تجارة انجليزى
 

السلام عليكم
انا طالبة داخلة اولى جامعة
بس مش تجارة انجليزى
و انا سالت عنها كتير و بجد محتارة
انا عايزة اعرف من حضارتكم من اللى فى تجارة انجليزى
بالنسبة للمستقبل الوظيفى
يعنى الشغل حنلاقى و لا حنعد فى البيت و تبقى زى اى كلية
و سمعت ان العشرة الاوائل بيتعينوا فى بنوك ده صح و لا لا
انا عايزة اعرف بالنسبة للمنصورة
و ربنا يوفقنا كلنا
انا مجموعى جايب تجارة انجلش و معديه بكتير
بس ملحقتش الكلية اللى انا عايزاها
بنص درجة بس الحمد لله
و التنسيق جابلى كلية مبحبهاش خالص
فيا ريت تساعدونى

الى انا فهمتة انك فى تجارة عربى يا نونة ....بصى اولا الى بيدخل تجارة وهو جايب مجموع كبير فى الثانوية العامة غالبا بيجيب تقديرات عالية فى الكلية العشرة الاوائل اكيد بيتعينوا اصل دول لو متعينوش يبقى محدش هيتعين ...عموما اهم حاجة وقت التعيين غالبا مش الشهادة اهم حاجة مستواك فى الانترفيو مستوى اللغة والشخصية ومهارات الكمبيوتر و ومستواكى فى الحاجات الى اتعلمتيها فى الكلية وهكذا عموما انا علطول بقول الارزاق على الله ..ربنا يوفقك ويوفقنا

اولا شكرا لاهتمام حضرتك بس انا مش تجارة خالص انا عايزة ادخل تجارة انجليزى
فى ناس بتقول حلوة و ناس بتقول ملهاش مستقبل
و انا جامعة المنصورة
حكاية تعيين العشرة الاوائل دى صح و لا لا
لان ناس بتقول انها شغل واسطة مش تقدير خالص

بصى مش تدورى ع الشغل الارزاق ع الله انتى تعملى اللى عليكى الاول وتتوكلى على الله وبعدين تستنى انا الكلام دا اتقالى وكنت كرهت الكلية ومكنتش هقدم بس استخرت ربنا واللى فيه الخير هنشوفه انا اولى تجارة انجلش جامعة المنصورة وسبيها ع الله
واحب اقولك ان مجالها ف الشغل واسع جدا كفاية انهم بيفضلو تجارة انجلش ع عربى ف الشغل والمرتب بيبقى زيادة حوالى من 400-600 جنيه ودا كلام واحد قريبى شغال ف بنك

شكرا ليك يا سامح
بس انا اسمع ان لازم واسطة
ممكن تسال قريبك عن الحكاية دى
كمان العشرة الاوائل حكاية التعيين و كده
اصل حكاية التعيين فى الكلية مش مضمونة برده

العفو ع ايه بس احنا كلنا اخوات ولازم نساعد بعض ف الكلية الغامضة دى هههههههههههههههههههههههههه دا الواحد لو كان دخل طب كان ناس كتير تساعدة حاجة غريبة والموقع نفسه مش بيحط اى حاجة تاسعدنا ومفيش اى مواقع لتجارة انجلش جامعة المنصورة يلا ربنا يسطر

اه يبقى انا فهمت غلط
تجارة انجليزى كلية جميلة طبعا انا كنت كتبها اول رغبة وقربت اتخرج منها اهه انا عن نفسى شايف انها كلية كويسة ....ليها مستقبل ولا لا ..بصى مش عايز ابقى مكرر بس هو فعلا المستقبل بأيد ربنا بغض النظر عن الكلية كل الى اقدر اقوله ان مجالات شغلها كتير وغالبا بيبقى بمرتبات محترمة
وعموما لو بتقارنى بين تجارة عربى وانجليزى يبقى انجليزى احسن وانتى مغمضة
تعيين العشرة الاوائل ...مش فاهم قصدك لو تقصدى تعيينهم معيدين فى الجامعة يعنى فا كل سنة بتبقى بظروفها على حسب احتياج الكلية للمعيدين فى السنةدى انما لو تقصدى تتعينهم عموما يعنى فى اى وظيفة فاكيد طبعا العشرة الاوائل بتجيلهم عروض كتير اول ما يتخرجو

شكرا لحضرتك و فعلا انا سمعت عن حكاية عروض الشغل دى فعلا و انا عن نفسى حباها جدا ادعولى انى ادخلها

ربنا معاكي يا نونة وان شاء الله اللي في الخير ربنا يقدمه

اولا عاوز اعرفيك ان اكتر شغل ماوجود فى البلد شغل تجاره
بس فى نفس الوقت هتلائى اكبر عدد من الطلبه
فلو هاتدخلى تجاره انجلش فعلا لازم تبقى مميزه عن كل الى معاكى بأكبر قد ممكن
يعنى مثلا تنزلى تدريب كل سنه فى بنك
تاخدى كورسات انجلش و كورسات تانيه هتعرفيها لو دخلتى زى commercial exel
و لو فعلا تميزتى فى الكليه ثقى انيك هتشتغلى شغل مايحلمش بيه خريجيين الطب و الهندسه
انا لو قلتليك مرتبات الناس الى فى البنوك و الشركات المالتى ناشونال و شركات المرجعه بيوصل كام مش هتصدقى بأمانه
بس علشان تشتغلى فى حاجه من دول لازم تكونى مميزه اوى
و عاوز اقول حاجه تانيه برضو ثانويه عامله حاجه و كليه حاجه تانيه خالص ممكن ناس تكون لحقت تجاره انجلش بالعافيه و تلاقيهم من اوائل الدفعه و ناس تانيه دخلتها بمجموع كبير و ماتعرفش تمشى فيها كويس فا اهم حاجه حبى الكليه دى بجد علشان تعرفى تمشى فيها و بجد كليه لذيذه جدااااااا و مجلات شغلها تحفه و مرتبات شغلها تحفه

انا محتاجه لاى حد يرد على سؤالى ضرورى جدا جدا جدا دلوقت تنسيق الثانويه العامه اتقفل لو حد يقدر يفيدنى ضرورى انا ملحقتش اقدم التنسيق بتاعى

انا دخلت دلوقتى على بوابة الحكومة المصرية مكتوب ترقبوا نتيجة المرحلة التالتة
انا بصراحة معرفش انت مرحلة ايه و معرفش بصراحة اذا كان المرحلة التالتة ظهرت و لا لا
بالتوفيق

لا دة انا ملحقتش التنسيق اصلا و مش عرفة اعمال اية ؟؟؟؟؟؟؟

مش فاهمة يا جنا انتى ملحقتيش ايه بالظبط يعنى الوقت فات و لا المجموع

لا مش المجموع انا اصلي كنت مسفرة وملحقتش اكتب التنسيق