بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- استراحـة المنتـدى (https://www.thanwya.com/vb/forumdisplay.php?f=455)

- - هتوحشونى (https://www.thanwya.com/vb/showthread.php?t=70160)

هتوحشونى

هتوحشونى جدا جدا جدا و ربنا العالم ان الموقف ده صعب عليا بس هاعمل ايه اصلى مش هاقعد تانى لانى مسافر باقى رمضان لحد قبل دخول الكلية بكام يوم و بعدها لما ارجع مش هبقى فاضى ان شاء الله فاتمنى انكوا تفضلوا بخير دايما واتمنى كمان من كل واحد زعل منى انه ينسى سبب الزعل و يسامحنى. ربنا عالم انا حالتى عاملة ايه و انا باكتب كده بس اللى مصبرنى ان اخواتى كتير و انهم شايفنى بعين كويسة تسرنى و عشان كده اوجه السلام لكل اعضاء و مشرفى المنتدى و مش معنى كده انى هسيبه ع طول ده بس فترة الدراسة ان شاء الله و طبعا هاستقيل منن الاشراف حالا .و بالاخص احب اوجه سلامى لمجموعة اعضاء هى :

دكتور نوبل: هتوحشنى يا زميل المهنة فى القاهرة.:d
دكتور احمد91:اوعى تنسانى يا اسكندرانى عشان تكرمنى لما اجى اصيف عندكوا.;)
دكتور نيرو:هتوحشنى يا حبى و اوعى تزعل من المشاركات اللى حذفتها لك.:rolleyes:
المحب لرسول الله:انت الغالى يا حبيبى و انت الاصل و الله هتوحشنى يا طبيب القصر العينى.:cool:
دكتورة جولييت:بالرغم انى ما حصلش بينى و بينك اى مناقشان اوى يعنى بس زميله المهنة بقى و لانى لاقيتك من الناس المحترمين فى المنتدى.
حابى:طبعا مش هاقول غير دعاء ليكى (( ربنا ما يصعبلك تسطيب ويندوز و لا يعصلج ليكى فك بوردة و لا يسخن لك بروسيسور)) سلاام يا رئيستى فى المنتدى.:d
فارما جيرل:طبعا ما عرفتكيش غير فى الاخر لكن اللى لاحظته ان مجهوداتك كتيرة فى المنتدى فربنا يوفقك و يفيدك زى ما بتفيدى زملائك.
دكتورة سارة:طبعا زميلة المهنة و زميلة الجامعة فهحاسب اوى ع كلامى عشان كده مش هقول غير ربنا يوفقك و يكرمك لانك من احسن زميلات المنتدى و الاخوات الى عرفتهم عليه.
دكتورة ماجدولين:برده ما حصلش احتكاك ملحوظ او مباش بينى و بينك بس ردودك دايما و احترامك لزملائك و زميلاتك و للكل هيخلينى فعلا اعترف انك من احسن زميلات المنتدى و ربنا يوفقك ان شاء الله فى المستقبل.
بيبا:حااااسب للبيطرى ربنا يوفقك تبقى معيدة فى الكليه ان شاء الله كمان.
دكتور سنيبر:اوعى اوى للبياطرة العظام ربنا يوفقك برده و يكرمك جدا و اوعى تنسى الموضوع اللى ثبته ليك(ى).
ميدو:ربنا يوفقك يا ميدو فى كليتك و اعى تنسانى و اوعى تهون عليك العشرة يا حبيبى.:(

و يا ريت ما اكونش نسيت حد خالص:o:o لانكوا كلكوا اخواتى فى الله و منكم زملائى كمان.:):)

و مــــــــع السلامــــــــة

بجد هتوحشنا يا دكتور
ربنا يوفق حضرتك
وترجع تنورنا من جديد ان شاء الله

ربنا يوفق حضرتك يا دوكتور اكرم

ربنا يوفق حضرتك يادكتور اكرم

ربنا يوفقك وتفتح صيدلية
د/اكرم

ربنا يوفقك والدراسة تخلص بسرعة عشان ترجعلنا
وان شاء الله لن ننسى الدعاء لك

السلام عليكم ورحمة الله وبركاته
،،
تروح وتيجى بالسلامة ان شاء الله
وباذنه تعالى نبارك لك ع الصيدلية :d بس يكون اسمها اسم تانى غير اللى فى التوقيع بس

اقتباس:

حابى:طبعا مش هاقول غير دعاء ليكى (( ربنا ما يصعبلك تسطيب ويندوز و لا يعصلج ليكى فك بوردة و لا يسخن لك بروسيسور)) سلاام يا رئيستى فى المنتدى.:d

هههههههههه
الله يكرمك
-----------------
بالتوفيق ان شاء الله فى صيدلة :)

ماشى يعم نسيتنى:d
عموما ترجعلنا بالسلامه ان شاء الله :)

اقتباس:

المشاركة الأصلية كتبت بواسطة Dr. akram (المشاركة 738331)

دكتورة جولييت:بالرغم انى ما حصلش بينى و بينك اى مناقشان اوى يعنى بس زميله المهنة بقى و لانى لاقيتك من الناس المحترمين فى المنتدى.

