|
مجالات شغل كلية السياحة و الفنادق
اى حد يعرف اى حاجة عن مجالات شغل كلية سياحة و فنادق يقول لنا . ومحدش يقول مجالات شغلها كتير ويسكت ياريت يقول اه المجالات دى ؟؟؟!
وياريت حد يقول لنا كل قسم بيتخرجوا يشتغلوا اه منه ؟؟؟ |
بصراحه قسم سياحه عشان انا هدخلو بيشتغلو فى شركات سياحه وشركه مصر للطيران وفى واحده قربتى شاغاله فى المطار وبيشتغلو فى شركات استثمار وعموما الكليه دى كويسه جدا مش هتغلب فى الشغل سواء دخلت اى قسم بس اللى انا عايزة اعرفه هو مفيش حد بيدخل على الكليه دى ليه هو مفيش حد دخلها واللا ايه
|
اقتباس:
|
العفو
حاجه غريبه مش كدة ؟؟؟؟؟؟؟؟؟؟؟؟ مع انها والله كليه كويسه جدا |
انت دخلتها قسم ايه؟
|
انا لسه داخل تالتة ثانوى بس بسأل بس اصل انا ناوى أدخلها
|
انتوا شكلكوا كدة حببتونى فى الكلية انا لسة هادخل تانية ثانوية وانشاء الله ادخلها بس انا محتار بين قسد السياحة وقسم الارشاد السياحى مش عارف انهى الاحسن شايف ان قسم الارشاد السياحى ممكن يكون احسن ياريت حد يقولى أى حاجة
|
iam mohamed ramdan astudent at the faculty of tourim and hotel fayoum university
i wanna find ajob by th way i speak english very well please any one can help me ? |
انتوا شكلكوا كدة حببتونى فى الكلية انا لسة هادخل تانية ثانوية وانشاء الله ادخلها بس انا محتار بين قسد السياحة وقسم الارشاد السياحى مش عارف انهى الاحسن شايف ان قسم الارشاد السياحى ممكن يكون احسن ياريت حد يقولى أى حاجة
بص يا انسة الارشاد اقوى فرع وانا بكالوريوس السنة دى وظيفة محترمة وشكل واستايل لو عايزة تبقى جامدة مووت ادخلى ارشاد |
اوعوا يا جماعة تكونوا فاكرين ان الشغل فى شركات الطيران سهل ده صعب جدا لازم : - تكون بتجيد الانجليزى تحدثا وكتابة - تاخد كورس اماديوس او جاليلو فى حجز الطيران وده لو عايز تبقى موظف حجز - يفضل تكون واخد icdl
|
انا طالب فى كلية السياحة والفنادق الفرقة التانية والشغل بجد كتيييييير وانا هوضح ده فى موضوع
افضل وظائف السياحة والفنادق |
اولا قسم الارشاد ( مرشد سياحة فى شركات سياحة وممكن تشتغل مترجم فورى كمان )
تانيا قسم سياحة ( شاركات سياحة وطياران ) ثلاثا قسم فنادق ( شيف او ممكن تشتغل فى ادارة الفنادق ) هو دا اللى انا اعرفة ومتاكد منة انا كلية سياحة قسم ارشاد داخل 3 ان شاء الله وبجد القسم دا جامد للى عاوز يجتهد وبيحب اللغات وهو يعتبر احسن قسم فى سياحة وفنادق كلها |
انا رأيي ان السياحه عموما شغلها كله كويس يعنى اقسامها كلها كويسه
لكن مش مضمونه يعنى شويه نايمه وشويه شغاله اوى وكمان فلوسها بردو مش مضمونه الاحسن انك تفكر فى حاجه تانيه غير الكليه دى او لو انت حاببها اوى كدا اتخصص فى حاجه مفيهاش شبهه وخلاص وربنا يوفقك |
اى مجال يا استاذة جهاد مش مضمون الايام دى
