|
كمياء ولا أحياء ... !
سلام عليكم
انا طالب لسه في اولى ثانوي والواحد نفسه يبقى دكتور بس مش عارف آخد في تانية كمياء ولا أحياء هل يكون احسن لو خت كمياء .. ويكون لسه قدامي طريقين طب او هندسة ولا الاحياء مع الفزياء بتكون تقيلة جدا في سنة 3 ؟ ياريت الرده من فضلتكم وجزاكم الله خيرا |
انا كنت كده برضو في الاول محتاره
بس بمساعدات اعضاء المنتدى المشكورين اخدت احياء و لحد دلوقتي انا مرتاحه فيها جدا و الحمد لله ...ساعات بتبقى في حاجات طويله بس بالمزاكره كل حاجه بتبقى سهله اوي و بعدين بعد كده هتحس انها هم و اتشال لان كل الي اخده كيميا بيقولو الكيمياء سهله طيب طالما الاتنين سهلين نخلص من الطويله في سنه تانيه ... لان الفيزيا عايزلها مجهود و بالنسبه للي يقول الكيميا مع الفيزيا تلخبط انا سألت فيها مدرسين كتير و كلهم قالوا عمرهم ما يدخلوا في بعض في النهايه استخير ربنا و استشير والديك و ربنا يكتب لك التوفيق و اسفه على الاطاله |
اقتباس:
مهو برضو الواحد يمسك العصايا من النص .. عشان محدش ضامن الظروف ولا ايه رأيكم ؟ |
الافضل انك تاخد كيميا فتانية عشان زي ماقلت تمسك العصايا من النص ويكون قدامك ان شاء الله الطريقين ( ولو اني مش بحبذ الحكاية ديه لان المفروض الواحد يبقى محدد هدفه من البداية ) لكن عامة الكيميا فتانية هتبقى افضل اما النسبة انو الاحياء طويلة وهتبقى صعبة مع الفيزيا اعتقد عادي مش مشكلة كبيرة اوي بتنظيم الوقت والمذاكرة كله بيبقى تمام وحتى لو سألت معظم ال فطب هيقولوا انهم اخدو احياء فتالتة فمش تخاف ، وفنهاية استخير و ال تحس انك مرتاح له اعمله وربنا يوفقك وتبقى دكتور ، |
اقتباس:
وان شاء الله ربنا يوفقنا جميعا ويدلنا اللي فيه النصيب واي حد عنده كلمة يشاركنا بيها فيتفضل ... |
لا انا رأيي انك تاخد كيميا في تانية
عشان الطريق يبقى مفتوح قدامك وعلى فكرة انا في سنة تالتة وواخدة احياء وفيزيامع بعض والحمد لله لسة عايشة مش مت |
كيميا فى تانيه تعمل اساس كويس التالته وعلى فكرة الاحياء مش صعبه الاحياء مادة جميله بس عايزة شوية مجهود
|
ماحدش هايقدر يفيدك اوى
عشان لازم تشوف نفسك انت يعنى لو انت بتحس ان الاحياء تقيلة عليك خدها لوحدها فى تانية والكيمياء برده نفس النظام والمهم تحط هدف لنفسك انك ان شاء الله هاتدخل الكلية اللى عايزها يعنى لازم تحط هدفك قبل ماتختار وربنا يوفقك |
بص
انت كدا مش عارف انت عاوز ايه هقوللك انت زي ما قولت تاخد الكيميا في تانيه بس متفرحش اوي بالمجموع الكبير اللي هتجيبه لان هيبقى قدامك قد اللي خلصته مرتين تلاته الكيميا ماده سلسه وجميله اما الاحياء ماده ممتعه برضو لكن لازم تحفظ فيها نصاً من الكتاب انا اخدت الاحياء في تانيه وجبت 98 والحمد لله ربنا وفقني في تالته برضو ودخلت طب وليا زمايلي كانوا كيميا في تانيه واحياء في تالته وبرضو معايا في طب يعني مفيش مقياس بس شهاده يعترف بيها الجميع ان الكيميا مع الفيزيا اخف كتييير من الاحياء مع الفيزيا خصوصا ان سنه تالته مفيش فيها وقت فاضي خااالص بعكس تانيه بتبقى سنه فاضيه وهبله مبتذاكرش فيها غير الماده اللي انت مختارها سواء كيميا احياء تاريخ .... اللي عاوزه اقوله من الرغي ده انك طالما مش راسي على بر ومش واثق في قدراتك بدرجه كبيره يبقى تاخد كيميا وتتوكل على الله وتجتهد شويه صغيرين كدا وربنا ان شاء الله يكتبلك اللي انت عاوزه سوري على الرغي ده بقى |
انا رأيي لو انت محدد انك عاوز تدخل طب يبقي خلاص بقي تاخد احياء في تانيه اما لو ملقلق بقي يبقي خد كيميا
انا واخده احياء دلوقتي وانا في 2 وبصراحه حمدة ربنا لان الاحياء دلوقتي واخده معظم وقتي يعني لو في تالته مع فيزيا وعربي وكده هتبقي صعبه شويه ومحتاجه مجهود كبير اووي ده رأيي وحكاية المجموع ده سيبها علي الله انوي انت علي الكليه وعلي اساسها شوف هتاخد ايه و ذاكر واعمل الي عليك وسيب الباقي علي ربنا والله اعلم الخير فين |
الكيمياء في تانية احسن عشان أصحابي اللي اخدوا أحياء في تانية ندموا كتييييييييييير و تمنوا لو يدخلوا رياضة و لكن لم ينفع
و الإختيار في الاول و لا الآخر لك انت الوحيد اللي تقدر تحدد مستواك و اولى ثانوي هتحدد برضه حاجات كتييييييييييييييير في اهتماماتك بدراستك وربنا يوفقكم كلكم إن شاء الله و تحققوا اللي انتوا عايزينه |
اقتباس:
والحياة مش هتقف على هدف كان لينا ومش حققناه لازم الواحد يبقى مرن ويتعايش مع الظروف انا رايي كيمياء احسن |
انا فى تانية ثانوى و مش عارف اضل مذاكرة اية انا اصلالا نفسيتى تعبانه اليومين دول
هو صحيح طلاب كلية الطب بيشرحوا بايديهم |
على فكره التشريح عادى داااااااااااااااااااااااااااااا
اولا انتى بتدخلى المشرحه وبعد كده بتتعودى على كل حاجه يعنى مش هتعمل مشكله الكل بيتعود علطول هى اول مره بس اللى بتبقى خايفة شويه وبعدين مش من اول كده بتشرحى طبعاااااااا |
انا كمان محتاره زيك كده بس اخويا ف كليه الطب وكان واخد كيمياء ونصحنى انى افضل اخد كيميا ف تانيه
|
| جميع الأوقات بتوقيت GMT +2. الساعة الآن 10:00 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.