|
استفسار بخصوص كلية التجارة تعليم مفتوح
يا جماعة بالنسبة لكلية التجارة تعليم مفتوح هو الواحد لما بيتخرج منها بيبقى زى خريج التجارة العادى ولا فى فرق.
و اية الفرق بين كلية التجارة العادية و كلية التجارة التعليم المفتوح فى الشغل و الدراسة و شكرا. |
أسف لا يوجد مجال للمقارنه أبسط شىء المجموع اللى يدخلك تجاره تعليم مفتوح كام والمجموع اللى يدخلك تجاره عاديه كام ممكن بتاع تجاره تعليم مفتوح ياخد بعد كده كورسات وحاجات تؤهله إنه يبقى مطلوب نسبيا فى سوق العمل بس يظل الفرق موجود بين الاتنين |
يا كابتن أنت مش فاهمنى أنا قصدى يعنى اللى بيتخرج من كلية التجارة تعليم مفتوح لما يجيى يشتغل بيبقى لية شغل ولا لأ مع العلم إن خريج كلية التجارة العادية اكيد هيكون لية الأولوية فى الشغل بس خريج التجارة تعليم مفتوح لية شغل ولا ملهوش و شكرا..
|
اقتباس:
ليه طبعا وأنا قولتلك ممكن ياخد كورسات ودورات تخليه يشتغل وميه ميه وعلى فكره ده مش كلام من دماغى ده واقع شوفته مع اتنين قبل كده واشتغلوا وعادى فى واحد أكبر منى قالى إوعى أسمعك فى يوم من الأيام تقول مفيش شغل لأن الشغل موجود فى كل حته لكن الواحد هو اللى بيحتاج شغلانه على مزاجه وده اللى بيخليه ميلاقيهاش يعنى الواحد من كلية تجاره يطلع عاوز يشتغل محاسب ممكن ميلاقيش الوظيفه دى بس ممكن يلاقى أى وظيفه متعلقه بالمحاسبه ممكن تكون براتب قليل هو يرفضها وهكذا |
ماشى شكرا ليك يا زملكاوى على ردك و ربنا يوفقك .
|
انا باذن الله هدخل تجاره برضوا جامعه مفتوحه بس ياريت تقولى انهى احسن حلوان ولا القاهره
|
لا هى زى بعضها كلية تجارة دور أول أو تانى ... تعليم مفتوح عادية ...جامعة خاصة أو حكومية كلها بقيت زى بعضها أهم حاجة تكون حابب مجال الكلية علشان تتميزى فى المجال ومنياتى لك بالتوفيق
|
بآلمنآسبه كآن عندى سؤٍآل كده بالنسبه لتجارة تعليم مفتوح لو حد مخلص تعليم صناعى ينفع يدخل تجارة جامعه مفتوحه ولا لازم قبلها معهد....؟:040vk0::040vk0: |
اقتباس:
هو أنا أعرف من زمان إن اللى معاه أى دبلوم وعاوز يدخل تعليم مفتوح عادى بس لازم يعدى على الشهاده اللى معاه 5 سنين لكن سمعت إن شرط الخمس سنين ده إتلغى السنه اللى فاتت بس مش متأكد فممكن تسألى فى شئون طلبة الكليه هيفيدوكى أكتر |
على فكرة دا اللي بيتخرج من تجارة عادية مش بيلاقي شغل
|
هو فى تجارة انجليش تعليم مفتوح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا علمى علوم و مجموعى85.5 جاتلى تربية فنية الزمالك و مالحقتيش تجارة عين شمس مش عرفه احول بقى تجارة تعليم مفتوح ولا زراعة و لا اكمل تربية فنية حد يرد عيا!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!! |
اقتباس:
أنا من رأيى لو مجموعك 85.5 فعلا يبقى تفكرى قى أى كليه غير التعليم المفتوح دى وجهة نظر طبعا قد تحتمل الصواب أو الخطأ |
اقتباس:
أسف كلااااااااااام أنا عن نفسى لسه طالب وبشتغل عادى لكن ممكن زى ما قولت فى الأول مش لاقى شغل عادى بس مش لاقى شغل من اللى على مزاجه اللى هو لا محاسب بقد كده لا بلاش لا محاسب بنك أو شركه لا مش هشتغل |
لسه منعرفش ...........xd
نظام التعليم المفتوح الجديد يختلف تماما عن القديم ....لأن انا سألت فى كليه التجاره جامعه اسكندريه قالولى دة بدل الانتساب وبتقعد مع صحابك عادى الى داخلين انتظام ...بس هى موضوع ان الحكومه عامله مصلحه على الطلبه ...يعنى بدل ما كان الانتساب ب600 جنيه تقريبا وان المفتوح بيدخلو اى حد ..لأ دلوقتى يدخلوه الطلبه بتنسيق بس يدفعو من 1500- 2000 تقريبا ...يعنى انا جايب 81 علمى ومليش غير الكليات المفتوحه و المعاهد التعبانه واخترت تجاره مفتوح وجاتلى ولسه النظام معمول من السنه الى فاتت ...فبلاش لو سمحتوا نتكلم عن سوق العمل لأن اصلا لسه محدش اتخرج منه مع العلم ان اخويا كان تجاره انتساب ومكنش بيجيب تقديرات وكان بيسقط والحمدلله دلوقتى مدير شركه صرافه فى قطر ...فموضوع الرزق دة بتاع ربنا ...بس لازم الانسان يشغل مخه لأن تعليمنا دة كله ملوش اى لزمه |
ممكن استفسار بس ممكن بسرعة
انا عايز اعرف بس فى تعليم مفتوح التخرج هو انتساب بس انتساب اتحاش وده اتحط مكانه
|
| جميع الأوقات بتوقيت GMT +2. الساعة الآن 08:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.