|
مسابقة شاعر المنتدى
الموضوع بسيط جدا و سهل جدا
طبعا بعد إذن المشرفين الاعزاء زملائى و أخى الأكبر أستاذ أحمد نجمأختى منه قررت أعرض على محبى أو ساكنى ركن إبداعات الأعضاء هذه الفكرة لمن يوافق عليها الفكرة قد تكون قديمة أو مستهلكة و لكنها فى ثوب جديد لكاك شوية انا بس معلش استحملونى ندخل فى الموضوع ..... هنعمل مسابقة كل شهر بين قصائد معينة و القصيدة الفائزة تثبت شهر لحين فوز أخرى فتثبت مكانها و لكاتبها وسام أو لقب شاعر المنتدى و سيكون متداول و فيه فليتنافس المتنافسون المشكلة اللى قابلتنى و انا بفكر فى الموضوع ده الرأى هل هيكون رأى الناس و لا رأى أعضاء شيوخ - مقاما و خبرة و ليس سنا - فى ركن الابداعات فوصلت لحل وسط يجمع بين شعراء الركن الكبار و النقاد من أعضاء معمل نقد الاستاذ أحمد نجم و بين المشرفين على القسم و بين الاعضاء من المتذوقين للشعر الكل سيشارك فى إهداء اللقب و تتويج القصيدة هتقولولى ازاى يا عم الحاج ...؟؟ هقولكم يسمع من بوقكم ربنا ... ركزوا معايا بقى عشان ده الجزء المهم عندنا 3 مشرفين لركن إبداعات الأعضاء أتشرف إنى أكون واحد منهم التلاتة هيقوموا بإختيار أربعة قصائد أسبوعيا و نطرحهم فى استفتاء عام يشارك فيه الاعضاء و القصيدة صاحبة أعلى أصوات تدخل معمل النقد الأدبى للأستاذ أحمد نجم ليلعق عليها كبار الشعراء و النقاد هنا و يقولون رأيهم فيها و بالتالى سيكون لدينا أربعة قصائد شهرية فى معمل النقد اختارهم الاعضاء و المشرفين فى آخر الشهر تقوم أسرة معمل النقد بدور لجنة التحكيم و التصويت على القصائد الأربعة و القصيدة اللى يرشحها الأغليبة تصبح قصيدة الشهر يحمل كاتبها لقب شاعر المنتدى لمدة شهر و تثبت القصيدة فى الركن لمدة شهر لحين وصول شاعر المنتدى الجديد و قصيدة الشهر الجديدة أتمنى أكون قدرت أوصل الفكرة عموما اللى عنده أى تعليق بخصوص الفكرة يطرحه و الفكرة مطروحة للنقاش العام لكل أخوانى و أخواتى الأعضاء مستنى رأيكم |
الله عليك يا مبدع
الله عليك يا عم بندق ايه الدماغ الجامدة دى بجد دماغ من نااااااااااااااااار والله موضوع جامد اوى اوى واعتقد ان الاستاذ احمد و الاخت ايمان هيوفقوا لان الفكرة رائعه جدا وانا معاك يا بندق وبجد هطلع اقصي من عندى مش عشان اكون الاول ولا كدا ولكن عشان ان بحب اوى الكاتبة بالذات في وقت المنافسة الشريفة وكمان عشان اخرج المواهب المدفونه عندى ههههههههههههههههههه بهزر والله ومحدش يفكر انى مغرور .. حشى لله من الغرور على بركة الله يا بندق وبأذن الله فكرتك توصل لجميع الاخوة فى المنتدى ربنا يوفقك يا كبير تقبل مرورى |
اقتباس:
انا مبسوط ان الفكرة عجبتك و ان شاء الله تعجب باقى الاعضاء ميرسى لتفاعلك المطلوب لأنك أحد الأعمدة الرئيسية فى بيت الإبداع ده |
اقتباس:
الله يخليك يا بندق بجد الكلام ده كبير عليا اوى اوى وارجوك بلاش الكلام الكبير ده تاني :040vk0:بعد اذنك ومفيش حاجه اسمها احد الاعمدة الرئيسية .... احنا كلنا اعمده هذا القسم ومنتدانا العزيز وربنا يوفقنا ونقدر نقدم اللى فيه الخير لينا وللمنتدانا |
أيوه كده هو ده اللى أنا بقول عليه من سنين فاتت يخرب بيت دماغك وأفكارك الجامده يا أبو جمال بجد فكره جامده و إن شاء الله تتنفذ صح و بجد بدايه موفقه جدااااااااااااااااااااااااً ليه يا أحمد فى الإشراف |
