|
تفكيرى ولمدة 15 دقيقة بالظبط .. تعبت جدا !!!
http://img84.imageshack.us/img84/5465/18821610uf0.png بعد صلاة الفجر النهاردةالسلام عليكم ورحمة الله وبركاته http://www.uaekeys.com/fwasel/www.uaekeys.com73.gif خلصت سحور اخواتى الحمد لله ،، المهم دخلت اوضتى والمفروض كنت هنام .. معرفش نقحت عليا اعيط قعدت شوية اعيط بدون سبب وبعد كده فتحت النور وقلت امسكلى كتاب احسنلى لان دى حاجة بردو بحبها وبتريحنى جدا وقفت قدام كتبى ... اختار ايه ؟؟ وبعدين جه فى بالى بدل ماا انا محتارة اجرب امسك ورقة وقلم واكتب انا .. لقيتنى كتبت حاجات !! بجد استغربتها تفكيري راح يمين وشمال فكرت ف حاجات جادة وهايفة ،، فكرت اكتبها ع الكمبيوتر بتاعى واحتفظ بيها لنفسي لكن ... قلت اكيد لو حد شاركنى تفكيري انا هرتاح اكتر هيا حاجات شاردة مش متصلة ببعضها نقط هذكرها .. اللى حابب يتكلم فى اى نقطة اكيد ابقي سعيدة بده مبدئيا .. مش هستحمل اى رد سلبي .. قول رأيك ف اى حاجة ولو كانت سطر ،،، لكن شكرا وميرسي ومعرفش ايه .. هيكون ردى بارد جدا J بسم الله الرحمن الرحيم (1) هل نحن على دراية بما يحدث ؟ هيا حاجة بجد فكرت فيها كتير وهيا فعلا شئ ضايقنى جدا همهدلها قبل ما اتكلم عنها مباشرة طبعا معروف ان الغرب بيحاولوا بكل الطرق يدمروا الشباب المسلم بكل الطرق ونجحوا بدل ما يبقي شبابنا نسخ مصغرة من مصعب بن عمير او خالد بن الوليد او صلاح الدين وعبدالرحمن الناصري بقى الفخر انى اقلد تامر و غيره ويبقي ربنا بيحبنى ان طلع فيا شبه منه او من غيره ولا صوتى زيه او زى غيره بدل ما افتخر ان صلواتى كلها جماعة و انا من مرتادى المساجد بفتخر انى بروح كل يوم نايت كلاب او بروح سان ستيفانو او بورتو الشباب هما اللى يا اما بيهم نرتاد القمم او تنحدر بيهم الامة الشباب و تقريبا ضاعوا اجى للخطر الاكبر واللى يمكن محدش واخد باله منه وهو (( الكارتون ! )) ياه و هو ده خطر ؟؟ وايه جاب الكارتون لكلامك اللى فات ؟؟؟؟ للأسف انا بقولك انه بجد خطر .. ومش بسيط ابدا طيب ازاى ؟؟ مين الفئة اللى بتتابع تلك النوعيات من الرسوم المتحركة ؟ الاطفال هل باعتقادك الطفل قادر على تمييز السلوكيات الخاطئة او الصحيحة فى تصرفات ابطال الكارتون مستحيل !! ده الطفل بيكبر مع الكارتون الكارتون ده هو اول مجتمع بيعيش فيه الطفل بيترسم بيه فكرة الطفل عن مجتمعه الخارجى ، بيتأثر بيه تأثير كبير جدا و بيتعايش مع الكارتون كليا لسه موصلناش للمشكلة اوى ايه هى بقي ؟؟ هقولك ببساطة قوم افتح التليفزيون دلوقتى هتلاقى حاجة من الحاجات دى : 1_ اشكال غريبة جدا عجيبة جدااا تأبى انك تنظر اليها من بشاعة خلقها اللى بعين واحدة واللى بعشرين رجل و ميت ايد واللى براسين تشويه لخلق الله سبحانه وتعالى اولا و ثانيا قتلت خيال الطفل كليا 2_بطل الكارتون ,, ولد وبنت ايه علاقتهم ببعض ؟؟ زمايل دراسة مثلا فقط لا غير او جيران او صاحب و صاحبة و خلاص والطفل بيتفرج عليهم مع بعض بيسافروا ويروحوا وييجوا ويمسكوا ايد بعض ولو زعلوا مع بعض يرجعوا تانى معللين ان كل واحد ملوش غير صديقه التانى وووووو ...... ده ان مكانش الحوار فى حب كمان وكارتونات كتير جدا جدااا دلوقتى بقت اساسا محورها ده بيحب دى و دى بتحب ده هل الطفل يقدر يميز ان التصرفات دى خاطئه ؟؟ هل احنا بندرك ان المشاهد دى بتملك عليه تفكيره .. وبيبقى عاوز يعيشها ؟؟ 3_اغلب الكارتون الجديد ملئ بمشاهد اطفال شبه عارية البنات كلها بطنها باينه ولابسه جيب قصيره و و و و ده ان مكانش تقريبا لبسهم مجرد ستر العورات فقط !!! و بقى كمان واضح اوى حتة ابراز ملامح الانوثه فى بعض شخصيات الكارتون احيانا ببقي جنب اختى واخجل بجد من بعض المناظر التى تعرض !! هل للطفل ان يميز التصرفات الخاطئة التى ترد اليه ؟؟ ده طفل !! مستحيل هيميز ودى قنوات كارتون .. القنوات الوحيدة اللى تقدر الام تترك اطفالها امامها دون خوف عليهم من اى عبث فى فكرهم !! سبحان الله ،، بث السم فى العسل اصبح سهلا .. واحنا بجد نايمين ومش فى بالنا ... انستطيع انقاذ ما يمكن انقاذه ؟ كيف سينشأ الطفل فى رأيكم ؟! (2) والله حاجة عجيبة !! مبدأ الانتقام لاحظت انتشاره جدا وخاصة .. خاصة فى قضايا الحب غالبا ما بتخلص القصص دى و فى نية واحد انه ينتقم عاوز يئذى غيره وبس طيب وبعدين ايه اللى هتكسبه؟ معرفش هل ربنا هيرضي عنك اذا ما انت اذيت احدهم ؟؟ اهم حاجة كرامتى .. و هوريه .. وهوريها .. وهو ظلمنى .. وهى ظلمتنى ....... ولنفترض ان فى ظلم واقع ع احدهم هل انت مش واثق فى ربك؟ هل انت تشك ولو للحظه ان لو انت فعلا مظلوم وجعلت الله حسبك سيضيع لك حقا ؟! مش يمكن انت مش مظلوم ؟؟ ده ربك بيحبك .... ليه مبنسلمش امورنا كلها لله ؟؟ لا اعتقد ان فكرت الانتقام قد وجدت فقط لكى تؤذى بها غيرك اعتقد اننا ممكن ننتقم لأمور تجعلنا افضل مش عارفة تفكيرى وصل ولا لأ بس ايا كان انا بطلع اللى ف دماغى (3) ليه بايدى اقول انى مش كويس ! لاحظتها وكتير واتكلمت فيها هنا اكتر وهى جزئية انى اشوه صورة الاسلام بايدى و بطرق غبية جداااا بدعوى انى بستنكر شفت اللى بيقولك .. ايوه انا شفت منتقبه بتعمل كذا وملتحى يقوم بكذا ..!! و اللى يقول الغير محجبة ليست دوما اسوأ من المحجبة وكلنا سمعنا وشربنا كتير من الكلام ده لأ ونزلها مواضيع مخصوصة !!! مش هعلق ع الجزئية دى غير باسئلة هوجهالكوا اللحية مثلا او النقاب .. يعتبروا طور من جهاد النفس لو قمنا باحصائية ما بين كل عشرين منتقبه مثلا ... كم منهم سنجدها ممن تضربون بها الامثلة ؟؟ افتكر بالكتير اوى ,, واحدة لكن ما بين كل عشرين بنت غير محجبة .. كم منهم سنجدها الى حد ما محترمة ؟؟ بردو بالكتير اوى اوى ،، واحدة ! اادركتم الفرق وان كانت المقارنة غير جائزة اصلا فما وجه الشبه بين من صانت نفسها و جاهدت نفسها بمن تغلبت عليها اهواءها ؟؟؟ (4) ايه علاقة النظام بحياتنا ؟؟ لا شئ ... عارفين ايه مشكلة المشاكل فى حياتنا ؟ النظام ايوه والله احنا فعلا بنفتقره فى اقل تفاصيل حياتنا و عمرنا ما هنعرف نرتقى بنفسنا من غيره النظام يعنى عدد ساعات نوم منظمه .. استغلال جيد للوقت .. احترام مواعيد كل ده مش موجود فى ولا واحد فينا وللاسف فى اوروبا النظام ده شئ اساسى فى حياة اى واحد الدقيقة الواحدة تفرق معاهم لو رحت عشت هناك هتحس انت قد ايه (مهرج) ! انا شفت ده بعينى وعرفت ليه هما ناس ناجحة وعرفت ان النظام اساس اى عمل ناجح وعرفت ان ااحنا بجد نستحق نكون اكثر شعوب الارض تخلفا !!! (5) تميز ام تخلف .. وانا مع هبة اول امبارح لقيتها بتسألنى بعد ما شافت كذا صورة ليا انا وبنات اصحابى فى المدرسةعن لبس المدرسة ايه هو !! اكتشفت فعلا ان مفيش بنت فينا لابسه زى التانية لفت ده نظرى للموضوع ده ما هو مفهوم التميز فى وجهة نظرنا وهل ان تكون مميزا يعنى ذلك ان تكون شاذا !! هوريكم صورة دلوقتى غريبة هي عبارة عن جيب اليونيفورم بتاعة مدرستنا المدرسة عاملة جيبة موحدة ولكن .. تأبى كل منا ان تكون مختلفة فتفترض ان بذلك قد تميزت !! . . . http://www3.0zz0.com/2008/09/12/04/237241722.jpg هل نحن بذلك صرنا مميزات ؟؟!! افكار كثيرة تحتاج الى اعادة بناء فى عقولنا المحدودة .. (6) ايه رايكم ؟؟؟؟ الصورة دى اخدتها النهاردة وانا خارجة الصبح من قدام عمارتنا ودى اخدتها زمان من البلكونة حد ملاحظ فيهم حاجة ؟؟؟عاوزة نقد لو حد يقدر .. http://www.uaekeys.com/fwasel/www.uaekeys.com78.gif انتهيتـــــــــــــــــــــــــــــــــــــــ مش عارفة ايه الموضوع الغريب اللى انا عملاه ده بس انا استريحت كتير انى شاركتكم تفكيري ومستعدة لتلقى اى تعليقات باذن الله J والسلام عليكم ورحمة الله وبركاته |
عندك حق
