بص انصحك متدخلش.......ولو دخلت متردش
 

بسال نفسي ساعات لو كان معايا اله زمن يا ترى هختار اعيش في اي عهد من رؤساء او ملوك مصر


الاستطلاع هيبين دا
وياريت لو رديت تعرفنا السبب

والله يا محمد موضوع محير جداااااا وبصراحة مش عارفه وأتوقع كلهم زي بعض بس لما إتفرجت علي مسلسل الملك فاروق عجبتني شخصيته رغم المشاكل إللي كانت موجوده في عهده فأنا أختار الملك فاروق ولو رئيس يبقي السادات بحس إنه له دور كبير في تاريخ مصر علشان هو صاحب الفضل بعد ربنا في نصر أكتوبر
وميرسيي علي الموضوع الجميل ده

انامستغربة جدا من عنوان الموضوع
:d:d
انا هختار الرئيس الراحل محمد انور السادات لانة كان شخصية عظيمة
فهو بطل الحرب والسلام :)
وكفاية انة خلصنا من احتلال دولة زى اسرائيل
يلا نقرأ لة الفاتحة

ببساطه ان الرئيس الراحل جمال عبد الناصر ده مش هيتكرر

ليه البلد اه كانت فى عهده المعتقلات مفتوحه على الاخر واى حد يقول كلمه يروح ورا الشمس بس ده عشان كانت

البلد فى حال يرثى لها مش مستحمله اى حاجه بس بردك كل واحد وليه عيوبه وكانت سوء اختيار حاشيته من الوزراء

وبالتالى كان نجاحه كان فردى مش نجاح جماعى يعنى البلد كلها كانت بتموت فى حاجه اسمها جمال عبد الناصر

ومش زى ماكتير بيعتقد ان السادات الافضل ولا حاجه

لان السادات كان بداية الى احنا فى دلوقتى اشهد ان رجل سياسى من الدرجه الاولى بس كان طريقته خاطئه فى ادارة البلد

وبعدين جمال لو كان ربنا اطال فى عمره كان عمل حاجات كتير اوى

وانا اسف انى طولت عليكم

بصراحه انا هاختار عبدالناصر علشان حياته مليانه حوالها اشاعات كتيير
وانه عمل وسوي

وانا شايف إنه بطل


والموضوع جميل اوي


:d
:d
:d

انا اخترت انور السادات لانه ببساطة احسن الوحشين زى ما بيقولوا

انا شايفه انى اعيش ف عهد عبد الناصر احسن بكتير

لانى شايفه انه بطل حقيقى

وانا بحبه جدا

شكرا ع الموضوع بس يا رب ما نتمسكش كلنا

اتمنى ان تتقبل مرورى,,,,,

عندك حق والله

لا يا عم
انا بصراحه مبسوط بالزمن اللى انا فيه
انتواماتعرفوش مصر زمان كانت عامله ازاى

انا اخترت جمال عبد الناصر لان الناس كانت بتحبه اوى

بس صحيح هو العنوان كدا ليه؟

انا اختار عهد ناصر لانى بحبه جدا وبلاحظ جدل كبير حوالين شخصيته وعهده بين اللى بيقول انه كان عظيم وبين اللى بيقول انه كان ديكتاتور ومايهموش الا الحكم
وعاوزه اشوف موضوع الاخوان والشيوعيين معاه والحاجات دى
بس يكفى انه قائد شهدله العدو قبل الحبيب قائد حب يعمل العرب كيان واحد وامه واحده

بص والله من راى ولا واحد فيهم عدل كل واحد عنده محاسن ومساوئ ومساوئهم اكتر من محاسنهم نفسى اعيش عصر الرسول والصحابه

واللة اختار الملك فاروق لانة كان وقتها ديمقراطية صح مش دلو قتى

انا شايفه ان كل رئيس ودولته له مميزات وله عيوب

ودى وجهات نظر بتختلف من شخص لاخر حتى لو انا شايفه ان فى حاجه مش تعجبنى عند اى حد ممكن يكون غيرى شايفها ميزه


