بوابة الثانوية العامة المصرية - اقوى الملازم في الفيزياء ( شرح + اسئلة ) علي منهج 2016 l استاذ محمد ياسر إدريس

الكلمة بعنوان :
كيف تتعامل مع الثانوية العامة؟
في البداية :
لا تنسي ( الصلاة علي الحبيب -- بر الوالدين.- أحسن إلي جارك.- خذ بيد الأصغر منك في كل أمور حياتك ،لكي ينصلح حال المجتمع- علي فكرة عايز أقولك حاجة مهمة أنت عارف العلماء ،مالهم دول ناس عاديين زيي وزيك كده ،بسي هما حبو يطوروا من نفسهم ،كان من ضمن أهدافهم في الحياة أنهم يطوروا من نفسهم - وأكثر من الاستغفار:قال رسول الله صلي الله عليه وسلم "من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب"
الاستغفار يؤثر على حسب نية المستغفر أي لأي شيء تستغفر لطلب مال - نجاح- توبة.. فعلى نية المستغفر يكون الأثر بإذن الله.
أنا كطالب في الثانوية العامة بسأل نفسي شوية أسئلة ذي مثلا :
أذاي أحصل علي أعلي الدرجات وأكون من أوائل الطلبة - وأذاي أذاكر صح - وأذاي معنوياتي تبقي عالية – وأذاي أبقي متقبل المذاكرة - وأذاي أشعر براحة نفسية ,أذاي أنهي مذاكرة المنهج علي أكمل وجه ،مع العلم أن الطالب مطلوب منه أن يعمل ال عليه ،والمجموع بأه دي حاجة بتاعة ربنا ،مختصر الكلام يدور حول النقاط الآتية :

"عليك أن تفعل الأشياء التي تعتقد أنه ليس باستطاعتك أن تفعلها"..
النقطة الأولي :
1- طاعة الله :الكل يعلم أن مستقبلنا بيد الله فلا بد أن نكون مع الله وأن نحافظ علي ( الصلوات الخمس في
المسجد وخاصة صلاة الفجر – وقراءة القران – الأذكار وخاصة أذكار الصباح والمساء وقيام الليل ولو ركعتين ، يقول الرسول صلي الله عليه وسلم "أحب الأعمال إلي الله الدائم وان قل".
2- كلنا عارفين أن العمل طاعة علشان كده لازم نهتم بمذاكرتنا ،لمصلحتك والله العظيم ،ما تشوف شباب اليومين دول أسلوبهم وتفكيرهم بقي عامل أذاي ،عارفين السبب ،السبب يا مهذب منك ليه أنهم بعاد عن ربنا ومن ثم بعاد عن طاعة الله ،وعلي فكرة الراحة النفسية والمعنويات العالية وتقبلك للحياة والسعادة الحقيقية في طاعة الله .
3- نصيحتي لك في الحياة كطالب (كن مع الله - ذاكر – عافر – احلم فالحلم بكره هيبقي حقيقة – ركز وما تسرحشي- افرح – كن متفائل دائما- وحب لأخيك المسلم كما تحب لنفسك – وتواضع فالتواضع قوة وليس ضعف).
"أكتب أهدافك لتحول الأماني إلى احتياجات والمستحيل إلى ممكن والأحلام إلى واقع، أكتبها ... ماذا تنتظر"

النقطة الثانية :
أهم شئ في الحياة النظام ،ولذلك يجب علي طالب الثانوية أن يكون منظم في مذاكرته وذلك بعمل جدول يومي ،في حد هيسألني أذاي أعمل جدول يومي هألك أذاي :
أول شئ : هات ورقة وقلم
تاني شئ :حط لكل يوم مادة واحدة ،هتقولي مادة واحدة فقط ،هقول لحضرتك لأه في حاجات تانية هتضاف مع المادة وهتتعرف عليها في النقطة الرابعة ما تخافشي دي حاجات بسيطة جدا ،وجدد النية وذاكر علي فترات الصلاة يعني قول بينك وبين نفسك أنا عندي 4 فترات في اليوم(الفترة الأولي من الفجر إلي الظهر – الفترة الثانية من الظهر إلي العصر – الفترة الثالثة من العصر إلي المغرب – الفترة الرابعة من المغرب إلي العشاء)
واحد هيقول يعني هذاكر من الفجر إلي العشاء أذاي طيب ،أكيد لأه طبعا ،كمل قراءة الكلام لحد النهاية ،واحد تاني هيقول ما أنا عندي مدرسة ،وواحد هيقول ما أنا عندي درس ،بص حضرتك الوقت أل حضرتك عندك مدرسة أو درس هياخذ فترة من الأربع فترات تبقي 3 فترات لحضرتك.
"إذا لم تغير ما تفعله دائماً،، فلن تغير النتائج التي تحصل عليها دائما"

