|
أين مذكرات الايطالى - سؤال يتكرر منذ 3 سنوات
السلام عليكم
للأسف الشديد ابنى اختار اللغة الايطالية وبتشجيع منى لكن ما كناش نعرف ان هذه اللغة مهملة بهذه الطريقة - ليس فى هذا المنتدى فقط - لكن على مستوى النت العربى كله لا توجد مذكرات ولا شيتات - لا أعرف سبب لماذا لم يتكرم أى مدرس ايطالى باتاحة مذكرته على النت للطلاب هذا السؤال أكرره منذ 3 سنوات - ولا مجيب اللى بيردوا فقط بيردوا عشان يدافعوا عن اللغة الايطالية - مع ان محدش ابدا يقدر يعيب فى اللغة الايطالية - فهى لغة لطيفة محببة الى القلب المشكلة ان مفيش مدرسين عايزين يخدموا الطلبة ويتيحوا مذكراتهم على المنتدى هنا ولا أى منتدى آخر لذا لا أنصح أبدا أى طالب باختيار اللغة الايطالية لكن لأسف اللى بيدخل على القسم هنا بيكون فى الغالب خلاص اتدبس واختارها وبيدرسها بالفعل حتى الوزارة مهملة الايطالى تماما لدرجة ان مجرد الكتاب المقرر غير موجود على موقعها الرسمى - ولا وجود له فى أى مكان على النت!!!!!!!!!! |
سيدى الفاضل ... كتاب مثل Italiano أفضل بكتييييييييييييييييير من أى مذكرة . كتاب ممتاز و شرح مبسط و جميل. ولو فى أىى سؤال أو تمرين, اتفضل و ضعه فى موضوعى الموجود فى نفس المنتدى. |
بس حضرتك حسب علمى ايطاليانو مفيهوش اجابات لاى اسئلة
انا بقالى 3 سنين بدور على اى حاجة فيها اجابات |
سيدى الفاضل
لا وجود لكتاب به الإجابات ... ولا حتى مذكرات المدرسين بها حلول.... لو عند حضرتك أى سؤال ...... فى موضوع فى المنتدى و أكيد حضرتك رأيته و هو للرد على أى سؤال أو تمرين فى المنهج .... |
اللغة الايطالية عايزة اللي يشرحها حضرتك لازم يروح لاي مدرس في سنتر او برايفت ، لكن اعتماد علي مذكرات او كتاب خارجي مش حيعرف يمشي واللي ممكن يذاكره في نص ساعة حيذاكره في 3 ساعات او اكتر وممكن كمان ميفهمهوش
|
| جميع الأوقات بتوقيت GMT +2. الساعة الآن 08:39 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.