|
بالجزمة القديمة ..مقال ليا لسه طازة
بصوا الكلام ده انا كنت كاتباه كمقال عشان ابعته للدستور بس اتاخرت اوي لان لسه كاتباه دلوقتي
بالدزمة الجديمة (بالجزمة القديمة) ما ابشع ان تخطئ الهدف او يدعي الناس انك اخأت الهدف ... وما ابشع ان تصيب الهدف ولا يعترف بهدفك احد ولا يقتنع بانك هداف بروفيشنال او ترى الاغلبية من الناس وبعد ان اصبت الهدف في شباك خصمك ان الهدف كان في شباك فريقك لا احد يرى الصحيح الا ابناء فريقك فقط لاغير والاكثر بشاعة ان ترى الفريق الخصم في منتهى السعادة بعد هذا الهدف وبعد استماعهم الى الحكم الاحول يقول ان الهدف في صالحهم وتماما هذا ما حدث عندما قام الصحفي العراقي الشريف (منتظر الزيدي)بقذف نعليه واحدا تلو الاخر في وجه الرئيس الامريكي السابق جورج بوش الابن في مؤتمر صحفي وكان يجاور الرئيس الامريكي على المنصة رئيس الوزراء العراقي المتميز والعميل الامريكي الرائع نور المالكي لا نستطيع ان نترك هذا الحدث يمر علينا مرور الكرام فهناك وقفة :- فاول ما طرأ على ذهني وقتها : هل هذا الصحفي يبحث عن الشهرة مقابل اي شئ سواء اكان التعذيب او السجن مدى الحياة او الاعدام او النفي او..او..او.... ثم اخذتني روح العروبة والتاخي وقلت لنفسي اوليس بعار علي ان ان افكر بهذا المنطق انه بطل بمعنى الكلمة فجميعنا اذا سنحت لنا الفرصة نود لو نلقي بوجهه الف حذاء ولكن من يجرؤ؟؟!!!!!!!!!!!!!!!! ومن يضحي بنفسه مقابل استرداد جزء وان كان بسيط جدا من حقوقه وحقوق وطنه وان كانت فقط معنويه فكرة اخرى طرأت على بالي ترى هل اخطأ الهدف؟؟!! بمعنى هل لو كان لديه اكثر من فردتي حذاء لقذف واحده في وجه المالكي؟؟ اعتقد لو كنت مكانه وهممت لاقذف الحذاء لقصدت وجه المالكي اولا لانه اكثر استحقاقا لها فهل كان يقصد قذف احداها في وجه المالكي ولكن بفعل قوة جذب وجه بوش للاحذية نال كلا الحذائين؟؟!!!!!!!!!!!!!! الجميل بقى نياهاهاها...عفوا الجميل ايضا في هذا الموضوع انه تم اعتقال منتظر في سجون السلطة العراقية (هأأوو) سلطة!!شلله يا سلطة ،،،،،،،،،،،،،،،،، واين هي السلطة العراقية ماهو العراقي امريكي والامريكي عراقي بس ماشاء الله عليهم احن شيء اتباعهم لنظام (زيتنا ف ديقيقنا) وحتى الان لا نعلم ما سيقررونه في حقه بعد سجنه الا اني اعتقد انه بامر من بوش سيتم الافراج عنه بدعوى انه شاب طايش ودمه حر وشوية حبشتكلات فاضة كده هايطلعوها عليه طبعا اخر الافكار التي طرأت على بالي المصريين كثير منهم يتحلى بالشجاعة وروح التضحية والنضال وخاصة الاخوة الصحفيين خاصة الاحزاب المعارضة خاصة حزب .....و.......و....... خاصة الصحفي الكبير .....والاستاذ..........والرائع ....... والكثير الكثير الكثير من الشعب شايل ف قلبه من السيد الزعيم القائد مبارك (ربنا يكرمه زي ما كرم ناس كتير بنحبهم) لذلك اظن انه يجب ان يصدر قرار بخلع الاحذية قبل الدخول الى المؤتمرات الصحفية هههه وتخيلو بقى الجزم تتسرق تبقى فله ..فللللللللله يللا بقى كفاية عليكو كده عشان انا ما بتكلمش ف السياسة اه اخواناا المشرفين من فضلكم انا كتبته هنا عشان انا عاوزاه يكون هنا من فضلكم عدم النقل لخبر وتعيق ولا القضية العربية ولو هايتحذف ياريت بس رسالة كده الاول |
