العلميين يطالبون يطالبون بإطلاق لقب دكتور على جميع إخصائيي التحاليل الطبية
 

نظمت نقابة المهن العلمية وجمعية “العلميون متحدون” مظاهرة أمام وزارة الصحة للمطالبة باسترداد حقوقهم المسلوبة منذ العهد السابق رغم أحقيتهم القانونية و الدستورية فيها. وأكد المتظاهرون على تعسف وزارة الصحة معهم ومحاباتها للأطباء في إصدار تراخيص مزاولة المهنة وإصدار تراخيص بفتح معامل تحاليل طبية وهو ما يضمنه لهم القانون رقم 367 لسنة 1954 بشأن مزاولة المهنة وتراخيص معامل التحاليل الطبية.
وطالب العلميون بتفعيل القانون رقم 367 لسنة 1954 والمساواة الأدبية والمادية بينهم وبين الأطباء العاملين في نفس المجال فضلاً عن المساواة في إدارة المعامل، وإلزام وزارة الصحة بتكليف في معامل مستشفياتها لكلية العلوم في تخصصات التحاليل المختلفه من الكيمياء الحيويه الاكلينيكيه والميكروبيولجيا والمناعه والطفيليات و وإطلاق لقب دكتور على جميع إخصائيي التحاليل الطبية من العلميين أسوة بالأطباء
وهتف المتظاهرون "قلت قرار وبترجع ليه .. أنت خايف ولا إيه" و "مصر بتكبر بينا والوزير ما بيسمع لينا" و"قول لوزير المصريين فين حقوق العلميين" و"يا وزير صحة مصر ليه بتهمش علماء مصر" و"إحنا العلماء المصريين.. جو بلدنا متهانين".
وأشار العلميون إلى أنهم تقدموا بمذكرة لكل من رئيس المجلس الأعلى للقوات المسلحة حسين طنطاوي، ووزيري التعليم العالي والبحث العلمي، والصحة والسكان.

طيب يا دكتور هل ده اتنفذ فعلا

احنا بنكتب ع معاملنا دكتور كذا

لكن وزاره الصحه مستقصدانا احنا وخريجي العلاج الطبيعي و عايز خريج طب فقط هو الدكتور


بالرغم من ان الدكتور في الاصل هو الحاصل ع الدكتوراه

وتطلق كلمه دكتور عرفا ع اخصائي العلاج الطبيعي واخصائي التحاليل الطبيه خريج كليه علوم وع الطبيب خريج طب و ع الصيدلي خريج صيدله

والله شكلى كدة مش هلحق غير علوم وهى الحقيقة ممتازة لكن بيقولوا صعبة

لأن انتوا اساساً مش تبع القطاع الطبي فى الكليات.. كلية علوم حاجة تانية.. مع احترامى لكل العلميين..

ازاي العلوم الطبية مش تبع القطاع الطبي !!! اومال تبقي تبع ايه ؟
العلميين الطبيين
او علماء المختبرات الطبية

او اخصائي التحاليل الطبيه
موجوديين في كل دول العالم
ويلقبون بدكتور
بل والاكتر من ذالك ان بعض الدول اطلقت علينا اطباء المختبر زي السودان

وفي كتير من الدول زي انجلتر واسكتلندا والمانيا والسويد نلقب ب biomedical doctors

حضرتك فى مصر.. طيب كارنيه النقابة لقبك فيه دكتور؟؟

اها
كارنيه الشعبه الجديده كده ان شاء الله
وده لقب كل المشتغليين بالعلوم الطبية

اينعم وزاره الصحه بتغلس علينا
لكن احنا لقبنا كده حتي في وسائل الاعلام سواء تلفزيون او صحف

ربنا يوفقكم واتمنى ان وزارة الصحة توافق على هذا اللقب حتى لو تطلب يتعمل امتحان تقييمى للخريجين للموافقة ويكون هوا الفيصل واعتقد ان خريج علوم يقدر يعدى فى اى امتحان طبى وبتقدير كمان وربنا يكرم الجميع

يا دكتور احمد ايه التخصص اللى ادخله واتخرج منه دكتورة تحاليل وايه هى الدبلومة بتاعة الاكلينكال

ان شاء لله
وشكرا ليك يا دكتور

قسم مزدج بين البيو كيمستري والميكروبيولوجي

وبعدها بتاخد دبلومه او ماجستير او دكتوراه في الاكلينكال بيوكيمستري

او دبلومه وماجستير ودكتوراه في الاكلينكال ميكروبيولوجي والمناعه

شكرا يا دكتور

من فتره بسيطه صدر قرار وزاري بمنع اطلاق لقب دكتور علي خريجي العلوم واخصائي العلاج الطبيعي :)

لقب طبيب وليس لقب دكتور :)
بالرغم من ان في بعض الدل بتطلق علينا اسم طبيب

خلي بتوع طب يشبعو بلقب طبيب:d

انما احنا دكاتره غصب عن عين اي حد:d