جروب طبيبك الخاص ( صحتك بالدنيا)
 

اول سؤال خطر فى بالى هو غريب شوية

ليه كلنا واحنا صغايرين:romarioxp6: كنا بنتمنى نكون اطباء ايه السبب اللى يخلى الطفل يقول انا عايز ابقى دكتور ؟؟؟
معلش يا جماعة ده اللى خطر فى بالى الوقتى :blush::blush::blush:

طبعا نتيجة فهم خاطيء لآبوين غرسوا عند طفلهم

أن الناس الحلوة والكويسة يادكتور يامهندس ياضابط لية لانها بتجيب

فلوس ومركز اجتماعي من وجهة نظرهم الضيقة.

تخيلى كدة يارووووز أن كل طفل مثلا

من اللي هيتولدوا عام 2011 وأنت طالعه كدا هنخلي الاطفال دول يعبروا

عن أرائهم من صغرهم ونسيب لهم حرية الاختيار بين الرغبة في التعلم

واستكمالة الي الجامعة ولا العمل الفني ولا عدم التعلم خالص المهم أن

يكون لكل واحد مكان وهدف هو حاسس أنة هينجح في مجاله دة حتي لو

واحد نفسة يطلع زبال مش مهم، المهم يبقي أعظم عامل نظافة في

العالم، طبعا هتقوليلى أنت مجنون، زبالة أية وقرف اية!!!!!!!!!!!

هقولك أعظم زبال في العالم أحسن من مجتمع معظمة عاطلين والزبالة

في كل حتة

ولاأيةرأيك؟؟؟؟؟

والله عند حضرتك حق الاب والام يقولوا الطب دى احسن مهنة تكون حاجة فى المجتمع لما يكون اسمك الدكتور كذا الناس تحترمك على اساس المهن التانية محدش بيحترمها
واحنا شايفين بعض الاطباء بيعموا ايه الايام دى بيبعوا الاعضاء هى دى المهنة الشريفة انا بقول بعض اكيد فى اطباء عندهم شرف واحترام للمهنة
شكرا للرد السليم
واتمنى من حضرتك ان تستمر فى الدخول لان فى جديد ان شاء الله

ماشاء الله عليك يا استاذ عبدالله والله قلت كل اللي كنت هقوله

بس دة مش معناة ان كل الاطباء اصبحوا اطباء لنفس الاسباب السابقة ومش موضوع فلوس اصلا

يعني انا مثلا كنت دايما بحلم اكون طيار بس لأننا في بلدديموقراطي لا تحكمنا الكوسة-حاشا لله- فحلمي دة كان مستحيل

وبدأت أعي هذه الحقيقة وانا في تانية اعدادي مثلا

بعد كدة بدأت اتعرف على كذا دكتور في تانية جامعة وتالتة جامعة بصراحة كانو زي اخواتي

كانو بيذاكرولي اي حااجة كانو بيشترولي ملخصاتي يجيبولي الكتب معاهم لو وقتي ضيق

بالتالي حبيتهم جدا

وبدأت اتواجد معاهم اينما كانو

وكنا بنقضي اغلب وقتنا في استقبال المستشفى العام لبلدنا

طبعا دة السبب الرئيسي اللي حببني جدا في مهنة الطب

لاني لقيت زمايلي دول بيتلممو حوالين المريض لمحاولة انقاذه بأي طريقة

حقا انها مهنة سامية بأن تخفف عن الانسان آلامه وبضبط مؤشر النية تكون أعظم المهن

واسف جدا على التطويل

اخوكم وجدان

اصل الاستاد عبد لله رد حضرته فى غاية الروووعة
بس حكاية الفلوس دى معظم الاطباء مشيوا على الطريق ده واستغلوا الناس الفقيرة ورفعوا سعر الكشوف
طيار مهنة جميلة انا كنت بتمنى مهنة اما تكون فى الجو او فى البحر :blush:
اما المضيفة فكرت وقولت مش تنفع بس قررت انى ادخل بحرية شبه اخويا ادعولى ادخلها:( مع ان معظمها اولاد ودى مهنة رجالة بس حباها



واكيد فى اطباء لسه عندهم رحمة وشرف واحترام للمهنة فى الايام اللى احنا فيها دى

شكرا دكتور وجدان على الرد واتمنى ان تتواصل معنا :022yb4::022yb4:

هههههههههه
عمر افندى ابن أختى أنا لسه شويه على الجواز (23 سنة).
وأبوه عاوز يطلعه مهندس بترول زيه ..لكن أنا نفسى يشتغل مهندس كمبيوتر .
المهم يطلع الحاجه اللى هو عاوزها.

ههههههههههه شوفوا الاحراج :blush::blush:
مفرقتش ابن اخت حضرتك زى ابنك ههههههههههه
العيلة كمان بتتحكم فيه وهو لسه فى اللفة :):):)

عااادي يا روووز مفيش احراج ولا حاجة


انا كمان كنت فاكره ابن حضراه

بس ماشاء الله عليه عسول اوي


ربنا يحفظه يا رب

ههههههه يعنى مش انا لوحدى :):)
اه عسل انا خوفت اقول عليه عسل تفتكروا انى بعاكس هههههههه:blush:
ربنا يحميه :)

السلام عليكم ورحمة الله وبركاتة..

آمين ياااااااااااااارب ويبعد عنة الحسد..

وعليكم السلام ورحمة الله وبركاتة

ايه هو تعليقك على السؤال ده :excl::excl:

انا من رأي المتواضع ان كل انسان لة حرية اختيار الكلية اللي هو عاوزها ..
ومش لازم كل الناس طبعا تدخل كلية طب..

طب ياما ناس دخلت كليات اقل لكن بمجهودها حققت كتير وعملت لنفسها اسم..
اهم حاجة يبذل قصارى جهدة فيها..
ويدخل الكلية اللي شايف انو حيحقق فيها او عندة مواهب فيدخل الكلية حسب رغبتة هو مش رغبة اي حد تاني لازم يدخل الكلية بقتناع شديد عشان ميندمش في الاخر..
وكمان في فهم غلط بلاحظة في الاباء والامهات انهم بيفهموا ابنائهم ان الكليات الحلوة بس هي طب وهندسة مع اني في كليات احسن وافضل ومش لازم اللي مايدخلش الكلية دية يبقى هو فاشل طبعا دة فهم غلط ..