بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية الطب البشرى (https://www.thanwya.com/vb/forumdisplay.php?f=524)
-   -   انا متوتره جدا محبطه وعايزه مساعده (https://www.thanwya.com/vb/showthread.php?t=633391)

الاولى ان شاء الله 24-01-2015 03:26 PM

انا متوتره جدا محبطه وعايزه مساعده
 
اولا انا متفوقه
بس السنه دى انا فى 3ث وعندى توتر جامد وخوف مخلينى مش عارفه اذاكر ولا اركز و بسبب كده حاسه انى ضيعت ايام كتير انا تعبت اوى وبكيت كتيير وحاسه ان اصحابى بيذاكروا اكتر منى وهيجيبوا اكتر مع ان كلنا كان مستوانا متقارب
انا خايفه جدا ...انا نفسى ادخل طب ومش عارفه لو مدخلتش الكليه دى ممكن يحصلى ايه انا فقدت الثقه بالنفس وكمان اتاخرت جدا فى المذاكره والايام بتعدى بسبب خوفى وتوترى:o
انا مكتبتش الكلام ده غير لما تعبت اووووى قلت ممكن حد يفهمنى ويساعدنى:excl:

Islam_sokar 24-01-2015 11:39 PM

اولا .. احب اقولك ان كلنا عدينا بموضوع التوتر ده فمتقلقيش ده طبيعى جدا بس حاولى تهربى منه ومتطوليش فى الموضوع :] ثانيا بالنسبة للمذاكرة ملكيش دعوة بصحباتك هما عاملوا ايه وذاكروا ايه .. انتى ليكى لنفسك بتذاكرى لنفسك .. افتكر مقولة استاذ لينا كان بيقول ان لو واحد مبدأش من شهر واحد وميعرفش حاجة يقدر يبدأ ويجيب مجموع طب .. شوفى بقى انتى اكيد عارفة كتير فى المنهج ... ذاكرى طبيعى جدا متقلقيش اعتبريها سنة عادية زى 2 ثانوى كدا .. اعتمدى على ان بمذاكرتك هيجيلك مجموعك .. بمعنى انك لو شديتى وتوكلتى ع الله هتجيبى مجموع عالى .. واهم حاجة تطلعى من السنة ديه مستفيدة .. مش عشان المجموع بس ... انا فى شهر 1 كنت قلقان برضو عشان كان فيه حاجات كتير مذكرتهاش .. بس كنت بحددلها وقت مع الجديد .. وقدرت ألم اللى فات الحمدلله ... بالنسبة للمناهج خفيفة اوى وسهلة هتخلصوها على شهر 3 باذن الله ... وهتراجعوا شهر 3 و 4 و5 لغاية ماتزهقوا ولله ... وهتحفظى المنهج وتفهميه كل حاجة ... بس اهم حاجة متقلقيش .. وذاكرى طبيعى جدا ... بلاش شغل هنام الصبح واصحى الفجر وكدا ياريت ... انتى تخلصى دروس وتذاكرى لغاية الساعة 1 .. وفى اخر شهرين لغاية الساعة 2 او 3 ... بالنسبالى كنت بنام 1 واصحى 8 الصبح :d .. وبلاش درسين فى اى مادة .. انتى أولى بوقتك ومجهودك .. ممكن فى اخر شهرين تاخدى درس تانى فى مادة عايزة تتكى عليها زى العربى عشان كبير مثلا .. وربنا معاكى ومتقلقيش خالص سنة عادية جدا وامتحانات سهلة ونشوفك معانا باذن الله دكتورة السنة الجاية :] بالتوفيق

ahmedfezo 27-01-2015 07:38 AM

relax relax

أتفق مع اسلام فى شوية حاجات

أولا ده قلق طبيعى لكن متخليش القلق يتمكن منك بل بالعكس سيطرى عليه
وصدقينى العملية كلها مش جايبة همها
أنا مثلا كنت بارد شوية فى 3ث ومكنتش بفكر فى فكرة كليات قمة وكلام فاضى
بل بالعكس كنت باذاكر زى أى سنة عادية وآخرتها (طب بشرى مواااااا أهى اهى اهى)
أنتى بس اعملى للى عليك وابذلى أقصى ما عندك واوعى تفكرى فى النتيجة وسبيها على الله

