|
كتاب النصائح الذهبية لطلاب المرحلة الثانوية 2016
1 مرفق
السلام عليكم ورحمة الله وبركاته . أخوكم في الله من دفعة عام 2014 ، وفقني الله إلى تجاوز هذه المرحلة على خير ، وحصلت بفضل الله وحده على مجموع يسمح لي بدخول الكلية التي تمنيتها وتمناها لي والديّ ، وخلال هذا العام تعرفت على أشياء أحسب أن الله إنما عرفني إياها ﻷنقلها لكم ، وكذلك عايشت تجارب فاشلة لبعض زملائي ، فرأيت أن أحذركم منها . اعتمدت في هذا الكتاب على تجربة شخصية عشتها ، وتجارب آخرين سمعتها ومقالات قرأتها ، وأخرى من بنات أفكاري ربما لو عاد بي الزمن لجربتها قبل أن أنقلها إليكم ، وربما أجربها في المرحلة الجامعية بإذن الله . وأعتذر عن أي أخطاء لغوية أو معنوية ربما تقابلونها . أسأل الله أن يكون هذا العمل خالصًا لوجهه ، وأسأله أن ينفعكم به ، وأن يوفقكم ويبلغكم ما تحبون . من مقدمة الكتاب =============== في هذا الكتاب : * أشياء ينبغي أن تعلمها قبل دخولك في جو الثانوية العامة . * كيف تصلح علاقتك مع ربك ، وكيف تدمج بين المذاكرة والعبادة . * كيف تختار المدرّس ، وكيف تختار المجموعة التي تشاركك الدروس . * كتاب المدرسة أم الملخّص ؟ وما نوعية الملخصات التي تقابلك خلال العام . * كيف تجهز مكان المذاكرة ، وكيف تحضّر مكتبك . * كيف تحصل على أفضل النتائج من القراءة ، الاستماع ، الكتابة ، المشاهدة ... * تعلم مهارات بسيطة في تطبيقها ، عظيمة في نتائجها . =============== هل هناك جديد في نسخة هذا العام ؟ قمت بمراجعة سريعة للكتاب قبل أن أعيد نشره هذا العام ، لم أغير سوى بعض اﻷخطاء اللغوية التي صادفتني و أعدت صياغة بعض الكلمات لئلا تُفهم خطأً .. في الواقع يمكنك أن تقول أنني لم أضف شيئًا جديدًا ؛ لذلك لم أغير حتى التاريخ المدون على الغلاف . =============== أعتذر للغاية ، فقد كان يُفترض بهذا الكتاب - الصغير - أن يكون له جزءٌ ثانٍ يتناول المواضيع التي لم يتناولها الجزء الأول ، ولكن بعد شروعي في كتابة الجزء الثاني ، تعرضت لظروف شاء الله أن تحول بيني وبين متابعة الكتابة فيه . =============== أرجو من المشرف أن يقوم بحذف الموضوع القديم ، حاولت مراسلته لكن لم أستطع بسبب قلة عدد مشاركاتي عن الحد الأدنى . |
انا دفعه السنه اللي فاتت
لسه مخلصه امتحانات وافتكر ان نزلت الكتاب ده واسلوب حضرتك راائع جداا جزاك الله خير |
اقتباس:
وجزاك خيرًا |
والله الثانويه العامه اصغر بكتيييير انها تحتاج نصـائح ..!!
|
جزاك الله خيرا
هو ايه المذكرات اللي حضرتك كنت بتشتغل منها من البوابة |
جزاك الله خيرا
|
اقتباس:
والمجهود المبذول ، و كمية الدروس ، والاهتمام اللي من كل الناس صغيرين وكبار بالثانوية العامة ؛ بتحس إنه ممكن شوية نصايح تفيد الناس اللي في المرحلة دي :) وبعدين النصائح اللي ف الكتاب أغلبها نصايح عامة ، أنا مستفيد منها حتى الآن في الدراسة الجامعية . - ولما نقابل ناس - زي حضرتك - مش بتدي الثانوية أكبر من حجمها ، لازم نحييهم . :) اقتباس:
- المعمل في الكيمياء : ودي اعتمدت عليها اعتماد كلي ( بعد اعتمادي على ربنا طبعًا ) و مستخدمتش معاها أي مذكرات أو أي ملخصات تانية . - العربي : تلخيص الأدب ، س و ج في القراءة والقصة لأستاذ عبد العزيز كويس . وحاجات تانية صغيرة زي تجميعة بلاغة ، و التعبير . كنت بستفيد من أغلب المذكرات ، ومكنتش بعتمد عليهم ، كان اعتمادي الأساسي - بعد الله - على الأضواء . وطبعًا أقسام المراجعة فيها كنوز :) استفدت منها في كل الفروع اقتباس:
وجزاك خيرًا وبارك فيك |
طب نصائح حضرتك ايه للطلبة اللي داخليين 2 ثانوي علمي ان شاء الله ؟!:)
|
اقتباس:
استمتع ! متخنقش نفسك من دلوقتي :d لكن حاول تقوّي نفسك في المواد التراكمية علشان تسهل على نفسك في سنة تالتة .. زي الإنجليزي والنحو والفرنساوي ( ناس كتير وأنا منهم شايفين الفرنساوي مادة سهلة مش محتاجة يعني بس زيادة اطمئنان ) وغيرهم بقى على حسب شعبتك . لكن -بالنسبالي - شايف إن أهم حاجتين تركز عليهم الإنجليزي والنحو ، علشان بيبقى صعب تتمكن منهم ف تالتة لو مكانتش عندك خلفية كويسة . متنساش تستمتع ^_^ |
للرفع ....
