|
افكار منقذة (لكل من فاته قطار المذاكرة فى الثانوية العامة) ارجو التثبيت
السلاام عليكم ورحمة الله وبركاته
انا معرفتش اذاكر طول النسة ودولقتى جاى مش عارف اعمل ايه انا ضيعت ان ندمان انا مستعد اموت بس الحق اعمل ايه؟ انا حالتى النفسية زفت وقررت اقسم السنة :oلانى حاسس لو دخلت مش حعرف اعمل شئ ايه الحل؟:( دى كلها اسئلة بتجيى من كتير جدا من طلبة الثانوية العامة والى كان كنت انا فى نفس موقفهم دة السنة الى فاتت بس فى افكار بصراحة انجزت معايا جامد جدا وكانت سبب فى انى الحق نفسى وبصراحة اغلبها ترجع لصديقة اختى الى جابت 99 فى الية وهى ادبى ومذكرتش الا قبل الامتحان بشهر طب انتى بتقولى دة ليييييييييييييييه بقول دة عشان اعرفكم ان الافكار دى او الخطة المنقذة (والمنقذ ربنا طبعا قبل اى شئ ) مجربة واثبتت نجاخها واتمنى تستفادو منها فحكلم عن كل مادة وكيفية خطة الانقاذ بتعتها وربنا يقويكم يارب احنا تقريبا قدمنا شهرين للمتحانات فان شاء الله نلحق بالافكار دى نستغلهم كويس اهم شئ المطلوب الاتى 1_بسمة امل :) اه امل وامل عالى كان وقرار بعدم التفكير تماما فى اىشئ راح وركعتين كدة لله ان يبارك فى الفترة الى جاية دى و وطبعا ركعتين توبة عن التقصير الى فات فى المذاكرة لان دى مسؤليية وامانة فلو قصرنا فيها كان قصرنا فى عبادتنا بضبط المهم نستعين بالله كدة وبرح عالية قوى وقرار بنسيان الى فات والتركيز فى اى جاى وانش ءا الله نستغل الايام دى احسن استغلاال 2روزمة ورق فلوسكاب واقلمة خطها كويس 3_كام دوسيه 4_مكتب تذاكر فى او مكان لوحدك كدة ا_الانجليزى سر التعب بتاعها ان الناس بتبصلها انها فصول وقصة وغيره نظرة مجزاءة يعنى ولكن الناس المميزة بتبص على اسا س ورقة الامتحان والانجليزى بيكون من الاتى ىكلمات_لغويات (يعنى مثلا الكلمة دى لو جات مع حرف لجر دة تبقى ليها معنى لو جات خع دةى يبقى ليها معنى تانى او جمل مهمة قوى وهكذا)_قواعد_قصة-ترجمة _محادثة_المواقف +البرجراف+القطعة كدة خلصنا تماام *الكلمات عملت فيها مايلى جمع كل كلمات اليونياتات فى كام ورقة فلوسكاب بس طبعا بكتب اسم اليونت الى تحته الكلمات دى وكام ورقة فلوسكاب فيها لغويات المنهج المهمة قوى لممتها من كتاب سربريز وورق شرح المستر وكتاب المراجعة كمان *وورق لامم كل قواعد المنهج برضه يعنلى حكتب القاعدة وشرح بسيط وراها بحيث يساعدنى فى استرجعها علطول *وبنسبة للمحادثة والمواقف اغلبها بتكون متلخصة بشكل حلو واهم كلمات الترجمة برضه موجودة *وبنسبة للقصة هاتو كتاب سربريز و المذكرة واجمع اسئلة كل الفصول فى ورق فولسكاب بس طبعا اسلائلة المتكررة مش حتكتبها يعنى الاول طبعا حتخدو من كتاب سربريز الاساسى + المذكرة فصل ورا التانى بالاضافة لكام روقة برضه تكتبه فيها كلمات القصة التخيصات دى كلها ممكن بشدة جامدة تاخد يوم او يومين طيب دلوقتى فى سؤال حنعمل كل دة ليه ؟ حقوللك لان بكدة حيصبح معاك دوسيه لامم كل منهج الانجليزى تقريبا فى الدوسية دة ودة الى حتراجع منه وقت الامتحان مش تكون فاضى حضرتك تفتح شئ فحيكون دة مراجعتك حضرتك ومنهج يكون متجمع معاك احسن ميبقى متقطع فى كل حتىدة احسن تنظيما ومساعدة ليك طريقة المذاكرة : حتخلى يومين بس حتنزل طحن مش حتقوم من الكتاب حفظ كل كلمات والغويات الى حفظتها وفى كتاب سربريز مراجعة تقريبا بيبقى فى اسئلة خاصة بكلمات حتحلها كلها وبعد كدة يومين زيهم لقواعد وحل كل الاسئلة الىموجودة فى كتاب اسربريز او اى كتاب مراجعة الموجودة القصة حتقسم مذاكرتها كالاتى نختار مقلا عدد فصول معين 4 مثلا 3او نحفظ الكلما تبتاعتهم الى جمعنها فى ورق فلوسكاب نقراهم كويس من الكتاب بتاع القصة الاساسى واى كلمة احنا وبنقرا منفهمهاش نطلعها ونشوف معناها ونفسهمها كانها احداث وبعدين نمسك منا لورق المجهزينه ومجمعين فى الاسئلة نحفظ الاسئلة دى بعد مكنون حفظنا الكلمات الغريبة الى احنا معرفناش معناها وبعد كدة نقراها من الكتاب وحاوللو تفهموها اكنها فيلم مترابط الاحداث وبعد كدة احفظ اسئلة الفصول من الورق الى انت جهزته وانتيهنا * حدد يموين برضه لمحادثة والمواقف كون حفظتهم من كتاب المراجعة وحليت عليهم الاسئلة الى بتكون وراهم * بنسبة لترجمة والبراجراف دى بتعتمد اولا على حصيلة مفرداتك بالاضافة الا اسلوب كتبتك فى البرجراف يعنى يفضل تفحظ كدة مقدمة حلوة ونهاية حلوة تصلح لاى موضوع ولو اتبقى وقت فى كلمات ترجمة موجودة ورا فى كتاب المراجعة احفظها بالاضافة ححد ورقة فلوسكاب تكتب فيها اهم الحاجت الى تاخد باللك منها انت وبتكتب البرجراف او الترجمة ودى بتبقى موجودة اى مذكرة ترجمة او كتاب من ورا وبعد دة خلى يوم كدة لحل ما تقدر عليه من امتحانات طيب فى سؤال هام الى حليته دة كله من يعمله حقوللك كلم الاستاذ بتاعك او حتى اى استاذ يعلملك الكتاب دة وانت جنبه ان شاء بفلوس يا استاذ ان عايز حضرتك ساعتين ولا حاجة وشوف حياخد كام ودة فى رئى اهم وافضل منك تدفع شهر ولا اد كدة فى مراجعة الامتحانات الى بيعولها بطريقة دى ىف ظرف اسبوع ونصف او اسبوعين بكتير تكون خلصت مادة الانجليزى حتى لو مكنتش فتحت المنهج ملحوظة (الكلاام دة بينطبق على اغلب الغات يعنى نتعامل معاها حسب ورقت الامتحان بطريقة كلية مش جزئية يعنى حفظ الكلمات مع بعضها القواعد مع بعضها وهكذا زى لفرنساوى والالمانى ) تبوعنا حنزل باقى المواد انشاء الله :) |
جزاك الله خيرا
وارجو انك تنزليهم بسرعه ملحوظه ان شاء الله تكتب هكذا لان المشيئه "شاء" غير الانشاء " انشاء " |
جزاك الله خيرا , ارجو منك ان تنزيليهم بسرعة لانى انا واحد من الناس اللى فاتهم هذا القطار :(:angry2: ..
