|
لو داخل اولي جامعة اسأل مجرب
مبروك يا عم إنك نفدت بجلدك من ثانوي .. ومبروك إنك هتبقا من طلاب الجامعة 1000 1000 مبروووك.. بص بقا يا أبو زُمل أنا زميل من زمايلك في الجامعة اسمي "مجرب" دخلت الجامعة قبلك وماعرفش مين فينا أنا ولا أنت هيخرج منها الأول ... المهم الزمن علمني حاجات – وأنتعارف إن الزمن ياما بيعلم- قلت لازم أعرفهالك علشان تبقا ماشي في الجامعة على نور . بص يا سيدي! فتح دماغك معايا وخد نصيحة مجرب: · طبعاً أنت خلصت ثانوي بهمه ومذاكرته وداخل الجامعة وأنت فاكر إن الجامعة دي صباح تكبير الدماغ من المذاكرة ..... لا لا أنت كده غلطان أوعا تفتكر الجامعة كلها فسح ولبس وخروج وأصحاب .. طبعاً الحاجات دي موجودة بس طبعاً المذاكرة الأول صحيح مش زي ثانوي بس مينفعش تخليها آخر حاجة ... قرب شويا كده أقلك على سر بيني وبينك ( أنت بجد ابتديت الدراسة المهمة في حياتك ) مواد ثانوي دي كانت أي كلام إنما دلوقتي هتدرس مواد تخصص وهي إلي هتشتغل بيها طول حياتك يعني علشان تبقى واد مخلص في شغلك لازم تبقى شاطر في المواد دي . · في الجامعة الأصحاب بيكترو و هتلاقي ناس من كل صنف ولون المهم أوعى تنسا إن زي المثل مابيقول ( الصاحب ساحب) يعني إيه ؟؟!! يعني لازم تاخد بالك كويس لما تيجي تختار أصحابك .. طبعاً هتقلي: "و أنت مالك بيا وبأصحابي ؟؟!".... ساعتها هاأقولك أصلي ياما شفت ناس زمايلي كانوا طيبين و غلابة ولما صاحبوا ناس "نص كم" أتقلب حالهم وخد عندك إشي سقوط كام سنة وإشي إدمان على جواز عرفي و................. · البنات... هتقلي طبعاً فاكهة الجامعة !!!!! وطبعاً هقلك أنت مضحوك عليك ... الشاب من دول يدخل الجامعة وأول حاجة يفكر فيها إزاي أصاحب بنت - أي بنت – وبعد ما يحصل المراد تلاقي الاثنين عايشين مع بعض الوهم بالنهار في شوارع الجامع وبالليل ع التليفون وتكون النتيجة إيه ؟؟! الولد هو إلي بيدبلر ... سامعك متغاظ وبتقلي: "إشمعنا الولد؟!" هقلك طبعاً البنت ممكن تدبلر معاه بس ده بيحصل أقل لأن البنات بيذاكرو في الخباثة!! · معلهش يا جماعة... الولاد شويا علي جنب ويغمضوا عنيهم.. الكلمتين الجايين للبنات وبس .. بصي يا ستي :الجامعة دي معرض كبيييير قوي للهدوم .. شويا بدي على جينز على أستريتش على... على... المهم هقولك كلمة في ودنك بس بشرط قبل ما أقولها توعديني ما تزعليش ............ اتفقنا؟؟ (متخليش نفسك فرجة للي يسوا واللي ميسواش ) لأن مفيش شاب هيبصلك بصة بريئة .... أنا شايف كام بنت نفسهم يطبقوا في زمارة رقبتي بس إحنا اتفقنا من الأول إن مفيش زعل. · آخر كلمتين بقا علشان أنا حاسس أني بقيت غتت ... بقلكم إيه اسمحولي أنصحكم نصيحة لوجه الله ... الرسول (ص) بيقول كلام حلو ومهم قوي عن الشباب ..عارفين بيقول إيه " لن تزولا قدما عبد يوم القيامة حتى يُسأل عن أربع" ... ومنها عن "شبابه فيما أبلاه؟ " يعني كل واحد فينا ربنا هيسأله عن فترة الجامعة دي عمل فيها إيه .. طبعا دي كل واحد فينا هيجاوب عليها لوحده .. ودي بالذات مفيهاش غشّّ!! اللهم قد بلغت .. اللهم فاشهد .. |
كلام مضبوط انت عارف لما دخلت الجامعة لقيت فييها اشكال بنات مايعلم بيها الا ربنا اللى عملالى وشها فرح ولبسها راحة ترقص واللى لابسة اسدال ونقاب سبحان الله تيارين مختلفين تماما
|
طب ممكن تقولى نظام كل دكتور من اللى هيدولى يا مجرب :d
والحمد لله انا كل محاضراتى فى مدرج واحد هو مدرج د :d |
اه اتريقي اتريقي يااااااا واندا هانم !!
