بوابة الثانوية العامة المصرية - كلام الناس عن كلية علوم هيموتنى خلاص

بوابة الثانوية العامة المصرية (https://www.thanwya.com/vb/index.php)

- كلية العلوم (https://www.thanwya.com/vb/forumdisplay.php?f=166)

- - كلام الناس عن كلية علوم هيموتنى خلاص (https://www.thanwya.com/vb/showthread.php?t=450564)

معلش انا هسأل سؤال خارج الموضوع بعد اذن طبعا عبير الشذى..

فى كلمة بسمعها كتير اوى من طلبة علوم بالذات...

((تبييض المحاضرات))

يعنى اية ابيض المحاضرة؟؟ ودى حاجة حلوة ولا لاء؟....

اقتباس:

المشاركة الأصلية كتبت بواسطة عبير الشذى (المشاركة 4720973)

انا على استعداد اذاكر قد مذاكرة الثانوية العامة مرتين بس مش عاوزة ادخل وانا حالتى النفسية مش كويسة
لان ده اللى اثر عليا فالثانوى كنت بذاكر مادة وانا بفكر فالمادة التانية وخايفة منها

لا المزاكرة مش هتوصل للدرجة دى يعنى ده انت عندك شغل عملى برضه :d

اقتباس:

المشاركة الأصلية كتبت بواسطة عبير الشذى (المشاركة 4720984)

انا عندى سؤال كمان بالنسبة لمصدر المذاكرة بيكون كتب معينة بتحددها الكلية ولا اية؟
وانا بجد بشكركم كلكم كلامكم ومساعدتكم بتدينى امل وسواء ربنا كاتبلى ادخل كلية علوم ولا لاء فانا راضية

والله أحيانا بيبقى فى كتب بتاعة الكلية وده غالبا فى مواد الكيمياء و الفيزياء والرياضيات بس اما بخصوص باقى المواد فغالبا الدكتور بيقولك على مرجع تروحى تذاكرى منه -طبعا مش كله - الكلام اللى هو بيقوله بس فى المحاضرة

اقتباس:

المشاركة الأصلية كتبت بواسطة شفخفخ (المشاركة 4721001)

بصى تبيض المحاضرات ده مش فى علوم بس ده فى اى كلية هو معناه انك لما تقعدى فى محاضرة والدكتور يفضل ساعتين يتكلم أكيد انت مش هاتفتكرى الكلام ده كله ..... لا انتى بتكتبى حاجات معينة تفكرك بالنقطة دى او بتكتبى حاجات ورا الدكتور هو بيكتبها وطبعا عشان الوقت الدكتور بيملى بسرعة وانت بتكتبى أسرع فالخط بسم الله ما شاء الله بيبقى فل الفل ما ينفعش يتقرى من قبل بنى البشر :p فلما تروحى البيت "بتبيضى المحاضرة" يعنى بتكتبى اللى الدكتور كتبه وقاله فى كشكول بشكل نضيف كدة وحلو عشان هو ده هيبقى مرجعك للمزاكرة مع العلم ان التبيض ده بيفيد أوى

اقتباس:

المشاركة الأصلية كتبت بواسطة شفخفخ (المشاركة 4721001)

انا اللى اعرفة عن تبييض المحاضرات انه الطالب بيكتب بسرعة اثناء المحاضرة "ملاحظات مثلا او اهم النقاط"
وبعدين بينظمها بعد كده
مش عارفة بقى صح ولا غلط

اقتباس:

المشاركة الأصلية كتبت بواسطة mohamed-mohsen (المشاركة 4721031)

لا المزاكرة مش هتوصل للدرجة دى يعنى ده انت عندك شغل عملى برضه :d

شغل عملى ازاى يعنى
مش العملى ده داخل الكلية بس ولا فيه حاجات عملى بنعملها مع نفسنا

سؤال اخير
هى اطول محاضرة بتكون كام ساعة

اقتباس:

المشاركة الأصلية كتبت بواسطة mohamed-mohsen (المشاركة 4721039)

ده الموضوع طلع سهل أهو ..اومال اية الأسم الرخم ده تبييض وبتاع وحاجات تخض

طيب باذن الله هبقى اعمل موضوع التبييض ده..وشكرا للتوضيح

اقتباس:

المشاركة الأصلية كتبت بواسطة عبير الشذى (المشاركة 4721048)

شغل عملى ازاى يعنى
مش العملى ده داخل الكلية بس ولا فيه حاجات عملى بنعملها مع نفسنا

لا طبعا شغل عملى ايه اللى تعمليه بره ده :D انا قصدى يعنى ان المزاكرة مش هتبقى زى الثانوية خااااااااالص

اقتباس:

المشاركة الأصلية كتبت بواسطة عبير الشذى (المشاركة 4721050)

سؤال اخير
هى اطول محاضرة بتكون كام ساعة

فى سنة أولى ساعتين دى المحاضرة والمعمل 3 ساعات .............. ده أولى بس :D :p

اقتباس:

المشاركة الأصلية كتبت بواسطة شفخفخ (المشاركة 4721072)