لذا

انا بقول كده


اللى نعرفه احسن من اللى منعرفوش


واختار اكون زى ما انا

حسنى مبارك

افضل عصر السادات..لانه من اذكي الشخصيات المصريه..اما جمال كان قائد عظيم بس برده الزمام فلت منه وكانت المعتقلات شغاله وساعاتها كانت مؤلمه اكتر لان ولاد بلدك هما اللي بيعذبوك اما قبل كده فالواحد ممكن يستحمل علي اساس ان الانجليز هما اللي بيعذبوه وبيستحمل عشان الوطن وبعدين برده كان في مشاكل كتير بسبب اختلافات الضباط الاحرار يعني جمال قائد عظيم بس الظروف والناس اللي كانت محيطه بيه مساعدتوش..اما السادات فانسان ذكي جدا وبعيد النظر وبياخد قرارات عارف انها فوقته كانت هتعمله مشاكل لكن هي فمصلحه البلد..اما عصرنا الحالي عصر مبارك المبارك فلا تعليق[نو كومنت]

انا اختارت عهد السادات عشان الراجل اتبهدل فى حياته كتييير عشان كده كان حاسس بالشعب

بصراحة عصر الرئيس جمال عبد الناصر كان تمهيدا لعصر السادات

يعنى اللى عمله جمال عبد الناصر كمله انور السادات والاتنين كانوا بيتمنوا انهم يتخلصوا من الاحتلال ومصر تحصل على استقلالها زى باقى البلاد العربية

عشان كدة بفضل اعيش فى زمن الاتنين

طبعا الموضوع مكرر
ولكن مهما اتكرر فهو مهم
أنا كواحد من الناس أتمني اعيش في عهد الزعيم المؤمن الراحل محمد انور السادات
بعيدا عن مسألة اعتقالات سبتمبر اللي كانت لهدف سياسي سامي
بس في رايي ان السادات كان احسن من غيره بكتيييييييير
في عهده عرفت مصر لأول مرة معني الديمقراطية والدستورية ولأول مرة يحصل انفتاح ورخاء اقتصادي
أستاذ الاقتصاد كان بيقولنا في الثانوية ان اللي ماغتناش ايام السادات يبقي هيعيش في فقر طول حياته
دا غير المعتقلات اللي اغلقها وحرية الصحافة و الاحزاب اللي دعا اليهم
بعد ماكانت مصر شايفة الهوان والمرار والذل والفقر والنكسة علي يد جمال عبد الناصر (سارق السلطة ومجرم الحرب)
ورغم كل دهاؤه السياسي والنصر الوحيد اللي شفناه علي اديه اتغدر بيه في وطنه من أولاده
ومحدش عرف قيمته صح الا بعد استشهاده .رحمة الله عليه

1 اشكر كل من رد علي موضوعي لان دي اول مرة اتلقي ردود كتير ههههههههههه


2 اجمل الردود كانت من اختي love_queen_emy


3 انا افضل الملك فاروق لان الحياه كانت جميله في بدايه عهده او اختار رمسيس الثاني

العنوان كدا للجذب بس مش اكتر

بدون تفكير حسنى مبارك:d:d












:rolleyes:


:cool:





^_^




بهزر معاكو طبعا بدون تفكير جمال عبد الناصر دا كان شخصية عظيمة يارتنا نيجى ربعه فى حبه لبلده

جمال عبد الناصر

والحقيقه انا بموت فيه وكان عادل وكفايه انه خلص مصر من الملك فاروق و انجلترا والحقيه انا بحب الزمن ده اساسا

انا بس هختار اروح العصر اللي كان فيه اللي بني مصر
الحلواني يعني
اقوله امتي البلد دي هتتخلف
زهقنا من كتر التقدم
طفحنا تقدم
ايه الحل ياعم حلواني
نفسي البلد دي يااما تتصلح
يااما تختفي من الوجود كأنها لم توجد
يالا الموضوع حلو
ولو هجاوبك
هقولك هختار العصر اللي احنا فيه ده
لان شخصيتي مش هتتناسب مع اي عصر من العصور اللي قبل كدا
وكذلك كل واحد فينا
دي حاجة في المونتاج اسمها تسنيك الزمن مع الشخصية
:d

شكرا عالردود مرسي

شكرا للاعضاء

أنا أخترت الاختيار رقم 7:cool:

بصراحه السته اجمل من بعض
واما بيموتوا جمالهم بيبان ويتكشف
انا فعلا لو خيرونى اختار زمن الرسول
صلى الله عليه وسلم والخلفاء الراشدين
لكن حد من الحلوين اللى فوق يبقى بلاش
اعيش احسن او فى حل تانى اعيش فى مكان
اكون فيه رئيسه جمهوريه نفسى

ياخى واين العصر الاسلامى عصر عمرو بن العاص رضى الله عنه لماذا تتجاهله كوسائل الاعلام المصريه ليس عندها من تاريخ مصر الا العصر الفرعونى ثم تترك جميع العصور الاخرى وتذكر عصر مبارك المجيد عصر الرخاء والازدهار !!!!!!!!!!!!