ماهو دا اللي احنا بناخده منكوا .. تريقة وبس .. على العموم كله محتسب عند ربنا .. واحنا في شهر كريم .. اني واي .. انتي بما انك مجموعة (ز) .. اللي هيا نفس مجموعتي .. اللي هيا نفس المجموعة اللي هاتقندل على عيني واحضر فيها معاكوا للاسف .. معا اني تانية .. بس عادي يعني .. المهم .. بصي ياستي .. اول انطباع .. ان الجدول فقري اوي .. هوا مش تشاؤم .. بس مجرد ان محاضراتكوا كلها تبقي في اضيق مدرج في تجارة كلها .. يبقي دا ظلم يعني !! ثانيا بقي .. نشوف الدكاترة كدا .. اول واحد .. د/ هشام البحيري .. (ادارة) راجل محترم وكويس ومخلص في شرحه جدا .. اي نعم هوا محبط شوية (طبعا مش زيي) .. بس هوا عموما بيحب اللي بيحضرله .. وبيقدر يميز دا في التصحيح اما بييجي يصحح الامتحان .. بيعرف الطالب دا حضرله ولا لأ .. بيعمل حركات قلة معا الطلبة ساعات .. يفضل يقولهم انا اقدر اسقطكوا ، انا اقدر ماخليكوش تحضروا الامتحان .. عاااااادي خالص .. ولا تاخدي بكلامه .. اهم حاجة تهتمي بمحاضرة وتركزي فيها جامد .. تاني واحد .. د/ هشام سيد (سلوكية) مممم يعني .. شغال .. هوا بصي من الاخر معظم الدكاترة بتوع ادارة الاعمال .. بيبقوا خنقة .. نادر اوي اللي بيبقي لذيذ .. بس عموما .. هوا د/ هشام السنة اللي فاتت كان بيدي مشتريات للفرقة التالته هـ .. اللي هيا (و) حاليا .. بس بيشد شوية ساعات .. سيبك من الحركات المملة اللي بيعملها .. تلاقيه يوطي صوته ويعليه مرة واحده .. عادي نوبروبليم .. اللي يهمك المحاضرة وبس .. تالت بني ادم .. د/ اشرف على عبده .. ماعرفش عنه حاجة .. انتي وحظك بقي !! رابع شخصية .. د/ ناشد عبد السلام .. زيه زي د/ مصطفي عبد الغني كدا .. راجل شخصية .. صوته عالي شوية بس محترم .. بيفهم كويس .. ساعات بيتنرفز بس بيهدي وبيكمل المحاضرة ولا كأن فيه حاجة حصلت .. وبرده من الاخر .. معظم الدكاترة بتوع قسم التامين ناس محترمين .. ودي بشهادة الطلبة بتوع تجارة .. وانا واحد منهم .. على العموم .. هوا كان بيدي مادة تأمين لتالته (د) السنة الي فاتت .. ونسبة كبيرة نجحت فيها يعني .. تفائلوا خير ان شاء الله !! خامس دكتور .. صبري العطار .. دا اقدر اقول عليه دكتور محترم .. بس مشكلته انه ماشي على نهج شوقي بشادي .. لإن الدكتورين دول عاملين كتاب واحد .. تقدروا تقولوا عامل اتفاقية شرح مشترك !! .. كان بيدي محاسبة مالية في مجموعة (هـ) السنة اللي فاتت ( اللي هيا و حاليا) وانا شخصيا اول محاضرة في حياتي احضرها في الجامعة كانت ليه .. هوا هاتتلاقوه بنضارة كدا وكلبوظة !! .. بس عادي .. محتاجله متابعة وتركيز .. وحل التطبيقات بتاعته .. بس الله اعلم بقي في الامتحان .. هل شوقي بشادي هوا اللي هايحطه ولا العطار ؟! .. الله اعلم .. ودا كان ملخص عام للدكاترة بتوع سنة اولي مجموعة (ز) .. اللي هيا مجموعتي واعتز وافتخر انها مجموعتي .. اما بالنسبة بقي للتوقيتات .. فهيا رخمة شوية .. بس عادي .. هاتاخدوا على كدا .. |
موضوع بجد روعة