ثانيا الثانوية العامة مثل المعركة لازم تنظيم تنظيم تنظيم مش قصدى نحط جدول وكلام فاضى ولكن تنظيم وقت والقدرة على التحكم فيه يعنى مثلا أنا عايز أذاكر 5ساعات فيزياء يبقى تذاكر 5 ساعات فيزياء

كذلك ماتضعيش وقتك بايديك(يعنى أى حاجة بتضيع الوقت cancel it


ثالثا :الثانوية العامة ليست معسكر مغلق
لازم يكون لك وقت ترفهى فيه بس بشرط (تكون مؤدية ما عليك )
أنا شخصيا كنت بذاكر يوميا وبخلى ساعة بعد العشاء على النت

رابعا :لا مقارانات
اوعى اوعى ثم اوعى تقارنى نفسك بأى حد لأن ده ممكن يجرحك جامد دايما ابحثى عن نقاط قوتك وضعفك واستغليها

واخيرا ياريت تستغليها فرصة لاصلاح علاقتك مع ربنا وتستمرى على الكلام ده طول حياتك عشان ربنا يكرمك


شوية حاجات على السريع وقت المذاكرة الأفضل هو
1-بعد الفجر الى الظهر
2-بعد العشاء للفجر

وأنا شخصيا بنفذ واختار الخيار1 ومازلت أنفذه حتى الان

الدروس :درس واحد لكل مادة

الاصحاب :نحاول نقلل احتكاكنا بيهم لان أصدقاء الثانوية أغلبهم مؤقتين وبعد ما تخشى الكلية هتنسى أغلبهم

الفيس البوك بالذات والنت يا اما تتحكمى فيهم
يا اما تلغى حساباتك خالص زىى أنا

واوعى تفكرى فى موضوع الكليه من دلوقتى هيتعبك جدا جدا

أكرر أكرر (ابذلى أقصى ما عندك واوعى تخافى أو تهتمى بالنتيجة )

ونصيحة أخيرة :إن شاء الله إذا ربنا أكرمك بمجموع عالى ياريت تفكرى قبل دخولك كلية الطب لأنها (مجزرة)

صدقينى والكلام ده بالفعل ولأنك بنت فصدقينى الطب هيبهدلك بهدلة وحشة وقد تندمى على اختيارك ده
مش قصدى أنى أقول كلام شديد

بس صراحة انتم كطلاب ثانوية عامة مش مدركين أى شئ (مستغربيش أنا كنت زيك فى يوم من الأيام ولما صحيت من حلم الثانوية الجميل وجدت الأمر ماشى بمبدا (وعسى أن تكرهوا شيئا وخير لكم وعسى أن تحبوا شيئا وهو شر لكم ))

الكلمتين الأخرنيين دول ماتفكريش فيهم دلوقتى لأنك مش هتفهميهم ولكن بس احفظى الصفحة واقرايهم بعد ما إن شاء الله تجيبى مجموع عالى وصدقينى هتفهميهم

بالتوفيق وشدى حيلك وربنا معاكى

ahmedfezo 27-01-2015 07:45 AM

أخ نسيت أنبهك من العدو الثانى بعد الخوف

ألا وهو الملل

زى ما قال اسلام حتراجعوا المنهج لغاية لما يورم هو منكم

وللأسف هتواجهى عدوك الثانى (الملل)

اوعى تخليه يتمكن منك لأنه ممكن يدمر كل حاجة

نحاربه ازاى؟

نجدد نشاط يعنى مثلا زور حد من قرابيك مثلا ومطوليش

لو ليكى رياضة معينة مارسيها

مثلا ياريت تبحثى عن كتب وأسئلة جديدة (لكن مع الاستمرار فى حل امتحانات السنوات السابقة )

