تجمع طلبه حقوق بنهافرقه اولي
 

عايزه حد يكون في حقوق بنها ويتناقش معايا في بحث الدكتور جميل حسين

انا ساره فرقه اولي كليه حقوق جامعه بنها

بحث مين يا سارة كبرى دماغك
ولو قلك علية درجات والحوارات دى متصدقيهوش
وقليلة ياسيادة العميداللائحة هى الى بتحدد
والمنظمات عليها امتحان من عشرين درجة فى الورقة بتاعة الامتحان ميقدرش يخلى منهم ولو نص درجة على بحث
وبعدين الابحاث دى خاصة باعمال السنة يعنى السكاشن ودى مادة منفصلة
فمتصدقوش الحوارات دى ومضيعوش وقتكم فى كلام ملهوش لزمة
وربنا يعينكم على جميل وعمايلة
وبردو وانا فى سنة اولى كانو بيقولو الكلام دة ومكنتش بعمل حاجة
وملهاش اى تاثير على الدرجات او التقدير
gamal saber
etudiant a la faculte des droits

انا معاكي في حقوق بنها
ابعتيلي ايميلك

في حد اون لاين دلوقتي في حقوق بنها

وانت جبت تقدير ايه ياجمال

جيد جدا
لحد دلوقتى وربنا يستر السنة دى والى جاية واعرف احافظ على التقدير دة

وربنا يبعد الباشا جميل عن طريقى وكلة هيبقى تمام ان شاء الله

وعلى فكرة هى سنة اولى ديما كدة بتبقى صعبة شوية
لاكن على 2 ان شاء الله هتكونى خلاص بقى عندك الملكة القانونية واتعودتى على اسلوب القانون
وطريقة الكتب القانونية
انا عن نفسى لما كنت فى سنة 2 مكنتش عارف اذاكر اقتصاد نهائى لان طريقتة كانت مختلفة عن طريقة كتب القانون
بس سبحان الله جبت فية جيد جدا ربنا يخلى الباشا يسرى
هو مين الى بيدرسلكم اقتصاد؟؟؟؟؟؟؟؟؟؟؟؟؟



gamal saber
etudiant a la faculte des droits ou des loi

الي بيدرسلي اقتصاد الدكتور يسري ابو العلا و الدكتور عصام حسين

علي فكره انا عملت البحث بس انا مش عارفه ازاكر خالص المنظمات ومش عارفه اعمل ايه تنصحني بأيه

بعد اذنك ياجمال ممكن تقولي بس انت بتفتح امتي وانا هحاول افتح في نفس الوقت

بفتح امتى دى صعب جدا لانى مليش معاد ثابت
كلة حسب ظروف المذاكرة
لاكن غالبا بعد الفجر
وعلى العموم لو احتجتى اى حاجة فى اى وقت ابعتيلى رسالة خاصة
او بالاميل وان شاء اعرف افيدك فى اى حاجة تحتاجيها
انما مسئلة بفتح امتى صعبة جدا
وبالنسبة للدكتور يسرى دة متحمليش همة نهائى فى اخر السنة هيخليلك المنهج كلة بتاع خمسين ستين ورقة لاكن دكتور عصام معرفوش اصلة مدرسليش قبل كدة

بصى يا سارة بالنسبة للمنظمات
هى كتب جميل ديما كتب غبية
بس انا معرفش هو بيدرسلكم نفس الكتاب الى درسهولنا ولا لا
لاكن هو لو جايبلكم الامم المتحدة والاورجنس بتعتها ركزى جامد جدا على مجلس الامن ونظام التصويت فية
واثر غياب عضو دائم او امتناعة عن التصويت
وبردو من المنظمات لمتخصصة ركزى جدا على البنك الدولى
والمنظمات الاقليمية ركزى طبعا على الجامعة العربية
وبردو ركزى على الجمعية العامة للامم المتحدة
وكمان قرارات مجلس الامن فى موضوع العراق والمرحلتين بتوعة
وكمان لبيا
والسودان
بس بقلك اية الحجات دى هى الى كانت فى المنهج بتاعنا فى المنظمات
مكن تكون اتغيرت او فى حجات لسة موجودة منها
لو فى حاجة منها موجودة ركزى عليها
انا مشفتش كتاب سنة اولى لسة لانهم مبيجوش معانا الا يوم السبت فى تجارة تقريبا
وانا مبنزلش السبت من اول الدراسة لظروف ارتباطى بالدراسة فى المركز الثقافى الفرنسى
لاكن خلاص انا اجلت دراستى هناك عشان ابدى اركز فى الكلية وان شاء الله ابقى اشوف الكتاب واقلك على المفيد
مانا بقيت خبرة فى جميل خلاص
gamal saber
etudiant a la faculte des droits