اقتباس:
كله بتوجيهات معاليك احنا كلنا شغالين تحت جناحك يا باشا و انت يا محمد منحتنى ثقة و انا ان شاء الله قدها و عمرى ما هاخيب ظنك فيا |
فكره جميـــــــــــــــــــــله يا فنان
تحياتي الطفله |
اقتباس:
و ياريت تشدى حيلك بقى عشان المنافسة و ياريت الناس كلها تقول رأيها فى الموضوع ده عشان احنا مش هننفذ الفكرة إلا ما يكون على الأقل فى 20 صوت يؤيدوا الفكرة |
ايه بس اللي انت عامله ده يابندق
انت مفروض تعمل الاستفتاء نعم نعم ويبقي كدا ديموقراطيه وعدل هههههههههههه بس فكرة جميله زي ما قولتلك قبل كدا ربنا يوفقكم |
فكره جميله جدا وان شاء الله ساكون ممن يطرحون شعرهم حزاك الله خير
|
بجد فكره جميله جدااااااااااا
لكن هنا فى فروق فى السن والفكر يعنى مثلا استاذنا الكبير احمد نجم واستاذ غازى من كبراء المنتدى فى كتابة ونقد الاشعار فالمنافسه مش متكافئه اوى وانت كمان يا بندق مين يقدر يقف قدامك...هههههههههههههههه بس بجد فكرتك جميله |
السلام عليكم والله فكرة اكثر من رائعة ولكن هذا ليس بجديد عليك فعلا انت دائما متميز ننتظر بدا تنفيذ هذة الفكرة الرائعة لك منى فائق التحية والاحترام والتقدير :078111rg3::078111rg3::078111rg3: |
جميلة جدا الفكرة دى طبعا
والمهم ان احنا اللى هنستمتع بعصارة تفكير الفنانين اللى هنا طبعا ده احنا محظوظين اننا فى منتدى بيضم كل المواهب العظيمة دى زى حضرتك واستاذ احمد نجم واحمد رضا وناس كتيييييييير فنانين وشعراء بمعنى الكلمة بجد ربنا يوفقكم فى عمل الفكرة دى |
فكره جميله جدا يا بندق
وانا معاكم ان شاء الله بس عندي فكره ان شاء الله تنفع وهي وجود مدرس او اكثر للغه العربيه يشاركوا في الحكم على القصيده يعني متهيألي التذوق مش كفايه في الحكم لازم نحكم بشكل صحيح من خلال الوزن والقافيه والتعبير والمسك بزمام الكلمه وده محتاجله مدرس لغه عربيه بحيث تكون دي لعبته وانا ارشح الاستاذ " محمد عبد العظيم وسية" او الاستاذ " محمد فريد الشناوي " من حوالي اكثر من سنه انا عملت المسابقه دي في منتدى اخر وكان في قائمة قوانين الاشتراك في المسابقه اذا تحب اقدر اطلعك عليها واقولك المشاكل الي واجهتني على اساس انك تتداركها وشكرا اوي للموضوع وانا هشترك بأذن الله . |
اقتباس:
ميرسى يا حبيبى و كويس انها عجبتك و انت عاوزنى اكتب نعم نعم ليه هو استفتاء رئيس الجمهورية هههههههههههههههههههههههههههه |
اقتباس:
و سعيد جدا بوجودك معانا و ان شاء الله تمتعينا بكتاباتك |
اقتباس:
|
اقتباس:
حقا انا إن كنت قد تميزت فقد جاءنى التميز بالعدوى منكم فأنتم حقا من علمتونى أصول التميز فقد استفدت منكم كثيرا و ارجو أن احاول ان افيد بقدر ما استفدت |
اقتباس:
و انا بجد و بدون تواضع لا ارتقى شعريا كى يقترن اسمى باسماء هؤلاء مما علمونى كثيرا و استفدت من خبراتهم كثيرا هو و باقى كبار الشعراء فى المنتدى و ادعيلنا ربنا يوفقنا فى الفكرة دى |
اقتباس:
فينك من زمان تساعدى اخوكى الغلبان يلا مستنى منك القوانين و المشاكل و ميرسى على مرورك يا سندريلا |
الله..هو فيه عضوه هنا اسمها سندريلا العراق!!!
