زهقت من المذاكرة
 

ياشباب
انا زهقت من المذاكرة
انا زاكرت كويس جدا في شهر 10 و 11 و 12 وبعدين جيت في شهر 1 نمت شوية بس مركنتش حاجه (في حاجات عايزة مراجعة اي نعم بس مفيش حاجه مركونة تمام او محتاجة مجهود )
دلوقت قولت اخد اجازة شوية من المذاكرة عشان اعرف اكمل
وبرضه كل يوم من الاسبوع اللي فات افتح الكتاب نص ساعة واقفله
كمية ملل غير طبيعية
حتي لو هبص في السقف طول النهار احسن من المذاكرة
اهم حاجه ياجدعان انا عارف الترم التاني
مش عايزه يضيع مني
انا لما بفتح الكتاب بحس اني عارف كل حاجه فبزهق جامد
واما اجي احل احس اني مش عارف اي حاجه (مع اني عارف )
ياريت اي نصايح بجد
مع العلم ان من اول اعدادي لحد ثانوي كل درجاتي في حدود (85-95%) يعني مش وحش للدرجادي مع اني مكنتش بذاكر اصلا
لازم اخش هندسة يعني لازم معنديش حل تاني

انا اقدر اديك نصحتين لو وصلت لشعور انك عارف كل حاجه انت وصلت لبدايه النهايه بدليل لما بتحل مش بتعرف فالحل انك تحل كتير هتعرف مستواك الحقيقي وتشتغل عليه تاني حاجه دي نصيحه علشان م تتصدمش الصدمه واشه مفيش حاجه اسمها لازم واهلك لازم يكونوا مقتنعين بكده اهو دي بقي الي فيها لازم مدام انت بتذاكر وهتعمل اللي عليك مفيش حاجه بقي في ايدك تعملها دي اخر حاجه تقدر تعملها الباقي علي ربنا

فانت محتاج تركز

امممممممممممممم بصراحة مش عارفة انا اصلا مكنتش بذاكر اول السنة :d اممممم تلاقيك هتفك كمان كام يوم ....بس خد بالك انك متطولش في الحالة دي
وبعدين متقلش لازم انتا مش بايدك حاجه يا بشمهندس قول يارب :d
وادعيلنا الله يباركلك

بس ده والله اللى اقدر اقوله حاول تشوف فى حاجة غلط اكيد فى ذنب حتى وان ام يذكر حاول تبحث ولو ملقتش ابدا صفحة جديدة مع نفسك وهتحس بانك عايز تكمل وبعدين حاول تعمل انجاز فى المذاكرة يحفزك وبس كده ده راى شكراشَكَوْتُ إلَى وَكِيعٍ سُوءَ حِفْظِي فَأرْشَدَنِي إلَى تَرْكِ المعَاصي وَأخْبَرَنِي بأَنَّ العِلْمَ نُورٌ ونورُ الله لا يهدى لعاصي

تسلم علي ردك
بس بصراحة انا مش مطمن برضه
فيه ناس بتخوفني جدا وناس لا
ناس قالتلي ادامك انت خدت الاسبوع اللي انت خدته اجازة ده انت كده ضايع ضايع ومش هتنفع
وناس تقولي زيك كده بالظبط
والمشكلة في اصحابي انهم بيجوا يتنصحوا عليا
يقولولي انهم مبيذاكروش هما كمان وزهقانين (كدابين طبعا :d)
وكل واحد فيهم عاملي فيها عم الفاشل
وفي الاخر الاقيه طالع في العالي
بس اتمني انها تروح مع الوقت لاني طول الوقت قاعد بفكر فيها
ساعات لما باجي احل مثلا رياضة (كله يبقي تمام جدا) لكن اللي بيبقي في دماغي
انه مش هيجيب الكلام ده
لازم يجيبلي حاجه عمري ماشوفتها
وساعات بحس اني هجيب صفر
انا عارف ان معظمها توهمات
بس برضه مش قادر اقنع نفسي بكده
وفي نفس الوقت مش عارف اذاكر
قولت النهاردة (كما الجدول بتاعي -ناجح جدا علي فكرة- ) اني هراجع علي اربع فصول قصة انجليزي واذاكر يونيت جديد او اتنين مع مراجعة الكلمات - مخلصتش غير فصل واحد بعد عناء ولف ودوران - احبط جدا جدا
وحاسس اني مش هعرف اذاكر تاني زي الاول
ربنا يهديني

والله هوا فيه كتير
وده انا خايف منه اكتر
بس المشكلة متأصلة
وحلها مش هيبقي في يوم وليلة :d

اسمع كلام الدكتور بس برضك حط في مخك والله الكلام ده حقيقي وفعلا بيحصل لو انت مش بتغلط اعرف انك مبتتعلمش جديد بس انا الكومنت اللي قبل كده كان قصدي ان الواحد لما بيوصل لشعور انه خلاص عرف كل حاجه بتبقي دي بدايه النهايه لازم يكون فيه توازن بين الاثنين