انا افضل الرئيس مبارك لنه عرف يضحك على الشعب اللى عمرى ما حد ضحك عليه

انا صوت للسادات

لان بجد احسن رئيس مسك مصر بجد راجل محترم وكانت دماغه كبيرة ده اسمه التعلب حارب كل انواع الفساد كان عايش بين الناس وكان عارف المشاكل مش عايش فى قصر عالى زى ناس بجد يعنى عصر كان من احسن عصور مصر راجل بمعنى الكلمة فى الحرب دماغه شغالة وفى السلم بس القدر حرمنا منه واغتيل وده مصيرالشرفاء بجد انا عاشق السادات والله يرحمه عاش بطلا ومات اسطورة

ana bisara7a e5tart GAMAL ABD EL NASER 2asl besara7a ana ba7ees en howa elly 5ala maser a7san w 5alaha tetawar badal makant maser 3aysha fi 3aser el en7edaaaar w el tadahwor 2ablih walahy ana ba2ool keda men kalam baba w mama w men el TV

وانا رايى من راى الاسطورة لان السادات بجد كلن دماغ كبيرة اوى اوى ولو كان عرفات راح معاه وعمل المعاهدة معاه كان زمان فلسطين فى امان وممكانتش تبقى محتلة لحد دلوقتى
وهم الفلسطينين لحد الان ندمانين على انهم موافقوش على كلام السادات وبيقولو ياريت لو الزمان يرجع بينا تانى

شكرا على الموضوع الرائع ....
شكرا لك انا اخترت عصر رمسيس الثانى .....
حضاره الفراعنه العظام .....

أنا اخترت عبد الناصر
لكن ان كان فى اختيار أخر ان تكون غير مصرى مع الأسف ممكن يكون افضل

بصراحه مش عارفه اختار مين
كل واحد منهم ليه عيوبه
وبعدين انا مش احب ارجع بالزمن للخلف..احب اطلع بيه للامام
لانى بحب التكنولوجيا جدااااااااااا
ومقدرش اعيش فى عصر فات.
انا يمكن اكون طلعت عن الموضوع الاصلى.
بس انا مش عارفه اختار مين

السااااااااااااااااااااااااااااااااااداااااااااااا ااااااااااات
هو فى زيه
الله يرحمك يا سادات

انا شايف ان اى حاكم كويس بس المهم ميكونش مبارك

انا اتمنى اعيش فى عصر عمرو موسى اعظم سياسى عرفتة فى حياتى لا ليه فى الفساد او الرشوة علشان كدة نقلوه من وزارة الخارجية لجامعة الدول العربية

مش هتخار ولا عصر من دول
كلهم مش عجبنى
بس انا افضل اعيش فى
العصر اللى انا موجوده فيه دلوقتى
أو عصر الرسول صلى الله عليه وسلم
هو ده العصر الوحيد اللى اتمنى اعيش فيه

على فكره انا ملاحظه ان كله بيقول السادات لسبب اسرائيل

انتنو نسيتوا ان جمال عبد الناصر خرج انجلترا بعد سبعين سنه

طبعا احب اعيش في عصر الملك رمسيس 2

لان ايام الفراعنه كان في علم بجد

عصر حسنى
يعنى أحسن الوحشين
هو يعتبر أفضل قليلا من عصر ناصر المستبد ومن عصر السادات المختال جدا بنفسه

احب اعيش طبعا فى عصر جمال عبد الناصر وياريتنى كنت عشت فى عصره بدل عصر التخلف اللى احنا فيه ده اللى فيه الحكومه الظالمه والشعب المظلوم دائما

افضل عصر الملك فاروق او عصر السادات

انا بتمنى انى اعيش فى المستقبل ويكون عصر احسن فى كل شىء من ناحية التقدم انه يبقى موجود ويكون مجتمع صالح غير اللى احنا فيه وكمان يكون اساسه العدل ومفيهوش ظلم زى ظلم الايام دى

يا ريت بدل ما نحلم فى العصر اللى نفضل العيش فيه

اننا نحاول نغير نفسنا علشان بلدنا تتغير

والله الموفق

شكرا ليكم جميعا