انا متشكره علي انك مهتم وبترد علي رسايلي وانا اي حاجه حتجها هقولك علي طول

انا كنت النهارده فتحه وانت فاتح بس معرفتش اوصلك وكمان انا لسه المنتدي مش سامحلي بالرسائل الخاصه عشان اشتركاتي لسه قليله فمعرفتش اوصلك

متشكرة على اية بس دة واجبى
وبعدين وانا فى سنة اولى كنت مش فاهم حاجة خالص وربنا بعتلى ناس اكبر منى فهمونى الى انا عاوزة لحد ما قدرت اعتمد على نفسى ومن سعتها وقلت ان اى حد فى سنة اولى يطلب منى اى حاجة لازم اساعدة زى ما ربنا وقفلى ناس تساعدنى

ولا يهمك خالص ولحد ما توصلى النسبة المطلوبة من الاشتراكات لو احتجتى اى حاجة اكتبيها فى الموضوع دة
وان شاء الله اقدر افيدك انتى وكل الى فى كليتى العزيزة حقوق بنها
ولو احتجتى اى حاجة انا موجود على الاميل بكرة بعد الفجر بعون الله
الا قليلى صحيح هو المواضيع بتاعة المنظمات الى انا كتبتها دى عندكو ولا الكتاب اتغير
وبعدين ياريت يا سارة تشاركى معانا فى مجلة القانون ولو بالبحث بتاع اسرائيل او اى حاجة فى مجال المنظمات الدولية

اه موجوده المنهج ماتغيرش وبكرر شكري ياجمال

انا اشتريت ملازم التجديف هي حلوه ازاكر منها ولا لا
انت شايف ان سنه اولي محتاجه دروس اصل اصحابي اخده دروس وبابا بيقولي انها ملهاش لزمه عشان كليتنا نظري تعتمد علي مجهودي الشخصي انت ايه رايك

هو لما اجي اجاوب علي اي سؤال لازم اكتبله عناصر ولا الاجابه عادي يعني مثلا
تكلم عن موقع علم الاجرام من العلوم الجنائيه؟
الاجابه:
عناصر السؤال:
ماهيه العلوم الجنائيه *التمييز بين العلوم الجنائيه
*تقسيمات العلوم الجنائيه

وبعدين اتكلم عن كل واحد علي حدي


ولا عادي ولو دخلت علي الاجابه علي طول

جمال يعني لو مفهاش مضايقه ممكن رقم موبيلك عشان لما احتاج حاجه اكلمك بس ابعتها علي الخاص

السلام عليكم انا فرقة اولة حقوق جامعة بنها ياريت حد يساعدنى ممكن يا سارة تساعدينى وده اميلى ahmed.ghonamy@ymail.com
وانا عامل موضوع متجدد انشاء الله هيكون فيه جميع الاسئلة الى الدكتور جميل ولا غيره بيقولها وكل واحد يقول رايه ونهتدى ان شاء الله لانى تقريبا مفيش حد على الموقع ده فى فرقة اولى ببنها غيرنا

بصى يا سارة
بالنسبة لحكاية الملازم دى تتوقف على انتى عاوزة
يعنى لو عاوزة تجيبة تقدير جيد جدا او امتياز يبقى ملهاش الا حل واحد وهو الكتاب بتاع دكتور المادة
لو عاوزة مجرد النجاح يبقى ممكن تعتمدى على المذكرات وياريت تكون الافوكاتو
اما عن رئيى الشخصى يبقى كتاب الدكتور طبعا فى كلا الحالتين لان مش معنى انك عاوزة تنجحى وخلاص انك متحوليش تجيبى تقدير
لاكن لازم تحاولى تجيبى تقدير والتوفيق دة من عند ربنا سبحانة وتعالى
اما الدروس فدة كلة كلام فاضى ونصب وانا بقلك والله لو شرحتى لنفسك هيبقى احسن من مليون درس
وافتكرى كويس لو اعتمدى على نفسك طعم نجاحك هيبقى رائع
وراى بباكى صحيح جدا جدا

لا طبعا مش عادى
دة العناصر دى تكاد تكون هى اول اشارة من الطالب للدكتور انة فاهم المادة ومذاكر كويس
ولدكتور لو ملاقاش عناصر مش هيقرا الكلام اصلا لانة هيعرف ان الطالب دة مش فاهم حاجة
وسيبك بئة من كلام الناس الى تقلك اكتبى العناصر وتحتها اغانى لان الناس دى بتغنى على نفسها
عشان تجيبى درجة وتبقى راضية عن نفسك ومتحسيش انك واخدة حق مش حقك لازم تدى الاجابة حقها

