|
10 اسباب لرفض البرادعي !!
هل البرادعي مؤهل للرئاسة ؟؟؟ تعالو نشوف كل الاسباب اللى ممكن تؤهلة لكده
1-البرادعي رجل علم ويمكنه النهوض بالتعليم في مصر على اي شيء استندتم بأنه رجل علم الراجل كان ماسك وكالة الطاقة الذرية ولا يمت للعلم بأي صلة .... فهو خريج كلية الحقوق اي رجل قانون وليس رجل علم 2-البرادعي شخص له مكانة دولية قد تفيده هو الريس مبارك مكنش ليه مكانة يعني :d اي رئيس بيبقى ليه مكانة دولية .... جمال مبارك نفسه قابل قبل كده بوش لما كان رئيس واوباما لما بقى رئيس 3-البرادعي هو امل التغيير اي رئيس جديد لازم حيغير جمال مبارك اول ما حيمسك البلد البلد حتنتعش على الاقل في اول سنتين وده اللى بيعمله كل رئيس في بداية فترته لكسب اصوات الناس بس ياترى متأكدين إنه تغيير البرادعي حيبقى للأفضل ؟ 4-الرجل لديه العديد من الخطط الموسعة للنهوض بكافة الجوانب بمصر انت شفتها ؟ في لقائه مع منى الشاذلي قال إنه عايز يعمل ويعمل ويعمل زي ما كل الناس بتقول انها حتعمل لكن مكنش عنده اي حاجة واضحة او اي خلفية عما يجب القيام به لذلك يبقى محدش يقولي عنده استراتيجيات ناجحة 5-البرادعي صادق وتحسه قريب قوي من الشعب هاتلي واحد محاولش يقرب من الشعب وعايز منصب http://forum.fcicafe.com/images/smilies/kez_01.gif ابسطها واقربها جمال وعلاء مبارك بعد احداث مباراتي مصر والجزائر بس منين بقى عرفتو إنه صادق ؟؟ اسباب أخرى : 6-البرادعي لديه جنسية امريكية وانا لا اقبل ان يكون رئيس بلدي معه جنسية غير مصرية ! مبارك لديه العديد من الانجازات ويكفي انه كان احد اسباب النصر في تدمير في خط برليف فأي الانجازات قدمها البرادعي لمصر ؟؟؟ (كسب جايزة نوبل مش كده http://forum.fcicafe.com/images/smilies/ignat_02.gif) 7-البرادعي عاش فترة كبيرة خارج مصر فهل هو على دراية تامة بما يحدث في مصر (اه نزل الشارع المصري وصلى كمان في سيدنا الحسين وقابل الناس في الشارع عايزين ايه اكتر من كده http://forum.fcicafe.com/images/smilies/eh_s(4).gif) خد بالك من موضوع اختيارة للصلاة في مسجد الحسين دون غيره !! وده خبر من جريدة المصري اليوم مش كلام من عندي 8-البرادعي رجل علماني التفكير يريد فصل الدين عن الدولة واحد اول اهتماماته هي إلغاء المادة الثانية من الدستور المصري وبما إنكو مبرمجين ومهندسين فأكيد إنتو عارفين المادة التانية من الدستور http://forum.fcicafe.com/images/smilies/eh_s(20).gif والتي تنص على ان الاسلام هو مصدر التشريع الاول للبلد (مش لازم بالنص) فهل نقبل التغيير على حساب الدين ؟ ده احد الفيديوهات اللى بتأكد كلامي عشان محدش يقولي بفتي ولا بفسي من عندي http://www.youtube.com/watch?v=xlqxx20PrX8 9-لو مبارك مدايقكو عشان كان بيبني جدار فولاذي (لحماية امن مصر) فالبرادعي بإذن الله حيمرر القوات الامريكية على الاراضي المصرية لمناصرة اخوانهم اليهود في محاربة الارهاب الفلسطيني ده من باب المحبة المتبادلة بيننا وبين (ماما امريكا) وبحكم علاقاته الدولية !! 