|
معهد طيبة العالى للهندسة بالمعادى يالا اللى عاوز يدخله يالا نتجمع هنا
نفسى الاقى مساعدة انا محتارة اقدم ف معهد طيبة العالى للهندسة بالمعادى ولا فين انا رحته ولقيت هيحصلى خصم لانى جايبة اعلى من المجموع اللى بياخد منه وف نفس الوقت قرات ع النت ان معهد الشروق او مودرن احسن اعمل ايه وبجد نفسى حد يرد ويقولى عمل ايه لانى ملاحظة ان كلنا بنسال ومفيش حد بيجاب علينا صحيح معهد طيبة برضة بيعطى كارنية النقابة وبيعطى درجة البكالريوس فممكن تعرفونى ايه الفرق مش كله بكون مهندسة ف الاخر يعنى ف طيبة انا سمعت ان الدراسة اسهل من الشروق لانك لو شلت مادة ف الشروق بعيد السنة تانى يباه طيبة احسن ولا ايه رايكم ياريت اعرفه
|
طيبه او العبور بس انا ارشحلك انك تدخلى العبور بلاش طيبه خليه بعد العبور
|
طبب ممكن اعرف الفرق وكمان المواصلات او هل فيه سكن ولا لا ف العبور وهل المنطقة دى كويسة ولا ايه ارجوك رد عليه
|
المواصلات سهله جدا انا عن نفسى هقدم فى العبور ان شاء الله انا جمعت معلومات كتيرة عن معظم الخاص فى مصر واللى هينسبنى هو العبور فى كل حاجه انا رقم تليفونى اهو 0105875751 لوعايز تعرف اى معلومات
|
معلش انامش هينفع اتصل فلو ينفع حضرتك تجاوبنى على الاسئلة وتقولى ايه مميزات العبور
|
معهد طيبه سمعت انو اقل المعاهد هندسه وفى فى المعادى برده مودرن اكاديمى وسمعت ان مستواها كويس جداا انصحك ابعدى عن معهد طيبه :)
|
اقتباس:
العبور : دراستها سهلة . مكانها كويس ومشوارها مش صعب . بتعطى كارنيه نقابة و معتمدة بس ده شئ مشترك فى كل الخاص . اكاديمية القاهرة الحديثة : ممتازة برده و مش صعبة . وفيها سكن. اخبار اليوم : اعرف ان سمعتها كويسة . انا اختيارى حيكون العبور ثم القاهرة الحديثة . ان شاء الله. انا من رأى مفيش ولا مميزات غير انك تشوف الاقرب ليكى والمكان المريح لكن كله واحد بالنسبة للشهادة . |
انصحك يلاش طيبة والعبور العملية مش شهادة وخلاص انا من وجهة نظرى يا العاشر من رمضان يا الشروق وبس وخريحين العاشر مطلوبين كتييييير علشان الدراسة فيها صعبة كيك وجد فاكيد الخريج بيطلع خبرة عالعموم انا هادخل الشروق بأذن الله بالتوفيق .............. |
اقتباس:
على افتراض ان العاشر كويسة بس فى ناس مش حتقدر على اكتر من 10 -15 الف واالاكاديميات برده تمام انا مش مقتنع بموضوع الاختلاف فى الفكر والمعلومات لان ده معتمد على اللى بيتعلم انا مثلا لو دخلت اى حاجة مش حكتفى بكتب الكلية اللى انا فيها حبحث عن كل اللى اعرفه واشوف الفرق . |
اقتباس:
انا معاك والله بس متقنعنيش ان بتاع طيبة هايبقى زى بتاع العاشر او الشروق الا من رحم ربى وبعدين بخصوص الفلوس انا شايف اصلا ان مصاريف معاهد الهندسة مش حاجة اصلا فى سبيل انك تطلع مهندس احنا فى نعمة والله بتوع رياضة مش علمى علوم يا بيض ياسود |
اقتباس:
احسن شئ فى علم رياضة من وجهة نظرى لو جبت 50 % حتى تقدر تكمل معهد فنى وتدخل اى هندسة حكومى حتى هندسة البترول يعنى من الاخر بتقدر توصل لشئ لكن علمى علوم يا ابيض يا أخضر . :) |
