![]() |
مين علوم الاسكندرية؟؟؟؟؟؟؟؟
الحمد لله و بعد نتيجة التحويل تم تحويلى لعلوم الاسكندرية و طبعا متتخيلوش فرحتى و فرحة اهلى لأنى فعلا نفسى فيها من و انا فى 5 ابتدائى :Dرغم كل اللى سمعته عنها و كمية الشتايم اللى اخدتها :rolleyes:
بس ما علينا بس نفسى اعرف امتى اروح اقدم ورقى و ايه المطلوب و فين؟؟؟؟؟؟؟؟؟ المهم مين بقى علوم الكس علشان نتعرف على بعض و نبقى صحبة ان شاء الله و طبعا يا ريت بنات:D و مبروك للجميع |
يا ريت برده تعريف كدة بالاقسام و التخصص بيكون امتى؟
يعنى نبذة كدة عن الكلية اروح اقدم بكرة و اللا ايه رايكم؟ و فين؟ و المطلوب؟ معلش انا اسئلتى كتير اوى و زنانة اوى بس و الله من فرحتى عايزة اعرف كل حاجة عنها |
انا مش علوم
بس حبيت ابارك ع التحويل مُبارك :) ،،،، اعتقد ان التقديم يعنى بتروحى فى اى وقت طالما اتقبلتى فيها مش كدة ولا ايه ؟؟ :huh: |
شكرا يا حبيبة قلبى
الله يبارك فيكى .مرسى اوى و مرسى على اجابتك للسؤال |
ايه يا جماعة؟
محدش فى اسكندرية و اللا ايه؟ طيب ما علينا دلوقتى انا رحت انهردة الكلية و قالولى اجى بعد 10 ايام علشان اسماء اللى حولوا لسا مجتلهومش. و قالولى كمان انه مفيش فلوس للتحويل . لأنى كنت فكرة ان اللى بيحول بيدفع 500 جنيه عالعموم احسن وفروا برده ههههههههههه هو فعلا الكشف الطبى يوم 26/8 و هل اروح اعمله و انا لسا مقدمتش؟ و اللا لما اقدم الأول؟ و بيتعمل فين؟ برده فى كلية العلوم؟ ياريت اللى يعرف يرد ضرورى اوى عليا ربنا يكرمكم |
مش عارفة ايه التعقيد بتاع الكشف الطبى دا
!!! بصى انا معرفش حاجة بصراحة عنكم خااااااااالص بس اللى حصل عندنا فى حاسبات عين شمس ان الكشف الطبى فى اى وقت بقدم فيه حتى انا قدمت ورحت الكشف الطبى وكله كله فى يوم واحد مش التقديم يوم والكشف الطبى يوم زى باقى الكليات كدة !!! ربنا يعينك :d |
شكرا يا حبيبتى بس انا بسأل يمكن نكون زيك برده كله فى يوم و مفيش يوم محدد مش عرفة بس انا كنت قريت فى موضوع آخر ان الكشف الطبى يوم 26/8
ياريت اللى يعرف يفيدنا و بعدين هو هنا مفيش حد فى علوم الكس واللا إيه؟ ^_^ |
لطلاب و طالبات علوم الكس (اللى انا حتى الآن مش عرفاهم) ههههههه
و يمكن عمل إيميل على موقع الكلية و بيكون و username@facofsc.com و و متوفر بالموقع هذه الأشياء اللى انا نقلتهالكم و غيرها الكثير و بصراحة الموقع فعلا حلو رغم انه فيه كذا حاجة مش شغالة لكن معلش هو مفيد للى عايز يتعرف عالكلية اقتباس:
اقتباس:
اقتباس:
ده موقع الكلية http://www.facofsc.com/main%5Fsite/ |
بردو بلاحظ من مواضيع طب وصيدلة سواء كانوا عين شمس او القاهرة ان فيه مواعيد للكشف الطبى
مش زينا " رغم انى عين شمس " بس واضح ان الكلية بتاعتنا بس مدلعينا شوية فى الاول اقتباس:
----------------- ربنا يوفقك ان شاء الله وتلاقى اللى يدلك او حاولى تشوفى رقم تليفون الكلية من الدليل ولا حاجة واتصلى استفسرى بنفسك كمان :) |
افتكرت حاجة بردو
اقتباس:
بس رحت اقدم الاول حتى بيدونى ورق بروح بيه الكشف الطبى اصلا فعلى ما اعتقد يلزم التقديم الاول مع ملاحظة ان دا استنتاج مش اكتر فاتأكدى بنفسك واطلبى الكلية احسن :) |
اقتباس:
شكرا يا حبيبة قلبى على اهتمامك اقتباس:
|
أنا فى كلية العلوم جامعة الأسكندرية
أى خدمة |
حأفيدك أوى أوى لأنى فى إتحاد الطلبة و فاهم فى خطوات التقديم
|
شكرا ليك اوى يا استاذ سامى
انا رحت الكلية و قالولى اجى بعد 10 ايام علشان اسماء اللى حولوا من النت لسا مجتلهومش و انا معرفش اى حاجة فى خطوات التقديم و هل الكشف بيكون فى نفس اليوم قلى يعنى اللى بعمله من اول ما ادخل باب الكلية لغاية ما اتخرج ان شاء الله هههههههه فيه سؤال كمان هو فيه قسم فى علوم بندرس فيه بالفرنساوى اصل انا خريجة مدرسة فرنساوى و قلقانة اوى من الانجلش لأنى مش كويسة فيه شاكرة افضالك و مرسى اوى |
أستاذ مره واحده أنا أكبر منك بسنه واحده بس يعنى داخل تانيه إن شاء الله عقبالك
بصى يا ستى لما تيجى كمان 10 أيام زى ما قالولك أنتي و حظك لو فى كشف حتعملى لو مفيش حتعمليه يوم تانى و بعدين بيبقى كشف هبل فى عبط هدفة يلمه فلوس و خلاص يعنى متشغليش بالك بيه أما بالنسبه للfrancais للأسف كانت كدبة أبريل و مفيش غير anglais بس الكلية جامده أخر حاجة و مش حتندمى لحظة إنك دخلتيها إلا فى حاله واحدة وهى الطناش للدراسة |
تعرفى ايه عن اتحاد الطلبه
فاتحاد علوم اسكندريه غير أى اتحاد تانى فإحنا مجموعة حلوه وكاننا شله كبيره و كلنا صحاب مع بعضينا محبوبين فى الكليه و مميزين كمان ده إحنا كل سنه بنعمل حفله اسمها تنصيب الأتحاد بتبقى جامده جداّ كلها غنى و رقص و جو شبابى أوى و كمان عندنا أصوات حلوة أوى فى الكلية فى إيه أحلى من كدة طب و لما تروحى أسوان مثلآ لمده اسبوع من غير ولا مليم وده كان السنه اللي فاتت و لسه السنه دى ده غير إن لينا مكتب لوحدنا إحنا بس و فى وسط الكليه وكمان لينا ميزانيه كل سنه فلوس يعنى من رعايه الشباب ممكن نبيض بيها المكتب و نغيره ونزينة و هكذا مش كده و بس ده بيجي لنا دعوات مجانيه و مخفضه لحفلات و مسرحيات زى السنه اللي فاتت روحنا مسرحية الملك لير و اتصورنا مع الممثلين و بنروح الأوبرا و* القبه السماويه بالمكتبه ب5جنيه بس* إيه رأيك لو تنضمى لنا و تبقى واحده مننا , عارف رأيك أكيد موا....... و لسه فى حاجات كتير مقولتهاش عن الكليه و الاتحاد التفاصيل بعد الموافقه |
انا مش عرفة
بس انا لسة حدخل اولى يعنى معنديش اى خلفية او خبرة هى لو حاجة جامدة فعلا زى ما بتقول معنديش مشاكل اقتباس:
ما هى اصلا ب 5 جنيه للطلبة ده مش عرض ليكم انتو بتتخموا واللا ايه هههههههههه انا على طول بدخلها ب5 جنيه |
اقتباس:
بس انا لسة حدخل اولى يعنى معنديش اى خلفية او خبرة مش زى حضرتك فى 2 هى لو حاجة جامدة فعلا زى ما بتقول معنديش مانع انا عمة بحب الانشطة الاجتماعية اقتباس:
السفر لأسوان دول انا اعترض عليهم اعذرنى انا علاقتى بالشباب صباح الخير صباح النور اتكلم معاه فى حاجة مهمة زى دلوقتى ماشى انما ارقص معاه أو اسافر معاه ماهو اكيد الحكاية دى بتبقى شباب على بنات ما يناسب تربيتى اهلا بيه و الا فلا اتحاد الطلبة انا عرفة انه حاجة جامدة و اصحابى فيه انما بييجوا عند الحاجات دى و يوقفوا يعنى مش بيشتركوا فى حفلات رقص مرسى اوى على عرض حضرتك انا طبعا موافقة على الانضمام ليكم انما بالنسبة للحفلات اللى من النوع ده فاعذرنى انا بحضر حفلات مكتبة الاسكندرية بتبقى جامدة موت بس ......... (انت اكيد فاهم قصدى) اقتباس:
ما هى اصلا ب 5 جنيه للطلبة ده مش عرض ليكم انتو بتتخموا واللا ايه هههههههههه انا على طول بدخلها ب5 جنيه قولى عالتفاصيل بس من غير حفلات الرقص دى هههههههه مرسى ليك اوى و سورى لو ضايقتك بأستاذ مكنتش وخدة بالى ^_^ و بالتوفيق ان شاء الله |
صحيح
الو بتروح مكتبة الاسكندرية فهم فى حاجة ماسة لطلاب الكليات العلمية و خاصة علوم يتعينوا فالانتير و ينظموا شغل المكتبة لو تحب او عندك حد تعرفه ياريت تبلغه بليز اقتباس:
|
على فكرة أنتي إللى فهمتى غلط و من أولها , غنى و رقص كتبتهم عشان متفتكريش إن إحنا معقدين فأساساّ الحفلة بتاعتنا بتبقى قدام العميد و الدكاترة و إحنا بنبقى لجنه منظمه للحفله و بنلبس كلاسيك و بنستلم الدعاوى من الضيوف و ندخلهم و ننظمهم و بتبقى فى المدرج الكبير و بعدين إحنا فى دولة عربيه و إسلامية و إللي فى مخك ده فى الجامعة الأمريكية مش عندنا و بعدين حتى فى الكلية الولاد بيسلموا على البنات بالكلام بس من غير أيد , و الله مش عارف أقولك إيه عشان وصلت لك المعلومه غلط أنا أسف
|
ونسيت أقول لك على السفر أصلاّ إحنا لما بنسافر بنتقابل مع طلبة علوم من كل جامعات مصر تحت أسم تثقيف سياسى و الولاد بيناموا فى مبنى و البنات فى مبنى تانى خالص و بعيد و بعدين إحنا رايحين نتفرج على المناطق الأثريه و فى مكان منضمنش حنروحوا تانى ولا لأ
ولكى حريه الأختيار |
اقتباس:
مرسى ليك اوى اوك قولى عالتفاصيل و ازاى انضم للاتحاد؟ يعنى ايه هى الخطوات و كدة انت بجد شجعتنى |
أتفضلى يا ستى أولاّ أنا أسمي الحقيقى أحمد فكرى مش سامى و متسألنيش ليه لأنى معرفش
علشان تتقدمى للإتحاد مطلوب صورتين شخصيتين و تحاولى تجيبى من المدرسه شهادة حسن سير و سلوك و يكتبولك تحت إن كان ليكى نشاط و الحاجات دى سهله من مدارس البنات عموماّ أعملى إللي عليكى و روحي جربى عشان تحلفى إنك روحتى و أكيد لما تروحى حأستقبلك و أقدمك للناس , صحيح أنتى أسمك إيه و متفهميش غلط تانى هههههه أنا حأكلمك على لجان الإتحاد الصبح إن شاء الله عشان باقى اليوم حأبقى مشغول و حأفتح الجمعة بعد الصلاه |
ان شاء الله متشكرة اوى
و مرسى تانى |
ادعوولى احول علوم اسكندرية
يااااااااارب |
الاخت والابنه العزيزه //Nogha
