|
مفاجأه لطلبه علوم .....تشريح الضفدعه بالصور.
الصراحه...انا ملقتش حاجه احسن من الموضوع ده أقدمها لأعضاء المنتدي وطلبه كليه علوم في بدايه العام...وهي تشريح الضفدعه....المقرر علي طلبه (أولي علوم- اعدادي اسنان- صيدله..)...طبعا في معمل التشريح أول حاجه لازم الأدوات الأتيه اجباررررري علي كل الكليات: 1-البالطو ((اللي البعض دخل الكليه علشانه اصلا:))) 2-ادوات التشريح... وطبعا انا ياما أيام سنه أولي مدخلتش المعمل بسبب اني مكنتش بجيب الباطو ((طبعا كنت بتحجج علشان مدخلش المعمل وانزل السنتر))...المهم ...دلوقتي هنبدأ بشرح الضفدعه علي 3 أجزاء تقريبا وانا هنزل دلوقتي الجزء الأول ...وياااااارب تعجبكم ...وياريت بردو تقولولي ارائكم...ودي مجرد بدايه صغيره ليا في القسم ...واستنو بس الدراسه تدخل وهجيبلكم مفاجأت من عينات تشريحيه...واناتومي نبات ...وغيره كتير.....معلش طولت عليكم...يـــــــــــــــــــــللا نبدأ... الأدوات المطلوبه: 1- البالطو الأبيض ((لو احمر ماشي شغال:078111rg3:)) 2- أدوات التشريح وطبعا احنا مش محتاجين من أدوات التشريح دي غير الجفت والمقص والملقاط يعتبر. 3- طبق التشريح وهو عباره عن طبق ملئ بالشمع ...لتثبيت الضفدعه عليه.وده هنستخدمه في البيت عندنا بس...لأن في المعمل انت بتستلم طبق تشريح تشتغل عليه .. 4- دبابيس التثبيت كدا تمام...يللا نبدأ بالخطوات الأساسيه والأولي في التشريح.... ملحوظه: علشان تاخد درجه العملي كامله ...لازم لازم لازم وخليك فاكر كويس...انك تنفذ الخطوات الأساسيه الأولي بالحرف ولو غلطت في حاجه واحده أو نسيت خطوه بتنقص درجات حتي لو كان تشريحك 10/10. بسم الله نبدأ: 1- تخدير الضفدعه طبعا ده علشان تشريحك في البيت...انما في المعمل بتستلم ضفدعه متخدره جاهزه. بتجيب كحول محول وتغمس فيه قطعه من القطن...وتضعها أمام فم الضفدعه الي ان يتم تخديرها... 2- خطوات ماقبل التشريح: 1- ضع الضفدعة على ظهرها في طبق التشريح 2- ثبت أطرافها بدبابيس مائلة إلى الخارج ...ثم ضع كميه مناسبه من الماء في طبق التشريح ..وذلك لسهوله التشريح...كما ان الماء يذوب فيه الدم الخارج من الضفدعه... 3- أمسك الجلد بالملقط أو بالمقص بين الفخذين في منطقة الارتفاق العاني وأعمل فتحة صغيرة فيه بالمقص . لاحظ خروج سائل رائق شفاف من تحت الجلد هو اللمف . 4- اقطع الجلد على طول الخط المنصف حتى الارتفاق الذقني ، ثم قصه بحذاء كل طرف واجذبه إلى الخارج وثبته بالدبابيس ما أن تقص الجلد حتى يتكشف لك الجدار العضلي للجسم وهو يتركب من عدد كبير من العضلات الإرادية التي تتصل بالهيكل وتحرك أجزاؤه المختلفة . 5-افتح التجويف البطني وذلك بان تمسك الملقط بالعضلة المستقيمة البطنية اليمنى عند النقطة ( a ) إلى اليسار قليلاً من الخط الأبيض الذي تستطيع أن ترى من خلاله الوريد البطني الأمامي . 6- اقطع بالمقص جدار البطن في اتجاه السهم ( 1 ) حتى تصل إلى الغضروف السيفي ، ثم أكمل القطع ماراً بالخط المنصف البطني في هذا الغضروف والحزام الصدري حتى تصل إلى النقطة ( b ) وكن حذراً فلا تلحق ضرراً بالقلب . 7- أدر طبق التشريح 180 درجة بحيث يقع الرأس أمامك ، ثم أقطع الجزء الأيمن من جدار البطن في اتجاه السهم ( 2 ) حتى تتخلص منه تماماً ، واتبع ذلك بقطع الجزء الأيسر من جدار البطن في اتجاه السهم ( 3 ) ينبغي أن تراعي في أثناء عمل هذا القطع الأخير أن الوريد البطني الأمامي يتصل بجدار البطن على طول الخط الأبيض بغشاء رقيق. 8- اقطع هذا الغشاء بطرف المقص بحذر شديد . 9- اربط الوريد البطني الأمامي بخيط رفيع بالقرب من الفخذين وكذلك بالقرب من مصبه في الكبد ، ثم اقطعه بالمقص بين العقدتين. ياما نقصت درجات بسببه....ولو طلب منك الجهاز الشرياني أو الوريدي في التشريح...سيبه زي ماهو واوعك تقطعه..... أنا هثبت الموضوع أسبوع مؤقتا...ولو معجبكمش انا هشيله من التثبيت..علشان كدا ياريت تقولولي رأيكم أكمله ولا لأ؟... والي اللقاء في جزء اخر... |
الجزء الثاني....