اقتباس:
انت جايب كام وناوى تدخل اية ؟ انا 91.8 وانشاء الله هادخل الشروق |
اقتباس:
|
اقتباس:
|
والله انتو غلابة جدااا .. لسه مش فاهمين اللعبة .. الخاص كله واحد وعشان تعرفوا ان الجامعات دى كانت ولا ليه لازمة الا السنادى بص على تنسيق السنين اللى فاتت . العاشر كان من 65 و60 و ب 10 الاف . ولا حد كان بيسمع عن شروق ولا حاجة . السنة دى بدأ الخاص يبدأ مرحلة مجد جديدة فى اقبال شديد بدأ بعض الجامعات تعمل عرض اعلانى عن العمل والبعثات و دا بيخطف ودا مش عارف ايه وفى الاخر كانوا مش لاقين حد اصلا يروح عندهم السنسن اللى فاتت .. سيبكوا من الهجس بتاع الخاص ده واعرفوا بس ان كله واحد فى كل حاجة بس انت تختاروا على اساس الحاجات اللى فعلا حتفيدك وحتاثر عليك زى ( السكن - المصاريف - المعاملة )
غير كده مفيش اى عيوب تذكر بالنسبة للعمل ودى حتعرفوه باذن الله بعد متتخرجوا حتلاقى كله شغال فى نفس المكان بدون اى فرق يذكر غير التقديرات والامتيازات دى ممكن تفرق .. دى مقارنة باصحاب قدامى مخلصين هندسة ودا اللى بيقلوه .. |
eng.fares ahmed
السلام عليكم ورحمة الله وبركاته
مهندس/ فارس احمد القسم / حاسبات سنة التخرج / 2009-2010 الكلية / معهد طيبة العالي للهندسة بالمعادي بصراحة ياجماعة الدراسة في معهد طيبة اسهل بكتير من الشروق ومودرن اكاديمي وهندسة العاشر والدليل علي ذلك وانا كنت طالب كان في طلبة كتير بتحول من هذة المعاهد الي طيبة- ولكن اعتقد ان مفيش فرق بين طيبة وغيرها من المعاهد او الكليات الحكومية لان محتوي الدراسة فيهم لايتناسب مع السوق العملي لابد ان تدعم نفسك ببعض الكورسات اللي هتساعدك في حياتك العملية حتي في الكليات الحكومية محتوي الدراسة لايتناسب الي حد ما مع السوق العملي ودي مشكلة كبيرة - ولكن كل المعاهد مش زي بعضها لان في معاهد كتيرة مش معاها المعادلة ابعدو عنها -والدراسة من حيث السهولة هي في طيبة والعبور واصعب دراسة هي دراسة هندسة العاشر ولكن افضل شهادة من حيث الشغل بالنسية للمعاهد هي هندسة العاشر- لذلك انصح بمن حصل في الثانوية علي مجموع اكثر من 80% ان يدخل العاشر وطبعا بيبقي فيه حالات استثنائية ممكن اقل من المجموع ده ويكون كويس في العاشر- وعايز اقولكم ان اي معهد معاه معادلة يبقي هتاخذ كارنيه النقابة وهتاخذ شهادة تخرج معادلة مثلها زي شهادات الجامعات المصرية ولكن الفرق ان بيكتبلك في الشهادة معهد بعكس الكليات فيكتب في الشهادة خريج كلية اما بالنسبة لطيبة فيها اربعة اقسام هي / حاسبات- الكترونيات واتصالات - مدنية - عمارة والدراسة بنظام الساعات المعتمدة للاستفسار عن امكانيات ومستوي الدراسة في كل قسم في طيبة وما هو نظام الساعات المعتمدة ورسوب المواد كيفية التعامل معها يرجي الاتصال علي هذا الرقم 0109363531 مهندس / فارس احمد |
اقتباس:
شكرا يا بشمهندس على المعلومات دى بس بخصوص الساعات المعتمدة عاوز افهم اية نظامها يعنى بتتحسب ازاى وكدة والسنة بتعملها كام بالميت كدة :d ؟؟ |
اقتباس:
انا اختلف مع حضرتك تمااااااااااااااااااااااااااما الكلام دة ممكن ينطبق على الجامعات والمعاهد النص كم اللى بتقبل من 60 % واحياناُ اقل انما بالنسبة للشروق والعاشر فاالكلام مش كدة خاااااااااااالص ...الشروق لما بتقل خاااااالص بتاخد من 85% والسنادى اتوقع انها توصل 90 والعاشر مبتقلش عن 80% والدراسة جد جداااااااااااااا يعنى هتنسى حكاية انك بتتعلم بفلوسك دى خالص .... وحاجة كمان كل اللى ف الشروق والعاشر ناس ضاعت منهم الهندسة على درجات مش زى المعاهد التانية اللى بتاخد ابو 60% اللى محتاج اى معلومات عن الشروق او العاشر (المصاريف- الاقامة - الدراسة ) دة ميلى يكلمنى علية لانى مبقدرش افتح المنتدى كتير بسبب بطئ النت crazy_eng.201018*********** |
اقتباس:
|
بدايه برحب بيكى
انا زيكوا لميت معلومات عن جميع المعاهد والكليات الخاصه انا جبت بالظبط 78.3 % و بصراحه كنت حاطط فى دماغى الشروق لان اعرف مهندسين كتير خريجى الشروق وبيخطفوهم خطف وعند والدى فى الشركه بيقولى بيطلبوهم بالاسم لكن لما سالت وشوفت تنسيقها السنين اللى فاتت لقيت انها مش ممكن تقبلنى لكن اتصلت بيهم وعرفت انهم شغالين بنظام عادى مش الساعات المعتمده وهما ادونى نصيحه قالى ادخل اى معهد فى اعدادى وقالى اللى نفس دراستنا والمواد هو معهد العبور بعد كده فى 2 تحول بس شرط النجاح فى السنه الاولى وبصراحه سمعتها تغنى عنها وفيها مدينه جامعيه لكن مودرن مأنصحش اى حد بيها لانهم حاليا بيسقطوهم عند علشان الفلوس فلو مجموعك 85 فاكتر قدمى الشروق وده يرجع ليكى فى الاول وفى الاخر وأى معلومات عن المعاهد او الجامعات الخاصه ايميلى fokakmeny_999 (at)yahoo.com |
مرسى لاهتمام حضرتك وردك عليه طيب ممكن حضرتك تقولى هل العبور فيها فعلا سكن
طيب هيه مكانها فين ومصاريفها حوالى كام |
زمايل ان شاء الله
اقتباس:
|
eng. fares ahmed
اقتباس:
نظام الدراسة في طيبة تعتمد علي الساعات المعتمدة وانا كنت طالب الكورس كله علي مدار الخمس سنين =196 ساعة يعني تقريبا في السنة 40 ساعة يعني تقريبا في الترم 20 ساعة وكل مادة =3ساعات ولكن في مواد قليلة جدا =4 ساعات يعني مثلا لو الترم 21 ساعة اذن الترم ده فيه 7 مواد ولو الترم مثلا 18 ساعة اذن المواد في الترم ده 6مواد الميزة في الساعات المعتمدة انك انتي بتختاري بعض المواد الي هتدرسيها بشرط ان هذه المادة ملهاش علاقة بمادة اخري او بمعني اخر مش معتمدة علي مادة اخري مثال علي ذلك اني مينفعش اخذ رياضة 2 قبل مخلص رياضة 1 او مثلا الكترونيات 3 قبل 1و2 لكن في مواد كتير مش معتمدة علي مادة اخري لذلك هتشوفي حاجة غريبة طالب اعدادي هندسة هتلاقيه واخذ مادة من مواد البكالوريوس اي قاعد في مادة مع طلبة علي بعد ايام قليلة ويتخرجو ا وهو لسه في اعدادي هندسة وفي حاجة تاني جميلة انك مثلا في اعدادي هندسة الترم الاول 7مواد وشايفة ان 7 مواد كتير