ال عليا خالص

بص احمد ربنا لانك احسن من غيرك بكتيير اووى

والخوف ده شئ طبيعى جدا لينا ف الوقت ده

وبص مفيش حاجه في الدنيا اسمها ده عبقري وده اذكى منى والجو ده

فيه حاجه اسمها انا عملت وهعمل ال عليا ياربي وانا واثق انك هتدينى ع قد مجهودى ده

هما مش متميزين عنك في حاجه خالص كل مافي الموضوع انك تثق في نفسك وتؤمن بيها
وتقول ان انا هدخل طب زيي زيهم
وباذن الله ربنا هيوفقك وتدخل كليه طب ويحققلك كل امانيك ربنا يقويك ا

اقتباس:

المشاركة الأصلية كتبت بواسطة ابانوب ايليا (المشاركة 5823877)

اهلا بيكم اخوتى الاعضاء
اهلا يا حاج
موضوعى انهاردة ان انا فى الفترة الاخيرة الخوف بدأ يتسلل لقلبى بطريقة فظيعة وده عرض لأجابة السؤال :ليه انا خايف؟
عادى الكل بيخاف
خايف لانى حاسس بضعف فى الثقة بالنفس وان الثانوية العامة مش للى زيى
ايه الهبل ده؟ لو تسمحلى يعنى
خايف لأنى كان ليا حلم وحاسس دلوقتى انه تقريبا طار منى
مفيش حد يعرف المستقبل كل دى مخاوف وتخيلات متهتمش بيها

خايف لان دفعتى بالذات وخاصة فى مدرستى فيها عدد كبير من العباقرة عددهم يزيد عن 60 طالب وكلهم عاوزين يدخلوا طب وكلهم مستواهم يدخلهم طب...فأنا اروح فين بين الناس دى؟
معظمهم هيطلع فشنك.....من يضحك اخيرا يضحك كثيرا. ميفعش اللى بتقوله ده هضيع نفسك

خايف كمان لأنى حاسس انى معملتش اللى عليا رغم انى كنت بذاكر ومقطع نفسى واحيانا مكنتش بنام بس القضية انى مش بعرف انظم وقتى لو كنت بحل تمارين ممكن اسئلة كتير تقف قدامى وعلشان افكر فيها ممكن تمر 3 ساعات فجأة من غير مااحس بيها فمش بلحق اوريها كلها للاستاذ بسبب وقت الحصة
ان الله لا يضيع اجر من احسن عملا. مدام عملت اللى عليك متخفش من حاجه...
خايف لأنى وعلى الرغم انى بحل مش محلتش زى ماحل الطلبة اللى ذكرتهم قبل كده ...
مش لاقى تعليق محترم اقوله لانى عايز اشتم :angry2:
واهم نقطة فيهم كلهم:

خايف لأن انا مش ذكى زيهم ولو جاب فى الامتحان افكار ذكية ...غالبا مش حقدر اجيبها وعلشان احقق حلمى المفروض اكون عبقرى
والله مدام مذاكر عامل اللى عليك..يبقى هتعرف تحل اى فكرة جديدة من نفسك كده ..ولو فيه حاجه صعبه هتبقى على الكل
بأختصار كان نفسى ادخل كلية طب ... بس حاسس ان التحصيل اللى انا عملته طول السنة مش حيخلينى احقق نص حلمى

الفترة اللى جاية اهم فترة فى السنة كلها لو شديت حيلك هتتفوق جااااامد هتحس بمجهود السنة كلها جاب نتيجة...لو كسلت ونمت يبقى كل اللى عمتله راح فى التراااااب
ربنا يوفقك