اها سهل وزى الفل بس نصيحة ما تحكيش على حاجة من غير ما تجربيها :d

اقتباس:

المشاركة الأصلية كتبت بواسطة mohamed-mohsen (المشاركة 4721078)

لا طبعا شغل عملى ايه اللى تعمليه بره ده :d انا قصدى يعنى ان المزاكرة مش هتبقى زى الثانوية خااااااااالص

فى سنة أولى ساعتين دى المحاضرة والمعمل 3 ساعات .............. ده أولى بس :d :p

امممم
طيب وهما كام محاضرة فى اليوم الواحد

اقتباس:

المشاركة الأصلية كتبت بواسطة عبير الشذى (المشاركة 4721087)

امممم
طيب وهما كام محاضرة فى اليوم الواحد

لا دى حاجة مش انا اللى احددها ده على حسب جدولك

اقتباس:

المشاركة الأصلية كتبت بواسطة عبير الشذى (المشاركة 4720372)

انا بجد تعبت خلاص من كلام الناس عن كلية العلوم وان الدراسة فيها صعبة
اول كلمة سمعتها عنها انها صعبة وبنتعب على الفاضى ومحدش بيشتغل
بس لما دخلت القسم هنا بدأت اتفأل
وكل ماحد بيقولى صعبة مش بسمع كلامه
بس بابا كل شويا بيخوفنى منها ويقولى خليكى فاكره انى قولتلك
انك مش هتقدرى عليها دول بيدرسوا 12 ساعة
ومحدش بينجح فيها بتقدير كويس
ومعظمهم بيطلعوا بمواد
وكلام من ده
وفيه واحد قالى ان كلية علوم اسكندرية بالذات الدكاترة فيها مش كويسين وان الدكتور كان بيقولهم انتو اصلا مش بتفهموا وكان بيعاملهم معاملة مش كويسه
ياريت بالله عليكم حد ينصحنى نصيحة اخوية
ادخل ولا مدخلش
مع العلم ان انا مرحلة تانية
ومجموعى 95%
وكنت ناوية لو جاتلى كليه علوم بعيدة هحول اسكندرية لانها اقرب جامعة ليا بعد جامعة دمنهور
انا بحب الفيزياء جدا بس بخاف فالامتحانات ومش بعرف احل كويس
ونفس الكلام بالنسبة للرياضة
وبالنسبة للاحياء فأنا بحب الجزء اللى فيه الفهم اما الكلام الكتير اللى كان فالمنهج بتاعنا فالثانوى فأنا كنت بتعب أوى وأنا بذاكره
انا عاوزة بس اعرف ايه النظام فالكلية وبالنسبة للاحياء هل هى حفظ كده زى الثانوى ولافهم
وبالنسبة للتقديرات فمعظم الطلبة صحيح بيطلعوا بمواد
ولا بيجيبوا تقديرات عالية

بصى توكلى على الله و ان شاء الله خير حاولى تتفاءلى و متحبطيش نفسك و الله علوم جميلة جداااااااا بس انا لاحظت فعلا ان المشكلة فى الدكاترة يعنى الصراحة فيه دكاترة ممتازة جدا بتشرح كويس و بتعرف تثبت المعلومة و لو رحتلها فى اى وقت تشرحلك حاجة مابتقولش لا و فيه العكس تماما بس الحمد لله ماقابلتش منهم كتير لحد دلوقتى بالنسبة لى فى الكلية دى الدكاترة فرقو معايا جامد و حببونى فى الكلية من اول يوم دخلتها مع انى كنت زعلانة عشان كنت جايبة 93 فى ثانوى و السنة بتاعتى كانت كانت كليتى واخدة من 84 و شوية بس و الله اللى بيقول ان الكل بيتساوى يبقى غلطان الحمد لله ربنا اكرمنى جامد فى الكلية دى و ان شاء الله اتخرج منها بتقدير كويس جدا بس اهم حاجة نصيحة من اخت ليكى ذاكرى اول باول عشان تعرفى تجيبى تقديرات كويسة و ربنا يوفقكم جميعا

اقتباس:

المشاركة الأصلية كتبت بواسطة happy moly (المشاركة 4722521)

انا الحمدلله بذاكر اول باول
بس انتى كليتك دية فين؟

اقتباس:

المشاركة الأصلية كتبت بواسطة عبير الشذى (المشاركة 4722600)

انا الحمدلله بذاكر اول باول
بس انتى كليتك دية فين؟

انا فى كلية علوم السويس رايحة مستوى رابع ان شاء الله شعبة كيمياء صناعية

اقتباس:

المشاركة الأصلية كتبت بواسطة happy moly (المشاركة 4722936)

انا فى كلية علوم السويس رايحة مستوى رابع ان شاء الله شعبة كيمياء صناعية

ربنا معاكى ومعانا كلنا
وبتمنى ان شاء الله لو كان ليا نصيب ادخل علوم اسكندرية ان الدكاترة اللى فيها يكونوا كويسين ذى الدكاترةاللى بتقولى عليهم