عليكي ممكن تاخذ 5 او 6 مواد وتاجلي الباقي الي اي سنة او الي الترم الصيفي بس برده لازم تكون مواد مش معتمدة علي مواد اخري وشايفة مثلا انك في ترم في المستوي الثاني فيه 6مواد وبعضهم سهل ممكن لو السانة الجاية اي المستوي الثالث الترم مثلا 7 مواد وبعضهم صعب ممكن تاخذي مادة من ال7 بتوع المستوي الثالث وتاخذهم مع ال6 مواد بتوع المستوي التاني وتقريبا كل ما بتخلصي سنة المواد بتاع السنة اللي بعديها اقل يعني مثلا في البكالوريوس الترم التاني 12 ساعة اي 4 مواد ب12 ساعة فقط يعني لقدر الله لو انتي كنتي معاكي مادتين متاخرين ممكن تاخذيهم مع ال12 ساعة اي يصبحوا 18 ساعة ولكن بصراحة العميد مش بيوافق انه يديكي 8 مواد في الترم اي 24 ساعة يعني حد اقص 7مواد 21 ساعة ولكن لو انتي في اخر ترم وانتي محتاجة مادة كمان علشان متقعديش سنة علشان مادة العميد بيوافق وبيديكي 8 مواد اي 24 ساعة مع ان الترم حد اقصي 21 ساعة اما بالنسبة للسمر كورس الترم الصيفي علي ايامنا كان العميد بيفتحلك 12 ساعة حاجة جميلة جدا ولكن العميد الجديد خلاها 6ساعات بس ودي حاجة مش لطيفة لكن لو انتي عايزة كمان مادة وتتخرجي في الترم الصيفي بتبقي حالات خاصة العميد بيوافق بصراحة انا عندي كلام كتير عايز اقوله بس بصراحة انا مش فاضي مع ان ان انا عارف ان ناس كتير تايهة ومحتارة تتدخل ايه انا كنت زيك كدة والله يكون في عونك اما بالنسبة الي اخوكي لو هو خريج دفعة 2009 -2010 حاسبات او الكترونيات واتصالات اكيد اعرفة وارجو يكلمني علي الموبايل 0109363531 او علي الياهو eng.fares2006355 مهندس / فارس احمد |
اقتباس:
وانا كنت طالب الكورس كله علي مدار الخمس سنين =196 ساعة يعني تقريبا في السنة 40 ساعة يعني تقريبا في الترم 20 ساعة وكل مادة =3ساعات ولكن في مواد قليلة جدا =4 ساعات يعني مثلا لو الترم 21 ساعة اذن الترم ده فيه 7 مواد ولو الترم مثلا 18 ساعة اذن المواد في الترم ده 6مواد الميزة في الساعات المعتمدة انك انتي بتختاري بعض المواد الي هتدرسيها بشرط ان هذه المادة ملهاش علاقة بمادة اخري او بمعني اخر مش معتمدة علي مادة اخري مثال علي ذلك اني مينفعش اخذ رياضة 2 قبل مخلص رياضة 1 او مثلا الكترونيات 3 قبل 1و2 لكن في مواد كتير مش معتمدة علي مادة اخري لذلك هتشوفي حاجة غريبة طالب اعدادي هندسة هتلاقيه واخذ مادة من مواد البكالوريوس اي قاعد في مادة مع طلبة علي بعد ايام قليلة ويتخرجو ا وهو لسه في اعدادي هندسة وفي حاجة تاني جميلة انك مثلا في اعدادي هندسة الترم الاول 7مواد وشايفة ان 7 مواد كتير عليكي ممكن تاخذ 5 او 6 مواد وتاجلي الباقي الي اي سنة او الي الترم الصيفي بس برده لازم تكون مواد مش معتمدة علي مواد اخري وشايفة مثلا انك في ترم في المستوي الثاني فيه 6مواد وبعضهم سهل ممكن لو السانة الجاية اي المستوي الثالث الترم مثلا 7 مواد وبعضهم صعب ممكن تاخذي مادة من ال7 بتوع المستوي الثالث وتاخذهم مع ال6 مواد بتوع المستوي التاني وتقريبا