وبعدين كام واحد فى مصر ضامن انو هيتخرج ويلاقى شغلة ممكن مجال السياحة من اكتر المجلات اللى بتلاقى فيها شغل بغض النظر ان كانت ديما او مش ديما بس فى اغلب الاوقات اللى بيثبت كفأتة فى كجال الارشاد او السياحة او الفنادق بجد بيبقى لية مكان كويس فى شغلة وبالذات مجال الارشاد واكيد كل واحد ولية رئى وانا اكيد بحترم رئيك |
اقتباس:
اولا يا استاذ ابراهيم شكرا لزوق حضرتك على استاذه دى بس هى كبيره اوى عليا انا مش استاذه انا لسه طالبه فى 2 ثانوى ودكتوره دى مستقبلا ان شاء الله ادعيلي :d ثانيا بقي انا قلت النقطه السلبيه اللى هى ان السياحه شغلها مش مضمون دى حاجه عاديه زى ما حضرتك قلت فى اى شغل لكن انا النقد والاعتراض الشخصى على شغل السياحه انه شبهه مش اكتر وبـــــــس |
اقتباس:
احنا لو اتكلمنا على الشبهات يبقى ان شاء الله البلد كلها هتقعد فى البيت وياريت تركزى اوى معايا فى اللى جاى وفكرى صح قناة السويس شبهة ؟! عارفة ليه؟ المحاماة شبهة ؟ عارفة ليه؟ الطب شبهة ؟ عارفة ليه ؟ الصيدلة شبهة ؟ ركزى اوى اقولك بلاش نتكلم كتييييير علشان منعقدش الناس فى حياتها بالمناسبة الخيار حلال ولا حرام صلى على النبى فى سرك كده وابتسمى انتى فى مصر |
اقتباس:
يا أستاذى اى حاجه فى الدنيا دى ليها سلاحين ( الخير والشر ) وانا لما نصحت الاخ اللى بدأ الموضوع قلتله ابعد عن الشبهات لكن مقلتش ان الحاجه دى حرام ولا حلال لكن قلت انها شبهه وانه يحاول يستخدم الخير احسن ويقيم اى سلوك بيعمله بالحلال والحرام فى اى مجال يشتغله بقي المفروض يعمل كدا بما ان حضرتك يعنى زكرت عيوب فى مجالات تانيه ومش بس دا فى شغله لا فى حياته كلها كمان |
اقتباس:
|
يادكتورة ولا لسا بدرى على دكتورة
انا مش عالم ولا انتى فقيهة علشان تتكلمى فى شبهات او غير شبهات المشايخ والعلماء مكنوش بيرضوا يفتوا وكانوا لما يفتوا بيترعبوا ومع احترامى ليكى واحترامى لنفسى وشخصيتى ومهما كانت معلوماتك او معلوماتى بلاش الحكم بالطريقة دى |
اقتباس:
وانا مقلتش انى فقيهه ولا حكمت عليه انا مجرد انى بقول رايي زى ما هو طلب ارأنا وكل الناس عارفه ان السياحه شغلها فيه حاجات كتير غلط ودا ممكن مش بيحصل بايدك ممكن يكون غصب عنك ومقدرش اوضح اكتر من كدا وشكرا على النقاش الظريف دا |
والله كل انسان يعرف الصح من الغلط فين
وعنده المقدرة انه يعمل الصح ويعمل الغلط هو وضميره بقى ودينه وزى ما فيه حلال فيه حرام وافتكر انى انا قلت قبل كده عن المجالات اللى فيها شبهات يعنى ان شاء الله كله هيقعد فى البيت كله يادكتورة فهمااااااااانى يادكتورة بما انك ناوية على طب اظنك انتى شوفتى الدكتور اللى صور المرضى عنده واستغلهم ومش معنى كده ان احنا منروحش لدكاترة وان كلهم وحشين وانا على استعداد تام انى اتناقش مع اى حد فى الموضوع ده |
والله الدكتور اللى حضرتك قلت عليه دا حااااااجه شاذه زى ما فى شواذ كتير فى المجتمع الزباله اللى احنا عايشين فيه والدنيا لسه فيها خير
|
والله انا برده قلت ان ده مثل ومش كل الدكاترة وحشين
والشغل كله فيه الخير وفيه الشر وكله فى شبهاااااااااات |