10-عليكم العلم بأن مبارك أحد ثلاثة أشخاص الأكثر معرفة بحال الشرق الاوسط جميعاً لذا فمبارك هو انسب شخص يمكنه متابعة القضايا العربية وهو الاكثر حكمة في تدبير شئون نفسه والبلد وفي حالة اختيار شخص نرشحه غير مبارك علينا بالبحث في القريبين له والمتابعين معه في معظم القضايا عندكو ناس كتير من مصر : ايمن نور ، عمر سليمان ، وغيره وغيره ممن هم اكثر دراية باحوالنا واحوال المنطقة العربية مش نستورد حد من بره يحللنا مشاكلنا _____________________________________________ عليكم العلم بأن : رفضي للبرادعي لا يعني موافقتي على مبارك *** الاكثار من التشبيه بجمال مبارك لا يعني تأييدي له بل اخترته لأوضح إنه حتى جمال مبارك حيعمل اللى فاكرين البرادعي وحده اللى يقدر يعمله *** مبارك شخصية عاقلة جداً وعبقرية جداً مشكلته الوحيدة هي افتقاده للرقابة لمن حوله وهو ده اللى ضيع صورته وضيع صورة مصر ودي مشكلته بس مش عشان اخفف الالم اللى في رجلي اروح اشربلي سجارتين ولا اسكر مثلاً يعني احاول حل المشكلة بمشكلة أخرى عشان نغير مبارك يبقى نجيب البرادعي *** وسؤالي لكم الآن بعد تلك الاسباب المفصلة المطولة هل تقبلون بالتغيير فقط لمجرد إنكم مش مع مبارك ؟؟؟ |
انا من وجهة نظري اقيد مبارك ربنا يتم شفاه على خير
|
الأخ بانزر شكرا على الموضوع
ومن أسباب رفض البرادعى 1- البرادعى توجهاته ليبرالية علمانية وهذا ضد الإسلام 2-البرادعى سوف يفتح الباب على مصراعيه-طبقا لمبدأ الليبرالية-لكل الفئات ليكون لهل وجود حر غير مقيد مثل البهائيين والقرانيين والشيعة وهذا ضد الإسلام . 3-البرادعى سوف يسمح بتكوين أحزاب من كل ملة ومن كل فكر ومذهب وبذا نتحول إلى أحزاب وفرق يعادى بعضها بعضا ولا مجال عنده للشورى الإسلامية فالرجل غربى للنخاع وهذا أيضا ضد الإسلام. 4- الرجل يسمح بترشيح إمرأة للولاية العامة وقبطى وهذا ضد الإسلام. 5-البرادعى المنفذ الأمين لسياسة أمريكا ولا يستطيع أحد أن يجادل فى ذلك كما حدث مع العراق وهذا ضد الإسلام. 6- البرادعى جاء ليطبق روشتة العراب الأمريكى للعلاج وهذا ضد الإسلام. 7-قلوب المسلمين تشتاق إلى تطبيق شرع الله وهذا سوف يكون بعيد المنال فى ظل رجل عاش بالغرب وتوجهاته علمانية. 8- تمسك الرجل بإلغاء المادة الثانية من الدستور التى تنص على أن الإسلام دين الدولة ، و اللغة العربية لغتها الرسمية ، و مبادئ الشريعة الإسلامية المصدر الرئيسي للتشريع ) هذا ضد الإسلام. 9-البرادعى يقدمه الان مجموعة متناقضة من البشر بين ليبرالى وماركسى وديمقراطى وإشتراكى وإسلامى وغير إسلامى وما يرضى طرف يغضب الاخر والنتيجة فوضى خلاقة تكون سببا لتدخل الأمريكان لحماية حقوق الأقليات والشاهد منا قريب. هل هذا هو ما نصبو إليه من تغيير؟؟؟ اللهم ولى علينا خيارنا ولا تولى علينا شرارنا السؤال لمن يقدمون البرادعى هل خلت مصر من الرجال حتى نستورد رجل؟؟؟؟؟؟ |
9-لو مبارك مدايقكو عشان كان بيبني جدار فولاذي (لحماية امن مصر)
فالبرادعي بإذن الله حيمرر القوات الامريكية على الاراضي المصرية لمناصرة اخوانهم اليهود في محاربة الارهاب الفلسطيني ده من باب المحبة المتبادلة بيننا وبين (ماما امريكا) وبحكم علاقاته الدولية !! ده كلام مرسل وعار من الصحة ومكنتش اتوقع أبدا انه يصدر منك يا محمد وبإختصار شديد ودون الدخول فى مناقشات لا تجدى ( اسئل مجرب ......:d) أنا مع البرادعى رئيسا لمصر وإن كنت أتفق معك على عبقرية الرئيس مبارك |