فى ملاحظة كدا بعد اذنك , اذا احنا اخدنا كل مادة فى وقت معين مش ممكن اننا ننسى المذاكرة ديه فى الامتحان ؟! يعنى مثال الانجليزى فى اول اسبوع و نصف و مش هنرجعله تانى .. يوم الامتحان هنفتكر حاجة ؟ , شكــــــــــــــــــــــــــــــــــــــــــــــــ ـــــــــــــــــــــــــــــرا جدا لانى انا واحد م الناس اللى محتاج الخطة ديه :022yb4::022yb4::022yb4::022yb4::022yb4::022yb4::0 22yb4::022yb4: |
الفزياء
اانا يا جماعة بعتذر ان دى حتكون اخر مشاركات انهاردة يعنى حكتبها لان عندى ظروف قد تمنعى انى ادخل على المنتدى او النت بشكل عام فارجو تقبل اعتذراى وبنسبة للمادة انجليزى ان حد بيسال ان كدة ممكن ننسى المادة فجوابى عليه هو ان لو ذكرت كويس صعب يتسنى بالاضافة ان كل يوم لو اخدت ساعة مرة تراج الكلمات مرة القواعد مرة القصة وهكذا مش حيتنسى باذن الله
وبنسبة لناس الى بععتت سالتنى على ا لرياضة فانا كنت علمى علوم فمش عارفه ايه نظام رياضة 2 فبعت لبعض الناس كانت علم رياضة لو قدرت تدخل تفديكم باذن الله الفزياء بتترتكز على جزئين 1_ قوانين ومسائل 2_مفاهيم وعلماء وتجارب واثباتا ومقارنة لاى اخر 1_القوانين والمسائل القوانين :لازم حضرتك تكون مخحضر ورق الشرح كامل ومترتب من الاستاذ الى كنت بتاخد معاه ولو مش كامل تصوره ونعمل خريطة ذهبنة لكل فصل بالقوانين بتاعته ازاى ؟ احنا بيكون عندنا قانون ومن القانون الاساسى دة نشتق منه عدة قوانين يعنى مثلا نضرب البست فى وحدة قياس معينة يدى قانون نضرب المقام فى وحدة قياس تانية او رقم معين تانى يدينا قانون تانى خالص كل قانون من الى بيطلعو دول بيبقى عليهم اسئلة وهكذا قانون مشتق >>>>>>>القانون الاصلى <<<<<< قانون مشتق ومفروض ان القوانين دى وكيفية اشتقاق القوانين منها بتكون مكتبوة فى ورق الشرح اذان بعد معملت دائرة فىيها القانون الرئيسى وفرعت منها دواير فيها القوانين المشتقة وعلى الاسهم الموصلة تكتب الى عملنا ليتحول القانون دة الى دة وهكذا ويفضل لو عندى ورق كبير زى الخرايط كدة تكتب على كل دائرة فيها قانون مشتق ارقام اهم المسائل الى جاية على القانون دة عشان دة حل المسائل : حضرتك على كل قانون بيكون مجموعة من المسائل خد مثال واحد بس والمسائل الى الاستاذ حللها فى ورق الشرح طب وباقى اسلائلة نعلم فيها ايه حضرتك فى اسئلةى الاستاذ بيكون معلم عليها فى الكتاب انها مهمة دى اكتب ارقمها فى ورقة بحيث تبقى تبص عليه وتحاول تحلها ولو كنت متابع كويس استلف ييسدى اىكتاب من زمليلك كان متابع وانقلها منه ورجعه تانى المهمة بس لان طبعا صعب تحل كل المسائل من اول وجديد وباقى الافكار حتلاقيها فى اسلئة الامتحانات انش اء الله كدة يبقى خلصنا من القوانين والمسائل 2_ بنسبة للمفايهم والتجارب وهكذا فى مذكرات بتبقى شاملة كل علماء المنهج وكل التجارب والى اخر بس مرة وحدة لو لقيتها يبقى يفضل تصورها لان زى مقلت قلب كدة المذاكرة الكلية افضل شئ يعنى لو ملقتش يبقى يفضل تاخد يوم كدة لوحده تنقل فى كل دول فى ورق فلوسكاب وتنقل لك التجارب مع بعض الاثبتات المفاهيم الى اخره ودى تتحفظ مع بعضها وفى النهاية حيكون بعد متكون خلصت القواينن والعناصر الباقية اطحن نفسك حل اتحانات ودة الجزء الاهم بجد بمعنى الكلة عايزك تحل زى متقول من امتحانات مع الوقت اقسمب الله حتورح اى رهبة وثانيا لو اجزء واقعة منك شوية حتلمها بسهولة وحتكون حفظت منظر السؤال بيجى ازاى |
علم النفس والاجتماع
علم النفس والاجتماع المادة دى ببساطة حلها كل فى 4 اايام او 5 بكتير اليوم الاول لعلم النفس تحفظه صم من المذكرة واليوم التانى وانصف اليوم التالت حفظ صم لمذكرة علم الاجتماع وباقى اليوم الثالت مراجعة عليهم هما الاتنين وهو امتحانت +المذكرة +الكتاب المدرسى متبصش على اى شئ بعد كدة واليوم الرابع حل امتاحانات بالورقة والقلم وحل اسئلة الكتاب المدرسى وبعد كدة انتهت بس حفظ صم وتكرار كتير طبعا هو مضووع الحفظ دة بيختلف من ناس لناس بس مش حيجى ادى انا كنت بكره شئ اسمه حفظ ولكن مع التكرار كتير اكتشفت ان الموضوع موضوع تعود لو ضغطنا لى نفسنا حيعدى |
اقتباس:
اقتباس:
http://www.thanwya.com/vb/showthread.php?t=495957 وربنا يوفقكم يارب |
الف شكر على الموضوع الرائع
|
الرياضيات
