|
معلمى الفيوم ينظمون وقفة يوم الاربعاء 20/4/2011 للحصول على خطابات التعيين
فى البداية احب اقول لكل اصدقائى ان المحافظ لو شايفنا رجالة كان وقع على محضر التنظيم والادارة اللى على مكتبة منذ اسبوع اويزيد ولكن للاسف بسبب السلبية بتاعتنا الموضوع عنده عادى ومش مهم
اتصلت اليوم بمدام تريزة مسئولة التعينات بالفيوم وابلغتنى بغيابها يوم الاحد القادم 17/4/2011 لانة احد الزعفة ويوم الاثنين اذا المحافظ مضى على المحضر سترسلة فى نفس اليوم الى الادارات التعليمية بالمحافظة لاستخراج جوابات التعيين اعتبارا من الثلاثاء اما فى حالة عدم التوقيع من المحافظ فسننتظر حتى يوقع كلام مدام تريزة اكدتة لى احدى صديقاتى عندما تجمعوا يوم الاربعاء 13/4/2011 امام المحافظة وكان عددهم 10 وقابلهم الحاكم العسكرى واخذ اثنين منهم لمقابلة المحافظ وعندما ابلغوا المحافظ ان كل المحافظات انهت اجراءات التعيين ماعدا الفيوم رد عليهم وقالهم انها محافظة متخلفة وطردهم من مكتبة الذى كان موجود فية فى ذلك الوقت حسن حجازى وكيل الوزارة الذى طلب منهم مقابلتة الساعة 11 فى المديرية وعندما ذهبو الية رفض مقابلتهم لذلك اطلب من كل ابناء محافظة الفيوم المشاركة فى وقفة يوم الاربعاء الموافق 20/4/2011 الساعة 12 امام المحافظة فى حالة عدم اصدار خطابات التعيين قبل هذا الموعد للتنسيق 0145198966 |
خلاص يا معلم راح جلال السعيد وجالنا الفخراني يارب ارحمنا
|
شكرا استاذ احمد مسعود على الموضوع بس متأ خر شويه بس مفيش مشكله هندلهم فرصة لحد يوم الاربعاء وان شاء الله ربنا يقدرنا بس لازم ننسق لليوم ده من دلوقت انا هتصل عليك علشان نتواصل
|
ارجوا دخول كل الاعضاء من الفيوم والتواصل مع الاستاذ احمد مسعود
|
ارجوا من مشرفين المنتدى تثبيت الموضوع للاهميه والتعاون مع اخوانهم فى محافظة الفيوم الواقعين تحت ظلم المحافظ ارجوا التعاون
|
فعلا احنا لازم ما نسكتش
المحافظ بتاعنا اصلا ملوش لازمة من الاول لازم نوريهم اننا موجودين بالفعل وهو تحت امرنا ولو مش عجبه يرحل |
ياجماعة المحافظ اتغير بس لازم نقوله اننا موجودين ولازم نعمل الوقفة
اما بالنسبة لكلامي بالنسبة للقرار انا ليه ناس قرايبة في الادارة قال ان في كلام ان المحافظ القديم مضي القرار لكن بكارثة انه يطبق ابتداء من شهر 7 يعني هبل في هبل فلازم نقف مع بعض فرصة اخيرة |
اقتباس:
احسن خبر والله يارب بقى التانى ده يبقى عنده شويه دم ومضى من 1/7 ازاى اشمعنى احنا يعنى اصل المحافظ القديم ده بيصعب عليه يلاقى حد هيفرح ربنا ينتقم منهم كلهم احنا لازم كلنا نتجمع فعلا ونقول زينا زى الباقيين وبعدين القرار كان نازل على موقع الاكاديمية وموقع الوزارة من 1/3 ومش المفروض نسكت |
ياجماعة والله انا اخدت ورق نت الادارة حوالى 7 او 8 ورقات من اقرارات لاستمارة 103 لكشف لبيان الحالة الاجتماعية انا فرحت وقلت ابشر الناس
لكن للاسف قالوا الورق خلصه واعمل الباقي بس قرار المحافظ ان اول استحقاق للراتب في شهر 7 يعني هنخلص الورق في 3 او 4 شهور " بسرعة النملة " الله ينتقم منك ياجلال ياسعيد وربنا يكرمنا في الفخراني وميكنش زيه وربنا معانا ولازم نعمل وقفة وانا اول الناس اللى هيكونوا موجودين ومش انا بس احنا حوالي خمسة على الاقل وربنا يكرمنا |
المحافظ اتغير
كلف الدكتور عصام شرف رئيس مجلس الوزراء الدكتور محمود عاصم جاد، ليتولى منصب محافظ الفيوم، بديلاً عن اللواء عبد الجليل الفخرانى، وهو ما بررته مصادر لـ"اليوم السابع"، بأن المجلس العسكرى رفض استمرار الفخرانى فى منصبه فى حركة المحافظات الجديدة. |
نتمنى أن اول حاجة يعملها المحافظ الجديد توقيع قرار استلام العمل مثل باقى المحافظات
|
مش عارف هو ايه السر وراء التضارب وربنا يكرمنا وميغيرش الراجل ده
اهو احسن من الحرس القديم |
الدكتور محمود عاصم جاد، يارب يبقى راجل محترم
مش زى ال قبله وانا معاكم ان شاء الله يوم الاربعاء انا واصحابى ارجو التثبيت |
ارجو التثبيت
|
مشاركة للرفع
موعدنا 20/4 |
| جميع الأوقات بتوقيت GMT +2. الساعة الآن 07:30 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.