|
المرفقات تالفة
برجاء اعادة رفع الملف |
خايف أموت من غير ما اشوف
تغير الظروف. تغير الوشوش.. وتغير الصنوف. والمحدوفين ورا متبسمين في أول الصفوف. خايف أموت وتموت معايا الفكرة لا ينتصر كل اللي حبيته.. ولا يتهزم كل اللى كنت أكره.. اتخيلوا الحسرة. |
1 مرفق
أعدت رفعه في المرفقات
وهذا رابط ميديافاير في حال تعطل رابط المرفقات مرة أخرى: MediaFire شكرًا على التنبيه |
تسلم ربنا يجعله في ميزان حسناتك
|
شكرا جدا على هذا الكتاب
|
النصائح الذهبية لبتوع الثانوية العامة ۩ علشان تجيب مجموع
النصائح الذهبية لبتوع الثانوية العامة ۩ علشان تجيب مجموع
أولاً : الدروس الخصوصية *طبعاً الكل عارف إن الدروس سلاح ذو حدين .... بمعنى ..... قد توديك في داهية و في نفس الوقت مش هتجيب مجموع من غيرها : طيب و العمل : * الدروس كلها تبقى في يومين ــ نأخذ الرياضة كمثال علشان كله بياخدها ــ درس الرياضة بيبقى يومين في الأسوع و لنفترض السبت و الثلاثاء * يبقى باقي دروسك كلها يتوزعوا على السبت و الثلاثاء * و متقوليش مش هفهم حاجة و ههيس لأ هتفهم و مش هتهيس ... شيل الفكرة المتخلفة دي من دماغك * يبقى يوم السبت و الثلاثاء مش هتروح المدرسة .... و تاخد شنطتك على ظهرك و تحط فيها الملازم و الكتب الخاصة بالدروس اللي عليك في اليوم ده سواء السبت أو الثلاثاء و أكنك في المدرسة بتاخد حصص *هتتطلع من درس كذا على كذا و تراعي إن يبقى في فرق توقيت بين الإتنين علشان و أنت في الطريق تضربلك طبق كشري ولا كباية قصب و تروح بدري * مفيش حاجة إسمها مش هعرف أوفق دروسي كلها في يومين ... لأ هتعرف .... مدرسين الثانوية اللي بيدوا في سنتر شغالين 24 ساعة و لو مدرس هيجيلك البيت مثلاً أو عند صاحبك في بيته تتفقوا معاه * إوعى تبوظ مواعيدك و هنعرف ليه في الملاحظات الهامة في نهاية الموضوع. * اليومين اللي فيهم الدروس متذاكرش فيهم حاجة علشان هتبقى بتضحك على نفسك ... ما ينفعش 3 دروس مثلاً في اليوم و تروح تذاكر كمان .. ثانياً : نظام المذاكرة * هتجيب فرخ جلاد من اللي كان الخطاط بيعمل عليه لوح الفصل * هتقسمه أربع أرباع * كل ربع تقسمه سبع أجزاء * بمعنى ... الشهر في أربعة أسابيع كل ربع يساوي أسبوع * و كل أسبوع فيه سبعة أيام اللي هما السبع أجزاء اللي حوا كل ربع * طيب ... قلنا إن الدروس كلها في يومين ( السبت و الثلاثاء ) .... يبقى يوم السبت و الثلاثاء في الجدول تكتب فيهم ( دروس ) * باقي الأيام بقى ــ ناخد الأحد كمثال ــ تكتب في خانة يوم الأحد مثلاً ( واجب العربي + إمتحان إنجليزي + نصف واجب الرياضة + أي حاجة على حسب دماغك ).... و إوعى تنام قبل ما تخلص اللي عليك في اليوم * مش شرط تكتب من الساعة كذا للساعة كذا هذاكر عربي و من الساعة كذا للساعة كذا هذاكر إنجليزي ..... لأ ده نظام فاشل .... أنت عيش براحتك بس أهم حاجة قبل ما تنام تكون مخلص اللي عليك في اليوم ده. ثالثاً : الترفيه *طبعاً مش معقول مش هنرفه عن نفسنا .... مستحيل * إبتعد كل البعد عن