مافيش حاجه فى الدنيا كلها صح ومافيش حاجه كلها غلط
وزى مافى الجنه فى كمان النار وربنا سبحانه وتعالى مخلقش اى حاجه ابدا مطلقه غير ربنا ذاته والايمان بيه وشغل السياحه داخل فيه حاجات كتير وطالما ذكرنا الغلط يبقى المفروض نذكر كمان الصح ومتنسيش ان اللى بينظموا رحلات الحجاج والمعتمرين من خرجين سياحه وفنادق وحاجات تانيه كتير مش ديه بس الحاجه الحلوه اللى فيها |
انا قرات الحوار ده بس انا مع الدكتورة جهاد لان فعلا الوظيفة فى السياحة ممكن تمنعنا عن دينا كمان بتنسينا العادات والتقاليد اللى دينا اتربينى عليها
يعنى مثلا لو الفوج السياحى اللى انت ماشى معاهم عاوزين يروحوا يشربوا خمرة سعتها ردك هيكون ايه كمان مش هتقدر تقولهم """ بعض اذنكم اروح اصلى واجلكم""" يا ريت حد يرد عليا ويقولى رايه وشكراااااااااااااا |
ياريت الي فاهم واشتغل وشاف يرد عليه
طبعا مش مطلوب ارشاد سياحي انجليزي لان ده موجود كتير طب الي خريج ارشاد سياحي ومعاه انجليزي ممكن يشتغل في فندق زي خريج ادارة فنادق وياخد مرتب زيه ولا ايه يعني فرصته هتكون عامله ازاي ** هيلاقي مجالات يشتغل فيها مش لازم تبع شركه سياحه ويطلع مع افواج وكده ممكن فندق ياريت حد يرد عليه بسرررررعه وشكرا ليكم |
متدخلش الكلية
واللى انت متعرفوش ياحبيبى انه بيكون فيه برنامج للرحلة غير ان هما مابيقولوش لك تعالى ندخل باااااااار وياريت تراجع معلوماتك كويس |
اقتباس:
هو بس عندو مبادئ مش حابب يشتتها ومش المفروض انك ترد عليه كدا المفروض يبقي فى حوار احسن من كدا شويتين |
اوكى انا اسف جدا اصل انا معرفش ادب الحوار
بكل صراحة كده انتى ايه رايك فى الكلية؟ |
والله الاسف دا ميكونش ليا هو يكون للاستاذ اللى كان ليه الكلام
ثانيا بقي انا قلتله "اتقى الشبهـــــــات" غير كدا لا الكليه بقي كل حاجه فيها الحلو وفيها الوحش وانا اصلا مفكرتش 1....,% انى ادخلها علشان كدا انا رأى ميهمش المهم هو مقتنع بيها ولا لا ..؟؟ وفى الاول وفى الاخر هو اللى هياخد عمله وهو اللى هيتحاسب عليه ... حلو هيتكافىء ,,, وحش هيتجازى وبـــــــس |
اولا اسمحيلي اتدخل يا دكتورة
كل الشغل فيها الحلو وفيه الوحش والسياحة فيها شغل كتير كويس مثلا شركات الطيران فيها حرام ؟ الارشاد فيها حرام ؟ ومجالات تانية كتير ولو هنتكلمعن الشبهات الطب فيه الحلو وفيه الوحش يعني الدكاترة مافيش حد منهم عمل حاجة غلط ؟ ماحدش نسي فوطة في بطن مريض ؟ وشكرا لحضرتك |
وانا مقلتش حاجه غير كدا انا قلت اتقى الشبهـــــات ابعد عنها وخلاص لكن انا مهاجمتش التخصص نفسه لان تقريبا كل قرايبى بيشتغلو فيه وانا متاكده ان شغلهم مفيهوش حاجه غلط لكن بنسمع بردو منهم ان فى غلط كتيــــــــر حواليهم يعنى
وبـــــس |
الاختلاف فى الراى لايفسد للود قضية
ياريت ياشباب نقفل باب المناقشة فى الموضوع |
| جميع الأوقات بتوقيت GMT +2. الساعة الآن 03:27 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.