ربنا يكرمك يارب ويجعله فى ميزان حسناتك وربنا يهدينا جميعا على فكرة انا لسة حدخل كلية السنة دى ان شاء الله وربنا يستر |
والله النصائح دي مفيده جدا تحياتي ليك
|
ِكرا بس انا مش بتريق :d
المهم انا ولا فاهمة من جدولك حاجة ولا من اللى جيبته المواعيد من كان لكام ده سؤال والسؤال التانى هو فية دراسه قبل العيد ؟؟ والسؤال الثالت ينفع احضر مع اى مجموعه عادى يعنى بس بعد ما احضر مع مجموعتى اصلى عايزة احضر فى العيوطى مرة :d وشكررا بجد الدكاترة باين عليهم كويسين وانا اعتز انى فى (ز) طبعا مجموعة الزلازال :P |
هو ايه العيوطى ده انا هحضر فيه يوم الاتنين شكله مدرج مش ولا بد
|
هو الجدول فى رمضان ازاى
مكتوب ان فيه محاضرات من 5 ل 6.30 ؟؟؟؟؟؟؟؟؟؟؟؟ |
اجاوبك واحده واحده ..
بالنسبة للمواعيد .. نتكلم فيها لاحقا .. لإن الجداول اكتشفت انه مشكوك فيها مؤخرا .. فبلاش نتكلم في النقطة دي بالنسبة للسؤال التاني .. انا بقي مش عارف انتي ازاي اساسا تسألي سؤال زي دا !! اكيد يعني فيه دراسة بعد العيد .. ولا انتي هاتخلصي رمضان والعيد وتأجزي وتاخدي الامتحان منازل ؟!! ممكن يكون سؤالك غلط وكان قصدك فيه دراسة قبل العيد .. في تلك الحالة اقدر اقولك اه فيه .. بس بتبقي خفيفة جدا .. المحاضرة بتبقي ساعة واحده بس .. والدكتور بيبقي جاي يتعرف مش اكتر .. والجو اصلا حر والناس مش طايقة نفسها .. فعاااادي .. عايزة تروحي روحي .. مش عايزة عادي مش هايشكلك مشكلة في الدراسة يعني .. هوا فيه نظرية بس بتقول انك بما انك لسه داخلة جامعة فيستحسن تروحي اول يوم عشان تخففي من رهبة الحضور وتعرفي الجامعة ومناطق المحاضرات واماكنها .. مناظر الدكاترة .. الخلق اللي هاتبقي معاكي في المدرج .. (اللي انا من ضمنهم ;) ) .. بالنسبة لسؤالك التالت .. اه تقدري تحضري في اي مجموعة تعجبك .. ان شالله تحضري معا انتظام حتى .. مش فارقه .. بس المهم تكون الاولوية لمجموعتك ودكاترتك .. لإن هما اللي هايحطوا الامتحان مشاي حد تاني .. ملحوظة بس بسيطة .. مالك يعني محموقة اوي على العيوطي كدا ؟! .. هوا اه شكله من بره حلو وشيك وضخم كمان .. دا غير انه مكيف الهواء .. رطب صيفا .. ثلج شتاءا !! .. بس عادي تعالي في اي محاضرة يكون باب المدرج فيها مفتوح .. واقفي بس على البوابة كدا من بره .. واتفرجي .. هاتشوفيه .. |
اقتباس:
تشوف مواعيد جدولك الاساسية .. وتقارنها بالموعيد دي .. 8.00 : 9.30 هاتبقي في رمضان >> 8.00 : 9.00 9.30 : 11.00 هاتبقي في رمضان >> 9.00 : 10.00 11.00 : 12.30 هاتبقي في رمضان >> 10.00 : 11.00 12.30 : 2.00 هاتبقي في رمضان >> 11.00 : 12.00 2.00 : 3.30 هاتبق في رمضان >> 12.00 : 1.00 3.30 : 5.00 هاتبقي في رمضان >> 1.00 : 2.00 5.00 : 6.30 هاتبقي في رمضان >> 2.00 : 3.00 6.30 : 8.00 هاتبقي في رمضان >> 3.00 : 4.00 |
لاء انا هدخل :p
انا هدخل هو شكله حلو ولما يكون فى محاضرات جوة هقعد على الشباك :d |
شباك ايه دا اللي تقعدي ليه ؟!
