ممكن مساعده عن نظام الدراسه في فنون جميله
 

انا ثانويه عامه 1998 معايا بكالوريوس طب بيطري وعايزه اقدم في فنون جميله فبسال طلبه الكليه عن نظام الدراسه وهل لازم احضر كل يوم ولا يومين او تلاته كفايه وهل في سكاشن وغياب وحضور ولا مافيش و هيه كام سنه اربعه ولا خمسه وكمان فرص العمل نظامها ايه

دراسة طلبة وتقديم وتحويل للكلية من اول سنة دة صعب جدا لان الكليات دى قافلة التحويلات
مفيش الا دراسات حرة فى كل الكليات او تعليم مفتوح فى اسكندرية بس
هى 5 سنين طبعا وبكالريوس شهادة عليا وفى حضور وغياب وسكاشن بس مش بالصعوبة اللى انت فاكرها :)
فرص العمل ممتازة لان عدد الطلبة فيها قليل بس كلها عملى ولازم كل واحد يطور مستواه

شكرا علي الرد
انا مش طالبه مش هاحول من كليه تانيه انا مخلصه الكليه من زمان
السكاشن بتكون كل يوم ? اننا مش بسال عن صعوبه الدراسه اكيد مش اصعب من طب بيطري بسال عن لازم احضر كل يوم

مش كل يوم بس هيكون فى تسليمات كتير عملية زى لوحات ومشاريع
كل حاجة ليها صعوبتها مينفعش اقارنها بطب لان دى حاجة ودى حاجة تانية خالص بس كل الانظمة صعبة ودى ميزة مش عيب احسن متدخلوا كلية مفيهاش تعب والاخر الخريج يبقى ضعيف :)