|
اللي شهادته معادله كويتيه يخش هنا
هنا إجابه لكل اسفساراتكم عن تنسيق شهاده المعادله الكويتيه
أولا طبعا الورق المطلوب للتنسيق 1- شهادة الثانوية العامة ( طبعا الكويتيه و الأصل و خلي معاك صوره طبق الأصل كلهم متصدقن من الخارجيه و السفارة) 2- شهادة الميلاد ( جيب معاك المصريه و الكويتيه ) 3- 6 صور شخصية ( و جيب معاك صور إضافيه ) 4- ورقه اسمها ( 2 جند للذكور ) و دي تجبها من القسم أو هاجه اسها الإتصالات العسكريه و دي غالبا بتبقى في الجامعه انا عن نفسي جبتها من جامعه المنصوره و انا دلوقتي في جامعه القاهرة 5- وبعد كدة تسدد المصاريف ( و قدرها 500 جنيه ) كل الحجات دي بتسلمهم في شباك التنسيق و بتبقى لكل بلد يوم معين و بيكون شباك التنسيق ده في المدينه الجامعيه في القاهره أو في اسكندريه بس ،،،، بعد كده الراجل هيديك ظرف بعد ما تسلمله كل الحجات دي في ورقه بتملى فيها الرغبات بتاعتك و شويه حجات كده ،، و يديك رقم سري عشان هتكتب كمان رغباتك على موقع الوزاره بعد ما تخلص كتابه رغبات بتحطهم في نفس الظرف اللي استلمتهم و يبقى كمان اعرف لو في روق مطلوب يتسلم معاهم بعد كده ادعي ربك و استنى نتيجتك من نفس الموقع اللي حطيت فيه تنسيقك --------------------------------------------------------------------------------------------------------------------------------- دي قائمه بالمواد اللي هتتحسب في تنسيق شهادات الكويت بالنسبه لتنسيق السنه اللي فاتت و ده بالنسبه للقسم العلمي اما بالقسم الأدبي هيتبدل مواد القسم العلمي بالقسم الأدبي في الحادي عشر و الثاني عشر الصف العاشر اللغة العربية اللغة الأجنبية الأولي الرياضيات كيمياء أحياء الاجتماعيات المعلوماتيه وطرق البحث فيزياء الصف الحادى عشر علمى اللغة العربية اللغة الأجنبية الاولي الرياضيات والإحصاء المعلوماتية وطرق البحث الرياضيات الكيمياء الفيزياء الأحياء الجيولوجيا الصف الثاني عشر العلمي اللغة العربية اللغة الأجنبية الاولي الرياضيات والإحصاء المعلوماتية وطرق البحث الرياضيات الكيمياء الفيزياء الأحياء ------------------------------------------------------------------------------------------------------------------------ في الغالب بيطبق نظام التوزيع الإقليمي برضه في الشهادات المعادله عشان كده اعمل حسابك انت هتحط أي عنوان انت قاعد فيه و الكليه اللي انت عايز تروحها و اتمنى التوفيق ليكو كلكو |
شهادة معادله من الكويت
من فضلك ياريت حد يرد عليا بسرعه
انا موثقتش الشهادة الأصليه ووثقت بس شهادة طبق الأصل من الكويت ممكن اوثقها من مصر في السفارة الكويتيه ولا مش هينفع ولازم يكون من الكويت ياريت حد يقولي اعمل ايييييييه لو سمحتواااااااا |
اقتباس:
تمت الاجابة علي هذا الرابط http://www.thanwya.com/vb/showthread...77#post3817777 |
جزاك الله خيرا ويجعله في ميزان حسناتك
طب هل يوجد تحويل لتقلييل الاغتراب لينا كمان ولا لأ؟؟ وهيكون بكم السنادي ؟؟ اصل عاوزين نحط حاسبات في الجمهورية وخيفيين ميكونش في تحويل ؟؟؟ |
اقتباس:
ده حسب القرار اللي يطلع من الوزاره يعني احنا وقتها " سنة الفراغ " منعو علينا التحويل و تقليل الإغتراب ممكن السنادي يفتحوها و ممكن لا |
يا جماعة محدش يعرف امتى نتايج التنسيق شهادة الكويت كمان محدش يعرف توقعات للحد الأدنى لكليات الطب واخر سؤال هو في تحويل لينا ولا ايه
|
أولا النتيجة ان شاء الله يوم 20-9-2011 و التحويل اكيد موجود مينفعش ميكونش موجود وان شاء الله بيقولوا هيكون اول اسبوعين من اكتوبر وادينا مستنيين كلام رسمي
|
شكرا أووووووي على الرد يا رب يكون كلامك صح لان والله الواحد تعب في ثانوية عامة ولسة لحد دلوقتي ميعرف التعب ده بفاييييدة ولا ايه ..ربنا يوفقنا كلنا يا رب و كل واحد يجيلة الكلية الي هو عايزها ...يا رب
|
جزاك الله خيرا ,,, بس عندي سؤال لو سمحت
انا ف عاشر وعايز اعرف لو كملت في الكويت الثانوية العامة ال 3 سنين هيعملوا المعادلة ازاي يعني هينقصوا قد ايه من المجموع او المجموع بيتحسب ازاي عشان ادخل الجامعة ف مصر |
| جميع الأوقات بتوقيت GMT +2. الساعة الآن 01:58 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.