انا فعلا لما بقعد افكر بحس ان عقلى طار وان انا مش فاهمة حاجة ماشية ورا تقاليد وعادات وخلاص حتى مبفكرش ان كانت صح او لأ احنا فعلا لازم لنا وقفة مع نفسنا بس ايه الصور الجميلة دى مدينتكوا حلوة قوى |
اقتباس:
انا فكرت ربع ساعة ونفذت فى ساعة بصراحة وبجد انا كنت كاتبة 8 نقط فى الورقة بس هنا قلت 6 بس لانى تعبت اقتباس:
.......... واشكرك ع المشاركة |
من الواضح ان الموضوع متميز
منظره العام بيقول كدا ان شاء الله هشوفه وقت تانى وهرد عليه ودمتم فى رعاية الله |
اقتباس:
ونحن فى انتظار تعليقكـ |
اقتباس:
وبجد فكره الموضوع حلوه اووووووووووووى فى رعايه الله |
اقتباس:
واشكركـ ع المرور |
الموضوع كبير وكل كلمة من اللى قلتيها عايزة رد بس فى كتير لاسئلتك مش هتلاقيلها اجابات لان العادات بتاعتنا بتلعب دور كبير اوى بمعنى ان احنا اتعودنا على كده من زمان ان الطفل يتفرج على الكرتون ده شىء عادى حتى الطفل بينجذب للشخصيات المتحركة ولما بردو بيشوف قطة بيبقى عايز يجرى وراها.. حكاية الانتقام انتى بتقولى قصة وروايات وده مايمنعش ان فى واقع منها وانه بيحاول يأذى غيره كل انسان عنده حاجة اكتر من التانى اللى عنده الحب اكتر واللى عندة الشر والكراهية اكتر وربنا يهديهم..تشويه صورة الاسلام دى عالم فاضية ونمامة انهم يتكلموا على كل واحد طيب مادام فى منقبة بتعمل الوحش فى منقبة بتعمل الكويس وبعدين انتى حليتها بكلامك...اهم حاجة النظام ليه الناس الغربية دول اتقدموا عننا سنين كتير واحنا لسة فى تخلف عشان مهملين كتير فى حياتنا وفى دينا..التميز كل واحد بيبقى نفسه يظهر مختلف عن التانى وانتى قلتى الكلام ده عشان يبان ان هى جيبتها احلى وهى اشيك مع انه يونيفورم كله زى بعضه بس عشان كل واحد يبان احسن من التانى يبدوروا على المظهر وسابه الجوهر...الصورتين زى بعض فى النظام والنظافة عشان كده ممكن تلاقى المدينة ناجحة كويس زى مانتى قولتى عن النظام واسبابه بس اللى عمل ده كله انسان مابالك بصنع الله سبحانه وتعالى... اسف لو طولت عليكى وكل سنة وانتى طيبة فكرى ببساطة ...يارب اكون افدتك!!
|
اقتباس:
|
اولا انا بشكرك على الموضوع المتميز اقتباس:
دا بيرجع لتفاهة شبابنا شباب فاشل ضايع تافه مبيعرفشش يفرق بين المفيد والضار الشباب فاكر ان الحياة لعب وجد وحب وبس كل حياته عمرو وتامر وهيفاء و.....و..... مسمعش قبل كدا ( وما خلقت الجن والانس الا ليعبدون ) ودا السبب الرئيسى فيه الاباء لو كل واحد من الاباء علم ولاده يعنى ايه دين يعنى ايه اسلام يعنى ايه رسالة ضحى النبى بروحه علشانها يعنى ايه صحابة شالو الدين على اكتافهم دون كلل او ملل الصحابة اللى اتقال فيهم نجوم الحق يهدونا السبيلا اذا ما ضللنا تبعناهم هدينا هما دول الصحابة اللى حافظو على الدين مش المطربين( المغفلين ) اللى هدفهم تدمير الدين وما شاء الله مجتمعنا معلى المطربن فى السما شياطين الانس عايزين يمحو الدين من الدنيا عايزين يخلو الناس تبيع الدين بالدنيا والباقية بالفانية ربنا يهدى شبابنا ويعرفو يدافعو عن النبى http://www.thanwya.com/vb/showthread.php?t=70659 يدافعو عن النبى لما اتهان ومحدش اتحرك كل اللى الناس عملته هاجت وثارت وفجاة البركان هدى تانى وكان شيئا لم يكن هنقول ايه بس ربنا يهدينا جميعا ؛؛؛؛؛؛؛؛؛؛؛؛؛ دا كان ردى على الجزء الاول باقى الموضوع فى الرد التالى ودمتم فى رعاية الله |
بداية يا رحمة جميل انك تعرضي خواطرك لاني من عشاق كتابة الخواطر او مناقشتها
