ماهى هندسة الجامعه الالمانيه؟؟!
 

ازيكو يا شباب

لو حد عارف اى حاجه عن الجامعه الالمانيه مميزاتها عيوبها مصاريفها نظامها واى حاجه يفيدنى لو سمحتم

وهل هى احسن واللا هندسه عين شمس وياريت اللى يجاوب على الاستطلاع يقول اخترت كده ليه

وميرسى ليكو اوى

يا جماعه مينفعش تدخلو وتبقو عارفين حاجه وتنفضو يعنى هو انا لازم امسك كل واحد من ايده واساله ده حتى الرسول قال

من سئل عن علم فكته الجمه الله بلجام من نار يوم القيامه

مينفعش كده ياخونا

مميزاتها اللى اعرفها هى ال training الاجبارى و كل الكورسات المش دراسية و الحاجات اللى احنا فى عين شمس بنسعالها و ندور عليها و نتعب لحد ما نوصلها بياخدوها هما علطول

اللى عايز يشتغل برا او عايز يكتفى بالدراسة و ميدورش على اى اكتيفيتى تانى يبقى الالمانية احسن

بس التعليم عين شمس احسن

المناهج فى كل المواد المشتركة فرق مش طبيعى بينا و بينهم

لو احنا بناخد 5 شباتر هما بياخدوا شبترين منهم و بتفاصيل اقل

و المشاريع عندهم اكتر بس احنا لو اتنين زمايل نقلوا حاجة من بعض بياخدوا زيرو و هما بيجيبوا المشاريع جاهزة من برا و دا ال default يعنى

دا غير اننا بنعتمد على نفسنا بنسبة كبيير جدااا و عرفنا اهمية دا لما شفنا الشغل الحقيقى

انا كنت عايز اسألك سؤال مهم هنا
هل المناهج تخلي خريج عين شمس احسن و اكفأ
لاني هنا بسمع اكتر من رأي
في ناس ممكن تقول طبعا و بيبقي اعداد احسن للخريج

ناس تانية تقول انها اساسا حشو زايد في المناهج و انه مبيفرقش
فياريت اسمع راي حضرتك عشان احاول اكون قرار عن الجامعة اللي ممكن ادخلها

المناهج سواء قليلة او كتييرة بتتنسى لان مفيش انسان طبيعى يقدر يفتكر منهج 10 او 11 مادة مختلفين عن بعض مهما كان اسلوب تدريسهم

احنا عندنا المنهج اكبر من اى جامعة تانية سواء حكومية او خاصة

المشكلة ان مفيش وقت او امكانيات اننا نتدرب بادينا كتير و مفيش ال soft skills اللى بتتاخد فى الجامعات الخاصة هو بس كورس ادارة مشروعات و ممكن تسويق و خلاص و طبعا اللغة بردو لازم احنا اللى نحسن نفسنا فيها



اللى يقول التعليم فى عين شمس احسن بيضحك على نفسه بشكل مش طبيعى بس هى 5 سنين تأهيل علشان تطلع مهندس و حتى لو الخريج قرر انه مش هيشتغل فى هندسة خالص بردو هيقدر يثبت نفسه فى المجال اللى اختاره لان الكلية بتغير شخصيتنا و طريقة تفكيرنا مش بتدينا معلومات و خبرة عملية

يعنى لو طالب جامعة المانية مثلا راح قدم فى انترفيو و طالب من عين شمس الاتنين مش بيعملوا حاجة غير الدراسة بتاع الالمانية هيتكلم احسن و هيسوق لنفسه احسن

بس محدش منع طالب عين شمس من انه ياخد كورسات تنمية بشرية فى اى اكتيفيتى و كلهم for free و موجودين جوا الكلية


ممكن تسال اى حد بيشتغل فى مجالات هندسة

يمكن طالب عين شمس يكون اقل كتير فى الخبرة العملية بس الوحيييد اللى عمره ما هيقول لأ او مش هعرف
احنا السنة اللى فاتت كان عندنا مادة امتحناها و احنا فعلا منعرفش المنهج كان ايه و نزاكره منين و فضلنا السنة كلها نجرى ورا الدكتور و المعيدين يمكن نفهم حاجة و نعمل سيرش عالنت بالساعات كل كام يوم و نسال اللى نعرفهم و منعرفهمش
كليات تانية خدوا المادة دى بكورس محترم جدا و متابعة مستمرة من الدكتور و كام مشروع عملوه باديهم

طبعا طلبة الكليات التانية بقوا احسنت مننا فى المجال دا بس تفتكر حضرتك لو ظهرت تكنولوجيا جديدة و دا الطبيعى او الشغل كان فى حاجة من اللى متخدتش فى المنهج و المشاريع مين اللى هيقدر يتعلم لوحده و يطور نفسه و مش هيتوه علشان مفيش منهج ولا دكتور يشرحه و معيد يأكد عليه ؟؟

