معهد طيبة العالى للهندسة بالمعادى يالا اللى عاوز يدخله يالا نتجمع هنا
 

نفسى الاقى مساعدة انا محتارة اقدم ف معهد طيبة العالى للهندسة بالمعادى ولا فين انا رحته ولقيت هيحصلى خصم لانى جايبة اعلى من المجموع اللى بياخد منه وف نفس الوقت قرات ع النت ان معهد الشروق او مودرن احسن اعمل ايه وبجد نفسى حد يرد ويقولى عمل ايه لانى ملاحظة ان كلنا بنسال ومفيش حد بيجاب علينا صحيح معهد طيبة برضة بيعطى كارنية النقابة وبيعطى درجة البكالريوس فممكن تعرفونى ايه الفرق مش كله بكون مهندسة ف الاخر يعنى ف طيبة انا سمعت ان الدراسة اسهل من الشروق لانك لو شلت مادة ف الشروق بعيد السنة تانى يباه طيبة احسن ولا ايه رايكم ياريت اعرفه

طيبه او العبور بس انا ارشحلك انك تدخلى العبور بلاش طيبه خليه بعد العبور

طبب ممكن اعرف الفرق وكمان المواصلات او هل فيه سكن ولا لا ف العبور وهل المنطقة دى كويسة ولا ايه ارجوك رد عليه

المواصلات سهله جدا انا عن نفسى هقدم فى العبور ان شاء الله انا جمعت معلومات كتيرة عن معظم الخاص فى مصر واللى هينسبنى هو العبور فى كل حاجه انا رقم تليفونى اهو 0105875751 لوعايز تعرف اى معلومات

معلش انامش هينفع اتصل فلو ينفع حضرتك تجاوبنى على الاسئلة وتقولى ايه مميزات العبور

معهد طيبه سمعت انو اقل المعاهد هندسه وفى فى المعادى برده مودرن اكاديمى وسمعت ان مستواها كويس جداا انصحك ابعدى عن معهد طيبه :)

طيب انا عندى نصيحة لو انتى جايبة 70 % تقدرى تقدمى فى العاشر من رمضان وده الافضل هندسيا بالنسبة للخاص هوا مصاريفه 20 الف .. ولو المصاريف كتير يبقى قدامك المعاهد العليا او الاكاديميات زى ( العبور - القاهرة الحديثة - اخبار اليوم - طيبة - وادى العلوم - الجزيرة ..... ) متوسط مصاريفهم من 8 - 14 الف تقريبا . وطالما كله واحد بالنسبة للشهادة اختارى المكان المناسب (السكن ) والمصاريف اللى تناسبك منهم . ودا اللى حعمله بالظبط .

العبور : دراستها سهلة .

مكانها كويس ومشوارها مش صعب .

بتعطى كارنيه نقابة و معتمدة بس ده شئ مشترك فى كل الخاص .

اكاديمية القاهرة الحديثة : ممتازة برده و مش صعبة . وفيها سكن.

اخبار اليوم : اعرف ان سمعتها كويسة .

انا اختيارى حيكون العبور ثم القاهرة الحديثة . ان شاء الله.


انا من رأى مفيش ولا مميزات غير انك تشوف الاقرب ليكى والمكان المريح لكن كله واحد بالنسبة للشهادة .

من ناحية الخبرة والدراسة صدقنى محدش بيفيدك غير نفسك لو عايز ترفع من مستواك ومعرفتك حتبحث انت عن المعلومة وده طريقة التعلم والامتياز فى مرحلة الجامعة وكمان مفيش مهندس اسمه مش حيشتغل ومعاه نفس الشهادة .

على افتراض ان العاشر كويسة بس فى ناس مش حتقدر على اكتر من 10 -15 الف واالاكاديميات برده تمام
انا مش مقتنع بموضوع الاختلاف فى الفكر والمعلومات لان ده معتمد على اللى بيتعلم انا مثلا لو دخلت اى حاجة مش حكتفى بكتب الكلية اللى انا فيها حبحث عن كل اللى اعرفه واشوف الفرق .

انا معاك والله بس متقنعنيش ان بتاع طيبة هايبقى زى بتاع العاشر او الشروق

الا من رحم ربى

وبعدين بخصوص الفلوس انا شايف اصلا ان مصاريف معاهد الهندسة مش حاجة اصلا فى سبيل انك تطلع مهندس احنا فى نعمة والله بتوع رياضة مش علمى علوم يا بيض ياسود

اه والله افضل قرار خدته فى حياتى انى دخلت رياضة . وفعلا شهادة الهندسة تستاهل الفلوس اللى بتندفع وكمان معاك ان اللى فى العاشر مش زى اللى فى طيبة بس قصدى الاجتهاد والمهندس الناجح بيبقى من نفسه مش الدراسة او الصعوبة اللى بتخليك ناجح . ع العموم ربنا يوفقنا جميعا .

احسن شئ فى علم رياضة من وجهة نظرى لو جبت 50 % حتى تقدر تكمل معهد فنى وتدخل اى هندسة حكومى حتى هندسة البترول يعنى من الاخر بتقدر توصل لشئ لكن علمى علوم يا ابيض يا أخضر . :)

وانا جايب91.2 وداخل الشروق ان شاء الله نبقا زمايل..........والي بيسال ليه دخلت الشروق اقوله ان عشان بيتقالي يابني ادخلها عشان تتعين وتسافر.

ربنا معاك وتتعين وتسافر

والله انتو غلابة جدااا .. لسه مش فاهمين اللعبة .. الخاص كله واحد وعشان تعرفوا ان الجامعات دى كانت ولا ليه لازمة الا السنادى بص على تنسيق السنين اللى فاتت . العاشر كان من 65 و60 و ب 10 الاف . ولا حد كان بيسمع عن شروق ولا حاجة . السنة دى بدأ الخاص يبدأ مرحلة مجد جديدة فى اقبال شديد بدأ بعض الجامعات تعمل عرض اعلانى عن العمل والبعثات و دا بيخطف ودا مش عارف ايه وفى الاخر كانوا مش لاقين حد اصلا يروح عندهم السنسن اللى فاتت .. سيبكوا من الهجس بتاع الخاص ده واعرفوا بس ان كله واحد فى كل حاجة بس انت تختاروا على اساس الحاجات اللى فعلا حتفيدك وحتاثر عليك زى ( السكن - المصاريف - المعاملة )
غير كده مفيش اى عيوب تذكر بالنسبة للعمل ودى حتعرفوه باذن الله بعد متتخرجوا حتلاقى كله شغال فى نفس المكان بدون اى فرق يذكر غير التقديرات والامتيازات دى ممكن تفرق ..

دى مقارنة باصحاب قدامى مخلصين هندسة ودا اللى بيقلوه ..