اهلا اهلا برجالة اولى حقوق بنها
يا مان لو فى اى حاجة عاوز تستفسر عنها انا موجود
وانا بردو فى حقوق بنها بس اكبر شوية
هم مش كتير تقدر تقول سنتين
وانا تحت امرك فى اى حاجة تحتجها يا مان
واميلى هتلاقية فى الملف الشخصى لو احتجت اى حاجة

انا متشكره جدا علي الرد بس انت بجد انسان محترم جدا وانا سعيده اني اتعرفت عليك

بس بالنسبه لتقدير انا بابا قالي لوجبتي اقل من جيد جدا مافيش كليه تاني هو شايف ان كليتنا ملهاش لزمه من غير تقدير علي فكره انا محوله من اداب عشان شاف ان ملهاش لزمه

اما بالنسبه للمذاكره من الكتاب ياجمال فالشريعه وعلم الاجرام سهل اني اذاكرهم من الكتاب اما المنظمات فا مش فهمالها اول من اخر الكتاب كبير وخلس بصراحه انا ماذكرتش اي حاجه في المنظمات تفتكر هلحق اذاكرها وابدأ ازاي

انا اسفه انا عارفه اني وجعتلك دماغك

مفيش داعى للكلام دة دة واجب عليا وبعدين المروض اى حاد عارف حاجة يقولها للى محتاجها خصوصا فى التعليم [خيركم من تعلم العلم وعلمة]وبعدين زى ماقلت انا جربت الوضع الى انتى فية دة وانا فى سنة اولى
وكان ليا اتنين اصحابى خلصو السنة الى فاتت كنت دايما بوجع دماغهم لدرجة انى فعلا بجد خنقتهم وحشونى والله ربنا يوفقهم بئة عشان يبقى ليا ظهر فى النيابة

بصى يا سارة طبعا كلية حقوق بالنسبة للبنات بذات اقل من جيد جدا ملهاش لزمة لاكن لازم تعرفى ان الجيد جدا لازم تكون التقدير التراكمى وحكاية جيد جدا فى اولى او مفيش كلية هو ممكن بباكى يكون بيخوفك بس
وعشان تبقى عارفة اولى صعوبتها الوحيدة فى ان المجال جديد عليكى وهتلائيكى على التيرم التانى اتعودتى على الجو خلاص
على فكرة انا كمان محمول من اداب بس لاسباب تانية

ههههههههههههههههههههه
فكرتينى بامعاناة الى عشتها مع كتاب جميل حسين فى سنة اولى
انا معاكى ان الكتاب غبى بس لازم تذاكرى منة ممكن تتعبى شوية بس هتجيبى تقدير كبير وعلى فكرة اكتر حاجة جميل بيحبها الكتابة الكتير لازم تملى الورقة كلها ولو امكن اكتبى على الغلاف الاخير من جوة كمان
بالنسبة للبداية ابداى بالاسئلة الى جميل بيكررها كتير هتلاقيها فى المرشد واول لما تخلصيها حاولى تكملى الموضوعات الباقية وابداى بالموضوع الى تحسى انة مهم
وانا ان شاء رايح الكلية يوم السبت عشان مبرحهوش من اول السنة وهشوف كتاب مع حد من طلبة سنة اولى
اعتقد ان جدولكم فية يوم السبت وان شاء الله ابقى اقلك تذاكرى اية بالظبط
بس ربنا يسهل ويكون فى وقت

بجد انا سعيده اوي بمعرفتك مش عارفه اشكرك ازاي

وانا السيد معكم فى حقوق بنها وممكن نتعرف على بعض فى الكليه

بصى يا سارة طبعا كلية حقوق بالنسبة للبنات بذات اقل من جيد جدا ملهاش لزمة لاكن لازم تعرفى ان الجيد جدا لازم تكون التقدير التراكمى وحكاية جيد جدا فى اولى او مفيش كلية هو ممكن بباكى يكون بيخوفك بس
وعشان تبقى عارفة اولى صعوبتها الوحيدة فى ان المجال جديد عليكى وهتلائيكى على التيرم التانى اتعودتى على الجو خلاص
على فكرة انا كمان محمول من اداب بس لاسباب تانية




((((((((((((((((((( وفى كثير بنات فى مجال المحامه كويس جدااا وشغلين اكثر من الرجاله)))))))))))))))))))))

سارة للاسف اناملقيتش كتاب منظمات مع حد من طلبة سنة اولى
عشان معندهمش فى جدول السبت منظمات
هى يوم الاتنين فمعرفتش اشوف الكتاب مع حد
وعموما لو الموضوعات الى قلتلك عليها لسة موجودة فى الكتاب يبقى ابائى بيها لاانها اهم اجزاء فى الكتاب
ومعظم الامتحنات مبتخرجش عنها

انا هقولك علي العناوين الي عندي في الكتاب

الجزء الاول :التنظيم الدولي العالمي
الفصل الاول : الامم المتحده
ويشمل دراسه وصفيه للامم المتحده واجهزتها المختلفه