بالنسبة للشباب دلوقتي طبعا الاغلبية مش كويس لكن خلينا نفكر بايجابية شوية احنا حلوين احنا الشوية اللي فينا خير دلوقتي احنا اصل التغيير لو كل واحد مشي صح واحتر نفسه واحترم القانون واحترم عامل النظافة اللي ف الشارع حجات كتيييييييييييير هتتغير وبردو كل ما ارد ف موضوع لازم اكتب ان الله لا يغير ما بقوم حتى يغيروا ما بانفسهم بالنسبة للكرتون ده اولا واخرا راجع للاهل لان هم اللي ليهم دور الرقابة وهما اللي يختاروا لابنائهم قنوات نضيفة يتفرجوا عليها اما بالنسبة للاشكال الغريبة والمفروض انها مخيفة وغير طبيعية فغالبا بتبقى بتمثل الشر وكويس اننهم بيعرفوا الاطفال ان الشر بيتمثل ف الصورة الوحشة اوي دي وازاي الخير بينتصر عليها ف الاخر اما بالنسبة للنظام فدي الحاجة اللي انا موافقاكي فيها جدااااااااااااااااااااااااا النضباااااط والنظام هما الحاجة اللي احنا مفتقدينها ف بلدنا واللي باعتبرها السبب الرئيسي للتخلف الجميل اللي حضراتنا فيه عدم الانضباط من اسباب ضعف الايمان ومن اول الطرق للتغلغل ف النفاق لانه بيعبر عن ان الواحد مش فارق معاه حاجة المهم يعمل اللي عاوزه وخلاص اما اليونيفورم انا مش شايفة انو بيعبر عن التميز لان بالنسبة ليا التميز اولا واخيرا ف الفكر لكن مفيش مانع من ان كل واحد بيستريح لديزاين معين ف اللبس ..غير ان في ناس بيناسبها الكلاسيك او المكس او ........ يعني ...ما بيبقاش قصدهم التميز بتبقى عملية راحة وشياكة والصورة ياجميل لا تعليق عشان هي حلوة مش شايفة فيها حاجة غلط ...ولا ايه؟؟!!! |
اقتباس:
انتى اتكلمتى عن الجزئية بطريقة كويسة اشكال مرعبة مناظر عارية دعوات للفجور منذ الصغر وفى الاخر نقول ليه البنات بتلبس ضيق وجينز وخلافه نرجع نقول ليه معدش فى حياء عند الشباب نرجع نقول ليه الاخلاق انعدمت فى مجتمعنا محنا متعودين من صغرنا على الانحلال من المناظر دى وياريت بس تبقا فى الكرتون وبس لا فى الحقيقة كمان لو هنشوف الافلام بتاعت اليومين دول واللا المسلسلات هتلاقى مناظر عارية تحمل بين طواياها دعوة للفجور والانحلال يتزعمها خالد يوسف وبجدارة الغرب نجح فى انه يدخل المناظر دى بلادنا وياللا اهو الشباب بيعيش محدش فكر البنت اللى بتطلع لابسة من غير هدوم دى مين اللى قاللها تلبس كدا فىن الرقابة لما تلاقى الاب او الام يشترو لبناتهم ملابس استحى ان اراها دون ان يلبسها احد ونرجع نقول بدون رقابة ربنا يهدينا قلبتى عليا المواجع:d :::::::::::::::::::: دا ردى على الجزء التانى وباقى الموضوع فى الرد التالى ودمتم فى رعاية الله |
نصيحه اخويه :
بلاش حضرتك تمسكي ورقه و قلم تاني علشان متتلخبطيش من حاجه لأن كل حاجه في حياتنا ملخبطه وبتبانش الا لما نمسك الورقه والقلم . |
انتو ركزتو فى الصوروسبتو باقى الموضوع ونعم المناقشة:d شكلى هنقل الموضوع لركن الاذكياء:d او حلنا فى فزورتنا:p ياساتر عليكو:d ؛؛؛؛؛؛؛؛؛؛ هرد على الموضوع فى وقت تانى على ما تلاقو حل للفزورة;) |
اقتباس:
فهم .. توابع لاهواءهم ميعرفوش انهم مسئولين والله مسئولين اى امة شبابها هما اللى بيشيلوها دلوقتى الشباب الكويس نادر اولاد او بنات ما بين كل 10 واحد معقول والمشكلة ان الضياع اللى هما هما فيه هو مبعث فخرهم وقضايانا كلها اصبحت عن الحب التدخين . . . حالنا بجد صعب اوى وكلنا محتاج يتغير من جواه وبعدها يغير من حواليه وميكتفيش لكن يغير اللى حواليه كمان اشكركـ ع المناقشه :) |
اقتباس:
بجد احترمتك جدااااا :) |
اشكرك يا رحمة بس بجد عاوزين نركز اوي على موضوع النظام ده
وكل واحد يبدا بنفسه رجااااااااااااااااااءا ربنا يكرمكم |
اقتباس:
ووالله عندك حق الغرب نجح ف انه يدمر اطفالنا اللى هم البنية اللى تربيتها هتكون مؤثرة جدا ف تكوين الشباب مستقبلا والله الكارتون ده خطره كبير جدا علينا مش عارفه انتوا مدركين ده ولا لأ افتكر كان من بعض اهدافى انى اعمل نفس حركتهم كارتون وباعلى امكانيات والتزامى ولكن بشكل غير مباشر لان كل الكارتون المفيد او اللى نقدر نقول عليه اسلامى امكانياته ضعيفة .. واسفة يعنى .. ممل للطفل واكيد مجتمعنا زى ما انت بتقول مليان بلاوى لكن تغيير الناضج اصعب بكتير من التحكم فى الطفل ليه لو انا عندى زرعة فى بداية نموها ظهر فيها جزء ضار استنى لحد ما تكبر و يطغى الضار ع الزرعة كلها .. طيب ما هى كان ممكن تدارك اخطارها من البداية ؟؟ ده اللى قصدته هل يا ترى وصل ؟؟ |
