ألسن عين شمس ( استفسار)
 

ممكن يا شباب اى حد يقولى الفرق بين اللغة الاولى والتانية
يعنى مثلا اللغة التانية دى فى سنة اولى بس ولا ايه
ده غير ان الشغل بعد كده بيبقى على اساس اللغة الاولى ولا التانية ؟
وياريت اعرف عنوان الكلية بالظبط عشان انا مش عارف مكانها تحديدا (لو جمبها مترو يبقى تمام اوى)
ولو حد يعرف ميعاد التقديم امتى ؟

اللغه الاولى هى اللغه الرئيسيه بتدرس عنها كل حاجه ادب ونحو ومحادثات اما اللغه التانيه بتاخد 3 محاضرات فقط ف الاسبوع يا دوبك تعرف معلومات جيده عن اللغه الشغل بيبقى على اساس اللغه الاولى لانك بتكون متمكن فيها اكتر واللغه التانيه بتطورها وتزودها بالكورسات وهى مستمره لحد سنه 4
وعنوان الكليه انت بتنزل فى محطه العباسيه تخرج بره المترو بتلاقى عربيات كتير بتقول جامعه جامعه بينزلك قدام أداب عند الاشاره بتعدى الناحيه التانيه ناحيه تجاره وبس كده تكون وصلت
ميعاد التقديم اعتقد بعد العيد

مشكر يا معلم بس معلش انا محنتار اختار روسى ولا ايطالى فرست
مع العلم ان السكد بتاعى ان شاء الله اسبانى

[QUOTE=mandomao;4721818]

من رأيي ان ايطالى افضل وده لينك الاتحاد تقدر تعرف فيه مميزات كل قسم
http://www.facebook.com/Alsunsu

[QUOTE=Alaa teny;4724833]من رأيي ان ايطالى افضل وده لينك الاتحاد تقدر تعرف فيه مميزات كل قسم


بجد متشكر اوى على الردود دى كلها
بس هو القسم بتاعك ايه ؟

[QUOTE=mandomao;4731480] الشكر لله بالتوفيق
ألمــــــــــــانى :)

ممكن استفسار من Alaa teny ممكن تكلمينا شوية عن قسم الالماني عشان احتمال كبير يكون اختيارى كالغة اولي

تمام اولا قسم المانى محتاج شويتين صبر وعزيمه لانك فى اول اسبوع هتلاقى معامله مش لطيفه من بعض الدكاتره وليس الكل فى بعض الدكاتره هيرجعو مراجعه سريعه على حاجات ثانوى وفى جزء مش هيشتغل اول اسبوع اصلا من حيث المواد فهى متوسطه الترم الاول هتاخد نصوص عامه واستماع ومحادثات وعربي وجرامتك وسكند بتمتحن فى النصوص والعربي والاستماع والمحادثه والسكند والجرامتك ممتد مواد الترم الاول سهله نسبيا وكويسه
مواد الترم التانى عربي ونصوص نثر وقصه *وسكند وجرامتك ومقال_مطالعات _وترجمه من وإلى
مواد الترم التانى صعبه شويه
مشكله قسم المانى انه للاسف معروف ان تقديره نادرا ما بيوصل لامتياز ممكن جيدا جدا وجيد
ندخل على السكند بقي لااااااااااااااااازم تختار سكند سهـــــــــــــل لان الالمانى صعب انك تقدر تجمع بينه وبين لغه تانيه لانه بيحتاج مجهود كبير
وان شاء الله لو قررت فعلا انك هتدخل قسم المانى فبأذن الله هقولك على القواميس المطلوبه واماكن تواجدها

شكرا علي الافادة بس ياريت توضيح ف حتة معاملة مش لطيفة دى
بالنسبة لموضوع السكند ف باذن الله بفكر في الاسباني او الايطالي
شكــــــــــرا مرة تانية

طيب بالنسبه للسكند مش عارفه جرب اول اسبوع وشوف مناسب مع الالمانى ولا لأ
ولو مش مناسب تقدر تحول عادى خالص
اما بقى فى موضوع المعامله بعض الدكاتره بتنسي ان الطالب لسه خارج من المدرسه
ودكتور دخلت لينا اول اسبوع وشبه قفلتها فى وشنا وده كان سبب ان ناس تكره القسم وتحول وياااااااارب محدش يحصله زينا كده فى اول اسبوع
فى دكاتره للأسف يكرهوا الواحد فى القسم والكليه كلها وفيه دكاتره بجد ربنا يكرمهم بيستوعبوا أن دى اول سنه ناخد المانى لان المانى ثانوي مش الالمانى
ولا شكر على واجب بالتوفييق