العيوطي مالوش غير شبابيك طويلة وكبيرة ومايتقعدش عليها اصلا ! |
انا هقعد اصلى طويله هههههههههه
قصدى هشب واقعد رخامة بقى وهجيب معايا جلنكس علشان التراب :d |
تراب ايه بس يا واندا حرام عليكي ..
اعمليها وانتي هاتلاقي المدرج كله بيضحك عليكي وربنا !! وعشان تبقي عارفه المدرج مش بيشيل ميه ولا متين .. دا بيشيل مش اقل 3000 واحد !! |
برخم عادى انا اصلا عمرى مبحب اقعد
حتى لما كنت فى ثانوى ديما واقفه عادى بقى هو مدرج (د) بيشيل كام واحد ؟؟؟ واساسا مجموعه (ز) يجيلها قد ايه كده |
ايه مولودة واقفة يعني ؟ .. يا سبحان الله !!
ماعلينا .. بالنسبة لمدرج (د) اللي ان شاء الله مش هايكونلك نصيب تخشيه (ادعي) بيشيل ممكن تلت مدرج العيوطي .. يعني ممكن الف بالكتير اوي .. عشان كدا ممكن تلاقي ناس كتيره في اول محاضرات خاصة بتوع اولي .. بتتلاقيهم واقفين .. اما بالنسبة لمجموعة (ز) .. مش عارف والله .. بس هاتتلاقيها في حدود ال 2000 او ال 2500 بني ادم .. |
شكلكم فى جامعه واحده وقاعدين تتكلموا على ناس وحاجات انا معرفهش
يلا مفيش مشكله فى حاجه كمان انت نسيت تقولها لما تكون داخل كليه غصب عنك اكيد هتدبلر |
ادبلر ؟ .. لا مش شرط يا كوكو والله
اهم حاجة العزم والصبر .. والنظرية دي بتتطبق في اي كلية مهما كانت .. حط في دماغك اني عايز ابقي حاجة .. الناس اللي بتجيب امتيازات دي مش اقل مني .. والمجموع اللي هوا دخل بيه الكلية دي .. انا برده داخل في نفس الكلية وبنفس المجموع .. يبقي مافيش فرق .. اذاكر واكد واتعب لغاية ماوصل .. وفي كلية زي تجارة دي ..عايزالها مذاكرة وتركيز جامد .. واسف لو كنت ماستعملتش صيغة المؤنث .. ودا لإني مش عارف اساسا ولد ولا بنت .. اني واي .. لو انتا مش تجارة .. قول انتا منين عشان نعرف |
يمكن انا اتكلمت عن نفسى
انا لما دخلت كليه مبحبهاش وجامعه كارهها كانت النتيجه انى منجحتش بس الحمد لله على كل الاحوال تانى حاجه انا بنت وداخله اولى تجاره ادعولى ربنا يوفقنى |
مانجحتيش ؟ .. غريبة ..
اولا كويس انك قولتي انا بنت .. عشان تبقي الصيغة سليمة ثانيا .. تقدري تنضمي لركب الجروب بتاع بنات تجارة هنا !! ثالثا ..شكلك كدا والله اعلم على حسب استنباطي من كلامك .. انك دخلتي كلية وشيلتي السنة فيها وحولتي منها .. لتجارة .. بليز ياريت توضحي .. وابقي قوليلنا بالمرة داخلة تجارة جامعة ايه .. اهو بالمرة نعرف .. |
شكرا يا عمو فامبير على النصايح دى
شكلك خبره فى الجامعه ههههههه |
مانجحتيش ؟ .. غريبة ..
غريبه مش غريبه ولا حاجه اولا كويس انك قولتي انا بنت .. عشان تبقي الصيغة سليمة اوكى ثانيا .. تقدري تنضمي لركب الجروب بتاع بنات تجارة هنا !! ان شاء الله ثالثا ..شكلك كدا والله اعلم على حسب استنباطي من كلامك .. انك دخلتي كلية وشيلتي السنة فيها وحولتي منها .. لتجارة .. تمام انت كده جبت المفيد:d بليز ياريت توضحي .. وابقي قوليلنا بالمرة داخلة تجارة جامعة ايه .. اهو بالمرة نعرف .. انا وضحت اهو عاوز توضيح فى اى حاجه تانى جيت اخد الكلام اقتباس قالى عدد احرف الرساله اقل من عشر حروف سبحان الله كل الكلام ده اقل من 10 حروف |
اه نسيت اقول انا داخله جامعه قنا
بعيده صح |
جامعة قنا ؟ .. لا اله الا الله ..
