بوابة الثانوية العامة المصرية - كــــــام مـــــــرة

كام مرة عَكَست بيتين علشان
القافية عليك هتكون اسهل
كام مرة بعدت ومسألتش
علشان تعرف مين راح يسأل
كام مرة عشقت ف ناس جرَحوك
كام مرة جرحت ف ناس عشقوك
ضيعت ف عمرك تعشق ناس
كانوا اول ناس هما اللى باعوك
كام مرة نسيت شكلك فيها
والحزن بيسكن فى ملامحك
كام مرة تكون قدام عينهم
ولا حد يكون فيهم لامحك
كام مرة بكيت وداريت ف دموع
علشان فى الشارع " ومينفعش "
كام مرة قالولك مش توبك
وعشان بتحبها " مبتسمعش "
كام مرة كرهت الخوف علشان
قلبك متعذب من خوفها
كام مرة زعلت وقلت " خلاص"
وبتصفى اوام لما تشوفها !
‫.
.
.
" كام مرة "
‫#‏محمود_النفراوى‬