الصيااااادله اجمع
 

انا لسه داخله صيدله جديد وفاضل شهر ع دخولى وحاسه انى تايهه جداااااا
مش عارفه اعمل ايه ولا هجيب ايه ولا حتى هدرس ايه
وفى دورات تمهيديه بدات دلوقتى روحت مره واحده وحاسه انى اتعقدت الدراسه كلها انجلش وعبال مااترجم بزهق
الحل ايه دلوقتى عايزة حد يفهمنى النظام هيمشى ازاى والمذاكره كمان تبقى ازاى ؟!!

مفيييش ولا رد واحد

السلام عليكم يا اسراء. انا خريجة صيدلة 2004. بصي متقلقيش من موضوع الدراسة ولا موضوع ان الدراسة بالانجليزي. اول ترم بيكون بس صعب شوية علبال ما تاخدي على الوضع الجديد.
حاولي بس تلتزمي بالمحاضرات. وبينزل ملازم بتذاكري منها. اهم حاجة لو الدكتور بتاعك بيتابع من الكتب, بدل ما تقعدي تكتبي او تسجلي المحاضرة والكتاب اصلا واضح, يبقا تتابعي معاه من الكتاب بتاعه اسهل لك. فلما تيجيبي الملزمة "ودي غالبا يا اما من طلاب مجتهدين او معيدين" فممكن ساعتها تضيفي الزيادات اللي الدكاترة بيقولها في المحاضرة.

وحاولي ما تخليش المحاضرات تتراكم عليكي, عشان تعرفي تترجمي براحتك لو الكلام صعب عليكي, وحاولي ان يوم اجازتك تقعدي تلمي فيه الحاجات اللي خدتيها. وبالنسبة للعملي: برضه بينزله ملازم بس ممكن تكون على اخر الترم, قبل الامتحانات يعني. وربنا معاكي ان شاء الله.

ولو عندك اي استفسار عن اي حاجة دلوقتي او لو تبدأي الدراسة باذن الله. انا تحت امرك. وان شاء الله اقدر اساعدك باذن الله

انا معاكى
انا برده لسه داخلة ان شاء الله صيدلة اسيوط
بس ايه الدورات التمهيدية ديه مسمعتش عننها
انا حاليا عايزة اعمل حاجات كتير ملهاش اى علاقة بالدراسسة
ومش عارفة انا صح ولا لا
بس يعنى هنبتديها تعقيد

وانا زيكم دخلة اعدادي صيدلة بس ربنا يستر