ألسن ولا أثار ولا أداب قسم أثار
 

يا جماعة يا ريت حد يقولى اعمل فى المشكلة دية و ربنا يوفقنا كلنا إن شاء اللة و نخش الكليات اللى نفسنا فيها يا رب .

انا مش عارفة
السن هتاخد كام بالضبط؟
بس اعرف انها فوق ال90
ممكن تجيلك اقاليم
وعندك الافضل فى الشغل
كلية تجارة
خاصة تجارة انجلش
ربنا يوفقك ويوفقنا جميعا

شكرا يا أختى على ردك يعنى كدة فى رأيك أنا ينفع أخش كلية أثار حتى لو أقاليم .
و بالنسبة لتجارة إنجلش أنا سمعت إنها ب 3 الاف جنية فى السنة يعنى أنا هدفع ال 3 الاف جنية دول مرة واحدة فى أول السنة ولا بتتقسم على الترمين يعنى كل ترم الف و نص يا ريت تردى عليا حضرتك و شكرا ليكى .

مفيش داعى تقولى حضرتك
انا طالبة ب3 ث زيك
وادعيلى ادخل كلية الطب(بشرى او اسنان)
اما عن مبلغ
تجارة انجلش
اعرف انه اعلى من تجارة العادية
بس مش زى الجامعات الخاصة
بس المبلغ فى معظم الكليات كان بيدفع على ترمين مش مرة واحدة
ربنا يوفقك
ويوفقنا جميعا

شكرا على ردك و إن شاء اللة تخشى الكلية اللى نفسك فيها.

أولا مافيش حاجة إسمها ألسن أقاليم ........ مافيش غير ألسن عين شمس وألسن المنيا والفرق بينهم بالكثير درجتين
ثانيا مافيش حاجة إسمها آثار أقاليم لأن مافيش غير أثار واحدة بجامعة القاهرة
ثالثا أنا آسف إنى أقوللك مجموعك لا هيجيب ألسن ولا أثار بأى حال من الأحوال
رابعا أنسب حاجة ليك فعلا تجارة إنجلش بس ياريت يكون درجتك عالية فى الإنجلش فى مجموع السنتين
خامسا ربنا يوفق الجميع ........ شكرا

بفرض يا عادل
انه ساكن فى اسيوط
وجاتله السن القاهرة
هتكون بعيدة بالنسبه له
فتكون اقاليم
يعنى انا مش بهديه على الفاضى
اما مجموعه
فتجارة انجلش ليه كويسة لو مجموعه عالى فى اللغات
وربنا يوفقنا جميعا

الأقاليم هى كل الجامعات غير جامعات العاصمة (القاهرة - عين شمس - حلوان) دى جامعات مركزية - فيما عدا ذلك جامعات إقليمية مثل قناة السويس - بورسعيد - المنصورة - الإسكندرية ... إلخ

طب يا جماعة أنا جايب 41.5 فى الانجليزى يعنى ممكن أدخل تجارة إنجلش ولا لأ .
و كنت عاوز أسأل فى حاجة لو حد يعرف فى كلية الأداب فى قسم اسمة أثار دة شروطة اية يا ريت لو حد عارف يقولى .

مش عارفة
بيطلبوا كام فى درجات اللغات
بس 41.5 مش قليل اوى
لكن هسألك ان شاء الله
ربنا يوفقك ويوفقنا جميعا

بص حاليا التجارة إنجلش بقت كلية منفصلة مش زى الأول تدخل كلية التجارة وبعدين تطلب قسم إنجليزى ......... دلوقت تنسيق منفصل من الأساس تماما ....... يعنى لو مجموعك ودرجتك فى الإنجلش مش هيجيبوا ......... التنسيق مش هيقبلها منك من الأساس. وعلى الأرجح وفى إعتقادى إنك إن شاء الله هتجيها مستريح ......... ربنا يوفقك

شكرا جدا على ردودكوا بس أنا لما كنت بكتب الرغبات كنت بلاقى تجارة أو تجارة تعليم مفتوح يعنى قصدى ملاقتش تجارة إنجلش يعنى هى قسم جوة كلية التجارة و بيكون عاوز اهم حاجة مجموع الإنجليزى ولا مجموع اية اصل بصراحة أنا مش عارف .
و معلش كنت عاوز اسألكوا فى حاجة تانى بالنسبة لكلية الأداب فى قسم اسمة أثار دة بيبقى شروطة اية يعنى ابقى جايب كام فى الإنجليزى أو اللغات فيا ريت حد يقولى و ربنا يعوض تعبكوا.

أنا آسف والله ......... ماعنديش فكرة ......... بس بص فى هنا على الويبسايت أقسام للكليات وأحسن حاجة هتعرفها من الناس اللى فيه ........ أكيد هما أكثر دراية مننا