النقطة الثالثة :
لازم يبقي لك حجرة خاصة بك وتكون بعيدة عن الأطفال وأي تشويش،والأفضل ولمصلحتك والله بلاش
تلفزيون وخاصة الطلبة أل بتذاكر أمام التلفزيون ممكن الطال منا يقعد 16 ساعة بي ذاكر أمام التلفزيون والشيطان يهيئله أن كده بيذاكر أكبر عدد من الساعات ،لكن دي مشكلة كبيييييييرة لأنهم ما بيستفيدوش أي شئ من أل ذاكروه ،وبمناسبة عدد الساعات مش الطالب ال بيجيب في الثانوية مجموع كبير هو ال بيذاكر عدد ساعات كتير ،بعد التوفيق من الله طبعا هو الطالب ال
بيكون حريص أنه يذاكر أول بأول وعقله شغال ومبيشتتش عقله ذي بمعني مثلا أنه يذاكر من كذي مكان ويفكر في كزه حاجة وهو بيذاكر– وبلاش كمبيوتر ولا الموبايل هتقلي بلاش الموبايل لاه ،هقول لحضرتك علشان النت والفيس وأصحابك أل ممكن تضيع معاهم وقت كثير في كلام غير مفيد ،واحد هيقول لو أستاذي أو أصدقائي عاوزين يكلموني علشان ميعاد درس ولا أي شئ مهم هقول لحضرتك أعطيهم رقم تليفون المنزل ،وواحد تاني هيقول أه يا عم انت بتعقدنا ولا أه ،هو اليوم كله هيبقي مذاكرة ولا أه ،ولا تلفزيون ولا موبايل ولا فيس ،لأه طبعا يا مهذب ،حط لنفسك في الجدول اليومي وقت فراغ خاص بك أعمل فيه أل أنت عايزه (يعني مثلا أخرج مع أصحابك) ،وبالمناسبة ما تقعد شي تذاكر

فترات طويلة ،الأفضل أنك تذاكر 50 دقيقة وتأخذ 10 دقائق راحة.
"يلوم الناس ظروفهم على ما هم فيه من حال.. ولكني لا أؤمن بالظروف فالناجحون في هذه
الدنيا أناس بحثوا عن الظروف التي يريدونها فإذا لم يجدوها وضعوها بأنفسهم".
النقطة الرابعة :
خاصة بالمواد الدراسية ،تدور حول كيف تتعامل مع مواد الثانوية العامة .
أوع تسمع لأي حد يقول لك أن الثانوية العامة صعبة ،أنت صاحب القرار ،والله لو ذاكرت الثانوية العامة هتبقي سهلة وجميلة ،ولو أهملت في المذاكرة وقلت يا
عم كبر دماغك هتبقي صعبة جدا ومعقدة وخلي بالك السنة دي مهمة جدا ممكن تقول عليها أهم سنة في حياتك ،لأنها هي ال بتححدلك دراستك وكمان بتغير من طلبة كتير أوي أما للأفضل لو ذاكرت أو للأسوأ لو مذاكرتش ،ما شاء الله كلنا عارفين أن الثانوية العامة سمعتها سبقاها مختصر الكلام في النقطة دي مش أي كلام يقال تصدقه.
يعني مثلا :
1- العربي :أنا بفضل انه يتذاكر كل يوم ،أذاي يعني هألك أذاي :قسم العربي لجزأين
الجزء الأول :يشمل النصوص والقراءة والبلاغة والتعبير في يوم