مهم جدا السنوات السابقة وأنا فى رايى لو حليتى السنين للى فاتت بإذن الله لن يخرج اى امتحان عنها إلا فى شوية حاجات بسيطة

وآسف لو أزعجتكم بثرثرتى

space4 27-01-2015 10:07 AM

جزاهم الله خير الاخوة اللي ردو في الاول كلامهم 100%

ان شاء الله ربنا يكرمك وتدخلي طب لكن متخليش هو دا هدفك مش الكلية هي اللي انتي عايزاه حاليا انتي عايزة المجموع اللي هيخليكي تختاري بإرادتك مش يجبرك على كلية معينة- .. ربنا هيكرمك واللي فيه الخير ربنا هيكتبهولك
وارمي كلام الاحباط وعدم التركيز دا ورا مش وقتو ... ازعلي بعد ما تخلصي ثانوي دا مش وقت تفكري بحاجات زي دي خاالص !!
ومتقرنيش نفسك بحد لأن مفيش حد أحسن من التاني كلكو في مرحلة وحده

Only Forward 27-01-2015 04:17 PM

ركزى و اهتمى بمذاكرتك
الخوف معدش بياكل عيش الايام دى ..
سيبك من الملل و الاحباط
وذاكرى زى اصحابك و احسن كمان
متقوليش انك اقل منهم
اتوكلى ع الله و ابدئي ومش تضيعى وقت خالص
ولو احتاجتى اى حاجة تحت امرك :)

tark12 28-01-2015 03:59 PM

اقتباس:

المشاركة الأصلية كتبت بواسطة الاولى ان شاء الله (المشاركة 6104946)
اولا انا متفوقه
بس السنه دى انا فى 3ث وعندى توتر جامد وخوف مخلينى مش عارفه اذاكر ولا اركز و بسبب كده حاسه انى ضيعت ايام كتير انا تعبت اوى وبكيت كتيير وحاسه ان اصحابى بيذاكروا اكتر منى وهيجيبوا اكتر مع ان كلنا كان مستوانا متقارب
انا خايفه جدا ...انا نفسى ادخل طب ومش عارفه لو مدخلتش الكليه دى ممكن يحصلى ايه انا فقدت الثقه بالنفس وكمان اتاخرت جدا فى المذاكره والايام بتعدى بسبب خوفى وتوترى:o
انا مكتبتش الكلام ده غير لما تعبت اووووى قلت ممكن حد يفهمنى ويساعدنى:excl:


التوتر شىء مطلوب عشان تحسى انه فيه امتحان و لازم مجموع

بس سؤال هو انتى جيبتى فى سنه اولى و ثانية ثانوى كام ؟؟

و نصيحة ذاكرى الفتره الصباحية ( اى اعتمادك بيكون على هذه الفتره ) فبلاش تصيعها عشان مذاكره قبل النوه دايما بتخليكى تنسى 50 %

Islam_sokar 29-01-2015 12:08 AM

اقتباس:

المشاركة الأصلية كتبت بواسطة tark12 (المشاركة 6108857)

التوتر شىء مطلوب عشان تحسى انه فيه امتحان و لازم مجموع

بس سؤال هو انتى جيبتى فى سنه اولى و ثانية ثانوى كام ؟؟

و نصيحة ذاكرى الفتره الصباحية ( اى اعتمادك بيكون على هذه الفتره ) فبلاش تصيعها عشان مذاكره قبل النوه دايما بتخليكى تنسى 50 %

معلش تصحيح بس للمعلومة .. بالعكس المذاكرة قبل النوم مفيدة اوى .. فيه دراسة اثبتت انك لما تفكر فى مسألة قبل ماتنام .. دماغك بيكمل تفكير فيها وانت نايم .. تخيل !! ... ومن المحتمل انك تصحى تلاقى اجابة للمسألة ديه .... فالبعكس خالص المذاكرة قبل النوم شئ كويس كدا عشان دماغك وانت نايم بيحفظ ويقوى المعلومات اللى ذاكرتها ... :)

الاولى ان شاء الله 30-01-2015 11:10 PM

اقتباس:

المشاركة الأصلية كتبت بواسطة tark12 (المشاركة 6108857)

التوتر شىء مطلوب عشان تحسى انه فيه امتحان و لازم مجموع

بس سؤال هو انتى جيبتى فى سنه اولى و ثانية ثانوى كام ؟؟

و نصيحة ذاكرى الفتره الصباحية ( اى اعتمادك بيكون على هذه الفتره ) فبلاش تصيعها عشان مذاكره قبل النوه دايما بتخليكى تنسى 50 %

شكرا للنصايح
فى سنه اولى مكنتش بذاكرى اوى وكنت مش مهتمه فجبت 93%
وسنه تانيه ذاكرت احسن شويه فجبت97%
بس السنه دى اكيد بقيت بذاكر اكتر وربنا يستر

الاولى ان شاء الله 30-01-2015 11:13 PM

اقتباس:

المشاركة الأصلية كتبت بواسطة islam_sokar (المشاركة 6105383)
اولا .. احب اقولك ان كلنا عدينا بموضوع التوتر ده فمتقلقيش ده طبيعى جدا بس حاولى تهربى منه ومتطوليش فى الموضوع :] ثانيا بالنسبة للمذاكرة ملكيش دعوة بصحباتك هما عاملوا ايه وذاكروا ايه .. انتى ليكى لنفسك بتذاكرى لنفسك .. افتكر مقولة استاذ لينا كان بيقول ان لو واحد مبدأش من شهر واحد وميعرفش حاجة يقدر يبدأ ويجيب مجموع طب .. شوفى بقى انتى اكيد عارفة كتير فى المنهج ... ذاكرى طبيعى جدا متقلقيش اعتبريها سنة عادية زى 2 ثانوى كدا .. اعتمدى على ان بمذاكرتك هيجيلك مجموعك .. بمعنى انك لو شديتى وتوكلتى ع الله هتجيبى مجموع عالى .. واهم حاجة تطلعى من السنة ديه مستفيدة .. مش عشان المجموع بس ... انا فى شهر 1 كنت قلقان برضو عشان كان فيه حاجات كتير مذكرتهاش .. بس كنت بحددلها وقت مع الجديد .. وقدرت ألم اللى فات الحمدلله ... بالنسبة للمناهج خفيفة اوى وسهلة هتخلصوها على شهر 3 باذن الله ... وهتراجعوا شهر 3 و 4 و5 لغاية ماتزهقوا ولله ... وهتحفظى المنهج وتفهميه كل حاجة ... بس اهم حاجة متقلقيش .. وذاكرى طبيعى جدا ... بلاش شغل هنام الصبح واصحى الفجر وكدا ياريت ... انتى تخلصى دروس وتذاكرى لغاية الساعة 1 .. وفى اخر شهرين لغاية الساعة 2 او 3 ... بالنسبالى كنت بنام 1 واصحى 8 الصبح :d .. وبلاش درسين فى اى مادة .. انتى أولى بوقتك ومجهودك .. ممكن فى اخر شهرين تاخدى درس تانى فى مادة عايزة تتكى عليها زى العربى عشان كبير مثلا .. وربنا معاكى ومتقلقيش خالص سنة عادية جدا وامتحانات سهلة ونشوفك معانا باذن الله دكتورة السنة الجاية :] بالتوفيق

شكرا لنصيحك اسعدنى مرورك
بجد التوتر ده ضيع منى ايام كتيير بس بجد حاسه انى بقيت احسن الحمد لله

الاولى ان شاء الله 30-01-2015 11:18 PM

اقتباس:

المشاركة الأصلية كتبت بواسطة ahmedfezo (المشاركة 6107435)
relax relax

أتفق مع اسلام فى شوية حاجات

أولا ده قلق طبيعى لكن متخليش القلق يتمكن منك بل بالعكس سيطرى عليه
وصدقينى العملية كلها مش جايبة همها
أنا مثلا كنت بارد شوية فى 3ث ومكنتش بفكر فى فكرة كليات قمة وكلام فاضى
بل بالعكس كنت باذاكر زى أى سنة عادية وآخرتها (طب بشرى مواااااا أهى اهى اهى)
أنتى بس اعملى للى عليك وابذلى أقصى ما عندك واوعى تفكرى فى النتيجة وسبيها على الله