بالنسبة للموضوع حلو والأسلوب لذيذ
بس عايز أرجع للقضية ... أنا معاكى إنى ابتسمت من قلبى لما لقيت جزمة طايرة كده وموجهة على دفعتين قصدى فردتين وبيناورها بوش واتمنيت من كل قلبى لو كانت لبست فى وشه خبط لزق ... بس وبعدين تعالى نتخيل إن الجزمة فعلا لبست فى وشه وكانت محدوفة بقوة زلزال 7 ريختر .... طيب ايه بقى ؟؟؟ تعالوا نحسبها صح بمناسبة الحملة العبيطة اللى منتشرة اليومين دول فى البلد ونوفر سجارتين فرط يمكن نعرف نجيب جزمة تانيه للراجل بدل اللى ضاعت فى الهوا دى .... ايه اللى حصل لما حدف الجزمة ... وايه اللى استفدناه ... أوعى حد يقولى طفينا النار اللى جوانا علشان كده يبقى ميعرفش حاجه اسمها نار جوانا أصلا ... تفتكروا قضية اللى حصل فى العراق وفلسطين والعالم كله سواء بشكل مباشر أو غير مباشر يكون الحكم فيها _ حكمنا نحن منتظر الزيدى باسمى وباسم كل عراقى وعربى بحدف جزمة فردتين فى الهوا موجهه لبوش ولا مانع أنا يتفاداها وإن كان يفضل العكس والموضوع يعتمد على دقة التنشين ومهاراة المناورة _ تفتكرواااا ده يقدر يطفى النار فى قلب أم ضاع منها ابنها ... ولا زوجة اصبحت أرملة فى مهد شبابها ... ولا طفل يتيم ... ولا حصار ولا دمار ولا ولا ولا لا ..... بلاش دى تفتكروااااا إن المقايضة كده عادلة ... نقايض بنى أدم صحفى يمتلك سلاح هو قلمه بجزمتين _ جزمة فردتين طاروا فى الهوا ومش لاقينها وجزمة تانيه تفادت الفردتين دول _ أنا شايف إن الموضوع عاطفى بشكل يثير الشفقة علينا كشعوب عربية.. بجد أنا صعبان عليا إحنا .. |
اقتباس:
انا اكتر واحدة بايد السلام والحوار والتصالح ولغة العقل قبل السلاح 100مرة لكن هو متعود انو يدخل المؤتمر الصحفي ومجبر يبتسم ف وشالزبالة ده وهو عارف انو عمال يقول من جواه الناس دول اغبية اوي فاكرين اني هاوفي بربع كلمة من كلامي بيبقى عارف كده لكن غصب عنه لازم يقف ويبتسم ويطرح سؤال تافه اجابته معروفه ويكتب الرد ويقعد لكن هو بيحس بيحس بجد بيحس انو الموضوع زاد عن حده انا هنا بقى لقيت ان السلام مش راضي يجي معاهم خلاص نوريهم العين الحمرة زي ما بيقولو ودي الي ممكن تنفع معاهم عامة شاكرة تواجدك جدا وبحترم رأيك جدا جدا |
موضوع رائع وربنا وشجاعة صحفية من الزيدى غير متوقعة بجد مكنتش متصور ان حد يتجرأ ويعمل كدا ايه الشجاعة دى يا خسارة الشوز بتاعه وش بوش وسخ الشوز ربنا يرحم الشوز كل اللى اقدر اقوله ان هؤلاء رجال وزى ما بتقولى بالدزمة الجديمة حتى النعال خسارة فيهم اللهم انتقم من الظالمين الموضوع كبير جدا والصورة تعبر اكتر عن الموضوع http://i36.tinypic.com/2uyod3k.gif دمتى فى رعاية الله |
على فكرة انتى فهمتينى غلط ... أنا مش بأيد السلام ولا حاجه
أنا قصدى إنى لما أعمل حاجه أعمل حاجه بجد حاجه تأثر حاجه لما اضيع نفسى قصادها ... أضيعها بفخر ... لكن ايه الفايدة لما حدفته بالجزمة ... ولا حاجه عارفه أنا ليه بقولك أنا صعبان عليا إحنا علشان مش عارفين نعمل أى حاجه فبقى مجرد حدف الجزمة حاجه وااااااااااو وتسلم ايدك يا منتظر وكده مع إنها ولا حاجه . . |
اقتباس:
|
اقتباس:
الكل ايده ماكانش في راي مخالف ابدا صح ولا ايه |
اقتباس:
أليست الكلمة كما أثبت التاريخ قد نجحت وأفلحت في تحريك جيوش وإحراز انتصارات .. ألسنا بحاجة لشرارة صغيرة حتى تضطرم نيران لا تطفأ حتى نستخلص حقوقنا وأرضنا ممن سلبوها قهراً وغصباً وظلماً وعدواناً . . أنا أرى أن مثل هذا الحذاء الذي قذف به وجه الهمجية والإمبريالية المدعو (بوش) - عذراً أني لطخت الصفحة باسمه - أرى أن مثل هذا الحذاء يعتبر شرارة صغيرة أشعلت على الأقل الآراء ووجهات النظر وأخرجت الفئران الخائفة من أحجارها وبدأت الأقلام تفيض والقلوب تهدر والضمائر تتيقظ .. أنا أتفق أن هذا لا يكفي وأن الذي يكفي لم يأت به أحد بعد .. ولكن أخوتي يجب أن نشحن معنوياً يجب أن تحدث لنا هزات توقظنا وأشياء تجعلنا نحتقر تلك القوة الغاشمة المتعجرفة التي هي نبات لا ساق نبات طفيلي تطفل على أراضينا ولكن وجد من سمح له بالتطفل علينا نحن كما قال الشاعر أبو القاسم الشابي إذا الشعب يوماً أراد الحياة .... فلابد أن يستجيب القدر ومن لا يحب صعود الجبال .... يعش أبد الدهر بين الحفر الصحفي الشجاع (منتظر) مهما كتب من مقالات وحرر من تحقيقات صحفية هل كان سيؤثر قوله أو تحقيقه كما أثر حذاؤه هذا التأثير أعتقد أن (منتظر الهمام) أرسل بحذائه رسالة لأوباما القادم الجديد والقاطن الجديد للبيت الأبيض .. رسالة مفادها .. إياك يا أوباما أن تسلك مسلك سلفك اعلم أن مصيرك في النهاية فردتا حذاء عربيتان .. حتى إن عجر العرب عن حربك أو التصدي لك فحتما سيخرج منهم همام (منتظر) يطيح بك وبهيبتك أمام الجميع .. وجزاكم الله خيراً |
اقتباس:
فعلا معاك حق يا استاذي اهه دي زي اعدام صدام ف يوم الاضحى كان تحذير لكل الزعماء العرب اهه دي تحذير لكل الامريكان شرف ليا يا استاذي ان ارى ردك هنا فلك جزيييل الشكر |
اقتباس:
ولا يعوض ام عن فلذة كبدها ولا زوجة عن زوجها ولا طفل عن اب يمنحه الحب والتربية ولا يعوضنا عن اي . خسائر ولكـــــن عبر البطل عن راي كل مناضل للاختلال عبر عن رفض الوطنيين للاحتلال الامريكي امام العالم ان كان لم يجرح جسد بوش ولكنه مزق كرامته امام العالم كان وداعا مستحقا |
اقتباس:
|
احسن حاجة فى بوش لياقته ورد فعله السريع حاجة مش معقولة
لو كان واحد تانى كانت الجزمة لبست فى وشه |
الجزمة ما أصابتش بوش .. مش مهم ..
بس لو تكملوا اللقطة هاتتلاقوا ان الجزمة أصابت العلم الامريكي اللي في ضهر بوش ومش جزمة واحده اللي اصابت العلم .. لأ دا الجزمتين !! واتفرجوا بقي على تبعات اللي حصل .. ناس طلعت وقالت المفروض يطلعوا ماركة عالمية للجزم اسمها الزيدي .. وتبقي منافسة لماركة فيرزاتشي وبيير كاردان !! وناس تانية طلعت واعلنت انهم عندهم استعداد يشتروا الجزمة دي بالملايين !! وناس تانية قالوا ان يوم ضرب بوش دا هايبقي يوم الحذاء العالمي !! |
اقتباس:
واجمل حاجة هنا ووجودك يا رحمة |
اقتباس:
|
ربنا يخليكى يارب
واحسن عبارة وطبعا الوضوع كله رائع والكثير الكثير الكثير من الشعب شايل ف قلبه من السيد الزعيم القائد مبارك (ربنا يكرمه زي ما كرم ناس كتير بنحبهم) ههههههههههههههههههههههههههههههههههه ابقى خلى بالك على نفسك بقى ومتتهوريش زى الصحفى |
ناس طلعت وقالت المفروض يطلعوا ماركة عالمية للجزم اسمها الزيدي .. وتبقي منافسة لماركة فيرزاتشي وبيير كاردان !!