الجزء الثاني :يشمل نحو وأدب وقصة في يوم
ما أنت حضرتك عندك الأسبوع 7 أيام ،وبالتالي حضرتك هتذاكر فروع العربي خلال أل 7 أيام ،هتقلي
طيب ما أنا عندي مذاكرة دروس أخري ،هقول لحضرتك خذ كميات بسيطة من كل فرع يعني مثلا لو عندك مذاكرة درس أدب والدرس فيه 12 سؤال مثلا يبقي حضرتك هتوزع الدرس علي مدار الاسبوع ،ما أنت عندك 3 أيام تقريبا في الاسبوع بتذاكر فيهم أدب وبالتالي هتذاكر في كل يوم خاص بالأدب 4 أسئلة فقط وما أظن إن ده حاجة بسيطة خالص يا ال عندك مشكلة مع العربي وفروعه.
ملحوظة :
اهتم بالتعبير بحفظك ل(مقدمة – خاتمة – أبيات شعر – قران – أحاديث) لان في طلبه كتير ممكن تقفل في كل الفروع وبتنقص في التعبير لأنها ما
بتعرفشي تكتب الموضوع كامل+ اهتم بالثوابت الإعرابية علشان تعرف تعرب.
2- الإنجليزي :المهارات اهتم بها ، تبقي معاك يوميا أل هي (المواقف – السبيكر – الترجمة – البرجراف) هتقول أزاي هألك خذ حاجات بسيطة من كل فرع كل يوم ،يعني مثلا
- بالنسبة للمواقف ذاكر واحدة من أي كتاب خارجي أو أي ملزمة + حل 4 مواقف علي مدار اليوم كله.

- بالنسبة للسبيكر أحفظ 4 أماكن وشخصياتهم من أي كتاب خارجي أو أي ملزمة + حل 4 سبيكرعلي مدار اليوم كله.
- بالنسبة للترجمة أحفظ 4 ترجمة عربي – إنجليزي + 1 إنجليزي عربي من أي كتاب خارجي أو أي ملزمة علي مدار اليوم كله.
- بالنسبة للبرجراف حاول تحفظ تعبيرات وكلمات علشان تقدر تكتب في البرجراف.
والكلمات والجرامر في اليوم الخاص بالإنجليزي.
3- الفيزياء والكيمياء :أهم حاجة الحل الكثير،حل من كتاب و اثنين وثلاثة ،ذاكر من مذكرة واحدة فقط ، وحل المسائل ووزعها علي مدار الأسبوع بحيث المسائل تبقي معاك كل يوم،النظري في اليوم الخاص بهم ،وكذلك الأحياء والجيولوجيا والفرنساوي أهم شئ الحل الكثير. "لا أقول مستحيل مطلقاً لأي أحد أو لأي شئ "
الجدول اليومي
السبت :
- فيزياء مثلا (حط المادة ال أنت عوزها).
- العربي (نصوص + قراءة+بلاغة وتعبير)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل
الأحد :
- فرنساوي مثلا(حط المادة ال أنت عوزها).

- العربي (نحو + أدب+قصة)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل
الاثنين :
- جيولوجيا مثلا (حط المادة ال أنت عوزها).
- العربي (نصوص + قراءة+بلاغة وتعبير)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل
الثلاثاء :
- كيمياء مثلا (حط المادة ال أنت عوزها).
- العربي (نحو + أدب+قصة)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل
الأربعاء:
- إحياء مثلا (حط المادة ال أنت عوزها).
- العربي ((نصوص + قراءة+بلاغة وتعبير)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل
الخميس :

- إنجليزي مثلا(حط المادة ال أنت عوزها).
- العربي (نحو + أدب+قصة)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل
الجمعة :
يكون يوم راحة أكثر ما يكون يوم مراجعة.
ملاحظات علي الجدول :
1- البعض ممكن أن يتساءل :
كيف يمكن تنفيذ هذا الجدول رغم إن إحنا عندنا دروس كل يوم ؟
اجابة هذا السؤال تتلخص في أن مذاكرة العربي + المهارات إنجليزي + حل المسائل لن تكون بكمية كبيرة كما وضحت من قبل.
2- لا بد أن يكون هناك راحة.
3- ويكون يوم الجمعة يوم راحة أكثر ما يكون يوم مراجعة.
نصائح :
1- لو عندك أي حاجة متراكمة عليك في الدروس ،أتبع الأتي :
عد عدد صفحات الدروس المتراكمة عليك في مادة ما وقسمها علي فترة معينة (10أيام مثلا) بحيث تأخذ كل يوم كمية بسيطة جدا من الصفحات.

2- راجع باستمرار ،فكثرة المراجعة تؤدي إلي ثبوت المعلومة.
3- التزم بالجدول اليومي.
4- يقال أن من أفضل طرق المذاكرة هو المذاكرة علي السبورة ،فأنصحك إن يبقي عندك سبورة خاصة بك في الحجرة.
5- كن متفائلا دائما.
"دمتم بحفظ الرحمن"
كلمة طالب في الثانوية العامة
2015-2016