اقتباس:
المفروض علشان اعيش مستريحة .. الغى عقلى علشان متعبش |
انا اكتر واحدة ممكن احكيلك على الكارتون ده لانى عندى اختين اضغر منى بيتفرجوا على حاجات بجد ببقى لما اسمعها وانا معدية بحس انهم بيتفرجوا على افلام مش كويسة واحيانا بقولهم يقلبوا
انا لما بحب اقلب من على الكارتون بيقولولى انتى هتقلبى ليه اتفرجى معانا ماهي الكارتون عامل زى الافلام بس الافلام باشخاص حقيقية طبعا اغلبها بيتكلم عن الحب والحاجات دى اشهر كارتون عندهم اسمه الجاسوسات مرة قولت اتفرج معاهم وياريتنى ما قولت لقيت ام واحدة من ابطال الكارتون زعلانة لان بنتها معندهاش صديق يا نهار اسود!!!!!!!!!!! بقى هوا ده اللى بيشوفوه بالنسبة للانتقام فعلا بلاحظ ان بيبقى في انتقام فى الحاجات دى انا حاسة دلوقتى ان الاول كان الاب والام بيتفرجوا على الافلام والمسلسلات مع اولادهم علشان يعرفوا هما بيشوفوا ايه دلوقتى المفروض يشوفوا معاهم الكارتون لان تاثيره بقى افظع لدرجة انى على الرغم من انى بتخنق من الكارتون ده بقيت لما اخواتى بيتفرجوا بحاول اسمع من فترة والتانية ايه ده علشان اطمن بالنسبة لصورة الاسلام فاقدر اقولك ان فعلا احنا اكتر الناس بنشوه صورته بافعلنا ربنا يهدينا بالنسبة للصورتين الصراحة انا مش ملاحظة غير جمال المنطقة بس اعذريني معنديش قوة ملاحظة وشكرا على موضوعك الجميل تقبلى مرورى |
اقتباس:
بس مرضيتش اقول احسن حد ينقله بجد :mellow: اهم حاجة ترجع تانى .. متتلككش وتمشي و تنفض بقي وكده :cool: |
تقريبا من اهم الاشياء في الحياه هي النظام لانك لونظمت وقتك في الصلاه والعباده هتقرب اكتر من ربنا انت لو نظمت نفسك كذا مره انك متبصش علي المناظر الي موجوده في الافلام هتلاقي نفسك برضه في الشارع مش هتبص لانك نظمت وعودت نفسك علي حاجه هي من اغلي واهم الاشياء في الدنيا
نظم حياتك تحظي بارتياحك |
اقتباس:
وفعلا المفروض نبدأ بنفسنا و ع فكرة هى قاعدة اى انسان ناجح .. اساسي فى حياته هتلاقيه منظم جدا .. هنا بجد الموضوع منور بيكى :) |
اقتباس:
والله انا ببقى سعيدة جدا لما الاقى ناس فعلا دخلت فى الحوار برايها :) بجد اشكرك ع ردك ،،، :) |
اقتباس:
والله لو فكرنا ننظم حياتنا هنكسب كتير وهنقلل وقت كتير ضايع ممكن نستغله فى اى حاجة صح والانسان المنظم لازم ينجح والله هي قاعدة ،، |
اولا بشكرك على الموضوع الرائع
بالنسبه لموضوع الكرتون فهو مش غلط لانه فعلا بينمى الخيال عند الطفل بس مش لدرجه اننا نسيبه 24 ساعه قاعد يتفرج عليه لان ده هيدخله فى عالم جميل فيه الخير بينتصر على الشر على طول بس اما هيطلع للعالم الطبيعى فهيتصدم ونبقى دخلنا فى مشكله نفسيه وده يرجع لعدم تنظيم الوقت. بالنسبه للانتقام فهو شئ منتشر جدا وده بسبب العدوانيه اللى احنا بقينا فيها من الظروف والضغط النفسى اللى احنا عايشينه المفروض الواحد يوفر مناخ هادئ عشان يعيش فيه وده مش موجود. بالنسبه للنقاب انا اتنقبت حوالى من اسبوع او اكتر ولقيت رد الفعل غير طبيعى من الناس اللى تقولى انتى لسه صغيرة واللى تقولى عملتى فى نفسك كده ليه مش هتتجوزى واخرتها امبارح واحده بتقولى عملتى كده ليه مش هيجيلك الا واحد ملتحى وبسروال وهيطلع عينك يعنى هى دى جزاتى كرهونى فى نفسى وده بسبب ضعف الايمان فى القلوب بالنسبه اليونيفورم الحمد لله مشفتش فى المدرسه واحده لابسه زى التانيه وده بيرجع لادارة المدرسه وتيجى تتكلمى تبقى واحشه ويحطوكى فى دماغهم من الاخر دى مش مشكله فرد دى مشكله امه ومجتمع بدأت من زمان من ساعه ما سيبنا الدين واتجاهنا اتجاهات غير شريعيه وسيبناها تكبر وتكبر لحد ما بقت عادات وتقاليد تحكم المجتمع قوليلى كام واحد هيدخل الموضوع 1000 فى ملايين غيرهم لسه عايشين فى دوامه العيش والفلوس وهيفاء وهبى حبيبه الجماهير ولا يغير الله مافى قوما حتى يغيروا ما بانفسمهم سورى طولت عليكى بس موضوعك يستحق المناقشه فعلا تقبلى مرورى |