طيب لما هى شاعره جامده كده على حد قولك يا بندق طيب هى فين!!! ياريت تكون معانا دائما فى المنتدى مش فى المسابقه دى وبس وشكرا تانى يا بندق على فكرتك الجميله دى |
الفكره جميله و يلا على بركة الله
|
انا ان شاء الله عاوز كمان 9 أصوات عشان اكمل العشرين فوت
عشان مش هنبدأ غير بعد 20 فوت نعم و ربنا يقدرنى و اقدر اعمل حاجة كويسة |
اقتباس:
فإن معمل النقد بات متعطشاً لمزيد من الإبداعات ، وشكراً جزيلاً يا بندق الغالي عى تلك الفكرة الرائعة التي أرجو أن تكتمل وتنجح وتبهر الجميع وتخلق روحاً من المنافسة الشريفة الفعالة المشوقة .. تحياتي لك يا بندق الشاعر .. ونحن في الانتظار والله معك .. وكلنا بإذن الله معك .. اخترناك .. اخترناك.. ههههههههه |
فكرة رائعة
فكرة طبعا رائعة وجميلة وتنمى روح المنافسة بين الشعراء ولعلها تكون سببا لانطلاقة الابداعات .
والفكرة الرائعة اعتقد انها وليدة مبدعون اروع . ...........تقبلوا مرور والله يوفقكم ... |
مش عارفه اقول ايه مفيش احسن من كده
غيرى قالها كتير هقول انت الكبيروهتفضل كبير ولكنى ارفع لك القبعه على هذا العمل الجميل |
مستنييين إيه
يلا نبدأ .. . |
اقتباس:
لان افرض واحد نزل قصيده في القسم بس بنفس الوقت مش عايز يشارك في المسابقه وتم اختيار قصيدته من قبل اللجنه .؟..؟؟ هيكون في مشكله اسمحلي ان اعرض فكره ثانيه والاختيار حر ليك طبعا يتم عمل موضوع خاص بالمسابقه مثبت والاعضاء الراغبين في الاشتراك في المسابقه يضعوا قصائدهم في الموضوع ويفتح باب تقديم القصائد من يوم السبت صباحاً وحتى يوم الاثنين مساءً ويخصص يوم الثلاثاء لمعمل النقد ويقومون بأختيار افضل اربع قصائد تم وضعها في الموضوع وفتحت باب الاقتراع والتصويت من الثلاثاء مساءً وحتى يوم الجمعه ضهراً وفي يوم الجمعه مساءً يتم الاعلان عن القصيده الاكثراً تصويتاً وتكن هي قصيدة الاسبوع وهكذا في الاسابيع التاليه حتى يكون عندنا 4 قصائد في اخر الشهر وفي اخر الشهر يتم عمل الاتي ..... تقسيم نسبة فوز القصيده الى نصفين الاول 50% يقررها اعضاء لجنة الحكم وال 50 % الاخرى للاعضاء المتذوقين - تصويت يعني - وبجمع النسبتين يكون حصلت القصيده على نسبتها من 100% والقصيده ذات النسبه الاعلى تكون هي قصيدة الاسبوع |
ننتقل الى المشاكل الي ممكن تواجهك في المسابقه 1 ) سيكون هناك قصائد عاميه واخرى فصيحه وهذه اكبر مشكله ممكن ان تواجهها لان من الغير معقول ان يوضع تقييم بين قصيدتين احدهما باللهجه العاميه والاخرى بالفصحى. والحل ان يكون هناك فصل فأما ان تخصص المسابقه بالاكمل للشعر العامي او تخصص للشعر الفصيح او ان تكون المسابقه -2ان1- يعني قسمين ويكرم اخر الشهر شاعرين احدهما فصيح والاخر عامي اللهجه. والاختيار طبعا لك لانك صاحب المسابقه 2) المشكله الثانيه هو في القصائد التي سيشارك بها . فبعض الاعضاء قد يكون طرح مسبقاً قصيده ما ويرى انها من افضل كتاباته ويود المشاركه بها . وهنا تبان قيمة اعتراضي على ان يتم الاختيار من القصائد المطروحه بالقسم . لان نضع ضمن الشروط يمكن لاي عضو المشاركه بقصيده قم تم عرضها مسبقاً في المنتدى قديماً او حديثاً على ان يضعها في الموضوع المخصص للمسابقه. 3 ) المشكله الثالثه التي قد تقف في وجه احد اعضاء لجنة التحكيم ان يكون هو ذاته يود الاشتراك في المسابقه -يعني مثلا احمد رضا او انت يا بندق عايزين تشاركوا في المسابقه هتعملوا ايه وانتوا اعضاء في لجنة الحكم ؟؟- هقولك الحل في رد تاني اكون حطيت فيه شروط المسابقه |
