|
موعد بدء الدراسة فى كلية حاسبات
بسم الله الرحمن الرحيم رمضان كريم عليكم كلكم اما بعد اخوكم اسماعيل حاسبات المنوفية هو موعد بدء الدراسة امتى و اول يوم فى الكلية بنعمل ايه و بنجيب معانا ايه و المدينة الجامعية انا خلاص سجلت فيها و لكن هل هى هتبدا من بدا الدراسة ام بعد الدراسة باسبوع ارجو الرد و رمضان كريم
|
انا كمان مش عارف ياريت اللى عارف ميبخلش
|
هى الدراسة ح تبقى 26 سبتمبر ...
طبعاً ح تروح مش معاك غير حتة اجندة و حتة قلم و كفاية قوي ... و غالباً ح تروح اول يوم مش ح تاخد حاجة , لانك ح تعرف المقررات ايه الاول و بس ... طبعاً المدينة الجامعية المفروض ان الموظف ح يقول لك على يوم النتيجة بتاعها ... لان المدينة الجامعية ليها نتيجة ... ده اللي اعرفه يعني |
يا جماعة حد يقولنا نعمل ايه
|
لو لم أكن حاسوباتى لوددت أن أكون حاسوباتى
يا جماعه الدراسه إتأجلت ليوم 3/10 قابله للزياده طبعا تصوراتنا كطلبة ثانوى ممكن تتذبذب ما بين إندفاع الكبار وتحكم الصغار عشان كده مش لازم نقعد نتصور ايه اللى ممكن يحصل أول يوم جامعه لان ده هيختلف من واحد للتانى أنا عن نفسى ف حاسبات حلوان هروح بعد العيد إن شاء الله أسأل على المدينه هتفتح إمتى أو قبلت ولا لا بس إن شاء الله هقبل عشان أنا مغتربين من المنصوره وأهم حاجه تآخدها معاك أول يوم عقلك وأوعى تقول تحيا فين الناظر يا جماعه ولا الفسحه إمتى والكنتين والحاجات دى ربنا يستر علينا جميعا ونعدى المرحله دى ع خير وأنصحكم كل واحد يروح يسأل ف جامعته ع المدينه أهم وبعدين ينسق نفسه على أول يوم دراسه زى ما هو عاوز ...... شكرا ليكم جميعا
|
ياجماعة الناس اللى بتسأل عن المدينة بتبدأ بعد الدراسة بأسبوع او اتنين
والدراسة 3/10 ان شاء الله |
اولا السلام عليكم جميعا انا كنت عايزة اسال كام سؤال و يا ريت اللي يعرف يقول لى انا كان جايلي حاسبات الاسماعيلية و حولت التحويل الورقي للمنصورة و الفرق درجتين ممكن اتقبل ولا لا ؟ ثاني حاجة انا قراْت ان الوزير قال الدراسة هتبقي 26_9 و في ناس بيقولو انها هتبقى 3_10 او اكتر يا تري اية المعاد الصح ؟ بس كدة
معلش على التطويل بس انا بجد عايزة اعرف و شكراااااااا........ |
وعليكم السلام ورحمة الله وبركاته
ازيك يا بشمهندسة وكل سنة وانتى طيبة اول حاجة نسبة قبول التحويل الورقى بتتقبل بنسبة كبيرة لانك بتدفعى فلوس وهما بيحبوا الحته دى{بلد مستغلة} تانى حاجة بالنسبة لموعد الدراسة فمفيش مصدر موثوق اكد الكلام لغاية دلوقتى كانوا بيقولوا 3/10 رجعوا يقولوا10/10 والنهاردة قرات فى جريدة الاهرام التالى ان الدراسة هتبقى فى موعدها ان شاء الله ودا اللينك http://www.ahram.org.eg/Index.asp?Cu....htm&DID=10080 وربنا يوفقك |
الدراسه إن شاء الله 3/10 بدون تأجيل إن شاء الله
وبالنسبه لموضوع التحويل أنا أسمع إن جامعة الإسماعليه صعب إن حد يحول منها لان الأعداد قليله بس زى ما قال البشمهندس أحمد ممكن التحويل الورقى بتدفعى 150 جنيه على ما أعتقد والله أعلم |
انا متشكرة جدا على الرد السريع انا كنت قلقانة علشان التحويل بس الحمدلله اتطمنت شوية يا رب التحويلات بتاعتنا كلها تتقبل بس انا كنت عايزة اعرف في حد هيبقى في المنصورة ان شاءالله؟
و شكراااا:) |
اقتباس:
|
السلام عليكم ورحمة الله وبركاته ...