الفصل الثاني : اهم المشكلات القانونيه التي أثيرت في عمل مجلس الامن

الفصل الثالث: تطوير دور الجمعيه العامه للامم المتحده والتعديل العرفيلميثاق الامم المتحده
(تطوير دور الجمعيه العامه للامم المتحده في اطار التعديل العرفي للميثاق )

الفصل الرابع : تطور ممارسات الامن الجماعي الدولي في فتره ما بعد الحرب البارده وتطور سلطات مجلس الامن بالخروج علي احكام ميثاق الامم المتحده . هل هناك تعديل عرفي للميثاق ؟ام ان هناك خروج غير مشروع علي احكام الميثاق ؟


الجزء الثاني :التنظيم الدولي الاقليمي

والرخم مش كاتب رقم الصفحه امام كل موضوع

انا موجوده في الموقع ياجمال

اة مش دة بتاع المنظمات المتخصصة وجامعة الدول وكمان المنظمة بتاعة امريكا الشمالية دى مش فاكرها اوى
عموما اهم حاجة فية البنك الدولى وجامعة الدول

ههههههههههههههههههه
دة عادى دة جميل يا سارة
وبعدين امال لو شفتى الكتب بتاعتنا منغير فهرس اساسا
لا مش حرام
السنة الجاية هتقولى كتب اولى كانت لعب عياااااااااااااااااااااااااااااااااااااااااااااااا ااااااال وسهلة جدا
بس يلا خليكى فى الى انتى فية
ومتحطيش فى دماغك انها كبيرة عشان تقدرى تخلصيها
بس اهم حاجة ونصيحة من مجرب متدخليش الامتحان وفى كلمة فى الكتاب ممرتيش عليها ولو حتى بالقرائة بس
وصدقينى فى اللجنة هتفتكرى كل حرف قراتية

انت شايف كده والله انا كررت اني النهارضه مش هعمل حاجه غير اني اقعد اقرأ كتابه

علي العموم انا متشكره جدا علي الرد

هو محضرته رخمه اوي
انا علي فكره مش برووح الكليه

بس من الاسبوع الجاي كده لازم اروح انقل محضراته واحضر انا مكنتش اعرف انه مهم الحضور

جمال هو بالنسبه للمواد الي بنخدها دلوقتي وهنمتحنها الترم التاني لازم الحضور دلوقتي ومذكرتها

ايوة طبعا
لانك لو محضرتيش دلوقتى وتابعتى على الاقل مجرد متابعة مع الدكتور
هتلاقى نفسك قدام 7 مواد فى التيرم التانى متعرفيش عنهم حاجة
على فكرة فى اصحابى كتير اوى غلطو الغلطة دى وكانو مكبرين لمواد التيرم التانى خالص
واما اقلهم يلا نحضر يقولو لا لما نخلص من التيرم الاول وفى التانى ربنا يكرمنا بئة
وكانت النتيجة ان معظمهم نجح بالعافية بعد مكانو جيبين تقديرات كبيرة فى التيرم الاول
انا مش هقلك ذاكريها بمعنى المذاكرة الطحن
لاكن تابعى مجرد متابعة وفى الاجازة حاولى تذاكرى اكبر جزء منها عشان تبقى مستريحة مع بداية التيرم التانى
وعلى الاقل ميجيش عليكى يوم تلومى فية نفسك انك مذاكرتيهمش فى التيرم الاول

بمنفهمش حاجه من المحضره عشان نتقره الكتاب

بانسبه الاقتصاد الدكتور يسرى قال انى هوه هيعمل مذكره

انا عارف ان المحاضرة بتاعتةمملة لاكن لازم تحضر عشان لو قال على حاجة مش موجود فى الكتاب

سيبك من يسرى دة كل يوم بكلمة وفى الاخر اصلا هتلاقى الكتاب كلة اتلغى
دة هيزلكم وهو بيلغى وهيقول السطر دة ملغى والى تحتية مقرر ماعدا اخر كلمة علية نظام عجيب وهو بيلغى
بس فى الاخر هتلاقى المنهج كلة بتاع خمسين ورقة بالكتير

اهلا بيك استاذ ايهاب
انا جمال حقوق بنها الفرقة الثالثة انتظام

اى حاجة حضرتك تحتاجها انا تحت امرك

اهلا بيك يااستاذ ايهاب
انا ساره حقوق بنها فرقه اولي
اى حاجة حضرتك تحتاجها انا تحت امرك

اناخلصت ياجمال كتاب الشريعه الاسلاميه فاضل اخر فصل وبدأت اشوف اسألت كتاب المرشد الجامعي واحلها وهبدأ في علم الاجرام اصلي مذكرتش غير الفصل الاول بس اما المنظمات هسيبها للاخر