دانتي شكلك صعيدية بقي !! وياتري الكلية اللي انتي كارهاها كانت ايه بقي ؟؟ |
ههههههههههههههههههههههههههههههههههههههههه
صعيديه انا من اسوان وافتخر رغم انى مش صعيديه الا انى افتخر انى من اسوان كانت كليه اداب الا يرحم ايامها كانت ايام سوده |
شكرا ليك يااخ فامبير علي النصائح الجميله دي
بس ممكن ابدي رايي في حاجه تانيه يعني اللبس مش هو اللي بيحدد نوع البنت كويسه ولا لا مثلا ممكن بنت تكون لابسه لبس زي بنات اليومين دول بس تكون محترمه جدا يعني متكلمش صبيان ولا حاجه ولا تمشي ماشيه مش مظبوطه ولا الحركات دي وممكن برضك واحده تكون لابسه محترم جدا وهي اللي تعمل كده مثلا تصاحب اولاد وتروح وتيجي يعني مش اللبس هو اللي يحدد البنت في حاجات تانيه كتير وده كان مجرد راي مش اكتر تقبل مروري |
عندك حق فى كل كلمه قولتيها يا ريناد
وهو على حسب التعامل كمان يعنى مش باللبس ما انا واحدة زميله لحد من الناس وهى لبسه اسدال ومش كويسه خالص انا بصراحة استغربت قولت سابت ايه ديه للناس اللى لبسه بدى وبنطلون ضيق .... |
شكرا يا فامبير علي نصايحك الحلوة دي
|
اقتباس:
متنسيش بردة يا ريناد ان لو البنت لو لا بسة محترم مش هتشد الشباب ليها ف دة احصن للبنت وكمان الاحتشام ضرورى فى الاسلام |
احب ادي بس تعليق صغير ليكي يا ريناد ..
اللبس بكل بساطة هوا عنوان الشخص قدام اللي حواليه .. سواءا كان الشخص دا ولد او بنت .. بس مش هاشكك في رأيك .. لأ انا بأيده كمان .. وبأيد كمان رأي واندا في اللي قالته .. انا فعلا تعاملت معا النوعين .. النوع اللي بيلبس لبس فري خالص .. وناس في منتهي الاحترام في التعامل .. والنوع اللي بيلبس محتشم .. وتتلاقيه استغفر الله العظيم .. بس عموما .. زي مانا قولت .. اللبس عنوان الشخص .. مش هاستحوذ رأيي على البنات بس .. لا على الولاد كمان .. ممكن تشوفي واد مطول شعره على اخره ومسقط البنطلون وحالته نيلة .. بس تييجي تتعاملي معاه تلاقيه واد كويس ودماغه حلوة .. بس زي ماتقولي عايشه في دور روشنه وقتي كدا .. وواحد تاني تلاقيه لابس لبس عادي .. بس في منتهي قلة الادب .. وتعاملة بيئة معا الناس .. زيها زي اللحية عند الرجاله .. والنقاب عند المرأة .. انتي لو مشيتي في الشارع وشوفتي واحد مربي دقنه .. هاتقولي دا راجل كويس وعارف دينه .. بعد شوية تسمعي منه شتيمة وقلة ادب هاتقولي دا راجل مش محترم .. واحد تاني مش مربي دقنه .. بس اوريجنال جدا في التعامل .. وبيتصرف تصرفات الادين بيحث عليها .. برده نفس الحكاية في النقاب .. بس انا كان مجرد تعليقي ان اللبس مجرد عنوان ليكي قدام الناس .. وزي ما قولت برده .. انتي لو كنتي محترمة جدا .. ولابسه لبس مش ولا بد .. وافتكري انك في جامعة .. يعني فيها شباب .. لازم غصب عن الشاب لازم يبصلك .. شئ طبيعي .. وماتقوليش حرية ومش حرية .. عشان انا واحد من الناس .. كنت في الجامعة من ييجي 3 اسابيع كدا .. شوفت واحده لابسه حجاب (اشك انه حجاب اصلا) .. وسكيرت من اللي هيا بتبقي بحمالات فوق دي بس مش عارف اسمها ايه .. المهم .. ولابسه تحتها بنطلون برمودا !! طب والنبي انا راضي حكمك .. لو شاب شاف واحده زي دي .. هايقول عليها ايه ؟! دا غير طبعا اللخبطة اللي في الوش اللي بيحطوها .. طب تصدقي بالله .. لو ماحطتش ميكب .. انا بيتهيألي كانت هاتبقي احلي !! الشاب يا ريناد انتي وواندا .. اما بيشوف واحده بيحكم عليها من مظهرها العام غالبا .. هوا مش لسه هايروح يتعرف ويتعامل ويشوف دي كويسه ولا مش كويسه .. ياريت تكون نظريتي وصلت ... |