...................... مش تقلقوا يا جماعة في حكاية التحويل دي .. التحويلات بتظهر بعد العيد فعلا زي ما حصل السنة الي فاتت ...وبتتقبل ان شاء الله ... ومين قال ان التحويل من الاسماعلية صعب .؟؟؟ انا في ناس معايا في الكلية محولين من حاسبات الاسماعلية .. ................ امممم دا كان اولا ثانيا بالنسبة لهتآخدوا معاكم ايه اول يوم .. كل واحد يآخد كشكول عادي وقلم ... اه واوعى اي حد ينسى بطاقة الترشيح عشان اول يوم بالذات مش بيدخلوا اي حد من غير كارنيه بالنسبة للي معاهم او بطاقة ترشيح .. دا شئ مهم جدا لازم تآخدوا بالكم منه ان شاء الله ... والي محولين يقدروا على فكرة يروحوا الكليات الي المفروض انهم هيحولوا ليها وتروح بروقة الترشيح برده عادي بمعنى ان لو واحد مقدم على التحويل الورقي دا ...الي هو بيبقى في ادارة الجامعة مش الي على النت المفروض هو جاتله مثلا حاسبات الاسماعليه وهو مقدم في التحويل المنصورة عشان هو منها يروح عادي جداااااا يحضر في حاسبات المنصورة ويدخل بحاجة اسمها وصل التحويل كانوا بيآخدوه لما بيقدموا على التحويل وبيدفعوا الفلوس .. بيآخدوا حاجة اسمها وصل التحويل ... ايه تاني عاوزة اقوله اه .. اهم حاجة تكون رايح وانت اعصابك مش مشدودة ولا خايف ... وخليك مرتاح خالص واتعامل بتلقائية مع المواقف ..... و اول يوم دا في الكلية هيبقى ذكرى والله يا جماعة ... وبعد كدا الواحد بيقول انا كنت خايف كدا ليه ؟؟ وبيضحك على نفسه توكلوا على الله "ومن يتوكل على الله فهو حسبه " ربنا يوفقكم جميعا ... شدوا حيلكم وربنا يجعله تيرم سعيد علينا وعليكم يارب ... |
ياجماعة 3/10 هيوافق ان شاء الله يوم السبت والمفروض ان يوم السبت اجازة من الكليات فايه الحل؟
|
بشمهندس احمد الاجازة بتاعة يوم السبت اتلغت يا اخى الحبيب و ربنا يقويك بقى على 6 ايام دراسة احبك فى الله
|
هاااام جدا
السلام عليكم في الاول . نتيجة التحويل الورقي بانت في جامعة المنصورة و الحمدلله انا اتقبلت . وناس كتير جدا اتقبلو بس في مشكلة صغيرة لو كان الشخص اللى محول للمنصورة قدم في الكلية اللى جالو الترشيح بتاعها الاول لازم يرجع الكلية دي و يدفع فلوس (والا.............) و يسحب الورق اللي قدمة ويرجع يقدمة في المنصورة تاني واعتقد ان دة بيحصل في اي جامعة الموضوع معقد شوية بس معلش هنعمل اية غصب عننا |
| جميع الأوقات بتوقيت GMT +2. الساعة الآن 05:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.