اقتباس:
انا حاطط عشر اسباب وانت بترد عليهم بجملة واحدة :d ماشي يا هاني ده رأيك وانا بحترمه |
دا طلع عنده بلاوي :o علماني وكمان يلغي المادة الثانية هرفضة وبشدة الفقر اللي معيشنا فيه الريس اهون مليون مرة لما نكون في بلد علماني ويلغي الأزهر ويمكن كمان يقول بلاش تدريس دين في المدارس والدين دي حرية شخصية :bosyht9: ويمكن يمنع الحجاب:stickjo4: ويجيب وزيرات مثل الحاجة مشيرة خطاب هي مصر مدمرة أصلا مش ناقصة بجد لنا الله لك الله يامصر ! مش عارفة ليه دائما بفتكر عصر سيدنا عمر بن الخطاب مفيش حد هيوصل لسيدنا عمر بصراحة انا مش عارفة ممكن نرشح مين ! المهم يكون منوفي :d طيب أنا مع الريس بئا :av4056bb7jp3: ربنا يارب يقدم اللي فيه الخير ويحكمنا رجل يتقي الله فينا عشان تعبنا بجد جزاك الله خيراا ياباشمهندس علي المعلومات دي وجريت خيراا أستاذي أبو إسراء |
فى رأيى البرادعى افضل الموجودين حاليا على الساحة
والفترة دى محتاجة حد زى البرادعى بشكل ملح جدا البرادعى فكرة |
اقتباس:
فأنت بذلك تضحي باسلامية مصر مقابل التغيير الذي نجهل إلى أين سيؤول بنا فهل انت واثق من خيارك ؟ |
اقتباس:
زى ماحضرتك واثق من خيارك بالظبط ويمكن أكتر شوية :d |
اقتباس:
الأخ الغالى محمد فوزى نحن نتناقش لكى نصل إلى الرؤية الأفضل. حضرتك لم ترد على أي من الأسباب التى ساقها الأخ بانزر ولا التى سوقتها أنا وطبعا نحن مستعدون تماما أن نتراجع عن أي أخطاء فى هذه الأسباب إن كانت موجودة. شكرا لك ودمتم يخير |
اقتباس:
الموضوع وجهات نظر وقناعات مش أكتر ومش شرط نكون متفقين على شخصية واحدة لخلافة الرئيس مبارك وهى دى الميزة الحقيقية لمبدأ الديمقراطية وفى النهاية ربنا يوفق الأصلح واللى فى ايده التغيير للأفضل فنحن نحتاج أن نتغير للأفضل وليس للأسوأ وأكيد حضرتك وأخى بانزر متفقين معى تحية برائحة المستقبل :078111rg3: |
اقتباس:
أكيد كل واحد بيبقى ليه وجهة نظره بناءً على اسباب وحضرتك مذكرتش ولا سبب لحد دلوقتي ولم تزد عن المناصرين له في شيء غير في شعار "التغيير" التغيير إلى العلمانية ،،، التغيير إلى الليبرالية مهو التغيير ليه انواع برده ومش كل تغيير حيكون في مصلحتنا |
عشان كدة بقولك كل واحد له قناعاته ورأيه الخاص ولاحظ انى حددت نوع التغيير اللى انا معاه وهو التغيير للأفضل الأفضل فقط ;) |
اقتباس:
حيجيله يوم ويتغير برده :d اقتباس:
اقتباس:
الله يخليكي نورتي الموضوع اقتباس:
وإلغاء الاسلام كمصدر تشريع تغيير للأفضل وإنه يحكمنا راجل غير ادرى باحوال بلده من سنين تغيير للأفضل فمش حقدر اناقشك :d |
اقتباس:
ايه الكلام الكبير ده هى كلمة الأفضل معناها العلمانية والغاء الإسلام :o طب ماهو سيادة الريس حسنى مبارك دايما بيقول انه بيحلم بمستقبل افضل للبلد معنى كدة انه بيحلم انه يعلمن مصر ويلغى الاسلام منها ؟ شئ لا يصدقه عقل :d |
| جميع الأوقات بتوقيت GMT +2. الساعة الآن 07:28 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.