اولا احييكي علي كلية علوم اسكندريه الكليه 3 اقسام في البدايه 1 - علوم طبيعيه( كيمياء - طبيعه - رياضه) 2- بيولوجي 3 - جيولوجيا ثم تتفرع الاقسام بعد ذلك لكي تكوني من المتفوقين يجب عمل اللازم ان شاء الله 1 - الالتزام التام بالمحاضرات يعني تقعدي قدام وتكتبي كل ماده في كشكول مباشرة من المحاضرة 2- حضور العملي المعامل مهم جدا جدا عليه 40 % 3- سيبك من هرجله اتحاد الطلبه والكلام ده ركزي في دراستك والمذاكره فكل ده مضيعه للوقت هم ليهم اعمال حلوه مثلا زي الامتحانات المصوره 4 - سيبك من الرحلات والفيلم ال ملوش لازمه ده فالاسكندربه اصلا بلد جميل 5 - في البدايه لا تخافي اسالي اي دكتور عن كل ال انتي عايزاه فهو زي المدرس في المدرسه والاساتذه الكبار بالذات بيفرحوا لما الطلبه تسالهم 6 - لا تشغلي نفسك بالمراجع في البدايه خالص خليكي في محاضراتك فقط 7 - ابتعدي عن الكلام في السياسه لان الكليه مليئه بالتناقض الشنيع الغير سوي في هذه الافكار من الطرفين كل همك هو المذاكره والتفوق واخيرا لكي كل الدعاء د//عاطف خليفه علوم اسكندريه - كيمياء 1986 |
ياه يا مستر
اد ايه ريحنى كلام حضرتك اقتباس:
انا فعلا مامتى قلتلى كدة برده اقتباس:
اقتباس:
انا متعودة فى المدرسة على ان المدرسين دول اصحابى و اخواتى و مكنتش بخجل اسألهم بل بالعكس أما الكلية فالله اعلم الكل خوفنى و الله و قالولى ان الدكاترة دول رخمين و انا لما بحب المدرس بحب مادته و بتفوق فيها انا اللى اصلا حول مسار حياتى و خلانى ادخل علمى و كنت الحمد لله من المتفوقات هو مدرس الكيميا بتاعى اللى بجد حبيته اوى و خلانى مغرمة و مجنونة بالكيميا و تصادف انه فى سنة ادانى احياء خلانى برده حبيتها رغم انها كانت عدوتى اللدود و الحمد لله انا من الأوائل معاه ^_^ ربنا يستر فى الكلية اقتباس:
ماليش فيها خالص شكرا اوى لنصايح حضرتك الجميلة اقتباس:
اقتباس:
على فكرة انا كنت و انا فى 2 ثانوى واخدة كيميا و لم استغن لحظة عن مذكرات حضرتك اللى عالمنتدى ربنا يخليك و على فكرة اسم حضرتك مش غريب عليا ^_^ |
ان شاء الله يا لولو تحولى و ابقى طمنينى
عايزين نبقى اصحاب هو التحويل لسا موجود و اللا ايه يا لولو؟ |
اقتباس:
ربنا يبارك فيك يا دكتور عاطف اكيد اسكندرية كانت منورة في الوقت ده انا برضه اول سنة في علوم وانا من اسكندرية يعني زمان المعيد على ايام حضرتك بقى رئيس قسم ولا حتى عميد الكلية |
اقتباس:
كويس اهو فيه ناس معايا فى علوم الكس |
اقتباس:
لا..انا في صيدلة ولكن اول سنة صيدلة اللي هي اعدادي بتتاخد في كلية علوم وكمان معنا طب اسنان |
السلام عليكم
عزيزتي كما قلت واؤكد لكي ان الدكاتره اساتذة طيبين واي سؤال اساليه يعني روحي للدكتور مكتبه واساليه ما يثير الدكتور هو تعطيل المحاضره فلا تساليه اثناء المحاضره واؤكد لكي ان دكاتره كليه العلوم علماء علماء بمعني الكلمه لكن حقهم مهضوم في هذا البلد وستعرفي وستجدي كتير من الشركات الاجنبيه التي تتهافت عليهم المهم اسالي ولا تخافي فهم اباءنا كلنا ----------------- اما الابن د/ احمد ال داخل صيدله اعدادي ستكون في كليه العلوم في الشاطبي ولا تقلق ومتزعلش من الناس بتوع الكيمياء في الاول هم طيبين لكن هيشدوا عليكم عشان بس يحسسك بالمسئوليه والاعتماد علي النفس ---------------------- واطلب منكم في النهايه ان تطمنوني عليكم واي اسئله علميه انا تحت امركم وفقكم الله |
