مقارنة بين كلية الالسن و كلية السياحة والفنادق
 

اولا كلية الالسن: 1- واخدة مكانة مرموقة بين الكليات الادبية وخاصة فى جامعة عين شمس وهى من كليات القمة .

2- بيدرسوا لغتين بيتخصصوا فيهم وطبعا بيطلعوا خبرة فى اللغتين يعنى بيتقنوهم جامد جداااااااااااا .

3- يعملوا فى جميع مجالات الترجمة وايضا مجال السياحة بس فى قطاع الترجمة فقط وممكن يعملوا مدرسين لغات او مترجمين فى قنوات الاذاعة وممكن مرشدين سياحيين .

4- الكلية صعبة شوية عند بعض الناس اللى مبيحبوش اللغات بس طبعا اللى بيحبوا اللغات تبقى مناسبة ليهم جدا .

5- الكلية منتشرة فى جامعتين فقط وهم جامعة عين شمس وجامعة المنيا .


ثانيا كلية السياحة والفنادق: 1- واخدة مكانة اقل من كلية الالسن بشوية بس هى من كليات القمة ايضا فى الكليات الادبية .

2- بياخدوا لغتين فى كل الاقسام سواء سياحة او فنادق او ارشاد سياحى بس لازم يكون فيهم الانجليزى وغير كده بياخدوا المواد الاساسية الخاصة بكل قسم يعنى مثلا قسم السياحة بياخد المواد اللى بتحكى عن عمل شركات السياحة و وكالات السفر و التسويق و الحاجات دى .

3- الكلية سهلة فى قسم السياحة و قسم الفنادق بس لان الدراسة بالعربى ماعدا اللغات اما فى قسم الارشاد بتبقى صعبة لان جميع المواد بالانجليزى وكمان التاريخ بالانجليزى ده غير اللغات .

4- الكلية منتشرة فى جامعات كثيرة زى الاسكندرية وحلوان والمنصورة والفيوم والمنوفية والمنيا وغيرها .

5- فى قسم السياحة يعملوا فى شركات السياحة والطيران ووكالات السفر والسياحة والمطارات
اما فى القنادق يعملوا فى المطاعم والفنادق والقرى السياحية وموظفين استقبال
اما فى قسم الارشاد يعملوا مرشدين سياحيين ومدرسين لغات ايضا .
______________________________________________

اى حد عايز يضيف حاجة يقول

والله صعبة على الى بيحبوا اللغات والى بيكرههوها
انا عن نفسى طول عمرى فى مدرسة لغات
بس صدقنى انجلش الكلية متغير تماما عن انجلش المدرسة
لو تسمع عن الانجلش القديم
تحس وانت بتقرا النوفل انك مش عارف تفك الخط
بس يلا الى ادبس ادبس
بس والله كلية زى العسل

انا كرهت اللغات من كليه الالسن ومضايقه جدا ربنا يستر

علي فكره انا بحب اللغات جدا
و المقاااارنه دي متميزه


الف شكر

طب انا عاوزه اسأل سؤال
هى كليه الالسن بتعتمد ع مجموع واللغات ولالأ ؟؟
ولو بتعتمد بتطلب مجموع اللغات كام؟؟

اعتماد كلية الالسن الاول على درجات اللغات
يعنى انتى مثلا عايزة تخشى قسم المانى يشوفوا درجات الانجليزى وبرضو كدة فى بقية الاقسام
والدرجات اللى بتعوزها كلية الالسن للاقسام بتختلف كل سنة

شروط القبول : - لازم تجيب اكتر من 35 من 50 فى الانجليزى فى الثانوية العامة
- وتجتاز اختبار القدرات اللى بتعمله الكلية بعد نتيجة التنسيق وكل الطلبة اساسا بيقبلوا فيه , تافه جدا يعنى

ليه الرعب ده
انا كنت ناويه على السن و انا لغات على فكره
و برضو بتقولوا لي صعبه
مهو مجموعي مايجيبش غيرها
ارمي نفسي من الشباك يعني
و بعدين ربنا يسهل
كله بأمره

هى كلية سياحة وفنادق بتقبل مرحلة تانية وبتقلل فى مجموع الغات ولا؟ ارجو الرد

:av4056bb7jp3: انا احب كلية الالسن عشان اخويا فى كلية الالسن جامعة المنيا

بجد ياجماعه الدراسه فى الكليه صعبه بس لما تحس بعدين انها نفعتك فى شغلك بتهون عليك كل حاجه كانت صعبه ايام الكليه أنا شغال وانا فى سنه تانيه ألسن قسم أيطالى وكان المرتب خيالى والحمد لله بتكلم أيطالى دلوقتى أحسن من العربى وشغال تماموالقسم الايطالى قسم الكعب العالى......
على فكره أنا منت سياحه وفنادق أسماعيليه وحولت والالسن بتدى لغه جامده أحسن من السياحه يعنى لما تيجى تشتغل ماتخافش من الانترفيو ووالله كان معايا واحد زميلى شغال معايه خريج سياحه وفنادق وقسم أرشاد ومكنش يعرف كلام كتير.
وارجع أقول ممارسه اللغه أهم حاجه.
أى حد عايز أى أستفسار رقمى 0161074633

هما الاتنين بياخدوا من كام.؟؟؟

ربنا يخليلنا مصر

Am in american diploma ...
??i want 2 know what is required score for faculty of alsun !!