بسم الله الرحمن الرحيم انا بإذن الله هنوب عن اشرقت في الحديث شويه عن مادة الرياضه باختصار شديد أولاً بدعو ان ربنا يوفقكم جميييعاً بصوا الرياضه دي ماده فاكهه كدا حاجه لفتح النفس والله وانتم ال بتدوها اكبر من حجمها الرياضه اهم حاجه فيها الثقه ف النفس بمعنى انك عشان تحل لازم تبقى مقتنع انك تقدر تحل كونك انت مقتنع ان الرياضه صعبه فلازم تبقى صعبه هديكوا مثال على كده مثلاً في الإصرار اني لازم اتأكد اني اقدر انا لما كنت في تانيه ثانوي مكنتش بحل رياضه كتير يمكن محليتش خالص بس طبعاً مانصحش حد بكده الفرق ان انا كنت بحب الرياضه من صغري فكنت بعرف الم في أي مسأله صعبه انا اصحابي كانوا بيحلوا كتابين تلاته تقريباً انا الوحيد ال محلتش أي حاجه يمكن كام مسأله بس من كاتب المدرسه وكتاب المعاصر كان فاضي اصحابي كانوا بيحلوا كتير عشان خايفين من الرياضه واحد منهم من كتر خوفه دخل الامتحان بتاعنا بتاع 2010 كان صعب جدا وهو كان حالل كتييييييييييير خاف ينقص راح ساب الامتحان وضيع سنه كامله من حياته عشان مش واثق في نفسه ولما عادها بردو نقص فيها نص درجه او درجه بردو مش فاكر الله يكرمه عقبالكم هو ف طب دلوقتي المهم انا مكنتش بحل خالص بس كنت واثق ف نفسي وكنت ضامن الرياضه دخلت الامتحان لقيت الامتحان صعب جدا او شبه مستحيل احله كله صح تصوروا عملت ايه قعدت دقيقتين اقرا الكرسي وادعي ربنا واقسمت على نفسي بالله اني مش هسيب الامتحان إلا وانا مخلصه كله شئت ام ابيت هخلصه يعني هخلصه وقولت في نفسي مين مستشار الماده دا ال يعجزني انا هحل وفعلاً عشان كنت واثق في نفسي جيبت الفل مارك طبعاً هو مش اعجاز ناس كتير جابوا الفل مارك بس اقصد يعني ان اغلبهم كانوا بيذاكروا انا مكنتش بذاكر بس فادني توفيق ربنا اولاً ودعوات امي ثانياً وثقتي في نفسي ثالثاً .... ندخل في المهم بقى طريقة المذاكره لو بدأنا بالرياضه واحد الرياضه واحد زي ماكلنا عارفين بتنقسم لفرعين التفاضل وحساب مثلثات دا فرع وهو دا الفرع الاسهل بس لما بيحب يرخم فيه ف الامتحان يعرف يرخم فيه براحته لأنّ فيه مساحه واسعه للتفكير والفرع التاني هو الجبر ببساطه التفاضل وحساب مثلثات دول لل مذاكرهمش خالص خالص بمعنى كلمة خالص انا اقدر اضمنله الفل مارك فيهم ف خلال 3 ايام بس بس يكون واحد عاوز يتعب بجد بقى بص ياحج ابو تريكه :022yb4::022yb4: التفاضل دا بابين الباب الأول فيهم تقدر تاخده كله كدا على بعضه في في كام ساعه 4 ساعات حلوين عليه اوي بلاش نقول يوووووم كامل بس مذاكره جد يعني الباب الأول دا ال هو النهايات والنهايات الجميل فيها انك ببساطه تقرا القوانين وهتلاقي المسأله متضبطالك تحلها على طول مش فيها فلسفه يعني إلا بعض الأفكار البسيطه جداً ال الاستاذ هيلخصهالكم او لو تحبوا انا اجيبهالكم المهم ياحج انت تقعد كام ساعه كدا تاخد القوانين تفهمها كويس مش تحفظها وعلى طووول تبدأ حل امشي كدا على حوالي 12 مسأله من كل نوع كل مسأله المفروض متاخدش معاك اكتر من 3 دقايق فلنفترض ان كل نوع هياخد معاك 45 دقيقه وعندك مثلاً 6 انواع الضرب في المرافق والقسمه المطوله والدوال الأسيه و الدوال المثلثيه و التحليل وما إلى ذلك يعني قول 6 انواع في ساعه إلا ربع يعني بالضبط 4 ساعات ونص قول خمسه وساعتين انك تفهم القوانين يعني سبع ساعات انا اضمنلك لو عملتهم دول صح زي ماقولتلك فإنت كدا ضمن أولاً ال 8 درجات تقريباً ال على الباب دا . الباب الثاني الإشتقاق : دا اتفه منه مفيش بصراحه يعني كل مافيه انك تذاكره في ساعه بالكتير وتبدأ تحل فيه دا انا اقدر اقولكم اني اختصرت يمكن نص الباب دا كله في رد هنا ف المنتدى على الصفحه دي يمكن اه الشرح ميبقاش حلو على النت بس اقصد انه بسيط http://www.thanwya.com/vb/showthread.php?t=413816 شوفوا هنا هتلاقوا يمكن نص الباب بتاع الاشتقاق مشروح وهكذا الباب دا قول معاك يوم كمان اهم حاجه انك تفهم القوانين وتاخد كام مثال محلول واشتغل حل مع نفسك متخافش هتغلط ولازم تغلط لأنّك لو مغلطتش دلوقتي يبقى في افكار معدتش عليها لا قدر الله ممكن تيجي ف الامتحان ودا اال منتمناهوش اقعد عيش بقى في الاشتقاق في الحل ممتع جدا ولو حد عنده أي مشكله ف أي درس فيهم يقولي وانا هحاول اضبطه على قد ماقدر ............. حساب المثلثات دا الجزء الأتفه في المنهج ولو اني ارجع واقول انه يقدر يلعب فيه زي ماعمل معانا في 2010 في السؤال الرابع لعب في الجزء بتاع قانون جيب التمام عموماً المنهج كله بتاع حساب المثلثات عباره عن قانون الجيب و ابسط منه مفيش إن طول أي ضلع على جا الزاويه المقابله له في مثلث قيمه ثابته وبتساوي 2 نق "نصف قطر الدائره التي تمس رؤوس المثلث " ومنه قانون مساحة المثلث وهو م =2/1 أب جا "ج" |
