مناقشة تمرين بالصف الرابع
 

اتعرض لنقاش فكرة تمرين بالصف الرابع
لتعم الفائدة ونتناقل الافكار والخبرات فيما بيننا .
التمرين :- أوجد عددان مجموعهما 100 والفرق بينهما 11.5
تمارين تمهيدية :-
1-أوجد عددان مجموعهما 100 والفرق بينهما 12 .
فكرة الحل :
نقسم العدد 100 الى نصفين 50 ، 50 ثم ناخذ من ال 50 الاولى 6 ( فتصبح 44)ثم نضيفها الى ال 50 الثا نية (فتصبح 56) فيكون الناتج عددين الفرق بينهما 12 .
ويكون العددان هما 44 ، 56 .
وارى انه من الضرورى ان نمهد بتمارين اخرى
2- اوجد عددان مجموعهما 100 والفرق بينها 11 .
3- اوجد عددان مجموعهما 100 والفرق بينهما 11.5 .
وانتظر افكاركم حول التمرين واكيد سنجد لديكم الجديد النافع والمزيد .
تحياتى لكل الزملاء الكرام .

السلام عليكم يا أستاذى

أنا أؤيد افكار سعادتك فى التقديم لهذا النوع من التمارين
وبصراحة لم أجد أفكار أخرى عندى غير ما كتبت سعادتك
بارك الله فيك وجزاك خيراً

كفانى والفكرة شرفا
مرور حضرتك استاذنا الكبير.
خالص تحياتى وتقديرى .

اية الحلاوة دي يلا ورونا الحجات المستخبية دي
عندي فكرة أخري وياريت تعجبكم واستنبطها من المواريث
عند تقسيم تركة نقوم فى الاول بتسديد الديون ثم نقسم الباقي حسب الشرع
أو بمعنى أخر عند تقسيم مبلغ ويكون لشخص مبلغ أضافي عن الاخر نعطية هذا المبلغ في الاول ثم نقسم الباقي بالتساوي
يارب أكون وصلت الفكرة
ففي هذا المثال نقوم بطرح 11.5 من المائة فيتبقى 88.5 نقوم بقسمتها على 2
فيكون 44.25 نضيف 11.5 إلى احدهما فيكون العددان 44.25 والأخر 55.75
يارب تعجبكم الفكرة

الفكرة زى العسل
وحضرتك احلى من العسل يا استاذنا الكبير

شكرا لحضرتك وللاستاذ ممدوح
انما يا بشوات ايه راى حضراتكم فى المناهج الجديدة اليومين دول
انا برايى المتواضع انها مناهج منقولة وليس اكثر
الكتب فيها عنوانين وخلاص
واللى ميعرفش عنه ما عرف( متهيالى دى وجهة نظرهم)
كتير من مدرسين الابتدائى مش متخصص بالرياضة وبيدرس
طب ازاى
والله انا احيانا بحل المسالة لابنى او لزميل بالابتدائى مثلا بطريقة ( س - ل) ( س - م ) = صفر
عشان اشفها صح ولا خطا وبعدين ادور على كلام افهمه بيه
الظاهر المناهج اللى جايه كلها كدا
ويحيا التطوير!
تحياتى وتقديرى للجميع

طبعا الفكرة عجبانى جدا
واضافة رائعة من
استاذنا/جمال الدين .
تحمل توقيع السهل الممتنع .
شكــــــــــــــــــــرا اســـــــــــــتاذى.

ايه الجمال دا كله أ/جمال الدين
و أ/جمال سراج.
طبعا شرف ليه مرورك الطيب .
وانا ارأى ان مناهج الصف الرابع
لا تتناسب مع العمر العقلى
للتلميذ.
وأرى انها صعبة على التلميذ
والمعلم معا .
وعلينا جميعا مسؤلية التنويه عن
الافكار والتصويب لبعض المفاهيم
داخل الحجرة .
بارك الله فيكم اخى الكريم وزميلى الشيك .

تحياتى للجميع

متابع معكم ان شاء الله

نشرف بمرورك استاذ /محمد سرور
وبمتابعتك وتواجدك معنا .

الافكار دي كلها جميلة
وبخصوص المناهج فانه توجد موضوعات بالصف الرابع والصف الاول الاعدادي وبشوف تلاميذ الاعدادي وكراهيتهم الذائدة للرياضيات بسبب المناهج
وانا عندي بنت في 1 ع واخوها في 4 ب بيحضر معايا الحصة وانا بشرح لما تيجي حاجة مشتركة بيقول هي عند الاعدادي جابينها ليه عنديا " طب والله ما مذاكرها ولما اروح الاعدادي ابقي افهمها "
بالله عليكم كيف نجعل الطلبة تحب الرياضيات والوزارة تصعب - تطور - التعليم ومناهج الرياضيات والطامة الكبري نجد واضعي الامتحانات يتفننوا في وضع الاسئلة الصعبة

ادعوا الله ان يوفقنا لمساعدة الطلاب وجعلهم يحبون الرياضيات

اكيد طبعا شرف لينا تواجد استاذ محمد سرور
ربنا يبارك لنا فيه ويجعله كعادته اهلا لكل خير

س + ص = 100

س- ص = 11.5

س = ص+ 11.5

ص+ ص+ 11.5 = 100

2ص =100- 11.5

2ص = 88.5

ص = 44.25

س = 44.25 + 11.5

س =55.75

الاستاذ / وليد حسن

ايه الروعة دي يا أساتذه ..............
مش لاقي حاجة أقولها .............
غير .................
شكرا وجزااكم الله خيرا ولكنني مع فكرة التمهيد بمسائل مشابهة كما قال الاستاذ / ممدوح مراعاة لمستويات التلاميذ وبيئاتهم المختلفة

جزاكم الله خيرا جميعا
وفكرة إنشاء حجرة لمعلمي الرياضيات
فكرة رأأأأأأاااائعة جداًً
أبعث بالف تحية لصاحب هذه الفكرة