شروط التقديم في المسابقه
شروط المسابقه :-
1- تحذف اي محاوله نثريه فالمسابقه للشعر لا للنثر. 2-تحذف اي قصيده منقوله فيجب المشاركه بقلم العضو لا بالمنقول. 3-تستبعد اي قصيده تخرج عن النص الادبي , واي قصيده يكمن في فحواها اخطاء لفظيه او املائيه او خروج عن الوزن والقافيه. الا ان كانت تنطوي ضمن الشعر الحر . 4- تستبعد اي قصيده تخرج عن نطاق الالفاظ المقبوله او تحتوي على الفاظ لا تصح او كلمات تمس اي شريعه دينيه او اجتماعيه. 5- بأمكان اي من اعضاء لجنة التحكيم المشاركه بقصائدهم على ان يتنحى مؤقتاً لحين اتمام تقييم قصيدته. 6- بأمكان اي من الشعراء المشاركه بقصيده قد تم طرحها مسبقاً في المنتدى على ان يضع القصيده في الموضوع المخصص للمسابقه 7 - يشترط على الشعراء المتقدمين للمسابقه استخدام القصيده مره واحده فقط في المسابقه. 8- الالتزام بمواعيد المسابقه في تسليم القصائد خلال الموعد المحدد 9 - يمنع الاعضاء المشاركين في المسابقه من خاصية الادلاء بأصواتهم . 10 - التزام الامانه وتذكر ان الله يراك وما يلفظ من قول الا لديه رقيب عتيد. |
اقتراح
عندي اقتراح ممكن نضيفه للمسابقه بعد اربع شهور من المسابقه وبعد ان يكون تم اختيار اربعة شعراء بأربعة قصائد يتم فتح باب اخر لاختيار امير شعراء المنتدى ويتم ذلك على النحو الاتي يقوم كل منهم بعرض قصيده من اختياره وقصيده اخرى يقرر موضوعها لجنة التحكيم سواء كانت مدح او ذم او رثاء او هجاء....الخ واختيار مجمل الموضوع مثل الكرم او الغدر الشجن او الغربه ...الخ وتيم اختيار الافضل بين الاربع قصائد ليلقب صاحبها بأسم " امير شعراء البوابه " |
اقتباس:
اقتباس:
اقتباس:
اقتباس:
اقتباس:
|
اقتباس:
مستنى الفوت رقم عشرين احنا فى قسم ديموقراطى مش هنعمل حاجة بفوت و لا اتنين و لا عشرة |
حقيقا فكرة رائعة ستجلب للاعضاء روح الابتكار والمنافسة بينهم احيييييييييييييييك عليها يا بندق باشا
|
طبعا سنديلا يعنى خبرة طويلة فى عالم المسابقات الشعرية
بجد مش عارف اقولها ايه على إفادتها ليا و بشكرها بجد على المسودة الجميلة دى و الافكار الهايلة دى و احنا ان شاء الله أعضاء معمل النقد و المشرفين هنتناقش فى الموضوع ده حتى نصل لصيغة نهائية حتى يتسنى لنا البدء بمجرد اكتمال التصويت 20 مؤيد |
أخي العزيز بندق الغالي .. أرى نمواً ونضجاً غير عادي في الموضوع .. وأرى أن الموضوع قد استقطب أقطاب المنتدى ولذلك أرجو منك سرعة دخول الموضوع في حيز التنفيذ بعد وضع الملامح النهائية ووضع ملاحظات سندريلا في عين الاعتبار وذلك لخبرتها الواضحة في عالم المسابقات الشعرية .. وتقبلوا جميعكم تمنياتي لكم بالتوفيق .. والله معنا.