وناس تانية طلعت واعلنت انهم عندهم استعداد يشتروا الجزمة دي بالملايين !! وناس تانية قالوا ان يوم ضرب بوش دا هايبقي يوم الحذاء العالمي وهاتيجي ف احذاء 24 ساعة وباتا تعلن مسئوليتها عن الحادث هههههههه |
طيب لو حد كان مكانه كان هايرمي الجزمة او الفرده الاولى ف وش الرئيس بتاع بلده ولا بوش ؟؟؟؟؟؟؟؟؟؟؟؟؟
|
اقتباس:
|
بصراحة انا لو اتجنيت فى عقلى وفكرت اعمل كده
هتكون الاولى للعميل والجاسوس المالكى والتانية وراها على طول لبوش طبعا بس يكون جواها قنبلة |
خلى بالك على وشك
اقتباس:
|
بعد حادثة بوش رؤساء العرب قرروا عقد جميع مؤتمراتهم الصحفية فى المساجد !!
|
اقتباس:
مرسي اوي على رايك وزوقك يا اخ عز |
تعكف الإدارة الأمريكية على وضع نظام تأمين جديد يحتم على كل زائر تقديم معلومات مؤكدة عن اسمه وجنسيته وسبب زيارته.. ومقاس حذائه.
|
احلى سلام وتحية لك يا باشا
اخيرا ظهرتى بصى هو الموضوع جامد بس على فكرة خسارة فى الجزمة والله حتى لو قديمة خسارة فى واحد زيه حرام يعنى بوجع الجزمة على الفاضى وخسارة انها ترمى على الارض ثم لما انتى ليكى فى السياسة ليه ماخبرتينى علشان لو اتبقض عليكى وجابونى وسؤالنى عنك كنت طبعا طبعا وانتى عارفنى هطلع جدعة معاكى واقولهم ولا اعرفها ياباشا مرسى يا جميل على التوبيك وارجوا تقبل مرورى pitra |
اقتباس:
طبعا طبعا وبعد كده مقاس الحذاء هايكون معلومة اساسية تكتب ف البطاقة الشخصية |
اقتباس:
|
امممممممممممممممممممممم
شكلنا هنتحبس باين هههههههههههههههههههههه عندك حق يا هنا فى كل اللى قولتيه و المالكى مش يستاهل واحدة دا احنا ممكن نحدفه برف جزم من باتا ربنا هو اللى بيخلص و حسبى الله و نعم الوكيل |
اقتباس:
|
اقتباس:
|
انا اخر حاجه عرفتها عن الموضوع ده ان في 200 محامى متطوعين للدفاع عنه بس لحد دلوقتى مفيش محكم اصلا وسمعت كمان انهم بيعزبوه بالكهربه وخلعوله كتفه عشان عيزينه يعتزر ( لبوش) ربنا معاه ويطلعه منها وفعلا المقال جميييييل جدا |
اقتباس:
كويس انك فتحتي الموضوع انا كنت داخلة عشان اقول ان احنا ضحكنا بما فيه الكفاية وفرحنا وزقططنا طيب هو دلوقتي بيتعذب احنا ممكن نساعده بايه ممكن نتفق ندعيله كلنا ف كل صلاة ان ربنا يفك اسره ودي اقل حاة طبعا ممكن نعملها |
منتظر الزايدي لما حدف بوش بالجزمة
مكنش ناوي يبقى مشهور مكنش بيفكر بيوم الحذاء العالمي يمكن متوقعش الموضوع يتشهر بالشكل ده كله لص حطوا نفسكوا مكانه لو انت بتكلم واحد وعايزين تحلوا مشكلة وييجي هو يقولك اصل اخوك هو اللى كان بيستهبل اصل هو لما ولع النور احنا افتكرنا إنه بيولع صاروخ بينور وخفنا رحنا ضاربين صواريخ عالمدينة كلها عشان نتأكد إنه مفيش حد تاني بيتعاون معاه مش احنا قلنا برده منولعش انوار بالليل طب احنا نعمل ايه وبعدين احنا بنحاول نحل السلام بس في البلد وانتوا اللى مش عايزين واحنا مش حنكمل عندكو عشرة عشرين سنة بس كده لحد ما نطمن عليكو ونمشي ................................... طبعاً انت لما تسمع كلام زي ده قلبك من جوع بيولع عارف لما واحد كده يقعد يستفزك وانت شايل منه كتير لو مفيش حد ماسكك وقتها انت ممكن تمسكه تخنقه وانت مش حاسس وقصدي من الموضوع ده كله الصحفي ده لما عمل كده ده كان رد فعل تلقائي للى بيعمله بوش مكنش في باله ابداً اي حاجة من اللى حيحصل وهو بطل مش عشان تجرأ على بوش لكنه بطل لأنه مفكرش في جبنه وقال ده بوش لازم احترمه زي باقي الناس وإن شاء الله ربنا يفكه من اللى هو فيه بس متنسوش الدرس المستفاد من الحكاية ده كلها بوش جسمه رشيق وقدر يهرب من الجزمتين بس الزايدي كسب اللعبة لما الجزمتين جم في العلم بتاعه |
| جميع الأوقات بتوقيت GMT +2. الساعة الآن 08:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.