اقتباس:
على فكرة انا عندي برد .. ياريت تشوفيلي دوا بما انك في صيدلة يعني !! :rolleyes: |
لأ فعلا كلامك صح وجزاك الله خيرا على تلك النصائح
|
كلامك مظبوط يا استاذ فامبير بس انا طبعا مش قاصدي علي اللبس ده خالص خالص
يعني لبس عادي بس مش الايسدال والطرح الطويله عادي يعني مثلا بضي وجيبه طويله ده ممكن في نظر اي حد لبس مش اللي هو او تونيك وبنطلون برضه الحكم عليه مش دايما انه لبس كويس ده اللبس اللي انا اقصده مش طبعا البادي الضيق والبرموده او حتي البنتاكول ولا الباضي اللي خلاص هيتفرتك وعليه جيب قصيره الكلام للتوضيح واشكرك اخي فامبير علي النصائح وتقبل مروري |
والله ريناد عندها حق واحنا اساسا قصدنا على كده
البس جيبه وبدى يعنى هو محترم اولالبس بنطلون ممكن يكون ضيق او واسع فوقيه تونيك تحت الركبه يبقى كده نظرتكوا ايه؟؟ بس يعنى هو من الاخر بالتعامل واكيد انت جربت الانسانه ديه ممكن تكون محترمة وممكن العكس ديما بالتعامل بس يعنى وشكرا يا فامبير واكيد دلوقتى فهمت قصدها |
اه نسيت مثل الاسدال ده بقولك لبس محترم اووووووىى وبتعمل ايه
طبعا البنت اللى لبسى بدى ضيق وهيفرتك من عليها او برتكوا او برمودا وفوقيه حاجب ده اسمه استهبال ومسموش حجاب واكيد يعنى البنت ديه مش محترم من الاخر... ولا انا كلامى غلط؟؟!! |
السلام عليكم
كلامك ميه ميه ياواندا وانا مع فامبير فى الراى بتاعه بس الانسان مش لازم يحكم على الشخص من مظهر لبسه على طول وتذكر قول الله تعالى (ان بعض الظن اثم) وشكرا |
السلام عليكم ورحمة الله وبركاته
انا كنت داخلة اسال عن مواعيد رمضان لاقتكم مشكورين سالين ومجاوبين يعنى مش مضيعين وقت:d وصراحة ربنا يخليلك يافامبير ويكتر من امثالك خايفة فى الاخر تطلع عميد الكلية وحلوالحوار اللى حصل فى الاخر ومش هاقول غير الاناء ينضح بمافيه!!!!!!!!!!!!!!! المهم شوفتكوا مجاوبتوش على على تقييم اشرف عبده كان بيدينى موارد هو ودكتور امال شاور ربنا يعينكم عليه راجل لايطاق هو شاب او مش راجل كبير بيجى كدة بقميص وبنطلون مش بدلة يعنى ومش بيكتب فى المحاضرة بيجيب معاه ورق مكتوب وعلى البروجكتور ومش هتلحقى تنقلى:mad: وهو مش بيشرح هو بيقرا الورق اللى جايبه عارفين ساعة المحاضرة كان اول مايدخل يفح باب المدرج وهو واقف تلت اربع المجموعة بيخرج قصاد عينه ومايفضلش غير الربع ال مجتهدين وانا كنت من ضمن:d ومن الاخر لو اداكى لوحده مش هتجيبى اكتر من عشرة وربنا معاكم بقى ومعانا ولسة برضه ماحدش ظهر من مجموعة ج |
جزاك الله خيرا يا اخى المجرب حلو جامد يباركلك ربنا
|
شكرا جدا على الموضوع المفيد جدا
انا لسه دخله تجاره طنطا انتساب بس عايزة اعرف الجدول بتجبه قبل بداء الدراسه ولا اول يوم فى الدراسه |
السلام عليكم