بجد ربنا يوفق حضرتك واكيد كلنا مش هندخل فى الدراسه بس هندخل كده نطل يعنى من وقت للتانى وشكرا عالثيمات بتاعتك الى ادتهالى:d:d وعقبال كده ما تفتح صيدليه البشمهندس (مش فاهمه ايه الاسم ده :p)

ماشى يا دكتور
بنقولك فىرعاية الله

وياريتمتحرمناش من دخولك المنتدى
استودعك الله الذى لاتضيع ودائعه

اقتباس:

المشاركة الأصلية كتبت بواسطة dr. Akram (المشاركة 738331)

دكتور احمد91:اوعى تنسانى يا اسكندرانى عشان تكرمنى لما اجى اصيف عندكوا.;)

يا حبيبي تسلملي

ربنا يخليك ليا ويخليك لحبايبك واهلك وصحابك

واسكندرية كلها بترحب بيك والميدان حينور

وكلنا بنتسرسب واحد ورا واحد

كلها ايام الدراسة تبدأ ونركز فيها وطبعا دخولنا كلنا حيقل

ربنا يكرمك ويوفقك ويوفقنا كلنا ان شاء الله

في امان الله

هتوحشني اوى ياكروما والله وربنا يعلم

اقتباس:

دكتورة ماجدولين:برده ما حصلش احتكاك ملحوظ او مباش بينى و بينك بس ردودك دايما و احترامك لزملائك و زميلاتك و للكل هيخلينى فعلا اعترف انك من احسن زميلات المنتدى و ربنا يوفقك ان شاء الله فى المستقبل

ربنا يكرمك يا دكتور.......وترجع بالسلامة ان شاء الله
عموما مش تزعل أوى
تقريبا كلها شهر بالكتير وهتلاقى معظم المجموعة الطبية مش بتدخل المنتدى
بس ان شاء الله كلنا هنرجع فى الأجازة ونبارك لبعض ع الأمتياز
وفقك الله
فى رعاية الله

هننتظر عودتك ان شاء الله بالسلامة
ونتقابل في الأجازة تاني
لأني هسيب المنتدى برده لحد بعد الدراسة

http://i33.servimg.com/u/f33/12/43/96/04/4b0e2b10.gif
_________________
http://i53.servimg.com/u/f53/12/43/96/04/8524_110.gif

http://i53.servimg.com/u/f53/12/43/96/04/74c7ae10.gif

شكـــــــــــــرا جدا يا جماعة ع ردودكم و ان شاء الله هبقى اطل من وقت للتانى على المنتدى و كويس اننا كلنا زى بعض يعنى انا مش حالة شاذه انى هسيب المتنتدى فى الدراسة و يا رب نكون كلنا اخوات فعلا قبل الدراسة اخوات و نرجع اخوات ان شاء الله

ربنا يوفقك
وان شاء الله هاترجعلنا قريب
وانا متأكد انك اكتر من اخونا
فى امان الله

ربنا يوفقك يا دكتور اكرم وانا بردو خلاص كلها كام يوم واسيب المنتدى لحد اجازة نص السنة ان شاء اللهونرجغ للمنتدى بالامتيازات ان شاء الله

شكـــــــــرا يا ابو سعيد ع مرورك و ليكى يا دكتورة سارة و ان شاء الله بالتوفيق و تقابل من تانى فى الاجازة اللى جاية و الكل جايب امتياز اذن الله و شكرا لمروركم....

الى اللقاء يادكتور اكرم
وربنا يوفقك ويوفقنا كلنا

ربنا يوفقك في حياتك

و ياريت متنسناش

ليه كده يا دكتور بجد حضرتك كمان هتوحشنا وربنا يوفقك وترجع بألف سلامه

ربنا يوفقك ان شاء الله في دراستك وترجع بالسلامة
وياريت تبقى تدخل كل فترة اثناء الدراسة عشان بتبقى في موضوعات تعليميه مفيده جدا في المنتدى

ربنا يوفقك في حياتك ودراستك

ويتقبل منك مجهودك الكبير هنا في الموقع

ويا ريت ما تمنعش الدخول في الموقع

ويا رب ويا رب يا رب تفتح صيدلية البشمهندس بتاعك يا دكتور

مع السلامه يا دكتور

في رعاية الله
وانا كمان هسيبكو لانى هتسجن ف المدينة بس اوعدكو انى هدخل ف الجازات (تقريبا كل اسبوعين )

اشكركم يا جمـــــــــاعة ع ردودكم و يا ريت الادارة تسرع فى حذف الاشراف

العفو يا اكرم باشا

احنا حبايب وصحاب

فــــــى رعاية الله و شكرا لاهتمامكم باخوكم و ربنا يوفقكم جميعا ان شاء الله