ايه الفرق بين كليه حاسبات و معلومات و المعهد العالى حاسبات و معلومات
 

لو علوم حاسب والمعهد بيقبل بس من علمي رياضة يبقا زيه زي خريج حاسبات بالظبط

الف شكر يا برنس

ممكن سؤال

ايه رأيك فى اكاديميه اخبار اليوم 6 اكتوبر؟

وهل ينفع انجح اول سنه فى اكاديميه اخبار اليوم و احول السنه التانيه ل اكاديميه العاشر او الشروق؟

وهل المناهج اللى فى الكليه هيه نفس المناهج اللى فى المعهد العالى؟


والف شكر ليك

واسف تعبتك معايا

لو علوم حاسب وبتقبل بس علمي رياضة تبقا معتمدة ومعترف بيها فى المجلس الاعلى للجامعات ,, ايوة ينفع عادي بس حاول تجيب تقدير ,, ايوة هي هي بس اساميها ممكن تختلف بس نفس المحتوي ونفس الشهادة فى الآخر

هو ايه حكايه ان شهاده الاكاديميه معادله لبكالوريوس التجاره؟

يبقا دي من النوع السبوبة اللى انا حذرت منه اللى اسمه نظم ومعلومات او نظم معلومات ادارية او حاسب وادارة :)

دي مالهاش علاقة بحاسبات ومعتمدة فى نقابة التجاريين

طب و بالنسبه ل اكاديميه اخبار اليوم دى من النوع السبوبه ولا من النوع التانى

ده طابع التنسيق بتاعها

tansik.egypt.gov.eg/application/Dalel/institutions/97.htm

طب و بالنسبه ل اكاديميه اخبار اليوم دى من النوع السبوبه ولا من النوع التانى

ده طابع التنسيق بتاعها

tansik.egypt.gov.eg/application/Dalel/institutions/97.htm

مادام بتقبل بس من علمي رياضة وليها طابع تنسيق فى موقع التعليم العالي يبقا مش سبوبة واتوكل على الله

لو سمحت أنا أعرف ان كلية الحاسبات والمعلومات اللى يدخلها ممكن يفهم كل قسم من أول سنة قبل ما يقرر يخش قسم ايه مثل قسم علوم الحاسب او هندسة برمجيات او نظم معلومات أو اتصالات...الخ،حيث يوجد 10 أقسام فى الكلية.
لكن السؤال هو إذا لم أدخل أنا كلية حاسبات ومعلومات هل يوجد معهد حاسبات ومعلومات فى محافظة الجيزة(فى حالة لم أتمكن من دخول كلية حاسبات ومعلومات الخاص بجامعة القاهرة بالجيزة)؟وهل نظامها مثل نظام الكليات(أي أول سنة تدرس كل المواد ثم السنة التالية تحدد تخصصك من معرفتك فى السنة الأولى للمواد)أم للمعهد عدد محدود من الأقسام؟لو أنا دخلت معهد أنا قلقان يكون عدد الأقسام محدودة فقط وبالتالى أنا مش هعرف باقي الأقسام اللى مش موجودة وأنا عاوز أعرف كل الأقسام وأدرسها عشان أعرف ايه اللى يناسبنى.
سؤال آخر.أنا نفسي أعرف كل حاجة عن البرمجة والسوفتوير والهارد وير والاختراق(الاختراق بنية طيبة عشان تم سرقة حساب منى وأريد مساعدة جميع الحسابات المسروقة واعادتها لصاحبها وكل حاجة عن الكمبيوتروأحل مشاكلى مع الكمبيوتر اللى أنا مبفهمش فيه منذ صغرى مثل مشكلة خطأ أو بخصوص الانترنت.فهل يمكن دخول قسمين فى الكلية او المعهد؟وفى حالة ردك ب "لا" هل يمكن بعد انهاء الدراسة فى الكلية دخولها من جديد بقسم آخر؟على أمل توسيع ثقافتي فى مجال الحاسبات والمعلومات والانتفاع بها ومساعدة الجميع أكثر.
لقد أنهيت الدراسة الثانوية وأرجو الرد لأن هذا هام بالنسبة لى وأهمهم أنى لا أعرف ماذا فى المعهد من نظام وأقسام وغيره كما أعرف الكلية جيدا.وشكرا