انا عن نفسى مش عارفه اشكرك ازاى استاذ فامبير بجد جبيت من الاخر يعنى انا لسه داخلة اداب وطبيعى انى روحت الكلية عشان التقديم وكدا اقسم بالله شوفت مناظر ما شاء الله ما شاء الله بس انا بستغرب من حاجة اللبس ده بيدخل فيهم ازاى اكيد بالصابون والله ربنا يهديهم يارب انا الحمد لله مختمرة ولابسه اسدال ما لقيتش حد لابس خمار غير قلة قليلة جدا جدا راحت زمن الخمار وجيه زمن البضيهات يالا ربنا يهدينا ويهديهم جزاك الله كل خير ممكن اعرف مواعيد محاضرات اداب بنها لو مش هتعبك يعنى وشكرا |
شكرا جدا فعلا الكلام دا مهم جدا ولازم ناخد بالنا منه
وربنا يستر من الايام الجايه دي |
انا متفقة معاك يا vampire1188 بس عوزة اقول حاجة انا كل اصحابى اما راحو يجيبو لبس الجامعة عقدونى قالولى مفيش غير الى البدى فكانو مطرين شراءة انا بحس ان السوق هو الى مسئول ممكن تقول لا بس هو المطر هى جيب طبعا مش الضيق الى انت بتقول علية لا معقول كمان بيتلبس على جيب طويلة
|
شكرا فامبير ع النصايح الجامده دي انت شكلك خبره بس انا لسه ف 3 ثانوي ادعيلي بقي بس من قلبك بالله عليك
|
اقتباس:
موضوع كده خارجى سورى يا vampire1188 اقتباس:
ايوه أقل من 10 حروف :eek: اقولك ازاى انا كنت ناوى اشرح شرح تفصيلى بس انا هجبلك من الأخر عشان انا مش على جهازى الكلام الى بيبقا بين كلمة quote اى كلام هنا مش محسوب quote/ بعنى الكلام المقتبس مش محسوب ياريت تكونى فهمتينى تحياتى http://www.getsmile.com/emoticons/fu...unglasses2.gif |
يااااااااااااااااااه .. كل دي ردود وانا مش موجود ؟!!
اعذريني يا جماعة .. اصل مادخلتش امبارح على النت .. كان عندنا عزومة عقبال عندكوا .. وكل سنة وانتوا طيبين جميعا .. وبصراحة مش عارف الاحق مين ولا مين في الرد .. مشكور ليكوا جميعا على مروركوا وعلى الردود اللي شرفتوني بيها .. بس احب اسيب شوية تعليقات صغنونه كدا على الناس المحترمين اللي مرّوا هنا .. > بالنسبة لكلامك يا ريناد اما قولتي اقتباس:
> تعقيبا عليكي يا واندا .. لما قولتي اقتباس:
> تعقيبا على كلام مصطفي لما قال الايه الكريمة اقتباس:
وكفاية ان القران قالها صريحة كدا .. ( يا ايها النبى قل لأزواجك وبناتك ونساء المؤمنين يدنين عليهن من جلابيهن ذلك ادني ان يعرفن فلا يؤذين وكان الله غفورا رحيما ) > انتبهوا للكلام اللي بالأحمر .. < > فيه كلمة طمطومة قالتها وعجبتني اوي .. اقتباس:
اقتباس:
> العضوة الكريمة دمعة خشوع .. قالت حاجة ظريفة اوي اقتباس:
اقتباس:
> العضو nesso طبعا بوجهلك شكر خاص على الي انتا قولته بس تقدر تقول هيا مش خبرة ولا حاجة .. بس الواحد قعد في الجامعة وشاف كتير وعدي عليه بلاوي .. فابيتعلم .. وصدق اللي قال فعلا .. الدنيا بتعلم .. > العضوة sseess قالت كلام كويس .. اقتباس:
تعليق عام بقي احب اقوله .. سيدنا محمد اللي كلنا بنؤمن بنبوته ورسالته .. قال حديث البعض منا يعرفه والبعض منا يجهله .. قال الاتي .. ( صنفان من اهل النار لم أرهما : نساء كاسيات عاريات مائلات مميلات ، رؤوسهن مثل اسنمة البخت ، لا يدخلن الجنة ولا يجدن ريحها ...... ) حد فينا يرضى انه مايخشش الجنة ويتلهلب في النار ؟! (ولاحظوا الكلام اللي بالبرتقاني) الرسول صلي الله عليه وسلم قال : ( لعن الله المتشبهات