طالب 3 ثانوي وعندي استفسارات عن تجارة انجلش
 

السلام عليكم ..
عندي شويه اسئله بالنسبه لتجاره انجلش خصوصا جامعه الاسكندرية, اولا ... هيا مجموعها بيكون اكبر من تجاره العاديه ولا هوا هوا ؟؟ ثانيا , بيطلبو مجموع كويس في الانجليزي ؟ انا اصلا كويس جدا في الانجليزي كلغه لاسباب عديده بس كمنهج دراسي بقى فا بصراحه معرفش لاني مجربتش اذاكرها :d
مصاريفها كام ؟ والمصاريف ثابته ولا كل سنه بتتغير عن التانيه ؟
واخيرا .. الكليه زحمه ومدرجاتها مليانه زي تجاره العاديه ولا ايه ؟

ونسيت اقول .. هيا جواها اقسام برضه وكده ولا كلها قسم واحد ؟

وعليكم السلام ورحمة الله وبركاته :) .. اولا.. تجاره انجلش عموما بتقبل من مجموع تقريبا ميقلش عن 89% ولازم مجموع الانجليزي ميقلش عن 80% يعني تقريبا 40 من 50 ودي شروط جامعة بني سويف وبتختلف من جامعة لجامعة يعني هي تشبه للأسكندية بس ممكن تختلف في حاجات بسيطه

ثانيا ..حضرتك في الاول بتكتب في التنسيق تجارة عربي ولما بتقبل فيها بتروح الجامعه وبتقدم في قسم الشعبة بورقة الترشيح الل بتثبت انك قبلت في تجاره . وبتملي ملف طبعا وبتدفع مبلغ تقريبا 50 جنيه تمن الملف.. وشعبة بيبقي ليها تنسيق داخلي يعني هما بيكونو محددين مجموع معين وعشان تقبل فيه المفروض مجموعك ميقلش عنه
( مجموعك الكلي +مجموع مادة الانجليزي) وبتستني النتيجة حوالي 20 يوم ولو قبلت فيها بتدفع المصاريف (القسط الاول) ودي بتختلف في كل جامعه يعني عندنا في بني سويف تقريباً 6000 للسنه وجامعة السيخ زايد مصاريفها اقل.. وبتستلم الكتب بعد دفع المصاريف علي طووووووول . وطبعا المدرجات بتكون حلوه وهاديه عشان الدفعه بيكون عددها صغير عكس تجاره عربي تماماااا ..ومبني الكلية هتلاقيه انضف واشيك مبني في الجامعه كلها :cool:B) ..

هي هتكون 89 بالانجلش ولا لا ؟؟