|
تالتة ثانوي...اجمع هنا بسرعة
مساء الخير او صباح الخير بصو بقي يا شباب السنه اللي جايه دي صعبه ف انها طويلة و مرهقه وانا جمعت شويه نصايح من كذا موضوع هنا يمكن تفيدكم وتفيدني معاكم و هنزل هنا نصايح كمان علي قد ما اقدر عدد الدروس مش مهم الرك ع الطالب و شغله بس بردو لازم المدرس يكون شاطر ...................................... الثانوية العامة هى بنسبة 40% نصيب و بنسبة 50% توفيق ربنا ليكى و ال 10% الباقيين شغلك انتى و اجتهادك .................................. الثانويه محتاجه نفس طويل زي سباق الجري ................................. كتاب المدرسه هو الحل لعدم ضياع ولا نص درجه يجب الاعماد عليه بشكل اساسي بجانب المخلص نموذج الاجابه بيتحط من كتاب المدرسه ف راجع من الكتاب ................................. حتى لو حابب ان انت تذاكر من مذكرة او كتاب خارجى عشان يكون منظم اكتر راجع الاول كلام المذكرة بكلام كتاب المدرسة .. اى معلومة تلاقيها ناقصه زودها ف المذكرة بحيث ان المذكرة دى تبقي عبارة عن كتاب المدرسة بالنص بس منظم اكتر ..كدة تخلص من موضوع الانصاص .. مش ف الفيزيا بس دة ف كل المواد ............................................ الانجليزي معتمد علي حفظ كلمات كتيرررر جدا احفظ كل يوم 10 كلمات جديده واتدربيذ كتير و5 تراجم مثلا ....................................... جمع الكلمات الصعبه ف ترجمه اليونت والقطعتين واحفظهم اول ب اول ...................................... الشطاره مش انك تبدأ جااااامد مذاكره وبعدين تنام الشطاره انك تستمر حتي لو مش هيبق الموضوع دح اوووي .............................. ف البدايه ادي لكل حاجه حقها واهم حاجه((تذاكر اول ب اول بعد الدروس بس مش تضغط علي نفسك)) ,................................... اكتب المطلوب منك ف ورقه خليها دايما حوليك و معاك عشان تفتكر دايما باقي عليك ايه واجتهد ف انك تخلص المطلوب منك اشطب ع اللي تخلصه و متكسلش ........................................... متتشغلش بماده اكتر من التانيه لمجرد انك بتحبها وازن بين المواد و شوف انت خايف من ايه وايه نقطه ضعفك وحاول تتخلص من الضعف دا ((مهم)) ............................... بلاش تشاؤم ومش تقولي مش هقدر ومش هعرف مفيش حاجه صعبه ع اللي عنده امل و حماس وحلم لازم يوصله كرري كتير انك تقدري وهتجيبي 99 ان شاء االله ......................................... اللي تعب بجد هيدخل يقفل الماده ف الامتحان((دي قاعدتنا )) ..................................... سر القوه ف كل ماده ..الحل الكتيــــــــــــــر .............................. حل ف الانجليزي من كل الكتب ف نفس الوقت وباقي المواد حل من واحد وخلي واحد لمراجعه اخر السنه (عشان تمريناته بتجمع كل نقط الفصل) دا غير كتب المراجعه بتاعت كل فترة ............................ قصه العربي تتذاكر من كتاب الوزاره وتذاكر جزء جزء فيها ........................ طريقه الكتابه في المذاكره هي الافضل ................................ حاول تستخدم كل حواسك ف المذاكره سمع وبصر ونطق و كمان بتكتب ...................................... المهم ف المذاكره الكيف مش الكم يعني اقعدي 5 ساعات ذاكري درس واطلعي شرباه وفهماه وحفظاه احسن من ساعه وتاني يوم تنسيه المهم انه يثبت ف دماغي ........................................... السنه طويله متضغطش علي نفسك وابدأي مذاكره من اول السنه اول ب اول ...................................... الاولويه للحل و المذاكره والمراجعه لها وقتها ......................................... احسن وقت للمذاكره بعد صلاه الفجر وقبل المغرب بشويه ....................................... الادب تقراءه من كتاب المدرسه و بعدين تحفظه من مذكره المستر ع هيئه سؤال وجواب ولو في حاجه ناقصه ف المذكره زودها .............................................. النحو والبلاغه عايزه حل كتيـــــــــــــــــــــــــــــر جدا طووول السنه ........................................ متعديش جزئيه ولو صغيره عشان ممكن يعمل ع الجزئيات دي امتحان كامل خصوصا الكهربيه والحديثه ............................................... ركز ع الكتاب االخارجي ف مفردات العربي ........................................... التعليق اللي بعد الدرس دايما مهممممممم جدااااااااااااااااااااااااا ف العربي .................................... قارن كتاب المدرسه بالملخص او المذكره و اضيف الحاجات الناقصه او حتي دبسها ف اللي هذاكر منه .................................... .. ذاكر اول باول و اوووووعى تدخلى حصه و انت مش مذاكرة الحصة اللى قبلها .. لو تهاونت اسبوع هتلاقي الاسابيع كلها جررررت بعضها و هتحتاس على ما تعرف تقف على رجلك تانى .. ذاكر درس بدرسه و حل على اللى تذاكره على طول .. و لما تيجى تحل ماتحلش نص التمرين و تقول هحل الباقي بعدين .. لاااا .. الحاجة اللى هتنجزها هتخلص منها و ترميها من ورا ضهرك .. التمرين اقعد عليه هاته لحد ااااخر سؤال .. ....................................... الدروس الكتير مضيعه للوقت ................................ التعريفات تتحفظ زي ما هي صم .......................................... دليل التقويم يجي ف شهر 1 او 2 عشان تراجع منه اول باول ........................ قول انا المسؤل عن نجاحي ف تحقيق هدفي من خلال تنظيم وقتي و اولوياتي ....................................... قول لنفسك انا اللي احدد ايه مهم بالنسبالي وايه مش مهم وايه اللي ابدأ بيه دلوقتي وايه الخطوه الجايه انا المسؤل وكلام الناس يخصهم هم .............................................. حدد اولوياتك حسسب اهميتهم من وجهه نظرك والتزم بتنفيذهم وافتكر حلمك ................................ افضلي فاكره يوم النتيجه وفرحه اهلك بيكي وصدق ان ربنا هيكون معاك وهيساعدك تحقق حلمك .............................................. الدرجات ف امتحانات الدروس مش دايما مقياس خليكي عندك امل واتعلم من غلطاتك و ثق ف ربنا و نفسك ........................................ اتحدي نفسك دايما وخلي المذاكره حاجه ممتعه واعمل لنفسك مكافئه لو مشيت ع الجدول وانجزت طول الاسبوع ........................................... تنظيم الوقت من اسرار النجاح ....................................... ابدا مراجعه من شهر 3 ولو درس جديد مع درس قديم .............................................. معظم النصايح دي انا اخدتها من دكتوره علياء في ردودها ومساعدتها للدفعه اللي قبلنا ربنا يجعله في ميزان حسنتها يلا بقي شدو حيلكو بدأنا ندخل في الجد :av4056bb7jp3::av4056bb7jp3: |
هيا نصائح حلوة بس ليا نحفظ على كام ملحوظة كده
شكرا ليكى بس هو موضوع نصائح ولا هيبقى بعد كده ملتقى لينا |
اقتباس:
انا عملاه نصايح بس الملتقي موجود |
على ان التعريفات تحفظ صم
احنا علمى يا جدعاااااااااااااااااان انا مش بقول ان الطريقة دى مبتجبش نتيجه بس هتخلى الماده رزلة و الله انا كنت بعمل كده فى العلوم فى تالته اعدادى و كنت بكره المصطلحات من كده و اللى هيضل فى مخك حتى بعد اما تخلص امتحانات هو فهمك |
اقتباس:
افهم الاول معني الحاجه اللي بتعرفها دي وبعدين حاول ان ترتيب الكلام في دماغك يبقي شبه الترتيب اللي في كتاب الوزارة احفظه بنفس اسلوبه بس مش اكتر |
اقتباس:
اما على فكره مش شرط اكتب بأسلوب كتاب المدرسة لأن اللى بيصحح ده مدرس مش واحد بتاع العاب او اخصائى اجتماعى فهيكون فاهم انت عايز تقول ايه و الاخر كل واحد و اللى يريحه:rolleyes: |
اقتباس:
بس في حاجه قالتها الدكتورة دي في رد من الردود انها نقصت ف تانيه في العربي ولما راحت كشفت علي ورقها المستشار قال ل والدها انها مش كاتبه زي نموذج الاجابه مع انها كاتبه صح بس بطريقتها وقالت بردو ان مدرسين بتوعها حتي في المواد العلميه نبهوها ل حته التعرفات لازم تبقي زي الوزارة و في الاخر دي نصايح يعني كل واحد يعمل اللي يريحه |
و الله العاهات اللى زى دول كتير و انا عارف
بس يلا ربنا يسهل |
اولا الموضوع حلو جدا شكرا بجد
ثانيا انتي فعلا عندق حق فحكايه التعريفات دي احنا مره مدرس الكيمياء سال بنت عن تعريف كان فالمنهج فالبنت قالته زي شرح كدا بس مش بنص الكتاب فنقصها ولما سالته ليه قالها ان دي مصطلحات عالميه بتتعرف زي ما كتاب المدرسه كاتبها بالنص عند كل البلاد فالعالم يعني الصيغه اللي مكتوبه بيها مش مسموح ان حد يعرف بغيرها بره صراحه انا مقتنعه برايو جدا حتي لو غلط اهو احنا زي كتاب المدرسه يإني فالامان |
موضوع جاى فى وقته ونصايح قيمة :)
شكرا :) |
مش تشكروني دا واجب عليا
و ان شاء الله كل ما اعرف حاجه تساعدنا هحطها هنا وانتو كمان لو لقتو نصايح مفيده مش تبخلو بيها |
اقتباس:
خشى ع النت و اقرأى صيغه قوانين نيوتن من موقع وايكيبديا و قارنى بنها و بين الكتاب هتلاقى فى فرق بس المعنى هو هو |
انا مش لاقية كلام اقولهولك يعبر عن مدي اعجابي بالنصايح كويس اوي انك نشرتيها علشان الكل يستفيد
شكراااااااااااااااااااااااااا يادكتورة |
بالتوفيق ليكم كلكم
وعقبالكم لما تحصلونا |
اقتباس:
و ناخد اللقب انا وانتي وكل اللي بيحلم بيه |
| جميع الأوقات بتوقيت GMT +2. الساعة الآن 04:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.