>>>>ارجوا دخول طلاب كلية الحاسبات والمعلومات <<<
 

لو سمحتوا اكيد طلاب الكليه عندهم خبره كويسه انا لو عوز ادخل الكليه دى خاص ايه اسعرها و ايه المحافظات الافضل و اسعار الاقسام لو كل قسم له سعر معين

عشان تدخل الكلية دي خاص لازم تبقا حابب الرياضيات ودماغك شغالة طول الوقت , فلوسها مش غالية المتوسط 5 تلاف فى السنة لو معهد ولو كلية 20 الف جنيه فى السنة , الاتنين شهادتهم واحدة ومابتفرقش بس المعهد اعلى فى التصنيف والجامعة اعلى فى الاسم ( المعهد احسن ) , عندك العاشر والشروق والعبور مصاريفهم كويسة ودول احسن علوم حاسب واعلى علوم حاسب ممكن تدخلها فى مصر وفيه طبعاً معاهد تانية كويسة بس التلاتة دول من وجهة نظري الافضل , الاقسام سعرها ثابت فى الخاص على حد علمي , انما فيه مثلاً قسمين واحد اسمه هندسة برمجيات فى حاسبات حلوان ودا بعد ما بتجيب المجموع بتاع الكلية بتخشه وبتدفع مصاريفه وقسم تاني اسمه معلوماتية حيوية فى عين شمس ودا برده نفس النظام .

لو سمحت يعنى اسعار المعهد بيبقى المتوسط بتعها كام و الكليه المتوسط بتعها كام

و لو سمحت الكليه بيبقى موجود فيها قسم البرمجه

لو سمحت ياباشا المواد اللى بندرسها فى الكليه زى المواد اللى فى المعهد ولا بتختلف من الكليه للمعهد

مافيش قسم اسمه برمجة !!!! , جميع الاقسام فيها برمجة بس بنسب , مصاريف المعهد = 5 الاف لكن الجامعة=20 الف , المواد هي هي بالظبط يمكن فرق مادتين او تلاتة طول مدة الدراسة ودا مش بيأثر على اعتمادية الشهادة .

حضرتك انا اقصد القسم ده
قسم هندسة البرمجيات Software Engineering Department = SE :
ده موجود فى المعهد وله كليه فقط

القسم دا موجود فى حلوان فقط وفي بعض كليات الحاسبات الخاصة

طيب موجود فى المعهد الحاسبات ولا لاء

حضرتك تقدر تتصل بكل معهد وتتأكد بنفسك بدل ما اقولك مافيش ويطلع فيه فى معهد معين , بنسبة 90% مافيش

طيب حضرتك انا جبت ارقام كتير من على النت و بتصل مفيش حد بيرد عليا حضرتك لو تعرف ارقام معهد او كليه من الموقع تدينى الرابط حضرتك و انا اتصل

لا سيبك من النت , اتصل ب140 الدليل وهات منه كل الارقام , وانا تحت أمرك :)

الف شكر وتعبتك معايا ولو احتجت حاجه ان شاء الله هعمل رد فى نفس الموضوع

العفو يا حبيبي على ايه

انا ف حلوان حد ف حلوان ؟؟؟؟؟؟؟؟؟؟؟؟