|
يعنى ايه كلمة رجولة
يعنى ايه كلمة رجولة يعنى ايدك سبقة لسانك يعنى من يوم متولد كل الكون عايش عشانك يعنى كل ما فى البيت يخدم جنابك يعنى ايه كلمة روجولة يعنى جسم اسد بس فى عقل فولة يعنى دقن وشنب يعنى كل يوم مع امورة بقا هى دى الرجولة هى دى فى نظركم يا رجال يعنى تستقوى على اختك او مراتك عشان انت القوى وفى طول البغال هى دى معنى الرجولة انك تعاكس انك تضرب انك تجور انك تمشى فى الارض كأنك طور يعنى تسقط بنطلونك يعانى السجاير متفرقش هدومك يعنى تشتم وتعلى فى صوتك يعنى تتكبر على امك وتستعر من ابوك يعنى تأمر وتتأمر وكل ما فى الكون يسمعوك لو كنت فاكر ان دى معنى الرجولة ارجع تانى لاهللك لجل ميربوك لجل ميعقلوك ويفهموك ان الرجولة بجد عمرها ماكنت صراع ولا كانت بشتمية ولا بلوى الذراع ولا بصوت تسمعه الجيران ولا انك تستقوى على الضعفان يعنى تحمى عرض اختك مش تنهشه يعنى تطيع كلمة ابوك وتسمعه يكون تكون راجل بجد بكلمتك بزوقك ولطفك واحترامك يعنى ليك شخصيتك الرجولة يعنى كرامة يعنى شهامة مش ندالة دى جدعنة نداء لكل اب لكل ام لكل مربى فاضل لكل حد شايل هم شببنا هم الماضى والحاضر مش حقول ربى البت زى الولد لان لكل مقام مقال بس حقول ارجوكم كل حاجة بعتدال يعنى ربى صح تحصد صح بس متربيش علف وتستنى يحصد قمح اشرقت الشمس مريم السباعى |
كلمات جميلة و الهدف نبيل و العبرة باللي يفهم و يطبق فعلاً كلام في الصميم بارك الله فيكي مريم |
اقتباس:
دائما مبادر بالمرور لطيب بارك الله فيك وشكرا جزيلا خالص شكرى وتقديرى |
يعني إيه كلمة رجولة الرجولة مش كلام .. مش بنسمعها وسلام لما تكبر تبقى راجل أو بتعلى في المقام الرجولة إنك تصون كل اللي كان إن تبقى في عز شدة .. ويحتمي فيك الحمام تعرف أنت يعني إيه كلمة حمام الحمام رمز السلام تنصح أختك مش تهينها تطاطي عالأرض تبوسها .. لما تمشي عليها أمك مش تدوسها !! لما يعلى الصوت على اللي جاب وربا يبقى مــ المفروض تبات ساكن في قبرك الرجولة مش كلام مش قصيدة والسلام مش تنزل بنطلونك لأجل ما ...... تبان مش بتفتحلي في صدرك لأجل ما يقولوا حصان كل واحده ماشيه جنبك تبقى أختك مش عشيقتك يعني متبصش تسبل .. أو تلعبلي في حواجبك لما تتحط في موقف .. تبقى في الشدة كعنتر الرجولة مش كلام مش معاني للغرام أنت فاتح جوا قلبك ألف غرفه واحده للي بتعشقك منش عارفها وواحده للي عاملا فيها بألف قُصة وواحدة للي .. وواحدة للي .. أقولك أنت الرجولة بتعشقك لما تعاملها أه تعاملها جرب أنت وأبقى إسألني ساعتها مش هلاقي ليها معنى .. غير هقولك هي أنت .. هي أنت جميلة كلماتك يا مريم وأثارت بداخلي تلك الكلمات التي سطرتها تقبلي مروري وتحياتي ومنتظرين كل جديدك وأفكارك |
اقتباس:
ن كانت كلماتى جميلة فهى ليست اجمل مما سطرته استاذى فحقا انرت كتابتى بهذا المرور الجمل والرقيق خالص شكرى وتقديرى |
تجربة إبداعية جديدة للمبدعة دائما مريم بإطار اجتماعى مميز
لغتك البسيطة حملت فى ثناياها حدة الغضب من وضع لم يعجبك وحملت أيضا سخرية من بعض العقول التى لم تعرف معنى الرجولة وحملت كذلك جانبا تعليميا لتهذيب النفوس قبل الأبدان وأحب أن أسجل أيضا إعجابى بكلمات الرائع ضياء الدين سعيد المتفاعلة مع كلماتك . |
اقتباس:
خالص شكرى وتقديرى |
جميله ومعبره جدا
تقبلى مرورى وصدق عبورى |
مبدعه دوووووماااااااا
|
اقتباس:
شكرا جزيلا على هذا المرور العطر بارك الله فيك خالص شكرى وتقديرى اقتباس:
شكرا جزيلا على هذا المرور العطر بارك الله فيك خالص شكرى وتقديرى |
اقتباس:
|
كلمات تحمل فى مضمارها الاستهجان والاستنكار لما يعتقده البعض عن مفهوم الرجولة والتى يختصرونها فى علو الصوت وظلم الأخرين والاستقواء على الضعفاء وما الى ذلك
ولكنك فى نفس الوقت عقدت موازنة رائعة بين هذا المعنى المغلوط والمعنى الحقيقى للرجولة فوصلت الفكرة بأسلوب جميل شيق ومعبر وسلس سلمت يداك |
بجد فكره الكلمات هاااااااايله خصوصا ان فعلا الرجوله فيها غلط اليومين دول :mad: بقت حااااجه تعصب تسلم ايديك ياقمر |
اقتباس:
شكرا جزيلاا وبارك الله فيك على هذا المرور الطيب خالص شكرى وتقديرى اقتباس:
شكرا جزيلا اختى الكريمة وبارك اله فيكى على هذا المرور الجميل خالص شكرى وتقديرى اقتباس:
معلش يا كنارة ولا تتعصبى يا حبى ادينا بنخلص حقنا فى الشعر اه مرسى على المرو ر الجميل خالص شكرى وتقديرى |
الفكرة حلوة اوى يا مريم
و الكلمات قوية مع تحفظى على بعض الكلمات |
| جميع الأوقات بتوقيت GMT +2. الساعة الآن 07:03 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.