تابع وبعد كدا قانون جيب التمام ومن الاتنين تطبقوا عليهم في حل المثلث وكل دول حاجات بتاعة عيال اوي يعني عيب انكم تغلطوا فيهم المهم بقى هو زوايا الإرتفاع والإنخفاض دول يامعلم ياخدوا يوم لوحدهم تذاكر الأربع انواع بتوعهم وتبدأ تحل عليهم من كل الكتب ال عندك ببقى فيهم افكار كتير جديده تقعد تذاكرها برواقه وتحل عليها من كل الكتب وبكدا يبقى خلصنا على الفرع الاول ويتبقى اننا نبدأ نحل امتحانات ودا اهم شيء في الرياضه وفي كل المواد بصراحه المطلوب من كل واحد فيكم يبدأ يحل امتحانات التفاضل وحساب مثلثات من اول 90 لحد 2013 كل يوم وإن شاء الله تقفلوا الماده |
الجبر
الفرع الاخير وهو الجبر الجبر اكتر فرع فيهم تعويض واجابات تتابعيه منطقيه اكتر من كونها تفكير الجبر حل وحل ثم حل لا اكتر ولا اقل الجبر تقدر تذاكره في 3 ايام بردو واهم باب تركز فيه هو المتتابعات والمتتابعات سهله جدا بس محتاجه حل كتير عشان تتعود على تكنيك حلها بسرعه ف الامتحان وارجع واعيد واقول انه لازم تحل كتييييييير وبعدها بردو لازم نحل كل الامتحانات زي التفاضل وحساب مثلثات واهتم دايماً وانت بتحل انك تدور على نقاط ضعفك ايه ال بيغلطك وارجع ذاكر الدرس بتاعه تاني وتالت ورابع واعرفوا دايماً انكم مهما ضيعتوا وقت دايماً الأمل موجود وبالتوفييييق يااااااااااارب واتمنى اكون عرفت اقول أي حاجه لأنّي مضيع خالص بصراحه وليا عوده للرياضه 2 |
شكرا جزيلا " مريم " فعلا موضوع رائع و منتظرة بقية المواد ان شاء الله . |
جزاك الله خيراااااااااا
|
thank you
very goooooooooooooooooooooooood thank you |
طب و رياضة 2
|
اقتباس:
|
رياااااااااااضه اتنييييين والنبي يا جماعه الجبر والهندسه الفراغيه نعمل ايه انا وراهم نص يووووم عشان انا واخد علم نفس
|
رياضة 2 والديناميكا بالذات ارجووووووك
|
رياضة اتنييييييييييييييييييييين ونبى
|
اقتباس:
اقتباس:
اقتباس:
|
طب و العربى و علم النفس ؟؟؟ |
اسالونى فى اى حاجة انا تحت امركم
|
السلام عليكم اسفة جدا لتاخير الفترة الفاتت دولقتى احنا الى فضلنا مادة العربى ومادة رياضة اتنين وعلم النفس احنا حطنا فى الصفحة الاولى ورياضة اتنين ان شاء الله قريبا حيكتبها البشمهندس احمد وبرضه اى حد كان علمى رياضة يقدر يساعد ياريت ودولقتى حنتناول مادة العربى
ماادة العربى: عايزة اكلكم ان سر رعب من المادة دى هى ان عناصرها كتير زى بضبط شغل الانليزى بس احنا اتفقنا ان اسا شغلنا الفترة الى جاية دى نحاول نلخص المنهج فى وقت قياسى وبطيق تخلينا نقدر نمسك كل طرف فى زى بضبط فى عروض المسرح لما بنمسك اطراف العريس دلوقتى العربى بيكون من ايه: /التعبير/ النصوص /نحو/قصة /بلاغة/قراءة / التعبير: ودة حنقلكم جزء كان مقتبس من موضوع انا والمذاكرة وهواك بيقول.>>>> اولا التعبير : عادة بينقص كل الطلبة بنسبة 99 منهم من درجة وانتا طالع لكن السنة دى غير كل سنة موضوع التعبير فى جيبك وخد عندك: - ثورة 25 يناير ورد فعلها علىالمجتمعالمصرى. - ثورة 25 يناير وانعكاستها على المجتمع المصرى . - مصر بعد يوم 25 يناير واختلاف الاوضاع . - مصر اثتاء الثورة ومدى ترابط ابناءها اثناء الازمة. والى خلافة. سر من اسرار درجات موضوع التعبير وهو كتابة مووضع التعبير وتدرج عناصرة ازاى؟ السر يكمن فى انة بيضع موضوع تعبير سهل للناس كلها تكتب فية اى كمية لكن مش فاهمين وحلين اللى طالبة منهم المستشار اللى موزع الدرجات بص على الموضوعات اللى انا حاطتها عن 25 يناير هتلاقيها مكونة من جزئين الجزء الاولثورة 25 ينايروالجزئ الثانى هتلاقى مثلارد فعلها على المجتمع المصرىيعنى سياتك لو مكتبتش ضمن عناصرك افكار توضح رد فعلها على المجتمع المصرى بتنقص درجات وهو دة معظم اللى ينقص الطلاب درجات على الفاضى ومن غير ما يحسوا . وكمان: 1- لابد من وضع عناصر للموضوع . 2- خد بالك لان اول عنصر لابد وان يكون قبل الحدث يعنى ما تخشش فى النوضوع على طول . مثال : - ثورة 25 يناير ........يكون اول عنصر هو مصر قبل 25 يناير يعنى حتككلم عن مصر قبل 25 يناير باختصار. - المرأة فى الاسلام .....يكون اول عنصر هو المراة فى الجاهلية وما قبل الاسلام . وهكذا . 3- الموضوع يكتب على هيئة فقرات وراعى النظام النحوى بقدر الامكان. 4- مرن نفسك على كتابة مواضيع كتير قبل الامتحان . 5- خلى بالك من جزئية انك تسيب فى اول سطر فقط فى الموضوع مسافة كلمة فارغة وتبدا من بعدها لان الحتة دى عليها نص درجة . 6_ خد باللك من الغلطات النحوية الى دايما بتقع فيها .................................................. ................ النحو: النحو لاى كله شغل رعب منه عايزة اقولكم انا كنت فىاول السن لانى مكنتش باكر الو باول لاسف لقيتنفسى فى الاخر محتاسة فى ومع ذللك بالحقولكو دةى الحمد لله تقريبا كان عندى غلطة وحدة فى قطعة النحو النحو دة حنعمل فى بضبط زى القواعد فى الانجليزى مع اختلاف بسيط حضرتك ييسدى عندك كتاب الامتحان كان مخلى جزء خاص بنحو حضرتك يكون قدمك بعد كدة عندك ورق الشرح بتاع النحو بتاع المدرس بتاعك هاتو اوص صورو لو مش معاك كامل وانقل كل قاعد مع شرح ومثال بسيط بخطك كدة فى ورق فلوسكاب مش حيطلعو خمس ورقات على بعض بس اسمه يكون ملخص النحو كله معاك ومتعتمدش على ملخص نحو ارجى انا عايزة ايدك تشرب القاعدة بنفسك وبعد كدة ورا كل درس فى كتاب الامتحان فى نماذج محلولة ونماذج مش محلولة ركز فى المحلولوة راجع قاعدة ورح حلها علطول وشوف الحل بتعها ايه وهكذا وبنسبة للهى الكشف فى لمعجم انا كنت بعمل فى كراسة النحو من ورا جز ءخاص اى معنى غريب اروح اكتبه واشوف يطلع فى المعجم ايه فانت وبتحل لقيت اى ححاجة من السؤال دة صعبها انقلها واحفظها عندك علطلول وبعد كدة فى بيقى مذكرة فيها قطع النحو بتاعت الامتحانات السابقة مع حلها انا يسيى عايزك تمسكها كلها وتنزل حل وتشوف مع الحل الكتير حتفهم الحاجات المش فهمها زائد انك حتقل رهبة الخوف من النحو خاااالص .................................................. .................................................. البلاغة : ودى حبدا بيها قبل النصوص علطول ولازم تعرف ان دى تعتبر الدراس اليمن بل الشمال لنصوص تقريبا انا بعتبرهم هما الاتنين سؤال واحد بس البلااغة سؤال جزئ دى يسيدى كبرها اى ملخص لاى مدرس متلخص فيها الاستعارة والكناية وكدة اصل دى مش مستهلة تتلخص فكرتها بس هو انك متتلخبطش وحلها فى انك تفرق كويس بين الحالات احفظ كويس المذكرة المتلخصة وحل كل نماذج البلااة بتاعت السنين الى فاتت وغالبا بتيجى منها وش .................................................. ............................................... النصوص : ودى يسيدى حنذكرها بطريقة يمكن هى طريقة غريب شوية بس صدقنى حتريحك وتقلق منك الخبطة الناتجة عن ان النصوص كتير وكدة اولا بنسبة لنصوص انا بقسمها لحاجتين طروف وحشو ازااااااااى ؟ يعنى الطروف الى هى مناسبة الى كتب فى لشاعر النص دة مين اسا الشاعر دة مولده وكدة وما تميز به اسلوب الشاعر فى النص وسمات الشاعر الحشو الى هو الى جواه (حفظ النص +معانى+جماليات+شرح) اولا الطروف د حتتذاكر ازاى حضرك كدة ورقة فلسوكاب او اتنين كبير وتسرطرها على هيئة جدول ,واعذرونى مش عارفة انقل رسمة تفصيلية بضبط بس ححاول ااوضحها بشكل مبسط اسم النص .................................................. ............ الشاعر ناشئة الشاعر مناسبة النص سمات الشاعر اسلوب الشاعر فى كتابة النص وهكذا اى شئ مرتبط بسمات النص .................................................. ....... 'طيب كل نص بقا المه ازاى حضرتك معاك ورق فلسوكاب +قلم احمر وقلم اسود وقلم ازرق وقلم رصاص مثلا نكتب البيت الشعر بلون وتحتيه بقلم الرصاص نكتب المعانى الصعبة فى البيت تحتبه بسهم نكتب معانى الجمال المهمة فى حاجات قد تكون سهلة مش شرط تكتبها بس يفضل تكتب كل حاة ودة بلون تانى بس ايه الكناية اكتبها(ك) استعارة مكنية(ا.ك) وهكذا تحتيه بلون تانى شرح البيت بشكل مبسط وهكذا كل بيت وفى نهايةلو فى اى ملاحظة كانت مهمة عن البيت دة اكتبه الطريقة قد تبدو صعبة وحتاخد وقت طويل بس والله ابدا وعن تجربة عمرك محتتلبخط ولا حدخل الابيات فى بعضيها انت وبتحل بعد كدة اولا لانك كتبت بيدك ثانيا كدة اصبح معاك ملخص نصوص مش محتاج بعيده تمسك اى مذكرة او اى شئ تشتغل حل علطلو ل وانت بتحل اى شئ عموما خلى كدة معاك ورقة قول اسئلة مهمة مثلا سؤال اختر المعنى المناسب او لفظ صعب اى حاجة اكتبها حتلاقى نفسك حفظت الحاجات دى سريع النثر :دى الشئ الوحيد الى ممكن تذاكره كدة تحت بعضه لان مشحينفع تعمل فى زى الصنصو حيكون الموضوع صعب ان شاء الله اقطع الجزء الخاص بى من مذكرة الشرح وضمه للملخص بتاعك .................................................. ...................... القراءة: دى بقا وعن تجربة اتفه حاجة بس هى محتاجة بس تحفظ الاسئلة بجبتها حفظ صم ونموذجى زائد حفظ صم لمعانى المفردات وحل بقا اسئلة امتحانات الخاصة بيها صم عاشن تقدر تطلع الكتكات ال فيها ومش محتاجى اى شئ .................................................. .................... القصة : دى يسيدى حضرتك حتلم كل معانى المفردات المهمة الموجةدة فى الكتاب المدرسى والاضواء والامتحان فى كام ورقة فلوسكاب وححاول افهم الاول الاحداث الى انت يمكن تكون حاسس انك مش فاهمها وحفظ كويس قوى لاجابات على كل فصل وحل بعد كدة بجملة متحلش فصل ورا فصل ودى نصحيتى .................................................. ................................................ ملاحظاااااااااااااااااات هامة مصادر الحل(اسئلة امتحانات +كتاب المدرس ويفضل تقطع الاوراق الى فيها الاسئلة على كل نص او كل فصل وتضمها للفيل الفى التلخيص بتاعك بتع كل فرع+اسئلة كتاب التقويم مهمة جداااااااااااااااااااااااا) بكدة نكون الى حد ما انتهينا من اللغة العربية بس لسة هنقول كلام تانى ما تخافوش وكلام هيمتعك بس الكلام فى المرحلة دى علشان تحاول تزاكر مع نفسك ويارب ما كنش نسيت حاجة ياريت تفكرونى. لكن فية درس تانى على حاجة ممتازة هتعرفوها لاهميتها. ازاى تجبر المصحح علشان يديلك الدرجة كاملة غصب عنة لازم تعرف ان المصحح مش هيديلك درجة السؤال كاملة الا اذا حضرتك اجبرتة على كدة بحجات زى: 1- تنظيم وتنظيف ورقة الاجابة يعنى قبل ما تكتب كلمة حاول تتانى وما تتلخبطش نهائى وتظل ورقة الاجابة نظيفة ومرتبة . 2- بالنسبة للغة العربية حاول فى الاسئلة اللى ممكن تختار منها سؤال فقط انك فعلا تحل سؤال واحد وبس مش سؤاليين. 3- ودى الاهم الجمل الاستفتاحية للاجابة بالنسبة مثلا للنصوص حاول تشوف افتتاحية حضرتك معجب بيها لسؤال محلول من كتاب المعلم وخلى اجاباتك زيها تمام مثال زى مثلا فى اجابة سؤال فى النصور يبا بمثلا وقد قال الشاعر فى قمة تجلياته ووصف كذا وكذا .................. الى اخرة يعنى جمل شديدة يعجب بها المصحح علشان يديلك الاجابة كاملة . 4- على العكس مع موضوع التعبير ممنوع نهائيا البدء بمقدمة والانتهاء بمقدمة قالها ليك المدرس ممنوع المصححين بيتغاظوا دايما من الحركات دى انما ابدا بعبارات صاخبة شديدة اللهجة قوية من صلب الموضوع دى بيعجب اللى بيصحح موت موت وممكن من مقدمة بس تاخد الدرجة كاملة . مثال لو اخترنا ثورة 25 يناير مثلا ؟ اوعى المقدمات زى دىنهائيا مثلا (انة من دواعى سرورى ان اكتب فى هذا الموضوع) ممكن ببساطة تنقص نص الدرجة من اول مطلع اوعى المقدمات دى طب اية الصح . -الصحانك تبدء بجملة قوية زى (لقد عاشت مصر فترة عصيبة يتراسها الخونة و يفشوها الفساد يعلوها ذو الاموال والمناصب ويستضعف فيها الشريف تفشوا فيها الوصاتة وينكسر فيها ذوى الهمة والنشاط .....وتكمل بوصف فترة ما قبل 25 يناير ..................)ممكن تاخد الدرجة كاملة من غير ما يقرا المصحح موضوع لانك بدات ببداية من مظهرها ان موضوعك متميز جدا. 5- حاول تكتب بافضل خط عندك وما تخفش الوقت والله هيكفى ويفيض. وبكدة ممكن نقول ملكش حجة فى اللغة العربية ولو ليك عرفنا |
اقتباس:
|
جزاكم الله خيرا |
اقتباس:
|
انا اعدادى هندسة اولا رياضة 2 مش بعبع ولا حاجة بس هى عايزة واحد عنده اساسيات رياضية بمعنى متأسس فى الرياضة طبعا الدروس اللى فاتتك تقدر تذاكرهم من نفسك هتقولى ازاى هقولك اولا ذاكر الامثلة المحلولة اللى فى الملخص بعد قرائة الدرس من الملخص بسرعة بس اهم حاجة تفهم الامثلة المحلولة كويس وبعدين تحل الاسئله هتلاقى الموضوع ايزى خالص اما بالنسبة للملخص فأنت لو هتتمد على شرح المدرسة وكتاب المدرسة فانا بأفضلك كتاب لامى هو أكتر كتاب بيجيب اصعب الافكار وشامل جميع الافكار اللى فيكى يا رياضة 2 اما لو هتعتمد على كتاب خارجى فى الشرح فأنا بأفضل ليك كتاب الوسام افضل كتاب فى الشرح وبيجيب الاسئلة الصعبة الموجودة فى الدليل وبيشرحها فى الامثلة المحلولة وملئ بالملاحظات اللى هتساعدك فى حل المسائل ده لو موجود بمعنى لو نزل فى المكتبات أما لو منزلش فتوكل على الله وأشترى المعاصر بس حله من الجلده للجلدة واوعى تشترى الممتاز واوعى تشترى 100 % اما الدليل قدامك حلين اما تشرية من اول السنة مع الملخص وتشوف الافكالر الجديدة اللى فيه وتخلصها مع كل درس اول بأول بس لو جبت لامى مش هتحتاج للدليل او تجيبه اخر السنة وتحل منه سريع سؤيع مع كتاب 100 % جميل جدا فى المراجعة اهم نصيحة انك ترتضى ربك عشان يرضى عنك وانك تحل اسئلة كتييييييييير واى استفسار فى حاجة تانية انا موجود :d:d:excl:
|
يا جماعة ارجو تثبيت الموضوع لان ناس كتير ممكن تستفاد منه فى الوقت الحالى
|
تم التثبيــت :)
وجزاكِ الله كل خير :) |
اقتباس:
|
اعتذار