يللا نبتدي مع بعض الجزء التاني....وهو تشريح طبيعي للتعرف علي الأجهزه الحيويه بداخل جسم الضفدعه(الجهاز الهيكلي skeleton of frog,,الجهاز الهضميdigestive,,والجهاز البولي urinary genetal system...)...وده الشغل بتاعنا ان شاء الله طوال التيرم في المعمل...وهو ده اللي هيتم فيه الأمتحان العملي بتاع الحيوان...والجزء الثالث لينا هيكون مع كتاب التشريح والرسومات التوضيحيه للتشريح بالصور المرسومه...وكمان هيكون فيه شكل جهاز هيكلي لعظام الضفدعه الحقيقيه...
يـــــــللا نبدأ(((محدش يقولي انا بقرف أو شكلها وحش:mad:))).... بعد ماقمنا بخطوات ماقبل التشريح والتخدير نبتدي نتعرف بقي علي الأجهزه بتاعتها واحده واحده....والصور اهه... :STRUCTURES الي اللقاء في الجزء الثالث بأذن الله.... |
جزاك الله كل خير وارجوك تكمل ووممكن سؤال اانا داخل اولى علوم قسم كيمياء سبيشيال ومش عارف عليا الكلام ده ولا لا اه انا ازهرى بنححدد القسم فى سنه اولى
|
بجد ميييييييييييييييييييييييرسي شكرا جدا ليك
انا النهارده حضرت سيكشن حيوان وشرحت الضفدعه في البدايه كنت مقروفه جدا من شكلها ومقروفه امسكها بس بعد كده عادي بس المشكله في الاسماء والبيانات بتاعتها كتيييييييييييييييييييييييييييييييييييييييييييييييي ييييره جدااااااا مش عارفه هحفظها ازاي ربنا يسهل ان شاء الله وميرسي ليك تاني:078111rg3: |
اقتباس:
ربنا يزيد و يبارك شىء جميل و الله مرسى جدا اما بقى التشريح انا من زمان و انا نفسى فى علوم بس بصراحة انا مرعووووووبة من التشريح لأنى للاسف مش بحب امسك اى حيوان مش عرفة دى مشكلة كبيرة جدا ادعولى ربنا يحلهالى شكرا عالموضوع الجاااااااااااااامد و المرعب ده بجد ممتااااااااااز و فوق الراااااااااااائع |
ربنا يكرمك انت جامد اوي ومستنين الأناتومي علي نار شكرااااااااااااااااااااااااااا
|
شكرااااااااا جداااااااااااا
بس بجد شكلها وحش اوي من جوووووووووه حاجة تقرف فعلا |
اية دة يا اسلام دى حاجات مرعبة جدااااااااااا :angry2:
ومقرفة كمان بجد ربنا يكون فى عون كل اللى هيشرحوا حاجات زى دى وبحمد ربنا انى مش عندى الحاجات دى بس بجد يا اسلام مجهود عظيم منك |
:(بصرف النظر عن انه شئ صعب اوى بجد ع الناس اللى تستحمل تعمل حاجة زى كده :confused:
بس افتكر الموضوع ده ممتع جدا اقتباس:
اممممم دى كلمتى عموما مش عيب مع انى لسه مجبتوش .. بس اساسا ده كان هزار بس هى الضفدعة كده ماتت ؟ ولا جلدها هيطلع تانى :mellow: |
اقتباس:
|
ايه ده؟ ربنا يستر :( بس كمجهود بجد مجهود جميل جدااااااااااااااااا يا ستار ربنا يكرمك يارب جزاك الله كل خير مستنيين بقى الجزء التالت ياريت لو تقدر يا ستار تجيبها النهاردة او بكرة معلش تاعبينك |
ممتاز اسلام موضوع رائع فكرنى بالزمن الجميل فى علوم الاسكندرية وعمرى ما انسى سؤال العملى فى التشريح
حيث اشار الدكتور ( محمود ابو عيشة) الي الوريد العضدى (bricial vien) وقال ما هذا على فكرة انا دفعة 1982 علوم الاسكندرية |
thanksssssssssssssssssssssssssssssssssssssssssssss s
|
ايه الحلاوة دى بس نفسى اعرف هى جنسيها ايه علشان مختلفة خالصعن الضفدع المصرى
|
انا صحيح مش بايو
بس بشكرك بجد ع الموضوع و المجهود |
| جميع الأوقات بتوقيت GMT +2. الساعة الآن 03:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.