اقتباس:
فى ناس فيها الخير اهى :) انا كنت فاكرة الموضوع هيفشل بس الحمد لله .. لا زال بيننا عقلاء :d |
اقتباس:
اقتباس:
وعليكم السلام ورحنة الله وبركاته موضوع جميل جدا علي فكره ونفسي اعمل زيه بس من كتر ما افكاري بتكون مش مترتبه بخاف اكتبه احسن تسيح علي بعض:d |
اقتباس:
بص يا عادل والله نصيحة منى .. اعمله ملخبط عادى ونزله ومتخافش اقولك حاجة ؟؟ انا وانا بكتب الموضوع ده فى الاول مكنتش هنزله ولما نزلته بعدها ب 5 دقايق كان هيحصلى حاجة وعاوزة اشيله باى طريقة بس الحمد لله دلوقتى مندمتش :) عبر عن نفسك و باى طريقة .. وحتى لو محدش فهم من كلامك حاجة :d اقتباس:
اقتباس:
اقولك نكتة ؟؟ 90 % من الشباب مينفعش يتغيروا غييير اذا كان اللى هيغيرهم بنات والعكس صحيح طيب ليه ؟ لان فى السن ده خلاص صعب تانى نشكل الشخصية من جديد والاهل دورهم بيقتصر ع ما قبل المرحلة دى وطبعا دى مشكلة فعلا هم حابين يتغيروا لكن سلبيين غالبا اللى يحركهم زى ما قلتلك فى اول سطرين مش عارفة رأيي غريب يمكن بس بجد ده اللى انا شايفاه ! و بجد حاجة غريبة ... اقتباس:
صح يا عادل اقولك حاجة زمان والدتى كانت دايما بتتحكم فى جزئية الكارتون دى اوى اولا لحد اعدادى يمكن كان ممنوع منعا باتا نتابع مسلسلات ،، نشوف افلام ،، نشوف الكاتون لمدة تزيد عن ساعة فى اليوم وكمان تحت اشراف .. لازم قبل ما افتح تسألنى هتشوفى ايه ؟ وتتابع معايا حلقة او 2 وبعد كده تسمحلى انا واخويا بيه الله يكرمها بجد بس اللى اقصده ان فى اهالى مدركه وان كنت بجد ببقى متضايقه جدا جدا من التصرفات دى لكن فعلا والدتى عرفت تربينا الحمد لله ودلوقتى تقبيل ايديها والله قليل عليها :( اقتباس:
والله دى حاجة بجد خانقانى بقينا بنشوه صورتنا بايدينا وفى النهاية .. طلعنا بايه من الكلام ده يعنى ؟؟؟ اقتباس:
عندك حق انا والله شفت فى حتة النظام دى عجائب افتكر عيله اوكرانية كانت مره بتزورنا المهم كان المعاد الساعة 4 الساعة 4 الا 5 كانوا ع باب البيت وفضلوا واقفين واحنا مستغربين جدا؟؟ هما ليه مخبطوش وواقفين ليه بالظبط 5 دقايق والجرس رن احنا مفهمناش غير لما سألنا عرفنا ان احنا اتفقنا ع 4 ومكانش ينفع هم يخلفوا معادهم ففضلوا مستنيين لحد 4 بالظبط ع الباب !!!!! اقتباس:
طيب نستنى عنيك تخف احنا ورانا حاجة :d اقتباس:
ما انا قلتلك فى الاول خد الخطوة وبجد مش هتندم .. اشكرك ع تفاعلك مع الموضوع يا عادل :) |
اقتباس:
شكرا ياستي علي الموضوع |
اقتباس:
طيب والله ما كلت غير شريحتين كيك وقعدت اتفرج ع العيادة :p اقتباس:
شباب عربي مسلم .. بس يكسف !! وفعلا زى ما انت قلت بيدور ع اهتمام الناس قبل رضا الله تخيل معايا لو قلت لحد من اصحابك انا مش خارج النهاردة علشان محفظتش الورد اليومى بتاعى من القرآن .. تخيل .. هيبقى ايه رد فعلهم .. 100% سخرية واستهزاء !! الله يرحم الشباب المسلم اقتباس:
انا هصور اجزاء من الكارتون باذن الله وافرجهالكوا بجد الكارتون ده بقى مسخرة و كله قلة ادب يا اما اشكال مقرفة يا اما عنف زيادة وموجه لفئة دورها هييجى مستقبلا فى نغيير مسار مجتمعنا .. !! اقتباس:
ما هو المشكلة ان الناس كلها بتحب بطريقه خاطئة احنا مش ضد الحب لكنـ كل حاجة وليها طريقة واسلوب و شكل الحبيبة المتعارف عليه فى الايام دى اكيد شكل خاطئ لازم تبقي النتيجة مش مظبوطة اما عن مبدا الانتقام ذات نفسه فمعرفش بس غالبا هيا من صفات ( العيال ) ومش غريب انتشار المبدأ ده فى عصر انعدام الرجولة ! اقتباس:
بيبرروا لنفسهم خطأهم بانهم يصطادوا لـ من هم افضل منهم اخطاؤهم تبريرك اقنعنى .. اقتباس:
ده والله كانوا بيتريقوا علينا علشان نادرا ما حد بيلتزم بلبس المدرسة زينا بس اقولك سر قميصنا كان مميز بعد المدرسة واحنا مروحين وحد يسالنا انتوا مدرسة كذا ؟:o يقولولهم ايون :cool: تقوم العيال قايلالنا انتوا فافى يعنى :p اصحابى كانوا بيفرحوا بالكلمة دى اوى ومن يومها وكلنا بنيجى بالقميص :mellow: اقتباس:
انا شفت للصورتين دول شوية افكااااار انما ايه :d والله انتوا شباب زى الورد ييجى منكم:d حلوة افكاركم دى بجد :p اقتباس:
شكرا ليك ع مرورك :) |
ااااااااااه جيتي ع الجرح الواحد مبيحبش يدخل المواضيع دي عشان بتجبلي شلل تُساعي بس هنعمل ايه قدر بقي انا مش هعلق علي حاجات كتير هعلق علي حاجة واحده بس طول ما بنبدر بذور القرع عمرها ما هتطرحلنا مانجا :d وبالنسبه للصورة http://www9.0zz0.com/2008/09/12/04/299703612.jpg الصندوق متحرك شويةمن علي الرصيف ثانيا فيه البلكونه اللي في النص وعلي ايدك اليمين عليها هباب باين ولا انا مش شايف دي تنده ولا ايه :d يالا عالبركه |
اولا : تقبلي مروري
ثانيا : موضوعك جميل اوي بجد ثالثا : كل حاجة كتبتيها مهمة وعايزة رد جااااااامد هادخل تاني وارد علي كل جملة ان شاء الله بس اللي عايزة اقوله الوقتي الحاجة السلبية في الصورة التانية هتلاقي بنت واقفة وفي الصورة الاولي عربية يمكن بتاعة شاب والبنت ده مستنياه واكيد اخدها معاه في العربية وده حاجة سلبية جااااااااامد مش عارفة اذا كانت هي ده اللي انتي تقصديها او لا بس بجد تقبلي مروري انا حفظت الشارع ومش لاقيه غير ده .... |
اقتباس:
الصندوق متحرك ازاى :huh: مش فاهمة فيها ايه بصراحة :lol: ولنفترض انه بجد هباب :d تفتكر دى حاجة سلبية ؟؟:cool: والله انا حاسة انى لما هقول فى الاخر هضرب باذن الله :rolleyes: اشكرك احمد ع تعليقك :) |
اقتباس:
ثانيا الله يكرمك بجد ،، والصورتين الفرق بينهم شهور :( وبعدين الست دى كبيرة فى السن والعربية فاضية :mellow: ثالثا انا فى انتظار ردودك يا قمر ;):) |
هههههههههههههههههههه
كويس والله انا بجد يسعدني اني اكون صديقتك وبجد مواضيعك حلوة اوي وان شاء الله كده لما دماغي تروق هاحاول اركز كويس علشان اوصل لها بس الاول في حد وصل لها والا لسه ؟؟ وبالنسبة لردي عالنقط التانية اكيد مش هاغيب عنك ياعسولة وتقبلي مروري ؟؟ ...." |
اقتباس:
وبجد انتى اللى ذوق اصلا :) ولسه محدش وصلها يا جميل ^_^ ماشي وانا مستنياكى باذن اللــــــــــــه ،، مرورك نور والموضوع وادخل السرور على قلبى والله :):) |
اقتباس:
ما زال هناك الكثير من الامور فى حياتنا يحتاج لتفسير ونقف امامه حائرين مكتوفى الايدى لا نعطى اى تفسير |
اولا يا رحمة والله حضرتك ظلمتي الموضوع جدا لما قلتي عليه غريب او عجيب لان انا شايفه بجد موضوع رائع و بينظر لعدة قضايا لم يلتفت احد للكلام فيهم
اقتباس:
|
شكرا
الموضوع جميل جدا تقبلى مرورى |
السلام عليكم ورحمة الله وبركاته أولا شكرا على موضوعك الجميل فعلا الكتابة ممكن تريح الواحد لما يكون تعبان انا مش بكتب كلام مشابه لكلامك لما اكون تعبانة انا بكتبه بطريقة ادبية شوية على العموم عشان ما اطول بالنسبة للكارتون فعلا الكارتونات الايام دى مش كويسة سواء فى ملابس الشخصيات و معظمها الموضوع المتناول غير قيم بالمرة ولاحظى ان فى قنوات بتاعة الاطفال بيعرضوا مسلسلات اجنبية وما اسؤها من ملابس وموضوعات لا قيمة لها ذى هانا مونتانا و مسلسلات على قناة نيكولودين .ده محمد اخويا الصغير بيخجل يراها هكلم عن نفسى شوية للاسف انا لست على دراية شاملة لما يحدث حولى دى حاجة تكسف اغلب اخبار الشرق الاوسط مش عارفها وان كنت فالقليل منها انا حسيت ان الثانوية فصلتنى عن العالم كله والحمد لله اكيد ده تقصير منى نسيت حاجة انت ساكنة فى منطقة نظيفة خالص شكرا على موضوعك الجميل جداااااااااااااااا |
والله يا أختي العزيزة الصورة السلبية اللي انا شايفها واللي اعتقد انك تقصديها ان شاء الله عشان لو مش قاصدك عليها دي كمان هنط م الدور العاشر النهاردة مع اني ساكن في التاني!