اوك معاكى يا بشمهندسه

بس لو حد عمل دراسات عليا فى الالمانيه وخصوصا لو فى المانيا مش بردو هيبقى عدى مناهج طالب عين شمس الكتييييييييييره واللا مثلا لو حد دخل عين شمس هيبقى دايس فى المجال بتاعو احسن بردو؟؟

اى حد مجتهد بيقدر يثبت نفسه و يتفوق على غيره حتى لو كان مؤهل متوسط

الفرق الوحيد ان اللى متخرج من عين شمس دا واحد غصب عنه اتبهدل و تعب و دور و اتطلب منه يبقى سوبر مان و
لو اكتفى بالدراسة و قرر انه مش عايز يتعلم حاجة تانى ولا يجرب بايده و لا يروح تدريب و مش هيشتغل غير الشغل اللى على اد معلوماته هيقعد فى البيت

لكن خريج الجامعة الالمانية و البريطانية لان دول اللى اعرف فيهم ناس و تابعت مناهجهم عالمواقع بتاعتهم لو مش عايزين يتعلموا بينزلهم مراجعة اخر السنة فيها معظم الامتحان و لو مش عايزين يعملوا المشروع فيه مهندسين بيبعولهم المشاريع و دا وضع منتشر جدا هناك على فكرة و لو مش عايزين يدوروا على اى حاجة المعلومة بتجيلهم لحد عندهم بكل طريقة ممكنة
ممكن حضرتك تشوف دلوقتى على موقع الجامعة الالمانية مثلا فى اى مادة ايه اللى بينزل للمادة دى و تشوف اى امتحان و المراجعة اللى نزلت قبل الامتحان
انا ليا اصحاب دخلوا الالمانية منحة و بعد اول سنة لما سالتهم عالنتيجة و قالوا A+ لسة بقول ما شاء الله قالولى لا متتخدعيش بالنتيجة دى سهل جدا اى حد يجيبها


جامعة تانية زى الجامعة الامريكية فيها دا و دا و علشان كدا خريجها بيشتغل فى احسن الاماكن

نفس المقارنة هى اللى بين ثانوية عامة و american diploma و IG

الاتنين مناهجهم احسن من ثانوية عامة و امكانيات اعلى و انشطة اكتر للطلبة بس امريكان دبلومة دول بيشتروا شهادة بفلوسهم و اى جى احسن تعليم فى مصر و بيدخلوا الكليات بيبقوا الاوائل عالدفعة

بس يا باشمهندس المستقبل الجامعة الالمانية الميكاترونكس فيها احسن من عين شمس .
بس كدا

ماشى يا شباب ممكن حد يقولى مصاريف دى ومصاريف دى

مش عشان الفلوس انا بس بعمل مقارنه بينهم فى كل حاجه عشان اقدر اقيم الموضوع واعرف انهى الافضل

صراحة عين شمس حكومي معرفش بقا القسم دا بفلوس ولا ايه بس اظن انو عادي بتقديرك
اما الالمانية حد تاني يفيدك و اعرف بيكون فيه تخفيضات للاوائل

عين شمس المصاريف 200 جنيه و شوية و ميكاترونكس بالتنسيق عادى

ال credit hours المصاريف فيها 12 تقريبا او دا اخر رقم عرفته السنة اللى فاتت و الاقسام فيه مختلفة عننا


الالمانية حسب المجموع
تقريبا اللى من غير اى تخفيض خالص 60

انا كان عندى منحة 100%, كانت على سنتى من 99% من غير مستوى "ال 100 الاوائل عالجمهورية تقريبا"

و بعدها فيه تخفيض لكل شريحة معرفش اد ايه بصراحة ممكن تسال اللى قدموا السنة دى

علي فكرة موضوع ان a+ سهل كلام غلط انا طالب في اعدادي هندسة المانية و قابلت واحد في تانية بسالوا متوسط المجاميع بتاع دفعة بتاعتكوا كام سنة الي فاتت الي 2.5 -2.7 (تقريبا 80% لي 85%) دا يثبت ان كلية مش سهلة و مفهاش هزار

معلش هتدخل فى الموضوع ... انا لو جايلى منحة من الجامعة الالمانية وجايلى هندسة بترول ... اختار ايه افضل ؟؟؟!! يعنى من ناحية المستقبل ومجال العمل وكدا

ممكن اسئلك سؤال هى عدد سنين الدراسة فى كلية هندسة الجامعة الالمانية كام سنة

مصاريف الجامعة الالمانية و اقسامها ايه لو سمحتوا