ألعاب الكمبيوتر و السايبر ..... خراب ديار ياباااا * و بالنسبة لسيلك رود متقوليش بوت و مش بوت .... اللعبة في دماغك برضه و شغلاك * عاوز تستمتع بجد إنزل إلعب حاجة بدنية .... يعني كورة .. إضرب أخوك و غلس عليه .. كده يعني * لو متابع حاجة في التلفزيون زي برنامج مثلاً أو مسلسل على الـ MBC Action مفيش مانع بس متكملش بعديها و تقول إيه ده ده الفيلم الفلاني جاي النهاردة :shuriken: رابعاً : ملاحظات هامة * إوعى تفرش دروسك على مدار الأسبوع علشان لو عندك درس فرنساوي مثلاً يبقى مش هتذاكر حاجة قبليه غير الفرنساوي و ده طبيعي و غير كده أنت بعد الدرس فيها ساعة وقت ضايع عقبال ما تروح أو توصل صاحبك مثلاً و هتروح البيت منهك و هتاخد وقت علشان تعرف تفوق و تبدأ تكمل مذاكرة * إحنا فرضنا إن الدروس هتبقى السبت و الثلاثاء .... يبقى أنت تيجي يوم الجمعة و الإثنين تراجع علشان لو عندك تسنيع كلمات أو إمتحان حصة * لو مدرس قالك عاوزين نغير ميعاد الدرس نخليه يوم خميس مثلاً ( و أنت الخميس عندك فاضي مفهوش دروس تانية ) قولوا لأ و إوعى توافق ... و إذا أصر متروحش و روح حصة تانية .... صدقني لو وافقته هتخسر أكتر ما هتكسب * الكت من الدروس .... إحذر إحذر إحذر إحذر إحذر ....ليه 5 إحذر؟؟ ... علشان لو كتيت حصة و قلت هعوضها بعدين هيحصل كالآتي - هتتسحب تاني و هتكت مرة و إتنين و تلاتة بعد كده .... هو الموضوع واقف على مرة و صدقوني في دي بالذات أنا إختبرتها - هتضطر تنزل في يوم مخصوص علشان تعوض الحصة اللي فاتتك فبالتالي هتبوظ يوم من الجدول علشان دلع سعادتك - هييجي واحد يقولك ده كان يوم جامد و فلان و فلان و فلان جايين معانا يابني تعالى معانا دي حصة ملهاش لزمة أهو ده بقى كده لو سمعت كلامه هتبقى ــ على رأي هاني رمزي ــ لبست خاذوق كبيييييييير و مغري هيبقى كسرلك حاجز البداية و هتكت بعدها تاني و تالت و عيش * إحذر إحذر إحذر برضه العادة السرية .... دي بقى أُس كل المصايب .... علشان دي بتعمل إحساس شديد بالملل و ده هيخليك تكت من الدروس علشان تفرفش و برضه هتروح كاتت بعديها تاني و تفتح معاك * ما تفكرش نفسك سوبرمان .... بمعنى متجيش تقول أنا النهاردة تعبان و تبوط يوم في الجدول و تقول هدوس على نفسي و أعوضه مع اليوم اللي بعده .... مش هتعرف * مش علشان مدرس قالك إن أنت ذكي و دماغك نضيفة تفتكر برضه نفسك سوبرمان .... هع هع هع كان ملايين غيرك أشطر .... برضه متفوتش يوم في الجدول ..... أو تعمل العادة السرية و تقول لأ مش هتأئر بيها و هذاكر بعدها .... لأ هتتأثر و مش هتذاكر * صلي و إدعي .... الصلاة بتفصل البني آدم و تهديه نفسيأً و تعمل حاجز بينه و بين المشتتات ( العادة السرية ) و بتخش تاني على المذاكرة تلاقي نفسك مفتوحة http://silkroad4arab.com/vb/archive/.../t-260952.html http://www.mediafire.com/file/8zuemv...D8%A9+2016.pdf |
| جميع الأوقات بتوقيت GMT +2. الساعة الآن 05:30 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.