إعتذار انا مش عارف اقولكم ايه بصراحه لأنّي كنت وعدتكم اني هتكلم عن الرياضه اتنين عشان ناس كتير كانوا عاوزين أي استراتيجيه للمذاكره فيها بس والله كان لظروف خارجه عن إرادتي مقدرتش خالص يعني كنت اغلب الوقت بدخل من موبايل فمش هعرف اكتب مشاركه بالحجم دا ابداً وبعد كدا حصلتلي شوية مشاكل وظروف نفسيه فنسيت خالص والله واتمنى تقبلوا اعتذاري دا ودلوقتي حالاً بإذن الله هبدأ في كتابة مشاركه لتدارك الرياضه 2 في الفتره القليله القادمه والله ولي التوفيق :) . |
الرياضه 2
بسم الله الرحمن الرحيم في الأغلب الرياضه 2 بتبقى اهم ماده الطالب بيركز عليها عشان فروعها المتعدده وكمان صعوبتها على بعض الناس ناهيك عن انها الماده الأساسيه ال بتأهلك للكليات الهندسيه بمختلف انواعها معضلة الرياضه اتنين الكبرى تشعبها ..... يعني انك تلاقيها الماده الوحيده ال 6 فروع بخلاف اللغه العربيه طبعاً ودا ال بيجهد الطالب فيها وهو بيذاكرها انه مش عارف يمشي ف ايه ويذاكر ايه ويذاكره ازاي طبعاً انا سبقني الباش مهندس حسن وقال بما فيه الكفايه ربنا يجزيه خير بس انا هعيد التنبيه ببعض النقاط السريعه كدا وربنا يوفقني ف ال هقوله ويوفقكم في مذاكرتكم وامتحاناتكم يارب ............... الميكانيكا الميكانيكا تقريباً اهم فرع بالنسبه للطالب او اهم فرعين يعني خصوصاً انهم هم الاتنين جداد على الطالب مخدهمش قبل كدا وبرغم كدا الميكانيكا ممكن تحسها صعبه اوي بس تلاقيها اكتر فرع بتجمع فيه درجات ف الامتحان وانت مرتاح اغلبكم هيقول ازاي ياعم انت شكلك مش فاهم حاجه :022yb4::022yb4: هو بعيداً عن امتحان السنه ال فاتت ال كان صعب بس انا بتكلم عن كل سنه الميكانيكا مفيهاش اختراعات يعني الأفكار بتتكرر هي هي بس بيغير ف الارقام وحاجات بسيطه جداً ف المسائل يعني مثلاً بدل ما يقولك ان سياره كانت طالعه منحدر بقت نازله من على منحدر فرقت ف اييييه معاك غير ف الحدود بتاع معادلة الاتزان ؟؟؟ وهتكمل المسأله زي ماهي بالضبط فالميكانيكا لو حليت فيها 4 امتحانات تقريباً هتبقى لميت كل الأفكار ال موجوده فيها وأهم شيء تحل الامتحانات الصعبه زي بتاعة السنه ال فاتت وطبعاً طبعاً 2008 الامتحان التوب طيب الميكانيكا بتتذاكر ازاي؟ هو دا الشيء ال كان تاعبني وانا بكتب المشاركات عن الرياضه سواء رياضه واحد او اتنين ان السؤال سخيف بصراحه الرياضه بتتذاكر ازاي ؟ :D ماعرفش بصراحه هي طريقه واحده عند كل الناس اقرا القوانين واحفظها وافهمها قبل ماتحفظها واقعد حل امتحانات مفيهاش فكاكه يعني :slap1qk6: وقبل ما احل امتحانات اكيد لازم احل امثله على الدرس نفسه ال ذاكرته وياريت لو قبل ماحل مسائل كمان ذاكرت كام مثال محلول يعني الخطوات بالضبط 1- فهم ثم حفظ القانون 2- مذاكرة بعض الأمثله المحلوله 3- حل بعض الأمثله والتدرب عليها بالقلم 4 - عند الانتهاء من الفرع كاملاً يتم النقل إلى الإمتحانات وحل بعض الامتحانات والأفضل ان تحل منها قدر استطاعتك يعني لو قدرت تحل 200 امتحان حل مش هتخسر حاجه بل بالعكس دا بيثبت المعلومات عندك اكتر من المسائل العاديه وكمان بيديك الثقه ف نفسك إنّك لما تدخل الامتحان تعرف تحله لأنّك حليت زيه واصعب منه قبل كدا مليون مره طيب لو حبينا نقول المذاكره نفسها تاخد مننا كام وخلوا بالكم يعني ان دا اهم فرع قولنا ف الرياضه الاستاتيكا الباب الأول والتاني والتالت بسلطاتهم ببابا غنوجهم يوم واحد لأنّ الباب الأول والتاني اساساً مفيهمش شغل يعتبروا مدخل لعالم الاستاتيكا واقصد اليوم دا يتعمل فيه ايه ؟؟ اذاكر قوانين واشوف امثله محلوله ع كل باب واحل كام مثال ع كل باب منهم بردو طيب هحل امتحانات ؟ لأ استنى خليك معايا شويه الباب الرابع والخامس سوا ياخدوا يوم تاني ونفس النظام ........................ نيجي للديناميكا الديناميكا فيها شوية افكار حلوه فمحتاجه تركيز شويه بس عاوز اقولكم ان احياناً بيجيب قوانين حفظ يعني يسألك عن تعريف القدره مثلاً ومش عايزها تعريف رياضي لا تعريف كقانون المصطلح بتاعه ف اللغه العربيه يعني والحاجات دي كلها موجوده عندكم ف الكتب بمختلفها يعني متخافوش وهي حاجه حلوه منه انه يجيبهالكم بتبقى درجتين مضمونين كدا ف آخر سؤال الديناميكا البابين الأول والتاني ف يوم نفس نظام الاستاتيكا والباب التالت والرابع يوم تاني بس دا يوم هيبقى مرهق شويه وهياخد مذاكره كتير بس لازم نستحمل وانا عارف انها غلطتي انا والله عشان اخرت جداً عليكم بس انا متأكد انكم لو عرفتوا ظروفي هتشفقوا عليا والله المهم كدا خلصنا مذاكرة الفرع ف 4 ايام نعمل ايييه ؟ هناخد يوم خامس بقى دا نعيش فيه امتحانات على قد مانقدر نقعد نحل امتحانات ميكانيكا قدر المستطاع والمسأله ال منعرفهاش نشوف حلها ونرجع نذاكر الباب بتاعها بسرعه عشان نتدارك اخطائنا وطبيعي هتلاقوا حاجات متعرفوهاش بس مع كتر الحل كل دا هيتلاشى بإذن الله |
