|
أنا عايزة ادخل علوم بس لسه مقررتش ممكن تساعدوني
السلام عليكم ازيكم ؟ كل سنة وانتو طيبين وعيد سعيد عليكم لو سمحتو انا كنت عايزة اسال شوية اساله بخصوص كلية العلوم اول حاجة انا نفسي ادخلها اوي بس بصراحة من اللي سمعته بدأت اخاف واغير رايي انا اول مقولت عايزة ادخل علوم لقيت الكل ضدي وبيقول انها صعبه واللي يقولي ان النجاح فيها صعب وللي يقولي الدراسة فيها صعبه و و و و انا اتعودت اغامر واي حاجة صعبه بحبها وادخلها واتحدي نفسي لكن بعد الثانويه العامه مكدبش عليكم انا بقيت بخاف من كل حاجه ومبقيش عندي امل فحاجه وبعد مكنت شلت كلمت مستحيل من قاموس حياتي رجعت اياس وشايفه المستحيل قدامي فكل حاجه انا كان نفسي ادخل طب اسنان وعملت كل حاجه اقدر اعملها وكنت بدعي ربنا ليا سنيييييييييييين وبساعد اللي حوليا في فهم الحجات اللي بتقف معاهم ومش فهمينها وبدعي ربنا اثناء سقوط المطر و و و قدري اني مدخلش الكلية دي المهم انا بحاول احب العلوم بس دلوقتي انا خايفه اوي خايفه اسقط خايفه من الدراسة خايفه من كل حاجه انا صليت صلاة الاستخارة ولسه محتارة فقولت لربنا اللي انتو هتقولوه هنا انا همشي بيه بحكم انكم جربتوها ممكن تساعدوني فاجابة اسالتي يعني انا عاوزة اعرف هي فعلا صعبه لدرجة اني ممكن اسقط فيها ؟ والدراسة بالانجلش ؟ انا بحب الانجلش اوي بس مش لدرجة افهم دكتور بيتكلم طول المحاضرة انجلش لو فعلا كدا هل هقدر اخد قرص والمشكله تتحل عادي ؟ ايه طبيعة الدراسة ؟ ونسيت مقول حاجه مهمه انا بسمع انها ملهاش مجالات يعني تمرمط وفالاخر تتخرج تقعد فالبيت وان التربيه افضل منها من حيث الوظيفه هو انا لو اتخرجت منها ممكن ابقي ايه ؟ رجاءا الرد ولو علي سؤل واحد سؤال برا الموضوع هي الحاسبات والمعلومات تقبل من علمي علوم ؟ شككككككككككككككككرا جدا |
كليه العلوم مش صعبه بس عايزه اجتهاد بسيط
الدراسه انجلش وهتتعودى عليها مع مرور الوقت وكليه علوم هى تعتبر اكبر كليه ليها مجالات خصوصا اقسام الكميا المزدوجه مع بيولوجى - وزاره الصحه اوالمعامل والمستشفيات الخاصه ومصانع الادويه ( اخصائي تحاليل طبيه – اخصائي اجنه –اخصائي علوم اعصاب – اخصائي تغذيه علاجيه –كيميا وميكرو الادويه- تحاليل كيمياوميكرو المياه الخ ) 2- وزاره القوى العامله ( السلامه والصحه المهنيه ) 3- وزاره البيئه ( التفتيش علي ملوثات البيئه ) 4- وزاره الداخليه (معامل التزيف والتزوير ) 5- وزاره العدل (معامل الطب الشرعى ) 6- وزاره الدفاع (الحرب الكيمياويه والميكروبيه) 7- وزاره الاثار ( تحاليل كيماء وميكرو الاثار ) 8- وزاره الكهرباء ( تحليه المياه قبل المولدات الكهربيه الخ) 9- وزاره البحث العلمى (الابحاث العلميه والطبيه) 10- وزاره التعليم العالي( التدريس للجامعات الخاصه في جميع الكليات الطبيه علوم او صيدله اوطب او طب اسنان) 11- وزاره الصناعه والمصانع والشركات الخاصه (مهندس الانتاج –مهندس الجوده –مهندس السلامه) 12- وزاره الماليه (صك العمله) 13- وزاره البترول ( كيميائي في شركات البترول ) 14- وزاره الاعلام ( الصحافه والاعلام العلمى والطبي) 15- الدعايا الطبيه 16- المنشاءات والمشروعات الصغيره ( العطور – المنظفات الصناعيه-المبيدات – عيش الغراب الخ )__________________ |
اقتباس:
سنه 2012 اما كان التنسيق عالى اعرف واحد دخل علوم ب 400 من 410 و شال مواد و غيره لحق علوم بالعافيه و بس الله ما شاء الله جاب امتيازات و الله اللى هيذاكر هيتفوق واللى مش هيذاكر هو حر الكلام ده عموماً مش كليه علوم بس كل الكليات و الدراسه بالانجلش هتلاقيها فى الاول صعبه و ممله وهتنسى بسرعه أنا أول مره ذاكرت فيها اخدت ساعه فى صفحه و نسيتها بعد ماخلصتها :d لكن بعد ما اتعودت الصفحه مش بتكمل 10 دقايق و مش بتتنسى هتلاقيها ممتعه و تتمنى إن المواد اللى بالعربى تبقى انجلش ^_^^_^ و بالنسبه للدكاتره مش هقدر اقولك لانها اكيد هتختلف من جامعه للتانيه و كل دكتور و رغبته لكن عندنا ف اسيوط الدكاتره بتشرح عربى ماعدا واحد بس بتاع كيميا شرحلنا اول محاضره فى الكليه و رغم انى كنت خايف زيك انى مش افهم لكن فهمت كل حاجه ده بالعكس لانه اما اتكلم كله انجلش انا ركزت معاه اكتر عشان افهمه ولسه فاكر المحاضره :d |
متشكرة جدددددددددددددددددا ع الردود افدتوني |
مفيش حاجه اسمها صعبه
وحته الانجلش هتتحل بالقاموس في الاول وبعدين هتستغني عنه وتبقي تمام اهم حاجه اللي انت بتحبيه ومش معني ان هدف ضاع يبقي الدنيا انتهت ربنا يوفقك |
اقتباس:
عندك حق فكل اللي قولته |
| جميع الأوقات بتوقيت GMT +2. الساعة الآن 10:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.