المهم الصورة السلبية في الصورتين دول ان مصر كلها اصبحت عبارة عن شقق في شقق في شقق والناس بعدت عن بعضها بشكل وحش جدا واصبحت انا في شقة منفصل حتي عن الجار اللي امامي في الشقة اللي قدامي واصبحت الدنيا كلها عبارة عن جدر في جدر وحوائط في حوائط لا نري السماء ولا نتذكر قدرة الله في خلق السموات ولا نري الافق الا نادرا ولا نري النجوم ولا نري الكون من حولنا ولا ننظر الي ارض وشجر وسماء علي مسافة كبيرة لكي تبعث في قلوبنا الفرحة برحابة الكون الذي خلقه الله لنا واصبحنا لا نري بعضنا الاخر الا في الاسانسيرات وعلي السلالم ولا يسأل جار عن جار فضلا عن قريب علي قريب المدينة غاية في النظافة وغاية في الجمال ولكنها في نفس الوقت غاية في الوحشة وغاية في الفرقة وغاية في الوحدة وغاية في الانفصال عن بعضنا البعض واشكرك علي موضوعك الاكثر من رائع |
و شكرا لكل اللى ردوا وانا معلقتش على كلامهم
لانى انا شخصيا زهقت من الموضوع ده |
مع احترامي لكلامك يا رحمه بس لازم تكملي الموضوع لانه فعلا من احسن المواضيع
وعلي راي الاستاذ بورسعيدي ان الموضوع دا ممكن يتثبت كملي يا بنتي وسيبك من اللي بيعلقوا علي الصور خليكي في الموضوع |
اقتباس:
|
لا والله ما برتيق
انا شايف الموضوع نموذج حلو لاي حد عايز يطلع افكاره والاستاذ بورسعيدي هو اللي فكر في الفكره دي عشان كدا قولت علي رايه انما انا مش قصدي اتريق خالص علي فكره ولسه عند رايي انك لازم تكملي الموضوع |
اقتباس:
اقصد ان استاذ بورسعيدى هو اللى مش يقصد كامة التثبيت دى لانه ذكر فى احد ردوده ان رده ع الموضوع كان اعتراض .. والله تاعب نفسك فى الموضوع يا عادل الله يعينك :d |
ينهار ابيض 180 رد بس عن الصور
تم حذف جميع الردود اللي بتتكلم عن الصور وياريت نلتزم بالموضوع |
ه انت ظبطته كده اوى
اشكرك بجــــــــد ... مع انه فى الاول كان ليه منظر وردوده حاجة وتمانين رد :d بس دلوقتى بقي ثري جداااااااااااااااا :) |
بجد موضوع جميل يا رحمة
مبدأيا فى حاجات كتير من اللى انتى قلتيها صح وفيها حاجات طبعا هناقشك فيها وهعمل اقتباس لنقطة نقطة بعد اذن سعادتك واعلق عليها :p اقتباس:
وبالنسبة لنقطة الكارتون انا مش متفق معاكى اوى فيها لانك واخدة موضوع الكارتون بنظرة غريبة شوية لان مش كل الكارتون فيه رسومات غريبة ومشوهة وبعدين الاطفال بيشوفوا الكارتون بهدف التسلية ومبتبقاش فى دماغهم حتة التشوه وتغير الخلقة دى لانهم فى الكارتون بيجبوها بطريقة كوميدية للتسلية بس وبعدين مش كل الكارتون وحش فى كارتون مثلا زى توم وجيرى يعلم الاطفال استخدام المخ والتفكير كارتون مثلا زى بكار بيعلم الاطفال الاخلاق والقيم وكده اقتباس:
لان لو فكرة الانتقام دى او الكره انتشرت بين الناس فى مجتمع فده اكيد معناه نهاية المجتمع وانعدام التقدم اقتباس:
اقتباس:
اقتباس:
اقتباس:
|
| جميع الأوقات بتوقيت GMT +2. الساعة الآن 09:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.