|
اكيد طبعا هتبقى فكره جميله جدا وربنا يوفقكم فيها
|
ميرسى على مرورك يا ميراج و ان شاء الله هبدأ بالتنسيق مع المشرفين
و باقى اعضاء لجنة التحكيم |
انا مكنتش عاوز ابدء إلا بعد الفوت العشرين
و لكن انا هاخد دلوقتى رأيكم هل مستعدين و موافقين نبدأ و لا لا |
موافقه جدا ويلا نبدأ
|
مواااااااااااااااااااااااااااااااااااااااااااااافق
|
حسبكم يا ساده حسبكــم فعاشق القلم بينكـــــــــــم فلتنحوا اقلامكم جانبــــــــا فلقلبي زئير سلوا اقلامكم ساكتفي بتلك |
اقتباس:
السلام عليكم ورحمة الله وبركاته : الاخوه والاخوات تحيه :078111rg3:طيبه من اعماق قلبى وبعد : اتسمح لى بالرد على كلاماتك الرائعه :...!!! : قلمي يارفيق دربي هيا ترجم أنين قلبي وحنينه لكلمات / لهمسات وأعد على مساميعهم ماقرأه قلبي هذا المساء مرات / ومرات / ومرات : ياقلمي كن شاعري كن قلبي كن روحي كن كلي وسأكون لكـَ حينها بكل عمري بكل عمري / بكل عمري : فكره جميله ورائعه فانا هنا ضيف جديد بينكم كل يوم الاحظ اشياء جميله فى هذا الصرح الطيب بأهله وانشاء الله يكون التوفيق للكل : تقبلوا تحياتى ودمتم فى طاعة الله ورسوله صدى الاحاسيس |
مواااااااااااااااااااااااااااااااااااااااااااااافق يلا نبدأ بسرعة////////////// طالب ادبى
|
اقتباس:
صديقي مرحبا بك هنا بيننـــــــــــــا فثمار الصداقه تنضج عندنـــــــــــــا ولكن كم لقلمي خضعت عقــــــول فلا تتودد لقلمي بكلامك المعسول ههههههه انا بالفعل بدات المسابقة بقصيدة اتمنى انها ستنال اعجابكم ودممتم جمييييييييييعا بخير |
اقتباس:
http://www.blackvoicebox.com/wordpre...ove_letter.jpg تعالي أيتها الورقة الرقيقة احضنيني بين ثنايا أحشائك اغلقي علي بين خفايا أنسجتك : فقد ذقت ذرعا بالحياة..و بالناس ضقت ذرعا بمن حولي : أصبحت مجرد قلم ..يخط مآسيه مجرد عبء يثقل كاهل من حوله مجرد ضيفة أطالت زيارتها : دمتم على خير |
| جميع الأوقات بتوقيت GMT +2. الساعة الآن 10:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.