كل ما بتخلصي سنة المواد بتاع السنة اللي بعديها اقل يعني مثلا في البكالوريوس الترم التاني 12 ساعة اي 4 مواد ب12 ساعة فقط يعني لقدر الله لو انتي كنتي معاكي مادتين متاخرين ممكن تاخذيهم مع ال12 ساعة اي يصبحوا 18 ساعة ولكن بصراحة العميد مش بيوافق انه يديكي 8 مواد في الترم اي 24 ساعة يعني حد اقص 7مواد 21 ساعة ولكن لو انتي في اخر ترم وانتي محتاجة مادة كمان علشان متقعديش سنة علشان مادة العميد بيوافق وبيديكي 8 مواد اي 24 ساعة مع ان الترم حد اقصي 21 ساعة اما بالنسبة للسمر كورس الترم الصيفي علي ايامنا كان العميد بيفتحلك 12 ساعة حاجة جميلة جدا ولكن العميد الجديد خلاها 6ساعات بس ودي حاجة مش لطيفة لكن لو انتي عايزة كمان مادة وتتخرجي في الترم الصيفي بتبقي حالات خاصة العميد بيوافق بصراحة انا عندي كلام كتير عايز اقوله بس بصراحة انا مش فاضي مع ان ان انا عارف ان ناس كتير تايهة ومحتارة تتدخل ايه انا كنت زيك كدة والله يكون في عونك اما بالنسبة الي اخوكي لو هو خريج دفعة 2009 -2010 حاسبات او الكترونيات واتصالات اكيد اعرفة وارجو يكلمني علي الموبايل 0109363531 او علي الياهو eng.fares2006355 مهندس / فارس احمد |
انا ناوي علي الشروق
بس انا خايف اصل انا جايب 91.2 ياريت حد يقولي اكتبها الاول في الرغبات ولا اية انا مخنوق جدااااااااا .............................. .............................. وشكرا |
اقتباس:
|
انا سمعت ان 1-اكاديمية الشروق
2-المعهد التكنولوجى العالى فى العاشر وبعدين باقى الجامعات الخاصة زى بعض اتكل على الله وادخل هندسة الشروق هندسة الشروق كانت بتقبل من 84.7% اعلى هندسة خاص على مستوى الجمهورية بتاخد بالمجموع ده اما هندسة العاشر فدى بتاخد من 50% كاديمية الشروق احسن وأعلى هندسة بتاخد مجموع وفيها مستوى الطلبة عالى جدا وغير طاقم المدرسين والدكاترة معظمهم من عين شمس ده غير انها فيها قسم كهرباء القوى اللى مش موجودة فى اى معهد ولا كلية خاصة و كمان انا ليا ابن عمى فى هندسة العاشر و دى سابع سنة ليه فيها و دا علشان النظام السئ بتاع العاشر بس دا ميقللش ابدا منها ,العاشر مستوى جيد جدا ولكنننننن نظمها وحش كلية الهندسة باكاديمية الشروق واخده شهاده الأيزو العالمية كفاية الجدية ونظام التعليم كفاية الدكاترة اللي علي مستوي عالي جدااا والأمتحانات صورة طبق الأصل من امتحانات الجامعات الحكومية واسرة شبابنا باكاديمية الشروق عملت مذكرة لمقارنة الأمتحانات بين مختلف الجامعات و هندسة الشروق والأدارة اللي كل سنة بطور من نفسها ومن النظام ككل المعامل المتوفرة بكل الأمكانيات ::: بجد التعليم فيها مشرف |
اقتباس:
بس انا عاوز اعرف فيها قسم ميكانيكا ولا لا وشكرا علي المعلومات القيمة |
اقتباس:
للاسف الشروق مافيهاش ميكانيكا مدنى - عمارة - قوى كهربية - اتصالات - هندسة كميائية - - اجهزه ومنظومات طبية فقط |
اقتباس:
باذن الله رقمي 0167250208 |
اقتباس:
ثانيا نظام عدد الساعات ده لا يطبق بشكل جيد ! ثالثا كل الكليات الخاصة هدفها ليس التعليم و انما هدفها تجارى فقط عاوز يكسب و يلم فلوس و لما بيجى دكتور متساهل مع الطلبة و مبيعملش نسبة سقوط على الأقل 30 او 35 % من الدفعة بيمشوة ! انا كنت طالب في الاكاديمية الزفت دى كنت مثلا سعات اشيل مواد قول مثلا رياضة 2 تمام طبعا مبيدونيش رياضة 3 كويس كده كنت اخش القى ناس شايلة رايضة 2 ووخده رياضة 3 و رياضة 2 مع بعض في ترم واحد اذاى معرفش تقريبا المعهد فية كوسة كمان سيادتك بتقول ممكن طالب اعدادى ياخد مادة من بكالوريوس عارف لو عمل كده هيحصل له اية ؟ تعارض في المواد هيلاقى نفسة عنده مادة من اعدادى في نفس معاد مادة من بكالوريوس حتى الامتحانات هيجيلة فيها تعارض ممكن امتحانين في يوم واحد و كمان في معاد واحد بتخلص امتحان و تفضل قاعد على الدكة و تمتحن الية بعده كمان بالنسبة للمعهد ده لو شلة مادة مرتين تبقى انذار 3 مرات إعادة قيد كنت بلاقى طلاب شيلين مادة مرتين يعنى المفروض انذار و يسجل 4 مواد فقط تلاقى الطالب مسجل 7 مواد بموافقة من العميد ( و للعلم الموافقة لناس ناس ! ) و تلاقى طالب تانى مسجل 4 مواد فقط ! نفس الشى بالنسبة لاعادة القيد ! قس على ذلك بقى اى دكتور كان شرحة كويس و نسبة النجاح كبيرة في المعهد ده بيمشوه من المعهد لازم الدكتور يكون بيسقط نص الدفعة علشان يجيب فلوس لصديق عفيفى في السمر كورس ! ده مره جالى في امتحانات البكالوريوس 3 امتحانات في معاد واحد رحت اقابل العميد مدخلونيش له و في الاخر اجلولى مادة و امتحنت 2 في معاد واحد و سقط في الاتنين ! زائد كمان الطلبة الية كانم بيطلعم أوائل في المعهد ده كانم بيتبعم النظام الاتى كل شوية يطنطط للدكتور في مكتبة مش فاهم دى و مش عارف دى الخ الدكتور يعوض يشرح له الخ و يجى اخر الترم الدكتور يديلة الامتحانات و ميقلش عليها لحد من الطلبة طبعا و ينجح و يجيب تقدير و يبقى معيد ! نصيحة محدش يخش المعهد ده لانة مش كويس زائد كمان الشغل لا بالعاشر ولا بطيبة ولا اى معهد الشغل بالوسطة في ناس متخرجين من هندسة بقالهم 5 سنين مش لقين شغل في مجالهم و بيشتغلم اى حاجة لية علشان التعليم اصبح تجارة و العرض اكتر من الطلب ! نصيحة محدش يخش طيبة و يستحسن لو تقدر تخش معهد فنى و تكمل هندسة حكومة يكون افضل بس برضة الشغل بوسطة ! |
اقتباس:
نظام ملوش اى لازمة و مبيطبقش صح و بيعمل تعارض في المواد بتلاقى عندك محضرتين في معاد واحد و لا تفهم دى ولا تفهم دى و نظام فاشل لانه مبيطبقش صح |
اقتباس:
و أيضا كل المعاهد الخاصة دى للربح فقط و الحكومة عملتها و بترفع مجمعها علشان عوزين يعملم اكتفاء ذاتى من الشهادات العليا و يلغم التعليم المجانى يعنى تجيب تقدير زائد كمان تدفع مصاريف اد 100 الف جنية في السنة علشان يحدم من اعداد الخريجين علشان العرض اصبح اكتر من الطلب ! |
اقتباس:
|
| جميع الأوقات بتوقيت GMT +2. الساعة الآن 05:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.