من النساء بالرجال والمتشبهين من الرجال بالنساء ) زي الرجل المتعارف عليه منذ بدء الخليقة .. انه بيلبس بنطلون .. مايجيش بقي في عهدنا الحالي تتقلب الاية ويبقي البنات هما اللي يلبسوا بناطيل .. والا يبقوا نفذوا اللي قاله سيدنا محمد وكدا هايخشوا في لعنة ربنا والعياذ بالله ... انا مش شيخ .. ولا داعية .. ولا واحد من الزهاد .. لكن انا واحد زي اي واحد .. متطلع علي دينه .. عارف احكامه .. بحاول بقدر استطاعتي انفذ تعاليم الدين دا .. ولو اني عارف اني مش بنفذها كلية .. بس اهو ربنا غفور رحيم بقي .. انا مش هاحول الموضوع يبقي ديني .. ولا انا عايزكوا تحولوه ويبقي ديني .. عشان ماتنسوش .. انتوا في قسم تجارة هنا .. مش في قسم تاني .. موضوعنا محدد وهوا نصايح للي داخلين جامعة عمووووووما .. |
السلام عليكم ورحمة الله وبركاته
انا مش اولى بس عجبنى الموضوع المهم ياجماعة ايه رايكم فى الناس اللى مش بتشترى الكتب وبتعتمد على الملازم الخارجية صراحة انا السنة اللى فاتت جبتها وفادتنى فى بعض المواد ومااشترتش ليها ملازم واشتريت للمواد التانية المراجعات النهائية وحد يقولى المصاريف امتى وكام مشكورين |
بص يا فامبير احنا فتحنا الموضوع علشان الاخت
دمعة خشوع بتقول ان فى قليل جداا لبسين الخمار هو الخمار ايه مش كل اللى بيبلوة محترمين واكيد معظمكوا هيشوفنى انا دلوقتى هتكلم عن نفسى طرحتى مش قصيرة زى البنات بتاعت البدى والجيب الضيق البدى كمان مش ضيق خالص وانتوا هتشوفوا وانا لو لبست بدى بلبس عليه جيبه واسعه لول لبست تونيك بلبسه فوق الركبه على كول وتحته بنطلون يا جماعه بجد اللبس ده مش محترم ده اولا ثانيا بقى انا عندى اخ ولد يعنى وده لو كان لبسى مش محترم عمرة مكان هينزلنى بيه ثالثا بقى انا مش ممكن اخلى حد يفتح بقه بنص كلمة عليا او يقول اى كومنت يسى ليه فا انا مؤمنه ان لبسى محترم ومحتشم وكمان رينا بتلبس زيي بالله عليكوا وارجو الرد من الولاد بالذات ده لبس مش محتشم ؟؟؟؟!! فى انتظار اجابتكوا ثالثا النقاب مش فرض ده سنه وللبنت شديدة الفتنه وانا مش جميله الجميلات يعنى ملامحى عادية خالص ده اولا ثانيا الاخت دمعه خشوع بتقول راح زمن الخمار تعرفى ان تقريبا كل البنات دلوقتى لبسين عبيات وتحطيها بنطيل جينز محترم اهوه وديه كمان موضه ومش محترمين اساسا وكمان لبسين اسدال وتصرفتهم مش كوييسه سواء موضه ام لا كل الناس دلوقتى بتلبس اسدال والاسدال زى الخمار على العبايه مش هتكلم تانى هستنى ارأكوا واجابتكوا اللى من وجهة نظركوا.... |
لبس محترم
بس ده مايمنعش ان حد يضايقك دلوقتى اللى لابسه خمار بتتعاكس بقى حاجه طبيعيه |
منى السلام الى كل من فامبير وده سلالالام خاااااص جدا وسلامى الى واندا وريناد وعلا اللى مش بتخش كلام واندا كله صح بجد انا عن نفسى لما اشوف بنت لبسه اسدال وتحته بنطلون جنيز ورافعه الاسدال لحد الركبه وبعدين لبسك كويس احسن من اللى بيليسوا بديهات هطق من ادام وورا وكل حته حاسس ان البدى بيشتكى من كتر الخنقه فبالتالى لبسك احسن الى حد ما البس اللى نازل السنه دى
|
| جميع الأوقات بتوقيت GMT +2. الساعة الآن 11:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.