الجبر والفراغيه
الجبر والفراغيه دول فروع سهله بس هي ال احياناً بتضيع درجات من الناس هم مش محتاجين كلام عنهم كتير يعني بصراحه بس كل ال ممكن يتقال ان الفراغيه اهم شيء فيها اهم شيء فيها فعلاً حفظ القوانين والمصطلحات بالعربي كويس جداً لأنّه لازم بيجيبها كل سنه ف اول سؤال ف الفراغيه بتبقى واخده النص الاكبر من السؤال وتحتها مسأله تافهه كدا فالسؤال كله بيبقى مضمون واحد يقولي طب مانا ممكن اسيب السؤال دا واخد السؤالين التانيين اقوله اه طبعاً براحتك بس خليك عارف ان المسائل ال هتيجي ف السؤالين التانيين هيكونوا اصعب بكتييير من المسأله ال ف السؤال الاول فالسؤال الاول دا مضمون للكل وانا عن نفسي بقول حرام نفرط فيه وهو مبدئياً يعني انتم لازم تحلوا كل الاسئله ف كل الفروع يعني متستعجلوش انكم حليتوا ف كل فرع سؤالين وتمشوا لأ كملوا السؤال التالت ف كل فرع ومش هتخسروا حاجه اساساً بس لأنّكم ممكن يكون عندكم غلطة سهو كدا وقعت منكم حاجه بسيطه وإحن اولى بكل نص درجه اكيد ......... سياسة المذاكره هي هي ال قولناها ف الميكانيكا وهي هي بالنسبه للرياضه كلها يعني المهم الوقت والحد الأقصى لإنهاء كل فرع عشان الوقت بتاعنا بقى ضيق الفراغيه كلها كدا على بعضها يوم واحد وكتير عليها اليوم كمان الجبر يومين كويس عليها جداً يعني بصراحه بس احذركم من باب الاعداد المركبه ولا التركيبيه مش فاكر :d ونيجي لليوم الرابع زي ماقولنا بردو نحل امتحانات على قدر المستطاع . . . . ............................ التفاضل والتكامل دول بقى اتفه فرع في الماده تقريباً عند اغلب الطلبه الفرع دا مضمون بإذن الله انا مش عارف اقول فيه ايه يعني بس التكامل لما تيجي تذاكره طبعاً هيتذاكر بعد التفاضل مفيهاش كلام لأنّه العمليه العكسيه للتفاضل بس ال اقصده مش هيحتاج منك اكتر من نص يوم التكامل مع التركيز هتضبطه بإذن الله والتفاضل يوم ونص حلو عليه وتاخد اليوم التالت ف امتحانات بردو وكدا تبقى خلصت الرياضه كلها ف 12 يوم بس انا بتكلم دا كله على اعتبار انك مخلص باقي المواد ومتنسوش يا جماعه اهم اهم اهم اهم حاجه الامتحانااااات ومره تانيه ربنا يجزي الآنسه اشرقت عني وعنكم كل خير لمجهودها دا وربنا يجزي الباش مهندس حسن ال سبقني وكان له السبق كل خير أيضاً وانا تحت أمركم ف أي استفسار تاني بإذن الله ومره اخيره آسف جداً على التأخير وربنا يوفقكم يارب في الفتره الجايه لأنّها ممكن تكون اهم فتره ف حياتكم اراكم على خير بإذن الرحمن :) وأتمنى تكونوا استفدتوا مني أي شيء بس انا كنت بتكلم وانا مزنوق بالوقت عشان انا جيتلكم متأخر فاعذروني |
مووضوع تحفـــــــــــــــــــــــــــ‘ــ‘ـــــه
|
الف شكر على هذا الموضوع المفيد
|
بالله عليكو يا جماعه حد يساعدني يقولي اعمل ايه؟ انا دلوقتي النهارده كان عندي امتحان فيزيا وبعدين مش عارفه جرالي ايه في الامتحان اغمي عليا ومعرفتش اركز خالص ومعرفتش اعمل حاجه المهم يعني هشيل الفيزيا ومش قادره اتكلم ولا انطق ومش عارفه اعمل ايه يمكن دا لاني منمتش ولا اكلت بقالي كام يوم بسبب توتري من الفيزيا واهلي زهقوا معايا وانا مش كان جيلي نفس لاي حاجه وكنت قاعده بذاكر جيت النهارده مش افتكرت ولا كلمه وحيات ربنا ومش عارفه اقول لاهلي ايه ؟دول كانوا يروحوا فيها لانهم تعبوا اوي معايا طول السنه المهم دلوقتي انا اعمل ايه محتاجه حد يقولي ؟ طيب والدور التاني دا بناخد دراجته كلها ولا ايه النظام ولا اعيد السنه كلها؟؟ انتم رايكم ايه؟؟؟ |
اقتباس:
اقتباس:
اقتباس:
|
اقتباس:
ليه الرسايل الخاصة نريد ان يستفاد الجميع لانى عندى نفس المشكلة بس لمادة اخرى مع العلم انى لسه مكملتش 500 مشاركة حتى استعمل الرسايل الخاصة |
اقتباس:
هوا مش بينفع ابعت رسايل خالص اعمل ايه؟؟؟ |
اقتباس:
|
اقتباس:
|
اقتباس:
|
اقتباس:
|
مريم انا لي استفسار بس عايزه عالخاص والله ضروري ممكن ؟؟
|
اقتباس:
|
اقتباس:
|
اقتباس:
|
اقتباس:
|
اقتباس:
وانا عاوزه نتكلم علي الخاص افضل بس مش عارفه المشكله دي منين مش بيظهر مربع ليه مش عارفه |
معلش يا جماعة انا لقيت ان كان بس فى شمكلة فى الاعدادت عندى عاشن للعايز يبعت رسايل وبنسبة لاى حد عنده مشكلة خاصة بالمذاكرة تبقى تتبعت هنا معلش منعا لاحراج معادا بس(نفسى اموت)لانى ارستلهابالفعل وهى بنت شكرا جزيلا ليكم
|
جزاكم الله خيرا
|
| جميع الأوقات بتوقيت GMT +2. الساعة الآن 03:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.