ثانيا الثانوية العامة مثل المعركة لازم تنظيم تنظيم تنظيم مش قصدى نحط جدول وكلام فاضى ولكن تنظيم وقت والقدرة على التحكم فيه يعنى مثلا أنا عايز أذاكر 5ساعات فيزياء يبقى تذاكر 5 ساعات فيزياء

كذلك ماتضعيش وقتك بايديك(يعنى أى حاجة بتضيع الوقت cancel it


ثالثا :الثانوية العامة ليست معسكر مغلق
لازم يكون لك وقت ترفهى فيه بس بشرط (تكون مؤدية ما عليك )
أنا شخصيا كنت بذاكر يوميا وبخلى ساعة بعد العشاء على النت

رابعا :لا مقارانات
اوعى اوعى ثم اوعى تقارنى نفسك بأى حد لأن ده ممكن يجرحك جامد دايما ابحثى عن نقاط قوتك وضعفك واستغليها

واخيرا ياريت تستغليها فرصة لاصلاح علاقتك مع ربنا وتستمرى على الكلام ده طول حياتك عشان ربنا يكرمك


شوية حاجات على السريع وقت المذاكرة الأفضل هو
1-بعد الفجر الى الظهر
2-بعد العشاء للفجر

وأنا شخصيا بنفذ واختار الخيار1 ومازلت أنفذه حتى الان

الدروس :درس واحد لكل مادة

الاصحاب :نحاول نقلل احتكاكنا بيهم لان أصدقاء الثانوية أغلبهم مؤقتين وبعد ما تخشى الكلية هتنسى أغلبهم

الفيس البوك بالذات والنت يا اما تتحكمى فيهم
يا اما تلغى حساباتك خالص زىى أنا

واوعى تفكرى فى موضوع الكليه من دلوقتى هيتعبك جدا جدا

أكرر أكرر (ابذلى أقصى ما عندك واوعى تخافى أو تهتمى بالنتيجة )

ونصيحة أخيرة :إن شاء الله إذا ربنا أكرمك بمجموع عالى ياريت تفكرى قبل دخولك كلية الطب لأنها (مجزرة)

صدقينى والكلام ده بالفعل ولأنك بنت فصدقينى الطب هيبهدلك بهدلة وحشة وقد تندمى على اختيارك ده
مش قصدى أنى أقول كلام شديد

بس صراحة انتم كطلاب ثانوية عامة مش مدركين أى شئ (مستغربيش أنا كنت زيك فى يوم من الأيام ولما صحيت من حلم الثانوية الجميل وجدت الأمر ماشى بمبدا (وعسى أن تكرهوا شيئا وخير لكم وعسى أن تحبوا شيئا وهو شر لكم ))

الكلمتين الأخرنيين دول ماتفكريش فيهم دلوقتى لأنك مش هتفهميهم ولكن بس احفظى الصفحة واقرايهم بعد ما إن شاء الله تجيبى مجموع عالى وصدقينى هتفهميهم

بالتوفيق وشدى حيلك وربنا معاكى

فعلا التفكير فى الكليه والامتحانات بيضيع وقتى
والنت والفيس انا مش بدخل عليهم خالص ايام الدراسه
بس المره اللى كتبت الموضوع واللى رديت يعنى دى اخر مره
شكرا على كلامك ونصايحك

الاولى ان شاء الله 30-01-2015 11:25 PM

شكرا جدا لاهتمامكم وجزاكم الله خير

سارة 22 23-06-2015 12:51 AM

ابقى طمنينا بعد الامتحانات:)

برينسس لى لى 29-03-2018 02:25 PM

اهتمى بمذاكرتك

m elatwy 05-12-2020 11:13 PM

https://www.saudiupload.com/img/1595076537.jpg


جميع الأوقات بتوقيت GMT +2. الساعة الآن 03:10 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.