استفسار بخصوص سياسة و اقتصاد انجليزى جامعة القاهرة
 

انا طالب اريد دخول كلية سياسة و اقتصاد انجليزى . ارجوا ان تجاوبوا على اسئلتى و ياريت اللى يجاوب يكون طالب ملتحق بها

1-هل يوجد معيدين (ورق و الاسئلة الهامة ) ؟

2-هل شرح الدكاترة مقبول و يفهم منه ؟؟؟

3-ما هو حجم المناهج من حيث عدد الكتب و عدد صفحات الكتب ؟؟

4-المذاكرة من ورق و ملازم و لا من الكتب المقررة ؟

5-ما هو حجم الورق و الملازم ؟؟

6-ما هى المواد المقررة فى الترم الاول والثانى ؟

7- هل يوجد مواد تدرس باللغة العربية ؟؟

8-اللغة الانجليزية فى الكلية صعبة بمعنى انها لا تتناسب مع الطالب العادى ؟؟

9-ما هو عدد الطلبة ؟

10-هل يوجد مجموعات مقسمة اليها الدفعة و هل يمكن تعويض من فاته محاضرة انه يحضر فى مجموعة تانية ؟

11- ما هى مصاريف الكلية ؟

12-هل يوجد ميد تيرمات ؟؟

13-هل يوجد اعمال سنة (حضور الخ .....) ؟؟

14-هل الكلية صعبة ؟؟

15-ما هى نسبة النجاح بالكلية ؟؟

16-ايه اخبار الدروس ؟؟ مهمة ولا ايه ؟؟

17-ما هو سعر الحصة فى الدرس ؟؟؟

18- هل النجاح سهل ؟؟

19-هل تنصحونى بدخول الكلية فى المجمل ?


20-ما هو متوسط ساعات المذاكرة فى اليوم ?


21-ما هو حجم المذاكرة )عدد الصفحات ( خلال اليوم العادى ?


22-هل الكلية مريحة ?

ياريت لو فى حاجة مهمة انا مسئلتش عليها ياريت تقولوها

انا عارف ان الاسئلة كتيرة بس ده مستقبل

ياريت تردوا فى اسرع وقت ممكن

شكرا

يوجد معيدون و قاعات مراجعة و حل أسئلة و تكاليف تطلب منك .
الدراسة مرهقة شوية لكثرة الأبحاث التى تطلب منك فالكلية تعتمد بالأساس على تخريج الباحثين .
ما فيش دروس المهم الحضور و الفهم و الكتابة الجيدة.
فى مادة تدرس بالانجليزية كل تيرم للقسم العربى أما لو عايز قسم انجليزى و فرنسى بمصاريف أعلى فكل المواد بالانجليزى.
على العموم الكلية هتخرجك باذن الله كويس فى اللغة .
يوجد ميد تيرم و حضور فى بعض و ليس كل المواد كذلك التكاليف و الأبحاث التى ستطلب منك من أعمال السنة.
نسبة النجاح مرتفعة و قلة يرسبون و من يرسب هو من لا يحضر أصلا.
يوجد مجموعات مقسمة بس مش فى كل الأقسام فمثلا علوم سياسية يعتمد بالاساس على المحاضرات و فى بعض السنوات لن تجد مجموعات تقسيم.
أصلا العدد مش كبير و القاعات نظيفة و مكيفة فلا تخف من كثرة العدد.
أغلب طلاب سياسة و اقتصاد بنات بنسبة 95% فمثلا لو دفعة 400 واحد نلاقى منهم 20 ولد فقط و الباقى بنات.
الكلية 3 أقسام من حيث التخصص : اقتصاد-علوم سياسية -احصاء -أكبر نسية علوم سياسية ثم اقتصاد و الأقل احصاء و يعملون فى جهاز التعبئة و الاحصاء.
خريجو الكلية يعملون أما:
فى الخارجية-بس صعبة شوية .
أغلبهم باحثون فى المراكز البحثية كمركز الأهرام أو المراكز الموجودة فى الكلية .
البعض يعملون صحفيين أو محللين سياسييين.
موظفون فى الهيئات الحكومية-الجهاز الادارى .
بعضهم يعمل مدرسين لغة انجليزية خاصة من خريجى قسم انجليزى لمن لم يجد فرصة عمل بتخصصه.
يستحسن تعمل دراسات عليا بعد التخرج هتفيدك أكتر بكتير من مجرد البكالوريوس .

شكرا على اهتمامك و ردك

طب انا كنت عاوزة اعرف مصاريف سياسة واقتصاد انجليزي اد اه بالظبط؟

مصاريف قسم إنجليزي
 

المصاريف 7369.5 + مصاريف الكتب من 2500 إلى 3000

ممكن اعرف ايه الاحسن ليا اقتصاد وعلوم سياسيه عربي ولا انجليزي مع العلم انني خريجة مدارس حكوميه وكتير بيقولي ان انجليزي هتكون صعبه جدا عليا ارجو الاجابه بسرعه لاني محتاره جدا ومش عارفه اعمل ايه ؟؟؟؟

ممكن اعرف هى الكلية دى تعليم مفتوح ولا جامعة خاصة

شكرا للناس المحترمة الذين تكفلوا بالرد استفدت كثيرا