اقتباس:
ربنا معاك ان شاء الله:rolleyes: اقتباس:
و لو اى حاجة عزتها ان شاء الله حقول لحضرتك بجد بجد مرسى ربنا يكرمك :d هم دول المدرسين و اللا بلاش:d |
السلام عليكم
أسف على التأخير رمضان كريم و كل عام و أنتم بخير إيه وصلتى لإيه عموماّ ده الكلام اللي كنت حأقوله يوم الجمعه و قبل ما تروحى الكليه أبقى قولى لى بالنسبه للجان فهما 7 لجان إحتمال اضافة لجنة السنة دى اللجنة الأولى : الثقافية تهتم بالندوات الثقافية والدينية و التحقيقات والشعر والزجل ....... و كل سنه بيجى الداعية محمد هداية و غيره اللجنة التانيه : إجتماعية و رحلات باينة من أسمها و تشمل أيضاّ زيارات لملاجئ الأيتام و ......يعنى مش رحلات بس اللجنه الثاثه : رياضيه و هى مش ولاد بس بنات كمان فتنظم اللجنه فرق قدم و باسكت و طايره ...........و بنعمل دورى فى ملاعب محرم بك اللجنه الرابعه : الفنيه لها انشطة كتير كالرسم عشان عندنا مرسم فى الكليه و التمثيل عشان عندنا فريق مسرح و بنعمل مسرحية كل سنة و عندنا مخرجين و كمان الغناء وده ملكيش فيه ههههه اللجنه الخامسه : جواله وخدمه عامه بتهتم بشغل الجواله و بأيام الخدمه العامه فى الكليه اللجنه السادسه : الأسر بتتكون من مجاميع من الطلبه و بيكونوا كأسره واحده و كل أسره لها أسم و بيشتغلوا مع بعض فى أنشطه كتيرة اللجنه السابعه والأخيره : البحث العلمى و التكنولوجيا كل واحد بيتقيد فى لجنه واحده بس و ده على الورق و لكن كلنا بنشتغل فى كل اللجان وده ملخص صغير عن اللجان |
ميرسى أوى يا دكتور عملتلها من البحر طحينة أنا مقولتلهاش أرمى نفسك فى البحر و بعدين أنا فاهم نظام الكليه أكتر من أى حد على فكره أنا فى الأتحاد و عندنا طلبه كتير أوى نفسهم يدخلوا القايمه يعنى مش بنشحت و عايز أقولك حاجه بلاش تتأثرى بكلام أى حد من أول ما يكلمك عشان مينفعش الكلام ده فى الكليه
|
أساساّ ملكيش دعوه بالكلام القديم إللي قالهولك لأن الكليه نظامها أتغير وبقى credit hour حاجه تانيه خالص و التخصصات أتغيرت و حاجات كتير أتغيرت و إيه تقعدى قدام و تحضرى كل المحاضرات و الكلام ده , أنتي بس إللى تقررى إيه اللى ممكن تحضريه و أيه اللى لأ لأن فى دكاتره حضور محاضرتهم مضيعه للوقت و لازم حتشترى المذكرات و الملازم و تاخدى كورسات لأن المحاضره مش كفايه و على فكره تقديرى جيدجداّ ..........................................ok باى
|
السلام عليكم
الابن البار // سامي عزت اولا احييك علي التقدير وان كنت انا كلامي قديم فاشكرك علي الحديث وبعدين يا سيدي انا كنت ايامها في الاتحاد ده وتركته فعلا عموما انت اعلم مني بالاتحاد وما يجري فيه ومن يكونه ومن له اليد الطولي فيه وبعدين يا سيدي انت تعرض فكره وانا اعرض فكره وان كنت انت طالب في الكليه اعتقد برضو انني خريج نفس الكليه وحاصل علي الماجستير واعلم ما لاتعلمه عن اساتذتي الكرام واعتقد ان الكليه زمان افضل بكتير من الان والان الكليه تحاول بل الجامعه تحاول استعادة مكانتها القديمه بين العالم كله مع دعواتي لك بالتوفيق والسلام |
