محتاج رد التنسيق بعد بكره يارجاله
 

مش هطول عليكوا الحمد لله جبت 98.1 عندى سؤال انا قررت ادخل اسنان بعون الله بس كتير مخوفنى منها يعنى بيقولولى حتى لو رحت طب اقاليم وبعد سنه تحول لطب القاهره او عين شمس وانا بصراحه خايف من طب وكمان علشان التنسيق المهم ياريت حد يوضحلى اسنان فرص الشغل فيها ايه بالظبط والسفر ومستقبلها وكده يعنى ؟؟ واعرف سلبياتها وايجابيتها ومن حيث المكانه يعنى بيتعامل زى طالب الطب البشرى ولا ايه بالظبط عشان انا شعرى شاط وحد يفهمنى اى ال3 كليات افضل اسنان ولا طب بشرى ولا صيدله

اخوكم عمرو

اولا مبروووووووووووووووووووك يا عمرو وان شاء الله تدخل اسنان وانا الحمد لله جبت 98.2 بس مش متوقعة الحق اسنان مش عارفة لية ربنا يستر بس اسنان جميلة جدا جدا ولها مميزات كتيرة منها انك بتكون عارف التخصص من اول سنه ومعظم شغلها عملى ودا هيريح فى الدراسة وفرص العمل فيها كتيرة ومميزات كتيرة عن طب وصيدلة بس ادعى ربنا نلحقها

اولا مبروك يادوك على المجموع الجميل
ان شاء الله هنلحقها يادوك وانا واثق من كده بس انا عايز اافهم حاجه انا سمعت اننا بناخد الدراسه فى كلية علوم ومش بنروح كلية اسنان خالص ده صح ولا ايه؟

الله يبارك فيك بس بناخد اول سنة فقط فى كلية العلوم واعتقد بعد كدا بتنقل كلية طب الاسنان لان مواد السنه الاعدادى مشتركة مع مواد العلوم لان فى سنة تانية اسنان بيبدا العملى
هذا على قدر علمى وان شاء الله فى مواضيع كتير جدا عن الاسنان هنا ممكن نستفيد بيها

انا بصراحة لو كنت جيبت اسنان طبعا كنت هدخلها لانى افضلها عن بشرى وصيدلة ده بالنسبالى بس باذن الله الحق صيدلة يااااااااااارب 96.5 انا جبت
ادعوووووووووولى
ومبرووووووووووووووووووووك ليكم يا دكاترتنا مبرووووووووووووووووووووك

ان شاء الله يادوك lolo تلحقيها حتى لو جالك مثلا بعيد عن محافظتك ااقبليها وسنه وبعد كده حولى

ان شاء الله تلحقيها وممكن تحولى فى نفس السنه عادى لو جاتلك بعيد

يااااااااارب مش مهم المكان بالنسبالى خاااااالص بس يارب ادخلها حتى لو مجبتهاش يااااااااااارب علاج طبيعى باذن الله بس متنسوش تدعوووووووولى

وياااااريت تعملوا استخارة قبل ما تختارو علشان تدخلو مطمنين كده يا دكاترتنا ^_^

تقريبا مفيش الا احنا التلاته اللى فى المنتدى كله ههههههه ربنا يبعت

الناس ناااااااااااااااااااااامت ^_^

ههههههههههه بالعكس المفروض ف الصيف ومع الجو الحر جامد دا مفيش حد بيعرف ينام

انا كمان يا جماعه جبت 98.17 ومحتاره تردو بين طب اسنان ولا صيدله ...بس انا حابه طب اسنان اكتر لكن كثير قاعدين يقولوا ان صيدله مريحه في شغلها و سهله وكدا بس انا مش بحب الكيميا ..ربنا يكتبلنا الخير كلنا

اسنان رااااااااااااااااااااائعة خليكى ثابته عليها بس ادعى ربنا نلحقها الاول

انا 98.5 واكيد مش هلحق طب ومش عارفه ادخل اسنان ولا اكتب طب ولو جالى كان بها
مع ان عندى عايزين اسنان بس انا حسه انى مش مستريحه لاسنان ;);):(

اسنان جميلة جدا بس تيجى