جميلة اوى المتابعة اللى فى الموضوع دا :)
ربنا يوفقكم جميعا الى ما يحبه ويرضاه شىء جميل اوى من مستر عاطف متابعته معاكم وخصوصا انه فعلا خريج قديم وكل عام وانتم بخير ، ،، |
اقتباس:
انا ميالة اكيد لرأى ست الحبايب و مستر عاطف الراااااائع ربنا يكرمك يا مستر و متشكرة اوى و يا سامى يمكن لما ادخل الكلية و اشوف حمشى فيها ازاى اغير رأيى انا رايحة يوم التلات او الاربع اقدم و اشوف بنفسى أما حتة المحاضرات فمفيش حاجة اسمها اقتباس:
مع احترامى لتقديرك بس كل واحد فينا له طريقته اللى من خلالها بتوصله المعلومة انا حتى فى ثانوية عامة كنت بذاكر من كتب الوزارة و مبحبش المذكرات و الملازم هو حتى لو دكتور وحش اكيد حستفيد منه و لو 1% و ده كويس و حشيله على راسى من فوق كمان ثانكس سامى اوى و ربنا يوفقك |
أنا فى علوم اسكندرية ولسه محول النهارده أنا كنت فى تجارة ومجموعى يجيب علوم
الحمد لله قدمت النهارده وعملت الكشف الطبى ودفعت المصاريف أحب أوجه تحياتى لزملائى فى الكلية ولكاتبة الموضوع وتحية خاصة لدكتور أحمد حبيب الأسماعيلية |
اقتباس:
هى خلاص الأسماء جتلهم؟ يعنى اروح بكرة؟ لأنى لما رحت الأسبوع اللى فات قالى ان اسماء اللى تحولوا لسا مجتش فتعالى بعد 10 ايام احكيلنا عن التقديم انا معرفش اصلا انا حعمل ايه و المصاريف اد ايه و هل كانت زحمة؟ هى طبعا فى مبنى الكلية اللى فى الشاطبى. مش كدة؟ مرسى اوى ليك |
انا خلاص رحت و قدمت الحمد لله و دفعت المصاريف و كله
بس فى حاجة غبية نسيت أسأل عن معاد الدخول و استلام الكارنية حد يعرف هو الكارنية امتى؟ و الدخول امتى؟ افيدونااااااااااااااااا ^_^ |
الدخول عادي زي كل الناس يوم 20/9
والكارنيه اللي عرفته انه قبل الدراسة بيومين تلاته يعني في الاسبوع اللي قبل الدراسة يعني مش دلوقتي |
اقتباس:
شكرا اوى ان شاء الله اروح يوم 17 علشان اخده شكرا للافادة |
السلام عليكم..
هو التحويل بين الاقسام متاح لغاية امتى؟ |
و عليكم السلام
انا مش عرفة بس اظن لغاية اول شهر بس انا مش واثقة حد يأكد المعلومة ياريت مفيش اخبار يا محمد عن موضوع التحويل بتاعك؟ |
اصل انا بالنسبة لموضوع القسم (جيوفيزياء)اختارته عشان كنت لازم اقدم لأن مش هسافر كل يوم.
لكن لسه محتار بين الجيوفزياء و الاحصاء و الحاسب الآلي و الفيزياء. طبعا انا كان نفسي ادخل كيمياء خاصة "سبيشيال بس المنصورة مافيهاش لطلبة الرياضة. بالنسبة للتحويل لسه مفيش اخبار . اصل زي ما انا قلت ان الموضوع مبهم و غامض. متشكر جدا على سؤالك .. |
اقتباس:
ان شاء الله تكون فى اسكندرية و ربنا يعمل اللى فيه الخير |
انشاء الله ..
أنا كنت سألت في علوم الشاطبي و قالولي ان نظام الساعات المعتمدة هيطبق في اسكندرية و الجمهورية كلها. بس قالولي ان اللائحة لسه مجتش. جت بقى ولا لسه؟ |
اسفة اننى ببارك متأخر بس حبيت اقولك مبروووووك وان شاء الله نشوف بعض هناك
|
جميع الأوقات بتوقيت GMT +2. الساعة الآن 08:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.